ഭയഹാരക ശിവ സ്തോത്രം

|| ഭയഹാരക ശിവ സ്തോത്രം ||

വ്യോമകേശം കാലകാലം വ്യാലമാലം പരാത്പരം|

ദേവദേവം പ്രപന്നോഽസ്മി കഥം മേ ജായതേ ഭയം|

ശൂലഹസ്തം കൃപാപൂർണം വ്യാഘ്രചർമാംബരം ശിവം|

വൃഷാരൂഢം പ്രപന്നോഽസ്മി കഥം മേ ജായതേ ഭയം|

അഷ്ടമൂർതിം മഹാദേവം വിശ്വനാഥം ജടാധരം|

പാർവതീശം പ്രപന്നോഽസ്മി കഥം മേ ജായതേ ഭയം|

സുരാസുരൈശ്ച യക്ഷശ്ച സിദ്ധൈശ്ചാഽപി വിവന്ദിതം|

മൃത്യുഞ്ജയം പ്രപന്നോഽസ്മി കഥം മേ ജായതേ ഭയം|

നന്ദീശമക്ഷരം ദേവം ശരണാഗതവത്സലം|

ചന്ദ്രമൗലിം പ്രപന്നോഽസ്മി കഥം മേ ജായതേ ഭയം|

ലോഹിതാക്ഷം ഭവാംബോധിതാരകം സൂര്യതേജസം|

ശിതികണ്ഠം പ്രപന്നോഽസ്മി കഥം മേ ജായതേ ഭയം|

ശങ്കരം ലോകപാലം ച സുന്ദരം ഭസ്മധാരിണം|

വാമദേവം പ്രപന്നോഽസ്മി കഥം മേ ജായതേ ഭയം|

ത്രിനേത്രം ത്രിപുരധ്വാന്തധ്വംസിനം വിശ്വരൂപിണം|

വിരൂപാക്ഷം പ്രപന്നോഽസ്മി കഥം മേ ജായതേ ഭയം|

കൈലാസശൈലനിലയം തപഃസക്തം പിനാകിനം|

കണ്ഠേകാലം പ്രപന്നോഽസ്മി കഥം മേ ജായതേ ഭയം|

പ്രീതാത്മാനം മഹൈശ്വര്യദാനം നിർവാണരൂപിണം|

ഗംഗാധരം പ്രപന്നോഽസ്മി കഥം മേ ജായതേ ഭയം|

യ ഇദം സ്തോത്രരത്നാഖ്യം ശിവസ്യ ഭയഹാരകം|

പഠേദനുദിനം ധീമാൻ തസ്യ നാസ്തി ഭയം ഭുവി|

Found a Mistake or Error? Report it Now