ଶ୍ରୀ ଦତ୍ତାତ୍ରେୟାଷ୍ଟକମ୍

|| ଶ୍ରୀ ଦତ୍ତାତ୍ରେୟାଷ୍ଟକମ୍ ||

ଶ୍ରୀଦତ୍ତାତ୍ରେୟାୟ ନମଃ ।

ଆଦୌ ବ୍ରହ୍ମମୁନୀଶ୍ୱରଂ ହରିହରଂ ସତ୍ତ୍ୱଂ-ରଜସ୍ତାମସଂ
ବ୍ରହ୍ମାଣ୍ଡଂ ଚ ତ୍ରିଲୋକପାବନକରଂ ତ୍ରୈମୂର୍ତିରକ୍ଷାକରମ୍ ।
ଭକ୍ତାନାମଭୟାର୍ଥରୂପସହିତଂ ସୋଽହଂ ସ୍ୱୟଂ ଭାବୟନ୍
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

ବିଶ୍ୱଂ ବିଷ୍ଣୁମୟଂ ସ୍ୱୟଂ ଶିବମୟଂ ବ୍ରହ୍ମାମୁନୀନ୍ଦ୍ରୋମୟଂ
ବ୍ରହ୍ମେନ୍ଦ୍ରାଦିସୁରାଗଣାର୍ଚିତମୟଂ ସତ୍ୟଂ ସମୁଦ୍ରୋମୟମ୍ ।
ସପ୍ତଂ ଲୋକମୟଂ ସ୍ୱୟଂ ଜନମୟଂ ମଧ୍ୟାଦିବୃକ୍ଷୋମୟଂ
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

ଆଦିତ୍ୟାଦିଗ୍ରହା ସ୍ୱଧାଋଷିଗଣଂ ବେଦୋକ୍ତମାର୍ଗେ ସ୍ୱୟଂ
ବେଦଂ ଶାସ୍ତ୍ର-ପୁରାଣପୁଣ୍ୟକଥିତଂ ଜ୍ୟୋତିସ୍ୱରୂପଂ ଶିବମ୍ ।
ଏବଂ ଶାସ୍ତ୍ରସ୍ୱରୂପୟା ତ୍ରୟଗୁଣୈସ୍ତ୍ରୈଲୋକ୍ୟରକ୍ଷାକରଂ
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

ଉତ୍ପତ୍ତି-ସ୍ଥିତି-ନାଶକାରଣକରଂ କୈବଲ୍ୟମୋକ୍ଷପ୍ରଦଂ
କୈଲାସାଦିନିବାସିନଂ ଶଶିଧରଂ ରୁଦ୍ରାକ୍ଷମାଲାଗଲମ୍ ।
ହସ୍ତେ ଚାପ-ଧନୁଃଶରାଶ୍ଚ ମୁସଲଂ ଖଟ୍ୱାଙ୍ଗଚର୍ମାଧରଂ
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

ଶୁଦ୍ଧଂ ଚିତ୍ତମୟଂ ସୁବର୍ଣମୟଦଂ ବୁଦ୍ଧିଂ ପ୍ରକାଶୋମୟଂ
ଭୋଗ୍ୟଂ ଭୋଗମୟଂ ନିରାହତମୟଂ ମୁକ୍ତିପ୍ରସନ୍ନୋମୟମ୍ ।
ଦତ୍ତଂ ଦତ୍ତମୟଂ ଦିଗମ୍ବରମୟଂ ବ୍ରହ୍ମାଣ୍ଡସାକ୍ଷାତ୍କରଂ
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

ସୋଽହଂରୂପମୟଂ ପରାତ୍ପରମୟଂ ନିଃସଙ୍ଗନିର୍ଲିପ୍ତକଂ
ନିତ୍ୟଂ ଶୁଦ୍ଧନିରଞ୍ଜନଂ ନିଜଗୁରୁଂ ନିତ୍ୟୋତ୍ସବଂ ମଙ୍ଗଲମ୍ ।
ସତ୍ୟଂ ଜ୍ଞାନମନନ୍ତବ୍ରହ୍ମହୃଦୟଂ ବ୍ୟାପ୍ତଂ ପରୋଦୈବତଂ
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

କାଷାୟଂ କରଦଣ୍ଡଧାରପୁରୁଷଂ ରୁଦ୍ରାକ୍ଷମାଲାଗଲଂ
ଭସ୍ମୋଦ୍ଧୂଲିତଲୋଚନଂ କମଲଜଂ କୋଲ୍ହାପୁରୀଭିକ୍ଷଣମ୍ ।
କାଶୀସ୍ନାନଜପାଦିକଂ ଯତିଗୁରୁଂ ତନ୍ମାହୁରୀବାସିତଂ
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

କୃଷ୍ଣାତୀରନିବାସିନଂ ନିଜପଦଂ ଭକ୍ତାର୍ଥସିଦ୍ଧିପ୍ରଦଂ
ମୁକ୍ତିଂ ଦତ୍ତଦିଗମ୍ବରଂ ଯତିଗୁରୁଂ ନାସ୍ତୀତି ଲୋକାଞ୍ଜନମ୍ ।
ସତ୍ୟଂ ସତ୍ୟମସତ୍ୟଲୋକମହିମା ପ୍ରାପ୍ତବ୍ୟଭାଗ୍ୟୋଦୟଂ
ସୋଽହଂ ଦତ୍ତଦିଗମ୍ବରଂ ବସତୁ ମେ ଚିତ୍ତେ ମହତ୍ସୁନ୍ଦରମ୍ ॥

ଇତି ଶ୍ରୀମଚ୍ଛଙ୍କରାଚାର୍ୟବିରଚିତଂ ଶ୍ରୀଦତ୍ତାଷ୍ଟକଂ ସମ୍ପୂର୍ଣମ୍ ।

Found a Mistake or Error? Report it Now