जय देवा हनुमंता – मारुतीची आरती PDF मराठी

जय देवा हनुमंता – मारुतीची आरती मराठी Lyrics

॥ जय देवा हनुमंता – मारुतीची आरती ॥

जय देवा हनुमंता ।
जय अंजनीसुता ॥
ॐ नमो देवदेवा ।
राया रामाच्या दूता ॥
आरती ओवाळीन ।
ब्रह्मचारी पवित्रा ॥

वानरूपधारी ।
ज्याची अंजनी माता ।
हिंडता वनांतरी ।
भेटी झाली रघुनाथा ॥
धन्य तो समभक्त ।
ज्याने मांडिली कथा ॥

जय देवा हनुमंता…

सीतेच्या शोधासाठीं ।
रामे दिधली आज्ञा ॥
उल्लंधुनी समुद्रतीर ।
गेला लंकेच्या भुवना ॥
शोधूनी अशोकवना ।
मुद्रा टाकिली खुणा ॥

जय देवा हनुमंता…

सीतेसी दंडवत ।
दोन्ही कर जोडून ॥
वन हे विध्वंसिले ।
मारिला अखया दारुण ।
परतोनी लंकेवरी ।
तवं केले दहन ॥

जय देवा हनुमंता…

निजबळे इंद्रजित ।
होम करी आपण ॥
तोही त्वां विध्वसिला ।
लघुशंका करून ॥
देखोनी पळताती ।
महाभूते दारुण ॥

जय देवा हनुमंता…

राम हो लक्ष्मण ।
जरी पाताळी नेले ॥
तयांच्या शुद्धीसाठी ।
जळी प्रवेश केले ॥
अहिरावण महिरावण ।
क्षणामाजि मर्दिले ॥

जय देवा हनुमंता…

देउनी भुभुःकार ।
नरलोक आटीले ॥
दीनानाथ माहेरा ।
त्वां स्वामिसी सोडविले ॥
घेऊनी स्वामी खांदी ।
अयोध्येसी आणिले ॥

जय देवा हनुमंता…

हनुमंत नाम तुझे ।
किती वर्ण दातारा ॥
अससी सर्वांठायी ।
हारोहारी अम्बरा ॥
एका जनार्दनी ।
मुक्त झाले संसारा ॥

जय देवा हनुमंता…