श्रीदत्तगोरक्षनाथकवचस्तवराजः

|| श्रीदत्तगोरक्षनाथकवचस्तवराजः ||

श्रीगणेशाय नमः ।
श्रीदत्तात्रेयाय नमः ।
ॐ नमो दत्तगोरक्षनाथाय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
पूर्वायै इन्द्राय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
आग्नेय्यै अग्नेदेवतायै नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
दक्षिणायै यमाय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
नैरृत्यै निरृतिनाथाय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
पश्चिमे वरुणाय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
वायव्यां वायवे नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
उत्तराशायां कुबेराय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
ईशान्यां ईश्वराय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
ऊर्ध्वायां अर्थश्वेदपाय नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
अधो दिशि भूमिदेवतायै नमः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ।
मध्ये प्रकाशा ज्योतिदेवतायै नमः ॥

पार्वत्युवाच –
नमस्ते देवदेवेश विश्वव्यापिन्महेश्वर ।
श्रीदत्तगोरक्षकवचं स्तवराजं वद प्रभो ॥ १॥

श्री ईश्वर उवाच –
श‍ृणु शैलसुते सत्यसिद्धमार्गमयोदितम् ।
ज्ञानविज्ञानमार्गेण जीवन्मुक्तो भवेन्नरः ॥ २॥

सर्वज्ञत्वं कार्यसिद्धिं लभते वरमुत्तमम् ।
वाक्सिद्धिं योगसिद्धिं च लभते चिन्तितार्थकम् ॥ ३॥

न दुष्टेभ्यः प्रदातव्यं न दातव्यं कुलेश्वरि ।
निष्प्रपञ्चाय शिष्याय दद्यात्सविधिपूर्वकम् ॥ ४॥

रहस्यातिरहस्यं च मम वक्त्राद्विनिर्गतम् ।
एकान्ते निर्जले रम्ये सरित्सिन्धुतटे नगे ॥ ५॥

बिल्वस्थलालये जप्त्वा कुलमार्गे शुभस्थले ।
सर्वसिद्धेश्वरो साक्षात्प्राप्यते नात्र संशयः ॥ ६॥

पार्वत्युवाच –
अल्पायासेन देवेश पठेन्नित्यं स लभ्यते ।
दत्तगोरक्षकवचं स्तवराजं मयोदितम् ॥ ७॥

न्यासं ध्यानं च संयुक्तो जपपूजा विशेषतः ।
सर्वसिद्धिप्रदो नित्यं मयानुग्रहकारकम् ॥ ८॥

श्री ईश्वर उवाच –
तव भक्ताय शान्ताय पठनाच्चिन्तितं लभेत् ।
सुरासुरजनाग्रे च न मया कथितं प्रिये ॥ ९॥

ॐ अस्य श्रीदत्तगोरक्षकवचमन्त्रस्य सदाशिव ऋषिः ।
अनुष्टुप्छन्दः । श्रीदत्तात्रेयगोरक्षपरमात्मा देवता ।
ॐ बीजम् । अनुभव शक्तिः ।
श्रीदत्तगोरक्षप्रसादसिद्धर्थे जपे विनियोगः ॥ १०॥

अथ करन्यासः ।
ॐ द्रां घ्रां अङ्गुष्ठाभ्यां नमः ॥

ॐ तं रं तर्जनीभ्यां नमः ॥

ॐ त्रं क्षं मध्यमाभ्यां नमः ॥

ॐ अं नं अनामिकाभ्यां नमः ॥

ॐ बं थं कनिष्ठिकाभ्यां नमः ॥

ॐ द्रां ह्रीं करतलकरपृष्ठाभ्यां नमः ॥ ११॥

अथ हृदयादिन्यासः ।
ॐ द्रां घ्रां हृदयाय नमः ।
ॐ तं रं शिरसे स्वाहा ।
ॐ त्रं क्षं शिखायै वषट् ।
ॐ अं नं कवचाय हुम् ।
ॐ बं थं नेत्रत्रयाय वौषट् ।
ॐ द्रां ह्रीं अस्राय फट् ॥ इति दिग्बन्धः ॥

