देवगन्धर्वादिभिः कृतं श्रीकृष्णस्तोत्रम् PDF संस्कृत

देवगन्धर्वादिभिः कृतं श्रीकृष्णस्तोत्रम् संस्कृत Lyrics

|| देवगन्धर्वादिभिः कृतं श्रीकृष्णस्तोत्रम् ||

ततो देवाः सगन्धर्वा आकाशेऽधिष्ठितास्तदा ।
तुष्टुवुः पुण्डरीकाक्षं वाग्भिरिष्टाभिरीश्वरम् ॥ १॥

जय देव जगन्नाथ नय विष्णो जगत्पते ।
जयाजेय नमो देव भूतभावनभावन ॥ २॥

नमः परमसिंहाय दैत्यदानवनाशन ।
जयाजेय हरे देव योगिध्येय भयापह ॥ ३॥

नारायण नमो देव कृष्ण कृष्ण हरे हरे ।
आदिकर्तः पुराणात्मन् ब्रह्मयोने सनातन ॥ ४॥

नमस्ते सकलेशाय निर्गुणाय गुणात्मने ।
भक्तप्रियाय भक्ताय नमो दानवनाशन ।
अचिन्त्यमूर्तये तुभ्यं नमस्ते सकलेश्वर ॥ ५॥

इति हरिवंशान्तर्गतं देवगन्धर्वादिभिः कृतं
श्रीकृष्णस्तोत्रं सम्पूर्णम् ।