શ્રી દત્તાત્રેયાષ્ટકમ્ PDF ગુજરાતી

શ્રી દત્તાત્રેયાષ્ટકમ્ ગુજરાતી Lyrics

|| શ્રી દત્તાત્રેયાષ્ટકમ્ ||

શ્રીદત્તાત્રેયાય નમઃ .

આદૌ બ્રહ્મમુનીશ્વરં હરિહરં સત્ત્વં-રજસ્તામસં
બ્રહ્માણ્ડં ચ ત્રિલોકપાવનકરં ત્રૈમૂર્તિરક્ષાકરમ્ .
ભક્તાનામભયાર્થરૂપસહિતં સોઽહં સ્વયં ભાવયન્
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

વિશ્વં વિષ્ણુમયં સ્વયં શિવમયં બ્રહ્મામુનીન્દ્રોમયં
બ્રહ્મેન્દ્રાદિસુરાગણાર્ચિતમયં સત્યં સમુદ્રોમયમ્ .
સપ્તં લોકમયં સ્વયં જનમયં મધ્યાદિવૃક્ષોમયં
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

આદિત્યાદિગ્રહા સ્વધાઋષિગણં વેદોક્તમાર્ગે સ્વયં
વેદં શાસ્ત્ર-પુરાણપુણ્યકથિતં જ્યોતિસ્વરૂપં શિવમ્ .
એવં શાસ્ત્રસ્વરૂપયા ત્રયગુણૈસ્ત્રૈલોક્યરક્ષાકરં
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

ઉત્પત્તિ-સ્થિતિ-નાશકારણકરં કૈવલ્યમોક્ષપ્રદં
કૈલાસાદિનિવાસિનં શશિધરં રુદ્રાક્ષમાલાગલમ્ .
હસ્તે ચાપ-ધનુઃશરાશ્ચ મુસલં ખટ્વાઙ્ગચર્માધરં
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

શુદ્ધં ચિત્તમયં સુવર્ણમયદં બુદ્ધિં પ્રકાશોમયં
ભોગ્યં ભોગમયં નિરાહતમયં મુક્તિપ્રસન્નોમયમ્ .
દત્તં દત્તમયં દિગમ્બરમયં બ્રહ્માણ્ડસાક્ષાત્કરં
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

સોઽહંરૂપમયં પરાત્પરમયં નિઃસઙ્ગનિર્લિપ્તકં
નિત્યં શુદ્ધનિરઞ્જનં નિજગુરું નિત્યોત્સવં મઙ્ગલમ્ .
સત્યં જ્ઞાનમનન્તબ્રહ્મહૃદયં વ્યાપ્તં પરોદૈવતં
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

કાષાયં કરદણ્ડધારપુરુષં રુદ્રાક્ષમાલાગલં
ભસ્મોદ્ધૂલિતલોચનં કમલજં કોલ્હાપુરીભિક્ષણમ્ .
કાશીસ્નાનજપાદિકં યતિગુરું તન્માહુરીવાસિતં
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

કૃષ્ણાતીરનિવાસિનં નિજપદં ભક્તાર્થસિદ્ધિપ્રદં
મુક્તિં દત્તદિગમ્બરં યતિગુરું નાસ્તીતિ લોકાઞ્જનમ્ .
સત્યં સત્યમસત્યલોકમહિમા પ્રાપ્તવ્યભાગ્યોદયં
સોઽહં દત્તદિગમ્બરં વસતુ મે ચિત્તે મહત્સુન્દરમ્ ..

ઇતિ શ્રીમચ્છઙ્કરાચાર્યવિરચિતં શ્રીદત્તાષ્ટકં સમ્પૂર્ણમ્ .