ഗിരീശ സ്തോത്രം PDF മലയാളം

ഗിരീശ സ്തോത്രം മലയാളം Lyrics

|| ഗിരീശ സ്തോത്രം ||

ശിരോഗാംഗവാസം ജടാജൂടഭാസം
മനോജാദിനാശം സദാദിഗ്വികാസം .
ഹരം ചാംബികേശം ശിവേശം മഹേശം
ശിവം ചന്ദ്രഭാലം ഗിരീശം പ്രണൗമി ..

സദാവിഘ്നദാരം ഗലേ നാഗഹാരം
മനോജപ്രഹാരം തനൗഭസ്മഭാരം .
മഹാപാപഹാരം പ്രഭും കാന്തിധാരം
ശിവം ചന്ദ്രഭാലം ഗിരീശം പ്രണൗമി ..

ശിവം വിശ്വനാഥം പ്രഭും ഭൂതനാഥം
സുരേശാദിനാഥം ജഗന്നാഥനാഥം .
രതീനാഥനാശങ്കരന്ദേവനാഥം
ശിവം ചന്ദ്രഭാലം ഗിരീശം പ്രണൗമി ..

ധനേശാദിതോഷം സദാശത്രുകോഷം
മഹാമോഹശോഷം ജനാന്നിത്യപോഷം .
മഹാലോഭരോഷം ശിവാനിത്യജോഷം
ശിവം ചന്ദ്രഭാലം ഗിരീശം പ്രണൗമി ..

ലലാടേ ച ബാലം ശിവം ദുഷ്ടകാലം
സദാഭക്തപാലം ദധാനങ്കപാലം .
മഹാകാലകാലസ്വരൂപം കരാലം
ശിവം ചന്ദ്രഭാലം ഗിരീശം പ്രണൗമി ..

പരബ്രഹ്മരൂപം വിചിത്രസ്വരൂപം
സുരാണാം സുഭൂപം മഹാശാന്തരൂപം .
ഗിരീന്ദ്രാത്മജാ സംഗൃഹീതാർധരൂപം
ശിവം ചന്ദ്രഭാലം ഗിരീശം പ്രണൗമി ..

സദാഗംഗപാനം സുമോക്ഷാദിദാനം
സ്വഭക്താദിമാനം പ്രഭും സർവജ്ഞാനം .
ഡമരും ത്രിശൂലം കരാഭ്യാം ദധാനം
ശിവം ചന്ദ്രഭാലം ഗിരീശം പ്രണൗമി ..

അജിനാദി ഗോഹം രതീനാഥമോഹം
സദാശത്രുദ്രോഹം ശിവം നിർവിമോഹം .
വിഭും സർവകാലേശ്വരം കാമദ്രോഹം
ശിവം ചന്ദ്രഭാലം ഗിരീശം പ്രണൗമി ..

ദ്വിജന്മാനുസേവം പ്രഭും ദേവദേവം
സദാഭൂതസേവം ഗണേശാദിദേവം .
പതംഗാദിദേവം ഹിരണ്യാദിദേവം
ശിവം ചന്ദ്രഭാലം ഗിരീശം പ്രണൗമി ..

അദേവപ്രമാരം ശിവം സർവസാരം
നരാണാം വിഭാരം ഗണേശാദിപാരം .
മഹാരോഷഹാരം ഹ്യലങ്കാരധാരം
ശിവം ചന്ദ്രഭാലം ഗിരീശം പ്രണൗമി ..

നരോയസ്ത്രികാലേ പഠേദ്ഭക്തിയുക്തഃ
ശിവം പ്രാപ്യ സദ്യസ്ത്രിലോകേ പ്രസിദ്ധം .
ധനം ധാന്യപുത്രം കുടുംബാദിയുക്തം
സമാസാദ്യമിത്രം സുമുക്തിം വ്രജേത്സഃ ..

ഇതി ശ്രീമിശ്രകുഞ്ജവിഹാരിണാകൃതം ഗിരീശസ്തോത്രം സമ്പൂർണം .