देवैः कृतं कपिलमुनिस्तोत्रम्

|| देवैः कृतं कपिलमुनिस्तोत्रम् ||

देवा ऊचुः ।
नमस्ते योगिने तुभ्यं साङ्ख्ययोगरताय च ।
नररूपप्रतिच्छन्नजिष्णवे विष्णवे नमः ॥ ८२॥

नमः परेशभक्ताय लोकानुग्रहहेतवे ।
संसारारण्यदावाग्ने धर्मपालनसेतवे ॥ ८३॥

महते वीतरागाय तुभ्यं भूयो नमो नमः ।
सागरैः पीडितानस्मांस्त्रायस्व शरणागतान् ॥ ८४॥

इति श्रीबृहन्नारदीयपुराणे पूर्वभागे अष्टाध्यायान्तर्गतं
देवैः कृतं कपिलमुनिस्तोत्रं समाप्तम् ।

Found a Mistake or Error? Report it Now