কূৰ্ম স্তোত্ৰম্ PDF অসমীয়া

কূৰ্ম স্তোত্ৰম্ অসমীয়া Lyrics

|| কূৰ্ম স্তোত্ৰম্ ||

শ্ৰী গণেশায় নমঃ ॥

নমাম তে দেৱ পদাৰৱিন্দং প্ৰপন্নতাপোপশমাতপত্ৰম্ ।
যন্মূলকেতা যতয়োঽঞ্জসোৰুসংসাৰদুঃখং বহিৰুৎক্ষিপন্তি ॥

ধাতৰ্যদস্মিন্ভৱ ঈশ জীৱাস্তাপত্ৰয়েণোপহতা ন শৰ্ম ।
আত্মঁলভন্তে ভগৱংস্তৱাঙ্ঘ্ৰিচ্ছায়াং সৱিদ্যামত আশ্ৰয়েম ॥

মাৰ্গন্তি যত্তে মুখপদ্মনীডৈশ্ছন্দঃসুপৰ্ণৈৰৃষয়ো ৱিৱিক্তে ।
যস্যাঘমৰ্ষোদসৰিদ্ৱৰায়াঃ পদং পদং তীৰ্থপদঃ প্ৰপন্নাঃ ॥

যচ্ছ্ৰদ্ধয়া শ্ৰুতৱত্যাং চ ভক্ত্যা সংমৃজ্যমানে হৃদয়েঽৱধায় ।
জ্ঞানেন ৱৈৰাগ্যবলেন ধীৰা ৱ্ৰজেম তত্তেঽঙ্ঘ্ৰিসৰোজপীঠম্ ॥

ৱিশ্ৱস্য জন্মস্থিতিসংয়মাৰ্থে কৃতাৱতাৰস্য পদাম্বুজং তে ।
ৱ্ৰজেম সৰ্ৱে শৰণং যদীশ স্মৃতং প্ৰয়চ্ছত্যভয়ং স্ৱপুংসাম্ ॥

যৎসানুবন্ধেঽসতি দেহগেহে মমাহমিত্যূঢদুৰাগ্ৰহাণাম্ ।
পুংসাং সুদূৰং ৱসতোঽপি পুৰ্যাং ভজেম তত্তে ভগৱন্পদাব্জম্ ॥

তান্ৱা অসদ্ৱৃত্তিভিৰক্ষিভিৰ্যে পৰাহৃতান্তৰ্মনসঃ পৰেশ ।
অথো ন পশ্যন্ত্যুৰুগায় নূনং যে তে পদন্যাসৱিলাসলক্ষ্ম্যাঃ ॥

পানেন তে দেৱ কথাসুধায়াঃ প্ৰৱৃদ্ধভক্ত্যা ৱিশদাশয়া যে ।
ৱৈৰাগ্যসাৰং প্ৰতিলভ্য বোধং যথাঞ্জসান্ৱীয়ুৰকুণ্ঠধিষ্ণ্যম্ ॥

তথাপৰে চাত্মসমাধিয়োগবলেন জিত্ৱা প্ৰকৃতিং বলিষ্ঠাম্ ।
ত্ৱামেৱ ধীৰাঃ পুৰুষং ৱিশন্তি তেষাং শ্ৰমঃ স্যান্ন তু সেৱয়া তে ॥

তত্তে ৱয়ং লোকসিসৃক্ষয়াদ্য ত্ৱয়ানুসৃষ্টাস্ত্ৰিভিৰাত্মভিঃ স্ম ।
সৰ্ৱে ৱিয়ুক্তাঃ স্ৱৱিহাৰতন্ত্ৰং ন শক্নুমস্তৎপ্ৰতিহৰ্তৱে তে ॥

যাৱদ্বলিং তেঽজ হৰাম কালে যথা ৱয়ং চান্নমদাম যত্ৰ ।
যথোভয়েষাং ত ইমে হি লোকা বলিং হৰন্তোঽন্নমদন্ত্যনূহাঃ ॥

ত্ৱং নঃ সুৰাণামসি সান্ৱয়ানাং কূটস্থ আদ্যঃ পুৰুষঃ পুৰাণঃ ।
ত্ৱং দেৱশক্ত্যাং গুণকৰ্ময়োনৌ ৰেতস্ত্ৱজায়াং কৱিমাদধেঽজঃ ॥

ততো ৱয়ং সৎপ্ৰমুখা যদৰ্থে বভূৱিমাত্মন্কৰৱাম কিং তে ।
ত্ৱং নঃ স্ৱচক্ষুঃ পৰিদেহি শক্ত্যা দেৱক্ৰিয়াৰ্থে যদনুগ্ৰহাণাম্ ॥

ইতি শ্ৰীমদ্ভাগৱতপুৰাণান্তৰ্গতং কূৰ্মস্তোত্ৰং সমাপ্তম্ ॥