காமாஸிகாஷ்டகம்

|| காமாஸிகாஷ்டகம் ||

ஶ்ருதீநாமுத்தரம் பா⁴க³ம் வேக³வத்யாஶ்ச த³க்ஷிணம் ।
காமாத³தி⁴வஸந் ஜீயாத் கஶ்சித³த்³பு⁴த கேஸரீ ॥ 1 ॥

தபநேந்த்³வக்³நிநயந꞉ தாபாநபசிநோது ந꞉ ।
தாபநீயரஹஸ்யாநாம் ஸார꞉ காமாஸிகா ஹரி꞉ ॥ 2 ॥

ஆகண்ட²மாதி³புருஷம்
கண்டீ²ரவமுபரி குண்டி²தாராதிம் ।
வேகோ³பகண்ட²ஸங்கா³த்
விமுக்தவைகுண்ட²ப³ஹுமதிமுபாஸே ॥ 3 ॥

ப³ந்து⁴மகி²லஸ்ய ஜந்தோ꞉
ப³ந்து⁴ரபர்யங்கப³ந்த⁴ரமணீயம் ।
விஷமவிளோசநமீடே³
வேக³வதீபுலிநகேலிநரஸிம்ஹம் ॥ 4 ॥

ஸ்வஸ்தா²நேஷு மருத்³க³ணாந் நியமயந் ஸ்வாதீ⁴நஸர்வேந்த்³ரிய꞉
பர்யங்கஸ்தி²ரதா⁴ரணா ப்ரகடிதப்ரத்யங்முகா²வஸ்தி²தி꞉ ।
ப்ராயேண ப்ரணிபேது³ஷ꞉ ப்ரபு⁴ரஸௌ யோக³ம் நிஜம் ஶிக்ஷயந்
காமாநாதநுதாத³ஶேஷஜக³தாம் காமாஸிகா கேஸரீ ॥ 5 ॥

விகஸ்வரநக²ஸ்வருக்ஷதஹிரண்யவக்ஷ꞉ஸ்த²லீ-
-நிரர்க³ளவிநிர்க³ளத்³ருதி⁴ரஸிந்து⁴ஸந்த்⁴யாயிதா꞉ ।
அவந்து மத³நாஸிகாமநுஜபஞ்சவக்த்ரஸ்ய மாம்
அஹம்ப்ரத²மிகாமித²꞉ ப்ரகடிதாஹவா பா³ஹவ꞉ ॥ 6 ॥

ஸடாபடலபீ⁴ஷணே ஸரப⁴ஸாட்டஹாஸோத்³ப⁴டே
ஸ்பு²ரத் க்ருதி⁴பரிஸ்பு²ட ப்⁴ருகுடிகே(அ)பி வக்த்ரே க்ருதே ।
க்ருபாகபடகேஸரிந் த³நுஜடி³ம்ப⁴த³த்தஸ்தநா
ஸரோஜஸத்³ருஶா த்³ருஶா வ்யதிவிஷஜ்ய தே வ்யஜ்யதே ॥ 7 ॥

த்வயி ரக்ஷதி ரக்ஷகை꞉ கிமந்யை-
-ஸ்த்வயி சாரக்ஷதி ரக்ஷகை꞉ கிமந்யை꞉ ।
இதி நிஶ்சிததீ⁴꞉ ஶ்ரயாமி நித்யம்
ந்ருஹரே வேக³வதீதடாஶ்ரயம் த்வாம் ॥ 8 ॥

இத்த²ம் ஸ்துத꞉ ஸக்ருதி³ஹாஷ்டபி⁴ரேஷ பத்³யை꞉
ஶ்ரீவேங்கடேஶரசிதைஸ்த்ரித³ஶேந்த்³ரவந்த்³ய꞉ ।
து³ர்தா³ந்தகோ⁴ரது³ரிதத்³விரதே³ந்த்³ரபே⁴தீ³
காமாஸிகாநரஹரிர்விதநோது காமாந் ॥ 9 ॥

இதி ஶ்ரீவேதா³ந்ததே³ஶிகக்ருதம் காமாஸிகாஷ்டகம் ।

Found a Mistake or Error? Report it Now