ಶ್ರೀ ದತ್ತಾತ್ರೇಯಾಷ್ಟಕಂ

|| ಶ್ರೀ ದತ್ತಾತ್ರೇಯಾಷ್ಟಕಂ ||

ಶ್ರೀದತ್ತಾತ್ರೇಯಾಯ ನಮಃ .

ಆದೌ ಬ್ರಹ್ಮಮುನೀಶ್ವರಂ ಹರಿಹರಂ ಸತ್ತ್ವಂ-ರಜಸ್ತಾಮಸಂ
ಬ್ರಹ್ಮಾಂಡಂ ಚ ತ್ರಿಲೋಕಪಾವನಕರಂ ತ್ರೈಮೂರ್ತಿರಕ್ಷಾಕರಂ .
ಭಕ್ತಾನಾಮಭಯಾರ್ಥರೂಪಸಹಿತಂ ಸೋಽಹಂ ಸ್ವಯಂ ಭಾವಯನ್
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ವಿಶ್ವಂ ವಿಷ್ಣುಮಯಂ ಸ್ವಯಂ ಶಿವಮಯಂ ಬ್ರಹ್ಮಾಮುನೀಂದ್ರೋಮಯಂ
ಬ್ರಹ್ಮೇಂದ್ರಾದಿಸುರಾಗಣಾರ್ಚಿತಮಯಂ ಸತ್ಯಂ ಸಮುದ್ರೋಮಯಂ .
ಸಪ್ತಂ ಲೋಕಮಯಂ ಸ್ವಯಂ ಜನಮಯಂ ಮಧ್ಯಾದಿವೃಕ್ಷೋಮಯಂ
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ಆದಿತ್ಯಾದಿಗ್ರಹಾ ಸ್ವಧಾಋಷಿಗಣಂ ವೇದೋಕ್ತಮಾರ್ಗೇ ಸ್ವಯಂ
ವೇದಂ ಶಾಸ್ತ್ರ-ಪುರಾಣಪುಣ್ಯಕಥಿತಂ ಜ್ಯೋತಿಸ್ವರೂಪಂ ಶಿವಂ .
ಏವಂ ಶಾಸ್ತ್ರಸ್ವರೂಪಯಾ ತ್ರಯಗುಣೈಸ್ತ್ರೈಲೋಕ್ಯರಕ್ಷಾಕರಂ
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ಉತ್ಪತ್ತಿ-ಸ್ಥಿತಿ-ನಾಶಕಾರಣಕರಂ ಕೈವಲ್ಯಮೋಕ್ಷಪ್ರದಂ
ಕೈಲಾಸಾದಿನಿವಾಸಿನಂ ಶಶಿಧರಂ ರುದ್ರಾಕ್ಷಮಾಲಾಗಲಂ .
ಹಸ್ತೇ ಚಾಪ-ಧನುಃಶರಾಶ್ಚ ಮುಸಲಂ ಖಟ್ವಾಂಗಚರ್ಮಾಧರಂ
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ಶುದ್ಧಂ ಚಿತ್ತಮಯಂ ಸುವರ್ಣಮಯದಂ ಬುದ್ಧಿಂ ಪ್ರಕಾಶೋಮಯಂ
ಭೋಗ್ಯಂ ಭೋಗಮಯಂ ನಿರಾಹತಮಯಂ ಮುಕ್ತಿಪ್ರಸನ್ನೋಮಯಂ .
ದತ್ತಂ ದತ್ತಮಯಂ ದಿಗಂಬರಮಯಂ ಬ್ರಹ್ಮಾಂಡಸಾಕ್ಷಾತ್ಕರಂ
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ಸೋಽಹಂರೂಪಮಯಂ ಪರಾತ್ಪರಮಯಂ ನಿಃಸಂಗನಿರ್ಲಿಪ್ತಕಂ
ನಿತ್ಯಂ ಶುದ್ಧನಿರಂಜನಂ ನಿಜಗುರುಂ ನಿತ್ಯೋತ್ಸವಂ ಮಂಗಲಂ .
ಸತ್ಯಂ ಜ್ಞಾನಮನಂತಬ್ರಹ್ಮಹೃದಯಂ ವ್ಯಾಪ್ತಂ ಪರೋದೈವತಂ
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ಕಾಷಾಯಂ ಕರದಂಡಧಾರಪುರುಷಂ ರುದ್ರಾಕ್ಷಮಾಲಾಗಲಂ
ಭಸ್ಮೋದ್ಧೂಲಿತಲೋಚನಂ ಕಮಲಜಂ ಕೋಲ್ಹಾಪುರೀಭಿಕ್ಷಣಂ .
ಕಾಶೀಸ್ನಾನಜಪಾದಿಕಂ ಯತಿಗುರುಂ ತನ್ಮಾಹುರೀವಾಸಿತಂ
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ಕೃಷ್ಣಾತೀರನಿವಾಸಿನಂ ನಿಜಪದಂ ಭಕ್ತಾರ್ಥಸಿದ್ಧಿಪ್ರದಂ
ಮುಕ್ತಿಂ ದತ್ತದಿಗಂಬರಂ ಯತಿಗುರುಂ ನಾಸ್ತೀತಿ ಲೋಕಾಂಜನಂ .
ಸತ್ಯಂ ಸತ್ಯಮಸತ್ಯಲೋಕಮಹಿಮಾ ಪ್ರಾಪ್ತವ್ಯಭಾಗ್ಯೋದಯಂ
ಸೋಽಹಂ ದತ್ತದಿಗಂಬರಂ ವಸತು ಮೇ ಚಿತ್ತೇ ಮಹತ್ಸುಂದರಂ ..

ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ಶ್ರೀದತ್ತಾಷ್ಟಕಂ ಸಂಪೂರ್ಣಂ .

Found a Mistake or Error? Report it Now