Languages: हिन्दी

|| लक्ष्मी विभक्ति वैभव स्तोत्र || सुरेज्या विशाला सुभद्रा मनोज्ञा रमा श्रीपदा मन्त्ररूपा विवन्द्या। नवा नन्दिनी विष्णुपत्नी सुनेत्रा सदा भावितव्या सुहर्षप्रदा मा। अच्युतां शङ्करां पद्मनेत्रां सुमां श्रीकरां सागरां विश्वरूपां मुदा। सुप्रभां भार्गवीं सर्वमाङ्गल्यदां सन्नमाम्युत्तमां श्रेयसीं वल्लभाम्। जयदया सुरवन्दितया जयी सुभगया सुधया च धनाधिपः। नयदया वरदप्रियया वरः सततभक्तिनिमग्नजनः सदा। कल्याण्यै दात्र्यै सज्जनामोदनायै भूलक्ष्म्यै मात्रे क्षीरवार्युद्भवायै। सूक्ष्मायै…

|| अष्टलक्ष्मी स्तोत्र || सुमनसवन्दितसुन्दरि माधवि चन्द्रसहोदरि हेममये मुनिगणमण्डितमोक्षप्रदायिनि मञ्जुलभाषिणि वेदनुते। पङ्कजवासिनि देवसुपूजितसद्गुणवर्षिणि शान्तियुते जयजय हे मधुसूदनकामिनि आदिलक्ष्मि सदा पालय माम्। अयि कलिकल्मषनाशिनि कामिनि वैदिकरूपिणि वेदमये क्षीरसमुद्भवमङ्गलरूपिणि मन्त्रनिवासिनि मन्त्रनुते। मङ्गलदायिनि अम्बुजवासिनि देवगणाश्रितपादयुते जयजय हे मधुसूदनकामिनि धान्यलक्ष्मि सदा पालय माम्। जयवरवर्णिनि वैष्णवि भार्गवि मन्त्रस्वरूपिणि मन्त्रमये सुरगणपूजितशीघ्रफल- प्रदज्ञानविकासिनि शास्त्रनुते। भवभयहारिणि पापविमोचनि साधुजनाश्रितपादयुते जयजय हे मधुसूदनकामिनि धैर्यलक्ष्मि सदा…

|| हरिप्रिया स्तोत्र || रिलोकजननीं देवीं सुरार्चितपदद्वयाम्| मातरं सर्वजन्तूनां भजे नित्यं हरिप्रियाम्| प्रत्यक्षसिद्धिदां रम्यामाद्यां चन्द्रसहोदरीम्| दयाशीलां महामायां भजे नित्यं हरिप्रियाम्| इन्दिरामिन्द्रपूज्यां च शरच्चन्द्रसमाननाम्| मन्त्ररूपां महेशानीं भजे नित्यं हरिप्रियाम्| क्षीराब्धितनयां पुण्यां स्वप्रकाशस्वरूपिणीम्| इन्दीवरासनां शुद्धां भजे नित्यं हरिप्रियाम्| सर्वतीर्थस्थितां धात्रीं भवबन्धविमोचनीम्| नित्यानन्दां महाविद्यां भजे नित्यं हरिप्रियाम्| स्वर्णवर्णसुवस्त्रां च रत्नग्रैवेयभूषणाम्| ध्यानयोगादिगम्यां च भजे नित्यं हरिप्रियाम्| सामगानप्रियां श्रेष्ठां सूर्यचन्द्रसुलोचनाम्|…

