ಗಣಾಧಿಪ ಅಷ್ಟಕ ಸ್ತೋತ್ರ PDF ಕನ್ನಡ

ಗಣಾಧಿಪ ಅಷ್ಟಕ ಸ್ತೋತ್ರ ಕನ್ನಡ Lyrics

|| ಗಣಾಧಿಪ ಅಷ್ಟಕ ಸ್ತೋತ್ರ ||

ಶ್ರಿಯಮನಪಾಯಿನೀಂ ಪ್ರದಿಶತು ಶ್ರಿತಕಲ್ಪತರುಃ
ಶಿವತನಯಃ ಶಿರೋವಿಧೃತಶೀತಮಯೂಖಶಿಶುಃ.

ಅವಿರತಕರ್ಣತಾಲಜಮರುದ್ಗಮನಾಗಮನೈ-
ರನಭಿಮತಂ ಧುನೋತಿ ಚ ಮುದಂ ವಿತನೋತಿ ಚ ಯಃ.

ಸಕಲಸುರಾಸುರಾದಿಶರಣೀಕರಣೀಯಪದಃ
ಕರಟಿಮುಖಃ ಕರೋತು ಕರುಣಾಜಲಧಿಃ ಕುಶಲಂ.

ಪ್ರಬಲತರಾಂತರಾಯತಿಮಿರೌಘನಿರಾಕರಣ-
ಪ್ರಸೃಮರಚಂದ್ರಿಕಾಯಿತನಿರಂತರದಂತರುಚಿಃ.

ದ್ವಿರದಮುಖೋ ಧುನೋತು ದುರಿತಾನಿ ದುರಂತಮದ-
ತ್ರಿದಶವಿರೋಧಿಯೂಥಕುಮುದಾಕರತಿಗ್ಮಕರಃ.

ನತಶತಕೋಟಿಪಾಣಿಮಕುಟೀತಟವಜ್ರಮಣಿ-
ಪ್ರಚುರಮರೀಚಿವೀಚಿಗುಣಿತಾಂಗ್ರಿನಖಾಂಶುಚಯಃ.

ಕಲುಷಮಪಾಕರೋತು ಕೃಪಯಾ ಕಲಭೇಂದ್ರಮುಖಃ
ಕುಲಗಿರಿನಂದಿನೀಕುತುಕದೋಹನಸಂಹನನಃ.

ತುಲಿತಸುಧಾಝರಸ್ವಕರಶೀಕರಶೀತಲತಾ-
ಶಮಿತನತಾಶಯಜ್ವಲದಶರ್ಮಕೃಶಾನುಶಿಖಃ.

ಗಜವದನೋ ಧಿನೋತು ಧಿಯಮಾಧಿಪಯೋಧಿವಲ-
ತ್ಸುಜನಮನಃಪ್ಲವಾಯಿತಪದಾಂಬುರುಹೋಽವಿರತಂ.

ಕರಟಕಟಾಹನಿರ್ಗಲದನರ್ಗಲದಾನಝರೀ-
ಪರಿಮಲಲೋಲುಪಭ್ರಮದದಭ್ರಮದಭ್ರಮರಃ.

ದಿಶತು ಶತಕ್ರತುಪ್ರಭೃತಿನಿರ್ಜರತರ್ಜನಕೃ-
ದ್ದಿತಿಜಚಮೂಚಮೂರುಮೃಗರಾಡಿಭರಾಜಮುಖಃ.

ಪ್ರಮದಮದಕ್ಷಿಣಾಂಘ್ರಿವಿನಿವೇಶಿತಜೀವಸಮಾ-
ಘನಕುಚಕುಂಭಗಾಢಪರಿರಂಭಣಕಂಟಕಿತಃ.

ಅತುಲಬಲೋಽತಿವೇಲಮಘವನ್ಮತಿದರ್ಪಹರಃ
ಸ್ಫುರದಹಿತಾಪಕಾರಿಮಹಿಮಾ ವಪುಷೀಢವಿಧುಃ.

ಹರತು ವಿನಾಯಕಃ ಸ ವಿನತಾಶಯಕೌತುಕದಃ
ಕುಟಿಲತರದ್ವಿಜಿಹ್ವಕುಲಕಲ್ಪಿತಖೇದಭರಂ.

ನಿಜರದಶೂಲಪಾಶನವಶಾಲಿಶಿರೋರಿಗದಾ-
ಕುವಲಯಮಾತುಲುಂಗಕಮಲೇಕ್ಷುಶರಾಸಕರಃ.

ದಧದಥ ಶುಂಡಯಾ ಮಣಿಘಟಂ ದಯಿತಾಸಹಿತೋ
ವಿತರತು ವಾಂಛಿತಂ ಝಟಿತಿ ಶಕ್ತಿಗಣಾಧಿಪತಿಃ.

ಪಠತು ಗಣಾಧಿಪಾಷ್ಟಕಮಿದಂ ಸುಜನೋಽನುದಿನಂ
ಕಠಿನಶುಚಾಕುಠಾವಲಿಕಠೋರಕುಠಾರವರಂ.

ವಿಮತಪರಾಭವೋದ್ಭಟನಿದಾಘನವೀನಘನಂ
ವಿಮಲವಚೋವಿಲಾಸಕಮಲಾಕರಬಾಲರವಿಂ.