|| Deva Krita Shiva Stuti ||
dēvā ūcuḥ |
namaḥ sahasranētrāya namastē śūlapāṇinē |
namaḥ khaṭvāṅgahastāya namastē daṇḍadhāriṇē || 1 ||
tvaṁ dēvahutabhugjvālā kōṭibhānusamaprabhaḥ |
adarśanē vayaṁ dēva mūḍhavijñānatōdhunā || 2 ||
namastrinētrārtiharāya śambhō
triśūlapāṇē vikr̥tāsyarūpa |
samasta dēvēśvara śuddhabhāva
prasīda rudrā:’cyuta sarvabhāva || 3 ||
bhagāsya dantāntaka bhīmarūpa
pralamba bhōgīndra luluntakaṇṭha |
viśāladēhācyuta nīlakaṇṭha
prasīda viśvēśvara viśvamūrtē || 4 ||
bhagākṣi saṁsphōṭana dakṣakarmā
gr̥hāṇa bhāgaṁ makhataḥ pradhānam |
prasīda dēvēśvara nīlakaṇṭha
prapāhi naḥ sarvaguṇōpapanna || 5 ||
sītāṅgarāgā pratipannamūrtē
kapāladhāriṁstripuraghnadēva |
prapāhi naḥ sarvabhayēṣu caikaṁ
umāpatē puṣkaranālajanma || 6 ||
paśyāmi tē dēhagatān surēśa
sargārayōvēdavarānananta |
sāṅgan savidyān sapadakramāṁśca
sarvānnilīnāṁstvayi dēvadēva || 7 ||
bhava śarva mahādēva pinākin rudra tē hara |
natāḥ sma sarvē viśvēśa trāhi naḥ paramēśvara || 8 ||
iti śrīvarāhapurāṇāntargata dēvakr̥ta śivastutiḥ |
Found a Mistake or Error? Report it Now