|| लक्ष्मी शरणागति स्तोत्र || जलधीशसुते जलजाक्षवृते जलजोद्भवसन्नुते दिव्यमते। जलजान्तरनित्यनिवासरते शरणं शरणं वरलक्ष्मि नमः। प्रणताखिलदेवपदाब्जयुगे भुवनाखिलपोषण श्रीविभवे। नवपङ्कजहारविराजगले शरणं शरणं गजलक्ष्मि नमः। घनभीकरकष्टविनाशकरि निजभक्तदरिद्रप्रणाशकरि। ऋणमोचनि पावनि सौख्यकरि शरणं शरणं धनलक्ष्मि नमः। अतिभीकरक्षामविनाशकरि जगदेकशुभङ्करि धान्यप्रदे। सुखदायिनि श्रीफलदानकरि शरणं शरणं शुभलक्ष्मि नमः। सुरसङ्घशुभङ्करि ज्ञानप्रदे मुनिसङ्घप्रियङ्करि मोक्षप्रदे। नरसङ्घजयङ्करि भाग्यप्रदे शरणं शरणं जयलक्ष्मि नमः। परिसेवितभक्तकुलोद्धरिणि परिभावितदासजनोद्धरिणि। मधुसूदनमोहिनि श्रीरमणि शरणं…

|| श्रीसूक्त सार लक्ष्मी स्तोत्र || हिरण्यवर्णां हिमरौप्यहारां चन्द्रां त्वदीयां च हिरण्यरूपाम्। लक्ष्मीं मृगीरूपधरां श्रियं त्वं मदर्थमाकारय जातवेदः। यस्यां सुलक्ष्म्यामहमागतायां हिरण्यगोऽश्वात्मजमित्रदासान्। लभेयमाशु ह्यनपायिनीं तां मदर्थमाकारय जातवेदः। प्रत्याह्वये तामहमश्वपूर्वां देवीं श्रियं मध्यरथां समीपम्। प्रबोधिनीं हस्तिसुबृंहितेनाहूता मया सा किल सेवतां माम्। कांसोस्मितां तामिहद्मवर्णामाद्रां सुवर्णावरणां ज्वलन्तीम्। तृप्तां हि भक्तानथ तर्पयन्तीमुपह्वयेऽहं कमलासनस्थाम्। लोके ज्वलन्तीं यशसा प्रभासां चन्द्रामुदामुत देवजुष्टाम्। तां…

|| स्वर्ण गौरी स्तोत्र || वरां विनायकप्रियां शिवस्पृहानुवर्तिनीम् अनाद्यनन्तसम्भवां सुरान्वितां विशारदाम्। विशालनेत्ररूपिणीं सदा विभूतिमूर्तिकां महाविमानमध्यगां विचित्रितामहं भजे। निहारिकां नगेशनन्दनन्दिनीं निरिन्द्रियां नियन्त्रिकां महेश्वरीं नगां निनादविग्रहाम्। महापुरप्रवासिनीं यशस्विनीं हितप्रदां नवां निराकृतिं रमां निरन्तरां नमाम्यहम्। गुणात्मिकां गुहप्रियां चतुर्मुखप्रगर्भजां गुणाढ्यकां सुयोगजां सुवर्णवर्णिकामुमाम्। सुरामगोत्रसम्भवां सुगोमतीं गुणोत्तरां गणाग्रणीसुमातरं शिवामृतां नमाम्यहम्। रविप्रभां सुरम्यकां महासुशैलकन्यकां शिवार्धतन्विकामुमां सुधामयीं सरोजगाम्। सदा हि कीर्तिसंयुतां सुवेदरूपिणीं शिवां…

