श्रीकेदारकवचम्

|| श्रीकेदारकवचम् ||

श्रीगणेशाय नमः ।
श्रीरवलनाथाय नमः ।
अस्य श्रीरवलनाथकवचस्तोत्रमन्त्रस्य,
ब्रह्मणे ऋषये नमः । शिरसि ।
अनुष्टुप् छन्दसे नमः । मुखे ।
श्रीरवलनाथाय नमः । हृदये ।
रं बीजाय नमः । गुह्ये ।
वं शक्तये नमः । पादयोः ।
लं कीलकाय नमः । सर्वाङ्गे ।
श्रीरवलनाथप्रीत्यर्थे जपे विनियोगः ॥

अथ ध्यानम् ।
केयूरादिविभूषितैः करतलैरत्नाङ्कितैः सुन्दरं
नानाहारविचित्रपन्नगयुतैर्हेमाम्बरैर्मण्डितम् ।
हस्ताभ्यां धृतखड्गपात्रडमरूशूलं सदा बिभ्रतं
वाजीवाहनदैत्यदर्पदलनं केदारमीशं भजे ॥

अथ कवचम् ।
ॐ केदारः पूर्वतः पातु चाग्नेय्यां रवलेश्वरः ।
दक्षिणे वारिजाक्षस्तु नैरृत्यां रक्षसूदनः ॥ १॥

पश्चिमे पन्नगेशश्च वायव्यां दैत्यनाशकः ।
उत्तरे उत्तरेशश्च ईशान्यां ईश एव च ॥ २॥

ऊर्ध्वं गङ्गाधरः पातु धरायाञ्च त्रिविक्रमः ।
एवं दशदिशोन्यस्य पश्चादङ्गेषु विन्यसेत् ॥ ३॥

शिखायां रेणुकानाथो मस्तके भाललोचनः ।
भालं मे रक्ष भगवन् भ्रूमध्ये मेदिनीपतिः ॥ ४॥

नेत्रयोर्ज्योतिनाथश्च कर्णयोः कीर्तिवर्धनः ।
कुण्डलीनाः कपोलौच नासिकां विघ्ननाशनः ॥ ५॥

ओष्ठद्वयो उमानाथो दन्तयोर्धरणीधरः ।
जिह्वायां वेदजिह्वश्च हनुश्चहनुमत्प्रियः ॥ ६॥

ग्रीवायां नीलकण्ठश्च स्कन्धौस्कन्द प्रियङ्करः ।
बाहोः शस्त्रभृतां श्रेष्ठो हस्तेडमरूधारकः ॥ ७॥

हृदयं विश्वनाथश्च उदरं मे जनप्रियः ।
नाभिं पातु गुहावासो कटिमध्ये कपालभृत् ॥ ८॥

गुह्येगुह्य निवासश्च उरूभ्यां उक्षवाहनः ।
जान्वोर्जह्नु सुताधारी जङ्घयोर्जङ्गनोद्बलीन् ॥ ९॥

गुल्फयोः गूढकर्तात्मा पादयोः पदवन्दितः ।
नखेषु रोमकूपेषु व्यापकः सर्वसन्धिषु ॥ १०॥

अग्रतः पातु मे खड्गी पृष्ठतः पातु शूलवान् ।
पातुमां पात्रधारीच वातपित्तकफादिषु ॥ ११॥

जले जलधरः पातु स्थले स्थाणुः सनातनः ।
महार्णवे महादुर्गे अग्नि चोरभयेषु च ॥ १२॥

शस्त्रक्षतेषु यो रक्षेद् रत्नासुरनिबर्हणः ।
सुप्ति प्रमाद विपदै रक्षमां गिरिवासकः ॥ १३॥ (विषदै रक्षेन्मां)

य इदं कवचं दिव्यं केदारस्य महात्मनः ।
पठन्ति श‍ृण्वते वाणी सर्वपापैः प्रमुच्यते ॥ १४॥

इति श्रीपद्मपुराणे करवीरखण्डे केदारकवचं सम्पूर्णम् ॥

Read in More Languages:

• sanskritअमोघ शिव कवच
• englishShri Trailokya Mohan Kali Kavacham
• englishShri Brahmandvijay Shri Shiv Kavach
• englishShri Rudra Kavacham
• englishShri Mahamrityunjaya Kavacham
• hindiसदाशिव कवचम्
• sanskritश्री महामृत्युञ्जय कवचम्
• sanskritब्रह्माण्डविजय श्री शिव कवच
• sanskritश्री रुद्र कवचम्
• englishShri Amogh Shiv Kavach

Found a Mistake or Error? Report it Now