श्रीहरितालिकेची आरती PDF मराठी

श्रीहरितालिकेची आरती मराठी Lyrics

।। श्रीहरितालिकेची आरती ।।

जयदेवी हरितालिके। सखी पार्वती अंबिके ।।
आरती ओवाळीतें । ज्ञानदीपकळिके ।। धृ।।

हरअर्धागीं वससी । जासी यज्ञा माहेरासि ।।
तेथे अपमान पावसी । यज्ञकुंडींत गुप्त होसी ।।१।।

रिघसी हिमाद्रीच्या पोटी। कन्या होसी तू गोमटी ।।
उग्र तपश्चर्या मोठी । आचरसी उठाउठी ।। २।।

तापपंचाग्निसाधनें । धूम्रपानें अधोवदनें ।।
केली बहू उपोषणें । शंभु भ्रतारकारणे ।। ३।।

लीला दाखविसी दृष्टी । हें व्रत करिसी लोकांसाठीं ।।
पुन्हा वरिसी धूर्जटी । मज रक्षावें संकटीं ।। ४।।

काय वर्ण तव गुण । अल्पमति नारायण ।।
मातें दाखवीं चरण । चुकवावें जन्म मरण ।। ५।।