হিমালয় স্তুতি

|| হিমালয় স্তুতি ||

ওঁ হিমালয়ায় বিদ্মহে । গঙ্গাভবায় ধীমহি । তন্নো হরিঃ প্রচোদয়াৎ ॥

হিমালয়প্রভাবায়ৈ হিমনদ্যৈ নমো নমঃ ।
হিমসংহতিভাবায়ৈ হিমবত্যৈ নমো নমঃ ॥

অলকাপুরিনন্দায়ৈ অতিভায়ৈ নমো নমঃ ।
ভবাপোহনপুণ্যায়ৈ ভাগীরথ্যৈ নমো নমঃ ॥

সঙ্গমক্ষেত্রপাবন্যৈ গঙ্গামাত্রে নমো নমঃ ।
দেবপ্রয়াগদিব্যায়ৈ দেবনদ্যৈ নমো নমঃ ॥

দেবদেববিনূতায়ৈ দেবভূত্যৈ নমো নমঃ ।
দেবাধিদেবপূজ্যায়ৈ গঙ্গাদেব্যৈ নমো নমঃ ॥

নমঃ শ্রীরামভদ্রায় গঙ্গাতীরালয়ায় চ ।
সর্বোৎকৃষ্টায় শান্তায় গভীরায় নমো নমঃ ॥

ভাগীরথ্যলকানন্দাসঙ্গমাভিমুখায় চ ।
দেবপ্রয়াগদৈবায় রঘুনাথায় তে নমঃ ॥

নমস্সীতাবরাজায় রামচন্দ্রায় বিষ্ণবে ।
সর্বশক্তিপ্রদাত্রে চ সর্বোন্নতায় তে নমঃ ॥

রুদ্রপ্রয়াগনাথায় নারদাগীতশম্ভবে ।
মন্দাকিন্যলকানন্দাসঙ্গমস্থায় তে নমঃ ॥

মন্দাকিন্যভিষিক্তায় কেদারলিঙ্গমূর্তয়ে ।
স্বয়ম্ভূশৈলরূপায় শিবায় ওং নমো নমঃ ॥

শ্রীয়োগনরসিংহায় জ্যোতির্মঠস্থিতায় চ ।
করাবলম্বদৈবায় শ্রীলক্ষ্মীপতয়ে নমঃ ॥

বদরীকাশ্রমস্থায় নারায়ণায় বিষ্ণবে ।
তপোভূমিপ্রশান্তায় যোগনিষ্ঠায় তে নমঃ ॥

বদরীবননাথায় নরনারায়ণায় চ ।
নরোদ্ধারণলীলায় নরানন্দায় তে নমঃ ॥

হিমগঙ্গালকানন্দাভিষিক্তয়োগমূর্তয়ে ।
বদরীশ্রীমহালক্ষ্মীতপোনাথায় তে নমঃ ॥

হৈমশেখরবৃত্তায় নীলকণ্ঠনুতায় চ ।
বসুধারাপ্রবাহায় পুরাণায় নমো নমঃ ॥

গীতাচার্যায় কৃষ্ণায় বাচামগোচরায় চ ।
হিমালয়প্রশান্তিস্থপরানন্দায় তে নমঃ ॥

সদালীনমনস্স্থায় সদানন্দপ্রশান্তয়ে ।
সদাত্মানন্দবোধায় শ্রীকৃষ্ণায় নমো নমঃ ॥

মঙ্গলং হিমরাগায়ৈ গঙ্গামাত্রে সুমঙ্গলম্ ।
মঙ্গলং শিবসদ্ধাম্নে গঙ্গাধরায় মঙ্গলম্ ॥

মঙ্গলং বাসুদেবায় বদরীবনমালিনে ।
মঙ্গলং শ্রীসমেতায় নারায়ণায় মঙ্গলম্ ॥

মঙ্গলং পূর্ণশোভায় হিম্যাচলায় মঙ্গলম্ ।
মঙ্গলং সৌম্যগঙ্গায় মোক্ষধাম্নে সুমঙ্গলম্ ॥

মঙ্গলং রাগহিম্যায় নাদগঙ্গায় মঙ্গলম্ ।
মঙ্গলং ত্যাগরাজায় পুষ্পার্চিতায় মঙ্গলম্ ॥

ইতি সদ্গুরুশ্রীত্যাগরাজস্বামিনঃ শিষ্যযা ভক্তয়া পুষ্পয়া কৃতা হিমালয়স্তুতিঃ গুরৌ সমর্পিতা ।

Found a Mistake or Error? Report it Now