|| मीनाक्षी पंचरत्न स्तोत्र || उद्यद्भानुसहस्रकोटिसदृशां केयूरहारोज्ज्वलां बिम्बोष्ठीं स्मितदन्तपङ्क्तिरुचिरां पीताम्बरालङ्कृताम्। विष्णुब्रह्मसुरेन्द्रसेवितपदां तत्त्वस्वरूपां शिवां मीनाक्षीं प्रणतोऽस्मि सन्ततमहं कारुण्यवारांनिधिम्। मुक्ताहारलसत्किरीटरुचिरां पूर्णेन्दुवक्त्रप्रभां शिञ्चन्नूपुरकिङ्किणीमणिधरां पद्मप्रभाभासुराम्। सर्वाभीष्टफलप्रदां गिरिसुतां वाणीरमासेवितां मीनाक्षीं प्रणतोऽस्मि सन्ततमहं कारुण्यवारांनिधिम्। श्रीविद्यां शिववामभागनिलयां ह्रीङ्कारमन्त्रोज्ज्वलां श्रीचक्राङ्कितबिन्दुमध्यवसतिं श्रीमत्सभानायकिम्। श्रीमत्षण्मुखविघ्नराजजननीं श्रीमज्जगन्मोहिनीं मीनाक्षीं प्रणतोऽस्मि सन्ततमहं कारुण्यवारांनिधिम्। श्रीमत्सुन्दरनायकीं भयहरां ज्ञानप्रदां निर्मलां श्यामाभां कमलासनार्चितपदां नारायणस्यानुजाम्। वीणावेणुमृदङ्गवाद्यरसिकां नानाविधाडम्बिकां मीनाक्षीं प्रणतोऽस्मि सन्ततमहं कारुण्यवारांनिधिम्। नानायोगिमुनीन्द्रहृन्निवसतीं नानार्थसिद्धिप्रदां नानापुष्पविराजिताङ्घ्रियुगलां…

|| कामाक्षी स्तोत्र || कामाक्षि मातर्नमस्ते। कामदानैकदक्षे स्थिते भक्तपक्षे। कामाक्षिमातर्नमस्ते। कामारिकान्ते कुमारि। कालकालस्य भर्तुः करे दत्तहस्ते। कामाय कामप्रदात्रि। कामकोटिस्थपूज्ये गिरं देहि मह्यम्। कामाक्षि मातर्नमस्ते। श्रीचक्रमध्ये वसन्तीम्। भूतरक्षःपिशाचादिदुःखान् हरन्तीम्। श्रीकामकोट्यां ज्वलन्तीम्। कामहीनैः सुगम्यां भजे देहि वाचम्। कामाक्षि मातर्नमस्ते। इन्द्रादिमान्ये सुधन्ये। ब्रह्मविष्ण्वादिवन्द्ये गिरीन्द्रस्य कन्ये। मान्यां न मन्ये त्वदन्याम्। मानिताङ्घ्रिं मुनीन्द्रैर्भजे मातरं त्वाम्। कामाक्षि मातर्नमस्ते। सिंहाधिरूढे नमस्ते। साधुहृत्पद्मगूढे…

|| अपर्णा स्तोत्र || रक्तामरीमुकुटमुक्ताफल- प्रकरपृक्ताङ्घ्रिपङ्कजयुगां व्यक्तावदानसृत- सूक्तामृताकलन- सक्तामसीमसुषमाम्। युक्तागमप्रथनशक्तात्मवाद- परिषिक्ताणिमादिलतिकां भक्ताश्रयां श्रय विविक्तात्मना घनघृणाक्तामगेन्द्रतनयाम्। आद्यामुदग्रगुण- हृद्याभवन्निगमपद्यावरूढ- सुलभां गद्यावलीवलित- पद्यावभासभर- विद्याप्रदानकुशलाम्। विद्याधरीविहित- पाद्यादिकां भृशमविद्यावसादनकृते हृद्याशु धेहि निरवद्याकृतिं मनननेद्यां महेशमहिलाम्। हेलालुलत्सुरभिदोलाधिक- क्रमणखेलावशीर्णघटना- लोलालकग्रथितमाला- गलत्कुसुमजालाव- भासिततनुम्। लीलाश्रयां श्रवणमूलावतंसित- रसालाभिरामकलिकां कालावधीरण-करालाकृतिं, कलय शूलायुधप्रणयिनीम्। खेदातुरःकिमिति भेदाकुले निगमवादान्तरे परिचिति- क्षोदाय ताम्यसि वृथादाय भक्तिमयमोदामृतैकसरितम्। पादावनीविवृतिवेदावली- स्तवननादामुदित्वरविप- च्छादापहामचलमादायिनीं भज विषादात्ययाय जननीम्। एकामपि…

