ଗଣାଧିପାଷ୍ଟକମ୍ (Ganadhipashtakam Odia)

ଶ୍ରିୟମନପାୟିନୀଂ ପ୍ରଦିଶତୁ ଶ୍ରିତକଲ୍ପତରୁଃ
ଶିବତନୟଃ ଶିରୋବିଧୃତଶୀତମୟୂଖଶିଶୁଃ ।
ଅବିରତକର୍ଣତାଲଜମରୁଦ୍ଗମନାଗମନୈ-
ରନଭିମତଂ (ଧୁନୋତି ଚ ମୁଦଂ) ବିତନୋତି ଚ ଯଃ ॥

ସକଲସୁରାସୁରାଦିଶରଣୀକରଣୀୟପଦଃ
କରଟିମୁଖଃ କରୋତୁ କରୁଣାଜଲଧିଃ କୁଶଲମ୍ ।
ପ୍ରବଲତରାନ୍ତରାୟତିମିରୌଘନିରାକରଣ-
ପ୍ରସୃମରଚନ୍ଦ୍ରିକାୟିତନିରନ୍ତରଦନ୍ତରୁଚିଃ ॥

ଦ୍ୱିରଦମୁଖୋ ଧୁନୋତୁ ଦୁରିତାନି ଦୁରନ୍ତମଦ-
ତ୍ରିଦଶବିରୋଧିୟୂଥକୁମୁଦାକରତିଗ୍ମକରଃ ।
ନତଶତକୋଟିପାଣିମକୁଟୀତଟବଜ୍ରମଣି-
ପ୍ରଚୁରମରୀଚିବୀଚିଗୁଣିତାଙ୍ଗ୍ରିନଖାଂଶୁଚୟଃ ॥

କଲୁଷମପାକରୋତୁ କୃପୟା କଲଭେନ୍ଦ୍ରମୁଖଃ
କୁଲଗିରିନନ୍ଦିନୀକୁତୁକଦୋହନସଂହନନଃ ।
ତୁଲିତସୁଧାଝରସ୍ୱକରଶୀକରଶୀତଲତା-
ଶମିତନତାଶୟଜ୍ୱଲଦଶର୍ମକୃଶାନୁଶିଖଃ ॥

ଗଜବଦନୋ ଧିନୋତୁ ଧିୟମାଧିପୟୋଧିବଲ-
ତ୍ସୁଜନମନଃପ୍ଲବାୟିତପଦାମ୍ବୁରୁହୋଽବିରତମ୍ ।
କରଟକଟାହନିର୍ଗଲଦନର୍ଗଲଦାନଝରୀ-
ପରିମଲଲୋଲୁପଭ୍ରମଦଦଭ୍ରମଦଭ୍ରମରଃ ॥

ଦିଶତୁ ଶତକ୍ରତୁପ୍ରଭୃତିନିର୍ଜରତର୍ଜନକୃ-
ଦ୍ଦିତିଜଚମୂଚମୂରୁମୃଗରାଡିଭରାଜମୁଖଃ ।
ପ୍ରମଦମଦକ୍ଷିଣାଙ୍ଘ୍ରିବିନିବେଶିତଜୀବସମା-
ଘନକୁଚକୁମ୍ଭଗାଢପରିରମ୍ଭଣକଣ୍ଟକିତଃ ।

ଅତୁଲବଲୋଽତିବେଲମଘବନ୍ମତିଦର୍ପହରଃ
ସ୍ଫୁରଦହିତାପକାରିମହିମା ବପୁଷୀଢବିଧୁଃ ।
ହରତୁ ବିନାୟକଃ ସ ବିନତାଶୟକୌତୁକଦଃ
କୁଟିଲତରଦ୍ୱିଜିହ୍ୱକୁଲକଲ୍ପିତଖେଦଭରମ୍ ।

ନିଜରଦଶୂଲପାଶନବଶାଲିଶିରୋରିଗଦା-
କୁବଲୟମାତୁଲୁଙ୍ଗକମଲେକ୍ଷୁଶରାସକରଃ ।
ଦଧଦଥ ଶୁଣ୍ଡୟା ମଣିଘଟଂ ଦୟିତାସହିତୋ
ବିତରତୁ ବାଞ୍ଛିତଂ ଝଟିତି ଶକ୍ତିଗଣାଧିପତିଃ ॥

ପଠତୁ ଗଣାଧିପାଷ୍ଟକମିଦଂ ସୁଜନୋଽନୁଦିନଂ
କଠିନଶୁଚାକୁଠାବଲିକଠୋରକୁଠାରବରମ୍ ।
ବିମତପରାଭବୋଦ୍ଭଟନିଦାଘନବୀନଘନଂ
ବିମଲବଚୋବିଲାସକମଲାକରବାଲରବିମ୍ ॥

ଇତି ଗଣାଧିପାଷ୍ଟକଂ ସମ୍ପୂର୍ଣମ୍ ।

Read in More Languages:

Found a Mistake or Error? Report it Now