दशावताराची आरती PDF मराठी

दशावताराची आरती मराठी Lyrics

|| दशावताराची आरती PDF ||

आरती सप्रेम जय जय विठ्ठल परब्रह्म ।
भक्त संकटि नानास्वरूपीं स्थापिसि स्वधर्म ॥

अंबऋषीकारणें गर्भवास सोशीसी ।
वेद नेले चोरूनि ब्रह्मया आणुनिया देसी ॥
मत्स्यरूपी नारायण सप्तहि सागर धुंडीसी ।
हस्त लागता शंखासुरा तुझा वर देसी ॥

आरती सप्रेम जय जय विठ्ठल परब्रह्म..

रसातळासी जाता पृथ्वी पाठीवर घेसी ।
परोपकरासाठी देवा कासव झालासी ॥
दाढे धरुनी पृथ्वी नेता वराहरूप होसी ।
प्रल्हादाकारणे स्तंभी नरहरि गुरगुरसी ॥

आरती सप्रेम जय जय विठ्ठल परब्रह्म..

पाचवे अवतारी बळिच्या द्वाराला जासी ।
भिक्षे स्थळ मागुनी बळीला पाताळा नेसी ॥
सर्व समर्पण केलं म्हणुनी प्रसन्न त्या होसी ।
वामनरूप धरुनी बळिच्या द्वारी तिष्ठसी ॥

आरती सप्रेम जय जय विठ्ठल परब्रह्म..

सहस्त्रार्जुन मातला जमदग्नीचा वध केला ।
कष्टी ते रेणुका म्हणुनी सहस्त्रार्जुन वधिला ॥
निःक्षत्री पृथ्वी दान दिधली विप्राला ।
सहावा अवतार परशुराम प्रगटला ॥

आरती सप्रेम जय जय विठ्ठल परब्रह्म..

मातला रावण सर्वा उपद्रव केला ।
तेहतिस कोटी देव बंदी हरिले सीतेला ॥
पितृवचनालागी रामे वनवास केला ।
मिळोनि वानरसहित राजा राम प्रगटला ॥

आरती सप्रेम जय जय विठ्ठल परब्रह्म..

देवकीवसुदेवबंदीमोचन त्वा केले ।
नंदाघरी जाउनी निजसुख गोकुळा दिधले ।
गोरसचोरी करिता नवलक्ष गोपाळ मिळविले ।
गोपिकांचे प्रेम देखुनि श्रीकृष्ण भुलले ॥

आरती सप्रेम जय जय विठ्ठल परब्रह्म..

बौद्ध कलंकी कलियुगी झाला अधर्म हा अवघा ।
सोडुनी दिधला धर्म म्हणुनी न दिससी देवा ॥
म्लेंच्छमर्दन करिसी ह्मणोनि कलंकी केशवा ।
बहिरवि जान्हवी द्यावी निजसुखानंदाची सेवा ॥

आरती सप्रेम जय जय विठ्ठल परब्रह्म..