|| अखिलाण्डेश्वरी स्तोत्र || समग्रगुप्तचारिणीं परन्तपःप्रसाधिकां मनःसुखैक- वर्द्धिनीमशेष- मोहनाशिनीम्। समस्तशास्त्रसन्नुतां सदाऽष्चसिद्धिदायिनीं भजेऽखिलाण्डरक्षणीं समस्तलोकपावनीम्। तपोधनप्रपूजितां जगद्वशीकरां जयां भुवन्यकर्मसाक्षिणीं जनप्रसिद्धिदायिनीम्। सुखावहां सुराग्रजां सदा शिवेन संयुतां भजेऽखिलाण्डरक्षणीं जगत्प्रधानकामिनीम्। मनोमयीं च चिन्मयां महाकुलेश्वरीं प्रभां धरां दरिद्रपालिनीं दिगम्बरां दयावतीम्। स्थिरां सुरम्यविग्रहां हिमालयात्मजां हरां भजेऽखिलाण्डरक्षणीं त्रिविष्टपप्रमोदिनीम्। वराभयप्रदां सुरां नवीनमेघकुन्तलां भवाब्धिरोगनाशिनीं महामतिप्रदायिनीम्। सुरम्यरत्नमालिनीं पुरां जगद्विशालिनीं भजेऽखिलाण्डरक्षणीं त्रिलोकपारगामिनीम्। श्रुतीज्यसर्व- नैपुणामजय्य- भावपूर्णिकां गॆभीरपुण्यदायिकां गुणोत्तमां…

|| देवी आनंद लहरी स्तोत्र || भवानि स्तोतुं त्वां प्रभवति चतुर्भिर्न वदनैः प्रजानामीशानस्त्रिपुरमथनः पञ्चभिरपि। न षड्भिः सेनानीर्दशशतमुखैरप्यहिपतिः तदान्येषां केषां कथय कथमस्मिन्नवसरः। घृतक्षीरद्राक्षामधुमधुरिमा कैरपि पदैः विशिष्यानाख्येयो भवति रसनामात्र विषयः। तथा ते सौन्दर्यं परमशिवदृङ्मात्रविषयः कथङ्कारं ब्रूमः सकलनिगमागोचरगुणे। मुखे ते ताम्बूलं नयनयुगळे कज्जलकला ललाटे काश्मीरं विलसति गळे मौक्तिकलता। स्फुरत्काञ्ची शाटी पृथुकटितटे हाटकमयी भजामि त्वां गौरीं नगपतिकिशोरीमविरतम्। विराजन्मन्दारद्रुमकुसुमहारस्तनतटी नदद्वीणानादश्रवणविलसत्कुण्डलगुणा।…

|| उमा अक्षरमाला स्तोत्र || अक्षरं वाक्पथातीतं ऋक्षराजनिभाननम्। रक्षताद्वाम नः किञ्चिदुक्षवाहनमोहनम्। आकाशकेशमहिषीं आकारविजितोर्वशीम्। आशाहिनजनध्येयां आशापालार्चितां नुमः। इन्द्रप्रभृतिगीर्वाणवन्दिताङ्घ्रिकुशेशया। चन्द्रस्तनन्धयापीडजाया विजयतेतराम्। ईश्वरीं सर्वभूतानां कः शिवां स्तोतुमीश्वरः। चतुर्भिरसमेतो ना वदनैरुतबाहुभिः। उमा नामादिमा भामा वामा श्यामा विमानमा। विमानमान्यमाया मा भिमा रामानुमातु मा। ऊरुं तं दक्षिणं मातुः स्मरामि निजमासनम्। यस्मादहं परिभ्रष्टः कल्की भूभुवनं गतः। ऋषीणां चक्षुषो ज्योतिः बाला शैलस्य चक्षुषः।…

