ಹರಿಪದಾಷ್ಟಕ ಸ್ತೋತ್ರ

|| ಹರಿಪದಾಷ್ಟಕ ಸ್ತೋತ್ರ ||

ಭುಜಗತಲ್ಪಗತಂ ಘನಸುಂದರಂ
ಗರುಡವಾಹನಮಂಬುಜಲೋಚನಂ.

ನಲಿನಚಕ್ರಗದಾಧರಮವ್ಯಯಂ
ಭಜತ ರೇ ಮನುಜಾಃ ಕಮಲಾಪತಿಂ.

ಅಲಿಕುಲಾಸಿತಕೋಮಲಕುಂತಲಂ
ವಿಮಲಪೀತದುಕೂಲಮನೋಹರಂ.

ಜಲಧಿಜಾಶ್ರಿತವಾಮಕಲೇವರಂ
ಭಜತ ರೇ ಮನುಜಾಃ ಕಮಲಾಪತಿಂ.

ಕಿಮು ಜಪೈಶ್ಚ ತಪೋಭಿರುತಾಧ್ವರೈ-
ರಪಿ ಕಿಮುತ್ತಮತೀರ್ಥನಿಷೇವಣೈಃ.

ಕಿಮುತ ಶಾಸ್ತ್ರಕದಂಬವಿಲೋಕಣೈ-
ರ್ಭಜತ ರೇ ಮನುಜಾಃ ಕಮಲಾಪತಿಂ.

ಮನುಜದೇಹಮಿಮಂ ಭುವಿ ದುರ್ಲಭಂ
ಸಮಧಿಗಮ್ಯ ಸುರೈರಪಿ ವಾಂಛಿತಂ.

ವಿಷಯಲಂಪಟತಾಮವಹಾಯ ವೈ
ಭಜತ ರೇ ಮನುಜಾಃ ಕಮಲಾಪತಿಂ.

ನ ವನಿತಾ ನ ಸುತೋ ನ ಸಹೋದರೋ
ನ ಹಿ ಪಿತಾ ಜನನೀ ನ ಚ ಬಾಂಧವಾಃ.

ವ್ರಜತಿ ಸಾಕಮನೇನ ಜನೇನ ವೈ
ಭಜತ ರೇ ಮನುಜಾಃ ಕಮಲಾಪತಿಂ.

ಸಕಲಮೇವ ಚಲಂ ಸಚರಾಽಚರಂ
ಜಗದಿದಂ ಸುತರಾಂ ಧನಯೌವನಂ.

ಸಮವಲೋಕ್ಯ ವಿವೇಕದೃಶಾ ದ್ರುತಂ
ಭಜತ ರೇ ಮನುಜಾಃ ಕಮಲಾಪತಿಂ.

ವಿವಿಧರೋಗಯುತಂ ಕ್ಷಣಭಂಗುರಂ
ಪರವಶಂ ನವಮಾರ್ಗಮನಾಕುಲಂ.

ಪರಿನಿರೀಕ್ಷ್ಯ ಶರೀರಮಿದಂ ಸ್ವಕಂ
ಭಜತ ರೇ ಮನುಜಾಃ ಕಮಲಾಪತಿಂ.

ಮುನಿವರೈರನಿಶಂ ಹೃದಿ ಭಾವಿತಂ
ಶಿವವಿರಿಂಚಿಮಹೇಂದ್ರನುತಂ ಸದಾ.

ಮರಣಜನ್ಮಜರಾಭಯಮೋಚನಂ
ಭಜತ ರೇ ಮನುಜಾಃ ಕಮಲಾಪತಿಂ.

ಹರಿಪದಾಷ್ಟಕಮೇತದನುತ್ತಮಂ
ಪರಮಹಂಸಜನೇನ ಸಮೀರಿತಂ.

ಪಠತಿ ಯಸ್ತು ಸಮಾಹಿತಚೇತಸಾ
ವ್ರಜತಿ ವಿಷ್ಣುಪದಂ ಸ ನರೋ ಧ್ರುವಂ.

Found a Mistake or Error? Report it Now