|| Dasavidyamayi Bala Stotram ||
śrīkālī bagalāmukhī ca lalitā dhūmāvatī bhairavī
mātaṅgī bhuvanēśvarī ca kamalā śrīrvajravairōcanī |
tārā pūrvamahāpadēna kathitā vidyā svayaṁ śambhunā
līlārūpamayī ca dēśadaśadhā bālā tu māṁ pātu sā || 1 ||
śyāmāṁ śyāmaghanāvabhāsarucirāṁ nīlālakālaṅkr̥tāṁ
bimbōṣṭhīṁ baliśatruvanditapadāṁ bālārkakōṭiprabhām |
trāsatrāsakr̥pāṇamuṇḍadadhatīṁ bhaktāya dānōdyatāṁ
vandē saṅkaṭanāśinīṁ bhagavatīṁ bālāṁ svayaṁ kālikām || 2 ||
brahmāstrāṁ sumukhīṁ bakāravibhavāṁ bālāṁ balākīnibhāṁ
hastanyastasamastavairirasanāmanyē dadhānāṁ gadām |
pītāṁ bhūṣaṇagandhamālyarucirāṁ pītāmbarāṅgāṁ varāṁ
vandē saṅkaṭanāśinīṁ bhagavatīṁ bālāṁ bagalāmukhīm || 3 ||
bālārkadyutibhaskarāṁ trinayanāṁ mandasmitāṁ sanmukhīṁ
vāmē pāśadhanurdharāṁ suvibhavāṁ bāṇaṁ tathā dakṣiṇē |
pārāvāravihāriṇīṁ paramayīṁ padmāsanē saṁsthitāṁ
vandē saṅkaṭanāśinīṁ bhagavatīṁ bālāṁ svayaṁ ṣōḍaśīm || 4 ||
dīrghāṁ dīrghakucāmudagradaśanāṁ duṣṭacchidāṁ dēvatāṁ
kravyādāṁ kuṭilēkṣaṇāṁ ca kuṭilāṁ kākadhvajāṁ kṣutkr̥śām |
dēvīṁ śūrpakarāṁ malīnavasanāṁ tāṁ pippalādārcitām |
bālāṁ saṅkaṭanāśinīṁ bhagavatīṁ dhyāyāmi dhūmāvatīm || 5 ||
udyatkōṭidivākarapratibhaṭāṁ bālārkabhākarpaṭāṁ
mālāpustakapāśamaṅkuśavarān daityēndramuṇḍasrajām |
pīnōttuṅgapayōdharāṁ trinayanāṁ brahmādibhiḥ saṁstutāṁ
bālāṁ saṅkaṭanāśinīṁ bhagavatīṁ śrībhairavīṁ dhīmahi || 6 ||
vīṇāvādanatatparāṁ trinayanāṁ mandasmitāṁ sanmukhīṁ
vāmē pāśadhanurdharāṁ tu nikarē bāṇaṁ tathā dakṣiṇē |
pārāvāravihāriṇīṁ paramayīṁ brahmāsanē saṁsthitāṁ
vandē saṅkaṭanāśinīṁ bhagavatīṁ mātaṅginīṁ bālikām || 7 ||
udyatsūryanibhāṁ ca indumukuṭāmindīvarē saṁsthitāṁ
hastē cāruvarābhayaṁ ca dadhatīṁ pāśaṁ tathā cāṅkuśam |
citrālaṅkr̥tamastakāṁ trinayanāṁ brahmādibhiḥ sēvitāṁ
vandē saṅkaṭanāśinīṁ ca bhuvanēśīmādibālāṁ bhajē || 8 ||
dēvīṁ kāñcanasannibhāṁ trinayanāṁ phullāravindasthitāṁ
bibhrāṇāṁ varamabjayugmamabhayaṁ hastaiḥ kirīṭōjjvalām |
prālēyācalasannibhaiśca karibhirāsiñcyamānāṁ sadā
bālāṁ saṅkaṭanāśinīṁ bhagavatīṁ lakṣmīṁ bhajē cēndirām || 9 ||
sañchinnaṁ svaśirō vikīrṇakuṭilaṁ vāmē karē bibhratīṁ
tr̥ptāsyāṁ svaśarīrajaiśca rudhiraiḥ santarpayantīṁ sakhīm |
sadbhaktāya varapradānaniratāṁ prētāsanādhyāsinīṁ
bālāṁ saṅkaṭanāśinīṁ bhagavatīṁ śrīchinnamastāṁ bhajē || 10 ||
ugrāmēkajaṭāmanantasukhadāṁ dūrvādalābhāmajāṁ
kartrīkhaḍgakapālanīlakamalān hastairvahantīṁ śivām |
kaṇṭhē muṇḍasrajāṁ karālavadanāṁ kañjāsanē saṁsthitāṁ
vandē saṅkaṭanāśinīṁ bhagavatīṁ bālāṁ svayaṁ tāriṇīm || 11 ||
mukhē śrī mātaṅgī tadanu kila tārā ca nayanē
tadantaṅgā kālī bhr̥kuṭisadanē bhairavi parā |
kaṭau chinnā dhūmāvatī jaya kucē śrīkamalajā
padāṁśē brahmāstrā jayati kila bālā daśamayī || 12 ||
virājanmandāradrumakusumahārastanataṭī
paritrāsatrāṇa sphaṭikaguṭikā pustakavarā |
galē rēkhāstisrō gamakagatigītaikanipuṇā
sadā pītā hālā jayati kila bālā daśamayī || 13 ||
iti śrīmērutantrē śrī daśavidyāmayī bālā stōtram |
Found a Mistake or Error? Report it Now
