കൂർമ സ്തോത്രം PDF മലയാളം

കൂർമ സ്തോത്രം മലയാളം Lyrics

|| കൂർമ സ്തോത്രം ||

ശ്രീ ഗണേശായ നമഃ ..

നമാമ തേ ദേവ പദാരവിന്ദം പ്രപന്നതാപോപശമാതപത്രം .
യന്മൂലകേതാ യതയോഽഞ്ജസോരുസംസാരദുഃഖം ബഹിരുത്ക്ഷിപന്തി ..

ധാതര്യദസ്മിൻഭവ ഈശ ജീവാസ്താപത്രയേണോപഹതാ ന ശർമ .
ആത്മഁലഭന്തേ ഭഗവംസ്തവാംഘ്രിച്ഛായാം സവിദ്യാമത ആശ്രയേമ ..

മാർഗന്തി യത്തേ മുഖപദ്മനീഡൈശ്ഛന്ദഃസുപർണൈരൃഷയോ വിവിക്തേ .
യസ്യാഘമർഷോദസരിദ്വരായാഃ പദം പദം തീർഥപദഃ പ്രപന്നാഃ ..

യച്ഛ്രദ്ധയാ ശ്രുതവത്യാം ച ഭക്ത്യാ സംമൃജ്യമാനേ ഹൃദയേഽവധായ .
ജ്ഞാനേന വൈരാഗ്യബലേന ധീരാ വ്രജേമ തത്തേഽങ്ഘ്രിസരോജപീഠം ..

വിശ്വസ്യ ജന്മസ്ഥിതിസംയമാർഥേ കൃതാവതാരസ്യ പദാംബുജം തേ .
വ്രജേമ സർവേ ശരണം യദീശ സ്മൃതം പ്രയച്ഛത്യഭയം സ്വപുംസാം ..

യത്സാനുബന്ധേഽസതി ദേഹഗേഹേ മമാഹമിത്യൂഢദുരാഗ്രഹാണാം .
പുംസാം സുദൂരം വസതോഽപി പുര്യാം ഭജേമ തത്തേ ഭഗവൻപദാബ്ജം ..

താന്വാ അസദ്വൃത്തിഭിരക്ഷിഭിര്യേ പരാഹൃതാന്തർമനസഃ പരേശ .
അഥോ ന പശ്യന്ത്യുരുഗായ നൂനം യേ തേ പദന്യാസവിലാസലക്ഷ്മ്യാഃ ..

പാനേന തേ ദേവ കഥാസുധായാഃ പ്രവൃദ്ധഭക്ത്യാ വിശദാശയാ യേ .
വൈരാഗ്യസാരം പ്രതിലഭ്യ ബോധം യഥാഞ്ജസാന്വീയുരകുണ്ഠധിഷ്ണ്യം ..

തഥാപരേ ചാത്മസമാധിയോഗബലേന ജിത്വാ പ്രകൃതിം ബലിഷ്ഠാം .
ത്വാമേവ ധീരാഃ പുരുഷം വിശന്തി തേഷാം ശ്രമഃ സ്യാന്ന തു സേവയാ തേ ..

തത്തേ വയം ലോകസിസൃക്ഷയാദ്യ ത്വയാനുസൃഷ്ടാസ്ത്രിഭിരാത്മഭിഃ സ്മ .
സർവേ വിയുക്താഃ സ്വവിഹാരതന്ത്രം ന ശക്നുമസ്തത്പ്രതിഹർതവേ തേ ..

യാവദ്ബലിം തേഽജ ഹരാമ കാലേ യഥാ വയം ചാന്നമദാമ യത്ര .
യഥോഭയേഷാം ത ഇമേ ഹി ലോകാ ബലിം ഹരന്തോഽന്നമദന്ത്യനൂഹാഃ ..

ത്വം നഃ സുരാണാമസി സാന്വയാനാം കൂടസ്ഥ ആദ്യഃ പുരുഷഃ പുരാണഃ .
ത്വം ദേവശക്ത്യാം ഗുണകർമയോനൗ രേതസ്ത്വജായാം കവിമാദധേഽജഃ ..

തതോ വയം സത്പ്രമുഖാ യദർഥേ ബഭൂവിമാത്മൻകരവാമ കിം തേ .
ത്വം നഃ സ്വചക്ഷുഃ പരിദേഹി ശക്ത്യാ ദേവക്രിയാർഥേ യദനുഗ്രഹാണാം ..

ഇതി ശ്രീമദ്ഭാഗവതപുരാണാന്തർഗതം കൂർമസ്തോത്രം സമാപ്തം ..