କୂର୍ମ ସ୍ତୋତ୍ରମ୍ PDF ଓଡିଆ

କୂର୍ମ ସ୍ତୋତ୍ରମ୍ ଓଡିଆ Lyrics

|| କୂର୍ମ ସ୍ତୋତ୍ରମ୍ ||

ଶ୍ରୀ ଗଣେଶାୟ ନମଃ ॥

ନମାମ ତେ ଦେବ ପଦାରବିନ୍ଦଂ ପ୍ରପନ୍ନତାପୋପଶମାତପତ୍ରମ୍ ।
ଯନ୍ମୂଲକେତା ଯତୟୋଽଞ୍ଜସୋରୁସଂସାରଦୁଃଖଂ ବହିରୁତ୍କ୍ଷିପନ୍ତି ॥

ଧାତର୍ୟଦସ୍ମିନ୍ଭବ ଈଶ ଜୀବାସ୍ତାପତ୍ରୟେଣୋପହତା ନ ଶର୍ମ ।
ଆତ୍ମଁଲଭନ୍ତେ ଭଗବଂସ୍ତବାଙ୍ଘ୍ରିଚ୍ଛାୟାଂ ସବିଦ୍ୟାମତ ଆଶ୍ରୟେମ ॥

ମାର୍ଗନ୍ତି ଯତ୍ତେ ମୁଖପଦ୍ମନୀଡୈଶ୍ଛନ୍ଦଃସୁପର୍ଣୈରୃଷୟୋ ବିବିକ୍ତେ ।
ଯସ୍ୟାଘମର୍ଷୋଦସରିଦ୍ୱରାୟାଃ ପଦଂ ପଦଂ ତୀର୍ଥପଦଃ ପ୍ରପନ୍ନାଃ ॥

ଯଚ୍ଛ୍ରଦ୍ଧୟା ଶ୍ରୁତବତ୍ୟାଂ ଚ ଭକ୍ତ୍ୟା ସଂମୃଜ୍ୟମାନେ ହୃଦୟେଽବଧାୟ ।
ଜ୍ଞାନେନ ବୈରାଗ୍ୟବଲେନ ଧୀରା ବ୍ରଜେମ ତତ୍ତେଽଙ୍ଘ୍ରିସରୋଜପୀଠମ୍ ॥

ବିଶ୍ୱସ୍ୟ ଜନ୍ମସ୍ଥିତିସଂୟମାର୍ଥେ କୃତାବତାରସ୍ୟ ପଦାମ୍ବୁଜଂ ତେ ।
ବ୍ରଜେମ ସର୍ୱେ ଶରଣଂ ଯଦୀଶ ସ୍ମୃତଂ ପ୍ରୟଚ୍ଛତ୍ୟଭୟଂ ସ୍ୱପୁଂସାମ୍ ॥

ଯତ୍ସାନୁବନ୍ଧେଽସତି ଦେହଗେହେ ମମାହମିତ୍ୟୂଢଦୁରାଗ୍ରହାଣାମ୍ ।
ପୁଂସାଂ ସୁଦୂରଂ ବସତୋଽପି ପୁର୍ୟାଂ ଭଜେମ ତତ୍ତେ ଭଗବନ୍ପଦାବ୍ଜମ୍ ॥

ତାନ୍ୱା ଅସଦ୍ୱୃତ୍ତିଭିରକ୍ଷିଭିର୍ୟେ ପରାହୃତାନ୍ତର୍ମନସଃ ପରେଶ ।
ଅଥୋ ନ ପଶ୍ୟନ୍ତ୍ୟୁରୁଗାୟ ନୂନଂ ଯେ ତେ ପଦନ୍ୟାସବିଲାସଲକ୍ଷ୍ମ୍ୟାଃ ॥

ପାନେନ ତେ ଦେବ କଥାସୁଧାୟାଃ ପ୍ରବୃଦ୍ଧଭକ୍ତ୍ୟା ବିଶଦାଶୟା ଯେ ।
ବୈରାଗ୍ୟସାରଂ ପ୍ରତିଲଭ୍ୟ ବୋଧଂ ଯଥାଞ୍ଜସାନ୍ୱୀୟୁରକୁଣ୍ଠଧିଷ୍ଣ୍ୟମ୍ ॥

ତଥାପରେ ଚାତ୍ମସମାଧିୟୋଗବଲେନ ଜିତ୍ୱା ପ୍ରକୃତିଂ ବଲିଷ୍ଠାମ୍ ।
ତ୍ୱାମେବ ଧୀରାଃ ପୁରୁଷଂ ବିଶନ୍ତି ତେଷାଂ ଶ୍ରମଃ ସ୍ୟାନ୍ନ ତୁ ସେବୟା ତେ ॥

ତତ୍ତେ ବୟଂ ଲୋକସିସୃକ୍ଷୟାଦ୍ୟ ତ୍ୱୟାନୁସୃଷ୍ଟାସ୍ତ୍ରିଭିରାତ୍ମଭିଃ ସ୍ମ ।
ସର୍ୱେ ବିୟୁକ୍ତାଃ ସ୍ୱବିହାରତନ୍ତ୍ରଂ ନ ଶକ୍ନୁମସ୍ତତ୍ପ୍ରତିହର୍ତବେ ତେ ॥

ଯାବଦ୍ବଲିଂ ତେଽଜ ହରାମ କାଲେ ଯଥା ବୟଂ ଚାନ୍ନମଦାମ ଯତ୍ର ।
ଯଥୋଭୟେଷାଂ ତ ଇମେ ହି ଲୋକା ବଲିଂ ହରନ୍ତୋଽନ୍ନମଦନ୍ତ୍ୟନୂହାଃ ॥

ତ୍ୱଂ ନଃ ସୁରାଣାମସି ସାନ୍ୱୟାନାଂ କୂଟସ୍ଥ ଆଦ୍ୟଃ ପୁରୁଷଃ ପୁରାଣଃ ।
ତ୍ୱଂ ଦେବଶକ୍ତ୍ୟାଂ ଗୁଣକର୍ମୟୋନୌ ରେତସ୍ତ୍ୱଜାୟାଂ କବିମାଦଧେଽଜଃ ॥

ତତୋ ବୟଂ ସତ୍ପ୍ରମୁଖା ଯଦର୍ଥେ ବଭୂବିମାତ୍ମନ୍କରବାମ କିଂ ତେ ।
ତ୍ୱଂ ନଃ ସ୍ୱଚକ୍ଷୁଃ ପରିଦେହି ଶକ୍ତ୍ୟା ଦେବକ୍ରିୟାର୍ଥେ ଯଦନୁଗ୍ରହାଣାମ୍ ॥

ଇତି ଶ୍ରୀମଦ୍ଭାଗବତପୁରାଣାନ୍ତର୍ଗତଂ କୂର୍ମସ୍ତୋତ୍ରଂ ସମାପ୍ତମ୍ ॥