सर्वरक्षणार्थे सर्वसिद्ध्यर्थे जपे विनियोगः ॥ १२॥

॥ अथ गायत्री ॥

ॐ आदिरूपाय विद्महे ॐ अनादिरूपाय धीमहि ।
तन्नो दत्तगोरक्षप्रचोदयात् ॥ १३॥

॥ अथ मन्त्रः ॥

ॐ ॐ दं वं तं ॐ ॐ ॐ दत्तगोरक्षसिद्धाय नमः ॥

इति जप्त्वा शतत्रयम् ॥ १४॥

॥ अथ ध्यानम् ॥

दिगम्बरं त्रिगुणात्मकं नारायणं निरञ्जनं योगेश्वरम् ॥

ॐ अनादिनाथं सर्वव्यापियोगिं सकलेश्वरम् ॥

चिन्मयं ज्योतिरूपं निराधारं सोऽहं ब्रह्मसनातनम् ॥

घोररूपं महाघोरं अष्टाङ्गयोगसिद्धिसिद्धेश्वरम् ॥ १५॥

ॐ नमो भगवते दत्तात्रेयाय विष्णवे ।
गुरुपरमात्मने वासुदेवाय नमोऽस्तुते ।
ॐ नमो गोरक्षनाथाय रुद्राय त्रैलोक्याधिपतये ।
जितेन्द्रियाय सनातनाय नमोऽस्तुते ॥ १६॥

शिखायां पातु गोरक्षं ब्रह्मरन्ध्रेच दत्तकम् ।
भाले गोरक्षनाथश्च दत्तात्रेयो भुवस्थले ॥ १७॥

चक्षुभ्यां घोरयोगीन्द्र गर्भयोगीन्द्र कर्णकौ ।
पाहि मां दत्तगोरक्ष वामदक्षिणनासिकाम् ॥ १८॥

मुखे गोरक्षनाथं च दत्तं चैवाधरोष्ठके ।
जिह्वाया पातु गोरक्षं दन्तान्पातु चिबुत्रकम् ॥ १९॥

अनसूयासुतं कण्ठे गोरक्षं कण्ठपृष्ठके ।
वामदक्षिणहस्तौ च दत्तगोरक्ष पाहि माम् ॥ २०॥

सत्सेना हृदये पातु दत्तगोरक्षदैवतम् ।
कट्या नाभिं च मां पातु दत्तगोरक्ष योगिनाम् ॥ २१॥

ऊरौ जङ्घादिलिङ्गातं पातु गोरक्षदत्तकम् ।
पादौ पादतलान्तं च दत्तगोरक्ष पाहिमाम् ॥ २२॥

मस्तकापादपर्यन्तं आपादतलमस्तकम् ।
दत्तात्रेयं च गोरक्षं पातु मां सर्वतस्तनुः ॥ २३॥

दिशाष्टौ च तथाऽऽकाशं पाताले विदिशाष्टके ।
दिवारात्रौ त्रिवेलायां दत्तगोरक्ष पाहि माम् ॥ २४॥

जलाग्निघोरयुद्धे च शस्त्रघाते विषत्तके ।
रक्ष रक्ष सदा देव दत्तगोरक्षदैवतम् ॥ २५॥

मन्त्रादि यन्त्रतन्त्राणां कल्पकोटिन्यकृत्तिमम् ।
रक्ष रक्ष सदा देव दत्तगोरक्षदैवतम् ॥ २६॥

अग्निपार्थे चौरसर्पे व्याघ्रदुष्टभये वने ।
रक्ष रक्ष सदा देव दत्तगोरक्षदैवतम् ॥ २७॥

भूतप्रेतपिशाचोग्रकूष्माण्डा भैरवादयः ।
डाकिनीशाकिनीकृत्या पादगोरक्षदत्तकम् ॥ २८॥

स्वर्गपातालभूलोके यत्र यत्र भवेत्शिवम् ।
तत्र रक्षतु गोरक्षं दत्तात्रेयश्च पातु माम् ॥ २९॥

