श्री जगद्धात्री स्तोत्रम् PDF संस्कृत

श्री जगद्धात्री स्तोत्रम् संस्कृत Lyrics

श्री जगद्धात्री स्तोत्रम् माँ जगद्धात्री को समर्पित एक दिव्य स्तुति है। ‘जगद्धात्री’ का अर्थ है संसार को धारण करने वाली। यह स्तोत्र देवी के आधार-स्वरूप और पालनकर्ता रूप का गुणगान करता है।

इसमें माँ को शक्तिरूपेण और जगदानन्दे (जगत को आनंद देने वाली) कहकर नमन किया गया है। भक्त उन्हें दुःखमोचनी और सर्वापत्तारिका (सभी विपत्तियों से तारने वाली) के रूप में पूजते हैं। यह स्तोत्र केवल पूजा विधि नहीं, बल्कि जीवन में धैर्य, शक्ति और विजय प्राप्त करने का एक आध्यात्मिक कवच माना जाता है। इसे पढ़ने से मन को गहरी शांति और सकारात्मक ऊर्जा मिलती है।

|| श्री जगद्धात्री स्तोत्रम् (Jagaddhatri Stotram PDF) ||

आधारभूते चाधेये धृतिरूपे धुरन्धरे ।
ध्रुवे ध्रुवपदे धीरे जगद्धात्रि नमोऽस्तु ते ॥ १ ॥

शवाकारे शक्तिरूपे शक्तिस्थे शक्तिविग्रहे ।
शाक्ताचारप्रिये देवि जगद्धात्रि नमोऽस्तु ते ॥ २ ॥

जयदे जगदानन्दे जगदेकप्रपूजिते ।
जय सर्वगते दुर्गे जगद्धात्रि नमोऽस्तु ते ॥ ३ ॥

सूक्ष्मातिसूक्ष्मरूपे च प्राणापानादिरूपिणि ।
भावाभावस्वरूपे च जगद्धात्रि नमोऽस्तु ते ॥ ४ ॥

कालादिरूपे कालेशे कालाकालविभेदिनि ।
सर्वस्वरूपे सर्वज्ञे जगद्धात्रि नमोऽस्तु ते ॥ ५ ॥

महाविघ्ने महोत्साहे महामाये वरप्रदे ।
प्रपञ्चसारे साध्वीशे जगद्धात्रि नमोऽस्तु ते ॥ ६ ॥

अगम्ये जगतामाद्ये माहेश्वरि वराङ्गने ।
अशेषरूपे रूपस्थे जगद्धात्रि नमोऽस्तु ते ॥ ७ ॥

द्विसप्तकोटिमन्त्राणां शक्तिरूपे सनातनि ।
सर्वशक्तिस्वरूपे च जगद्धात्रि नमोऽस्तु ते ॥ ८ ॥

तीर्थयज्ञतपोदानयोगसारे जगन्मयि ।
त्वमेव सर्वं सर्वस्थे जगद्धात्रि नमोऽस्तु ते ॥ ९ ॥

दयारूपे दयादृष्टे दयार्द्रे दुःखमोचनि ।
सर्वापत्तारिके दुर्गे जगद्धात्रि नमोऽस्तु ते ॥ १० ॥

अगम्यधामधामस्थे महायोगीशहृत्पुरे ।
अमेयभावकूटस्थे जगद्धात्रि नमोऽस्तु ते ॥ ११ ॥

इति श्री जगद्धात्री स्तोत्रम् ।