|| കാലഭൈരവ അഷ്ടക സ്തോത്രം (Kalbhairav Ashtakam Malayalam PDF) ||
ദേവരാജസേവ്യമാന- പാവനാംഘ്രിപങ്കജം
വ്യാലയജ്ഞസൂത്രമിന്ദുശേഖരം കൃപാകരം.
നാരദാദിയോഗിവൃന്ദവന്ദിതം ദിഗംബരം
കാശികാപുരാധിനാഥ- കാലഭൈരവം ഭജേ.
ഭാനുകോടിഭാസ്വരം ഭവാബ്ധിതാരകം പരം
നീലകണ്ഠമീപ്സിതാർഥ- ദായകം ത്രിലോചനം.
കാലകാലമംബുജാക്ഷ- മക്ഷശൂലമക്ഷരം
കാശികാപുരാധിനാഥ- കാലഭൈരവം ഭജേ.
ശൂലടങ്കപാശദണ്ഡ- പാണിമാദികാരണം
ശ്യാമകായമാദിദേവമക്ഷരം നിരാമയം.
ഭീമവിക്രമം പ്രഭും വിചിത്രതാണ്ഡവപ്രിയം
കാശികാപുരാധിനാഥ- കാലഭൈരവം ഭജേ.
ഭുക്തിമുക്തിദായകം പ്രശസ്തചാരുവിഗ്രഹം
ഭക്തവത്സലം സ്ഥിരം സമസ്തലോകവിഗ്രഹം.
നിക്ക്വണന്മനോജ്ഞഹേമ- കിങ്കിണീലസത്കടിം
കാശികാപുരാധിനാഥ- കാലഭൈരവം ഭജേ.
ധർമസേതുപാലകം ത്വധർമമാർഗനാശകം
കർമപാശമോചകം സുശർമദായകം വിഭും.
സ്വർണവർണകേശപാശ- ശോഭിതാംഗനിർമലം
കാശികാപുരാധിനാഥ- കാലഭൈരവം ഭജേ.
രത്നപാദുകാപ്രഭാഭിരാമ- പാദയുഗ്മകം
നിത്യമദ്വിതീയമിഷ്ടദൈവതം നിരഞ്ജനം.
മൃത്യുദർപനാശകം കരാലദംഷ്ട്രഭൂഷണം
കാശികാപുരാധിനാഥ- കാലഭൈരവം ഭജേ.
അട്ടഹാസഭിന്നപദ്മ- ജാൺകോശസന്തതിം
ദൃഷ്ടിപാതനഷ്ടപാപ- ജാലമുഗ്രശാസനം.
അഷ്ടസിദ്ധിദായകം കപാലമാലികാധരം
കാശികാപുരാധിനാഥ- കാലഭൈരവം ഭജേ.
ഭൂതസംഘനായകം വിശാലകീർതിദായകം
കാശിവാസിലോകപുണ്യ- പാപശോധകം വിഭും.
നീതിമാർഗകോവിദം പുരാതനം ജഗത്പതിം
കാശികാപുരാധിനാഥ- കാലഭൈരവം ഭജേ.
കാലഭൈരവാഷ്ടകം പഠന്തി യേ മനോഹരം
ജ്ഞാനമുക്തിസാധകം വിചിത്രപുണ്യവർധനം.
ശോകമോഹലോഭദൈന്യകോപ- താപനാശനം
തേ പ്രയാന്തി കാലഭൈരവാംഘ്രിസന്നിധിം ധ്രുവം.
- teluguకాలభైరవ అష్టకం
- sanskritकालभैरवाष्टकम्
- hindiश्री काल भैरव अष्टक
- englishShri Kaal Bhairav Ashtak
- sanskritतीक्ष्णदंष्ट्र कालभैरवाष्टकम्
- teluguకాలభైరవాష్టకం
- teluguతీక్ష్ణదంష్ట్రకాలభైరవాష్టకం
- kannadaತೀಕ್ಷ್ಣದಂಷ್ಟ್ರ ಕಾಲಭೈರವಾಷ್ಟಕಂ
- hindiकालभैरव अष्टक स्तोत्र
- kannadaಕಾಲಭೈರವ ಅಷ್ಟಕ ಸ್ತೋತ್ರ
- englishKalabhairava Ashtakam
Found a Mistake or Error? Report it Now