ॐ नमो देवदेवेश नमो देवाधिनायक ।
नमो गोरक्षनाथाय दत्तात्रेय नमो नमः ॥ ३०॥

नमो ऋग्वेदरूपाय नमो यजुस्वरूपिणे ।
नमो गोरक्षनाथाय दत्तात्रेय नमो नमः ॥ ३१॥

नमो सामस्वरूपाय नमोऽथर्वणरूपिणे ।
नमोऽस्तु नवनाथाय नमो षोडशसिद्धये ॥ ३२॥

नमो अनादिदेवाय नमो आदिस्वरूपिणे ।
नमो वेदस्वरूपाय नमो सिद्धान्तरूपिणे ॥ ३३॥

नमो निर्मलरूपाय नमो चिन्मयव्यापिने ।
नमो विद्युत्स्वरूपाय नमो ज्योतिस्वरूपिणे ॥ ३४॥

नमो अघोररूपाय नमो निष्कर्मरूपिणे ।
नमो विश्वस्वरूपाय नमो सर्वस्वरूपिणे ॥ ३५॥

नमो अनन्तरूपाय नमो बोधस्वरूपिणे ।
नमो सकलस्वरूपाय नमो वज्रस्वरूपिणे ॥ ३६॥

नमो कल्मषनाशाय नमो पापप्रणाशिने ।
नमो चारुस्वरूपाय नमो दिव्यस्वरूपिणे ॥ ३७॥

नमो दुष्टप्रणाशाय नमो दैत्यान्तकाय च ।
नमो अधर्मनाशाय नमो धर्मस्वरूपिणे ॥ ३८॥

नमो निष्कर्मरूपाय नमो कर्मान्तकाय च ।
नमो भस्माङ्गरागाय नमो दिगम्बराय च ॥ ३९॥

नमो सुस्मितवक्त्राय नमो सुस्मितलोचन ।
नमो द्वेषविनाशाय नमो क्रोधान्तकाय च ॥ ४०॥

नमो निःशङ्करूपाय नमो वैराग्यरूपिणे ।
नमो मङ्गलरूपाय नमो कल्याणरूपिणे ॥ ४१॥

ऋद्धिसिद्धिफलं दाता भुक्तिमुक्तिप्रदायकम् ।
नमोऽस्तु दत्तगोरक्षं संसारार्णवतारणम् ॥ ४२॥

इति दत्तस्तवं दिव्यं दत्तगोरक्षकं शुभम् ।
पठनाल्लभते शैवं वाक्सिद्धिर्देहसिद्धिदम् ॥ ४३॥

योगसिद्धिः सर्वसिद्धिः इष्टसिद्धिर्लभन्ति च ।
दुष्टदानवसंहर्ता निर्भयो जायते नरः ॥ ४४॥

न मृत्युर्न जरा रोगं निर्भयो जायते नरः ।
तत्रैव विजयो लाभो यत्र तिष्ठति साधकः ॥ ४५॥

स्वशक्तिसहितादेव नवनाथेषु बोधना ।
सगणशक्तिसहिता देव प्रसन्नसङ्क्रमात् ॥ ४६॥

ॐ नमो दत्तात्रेयाय नमो नमोऽस्तु
ॐ विष्णुस्वरूपाय नमो नमोऽस्तु ।
ॐ नमो गोरक्षनाथाय नमो नमस्ते
ॐ शिवस्वरूपाय नमो नमस्ते ॥ ४७॥

इति श्रीरुद्रयामले श्रीईश्वरपार्वतीसंवादे
दत्तगोरक्षनाथकवचस्तवराजं सम्पूर्णम् ।

श्रीदत्तात्रेयार्पणमस्तु । शुभमस्तु । श्रीरस्तु ॥

ॐ शान्तिः शान्तिः शान्तिः ॥

Found a Mistake or Error? Report it Now