|| ज्वालामुखी अष्टक स्तोत्र || जालन्धरावनिवनीनवनीरदाभ- प्रोत्तालशैलवलयाकलिताधिवासाम्। आशातिशायिफलकल्पनकल्पवल्लीं ज्वालामुखीमभिमुखीभवनाय वन्दे। ज्येष्ठा क्वचित् क्वचिदुदारकला कनिष्ठा मध्या क्वचित् क्वचिदनुद्भवभावभव्या। एकाप्यनेकविधया परिभाव्यमाना ज्वालामुखी सुमुखभावमुरीकरोतु। अश्रान्तनिर्यदमलोज्वलवारिधारा सन्धाव्यमानभवनान्तरजागरूका। मातर्ज्वलज्ज्वलनशान्तशिखानुकारा रूपच्छटा जयति काचन तावकीना। मन्ये विहारकुतुकेषु शिवानुरूपं रूपं न्यरूपि खलु यत्सहसा भवत्या। ततसूचनार्थमिह शैलवनान्तराले ज्वालामुखीत्यभिधया स्फुटमुच्यतेऽद्य। सत्या ज्वलत्तनु-समुद्गत-पावकार्चि र्ज्वालामुखीत्यभिमृशन्ति पुराणमिश्राः। आस्तां वयं तु भजतां दुरितानि दग्धुं ज्वालात्मना परिणता भवतीति विद्मः। यावत्त्वदीयचरणाम्बुजयोर्न…

|| विद्याप्रद सरस्वती स्तोत्र ||   विश्वेश्वरि महादेवि वेदज्ञे विप्रपूजिते। विद्यां प्रदेहि सर्वज्ञे वाग्देवि त्वं सरस्वति। सिद्धिप्रदात्रि सिद्धेशि विश्वे विश्वविभावनि। विद्यां प्रदेहि सर्वज्ञे वाग्देवि त्वं सरस्वति। वेदत्रयात्मिके देवि वेदवेदान्तवर्णिते। विद्यां प्रदेहि सर्वज्ञे वाग्देवि त्वं सरस्वति। वेददेवरते वन्द्ये विश्वामित्रविधिप्रिये। विद्यां प्रदेहि सर्वज्ञे वाग्देवि त्वं सरस्वति। वल्लभे वल्लकीहस्ते विशिष्टे वेदनायिके। विद्यां प्रदेहि सर्वज्ञे वाग्देवि त्वं सरस्वति। शारदे…

|| सरस्वती अष्टक स्तोत्र || अमला विश्ववन्द्या सा कमलाकरमालिनी। विमलाभ्रनिभा वोऽव्यात्कमला या सरस्वती। वार्णसंस्थाङ्गरूपा या स्वर्णरत्नविभूषिता। निर्णया भारती श्वेतवर्णा वोऽव्यात्सरस्वती। वरदाभयरुद्राक्ष- वरपुस्तकधारिणी। सरसा सा सरोजस्था सारा वोऽव्यात्सरास्वती। सुन्दरी सुमुखी पद्ममन्दिरा मधुरा च सा। कुन्दभासा सदा वोऽव्याद्वन्दिता या सरस्वती। रुद्राक्षलिपिता कुम्भमुद्राधृत- कराम्बुजा। भद्रार्थदायिनी साव्याद्भद्राब्जाक्षी सरस्वती। रक्तकौशेयरत्नाढ्या व्यक्तभाषणभूषणा। भक्तहृत्पद्मसंस्था सा शक्ता वोऽव्यात्सरस्वती। चतुर्मुखस्य जाया या चतुर्वेदस्वरूपिणी। चतुर्भुजा…

|| भारती भावन स्तोत्र || श्रितजनमुख- सन्तोषस्य दात्रीं पवित्रां जगदवनजनित्रीं वेदवनेदान्तत्त्वाम्। विभवनवरदां तां वृद्धिदां वाक्यदेवीं सुमनसहृदिगम्यां भारतीं भावयामि। विधिहरिहरवन्द्यां वेदनादस्वरूपां ग्रहरसरव- शास्त्रज्ञापयित्रीं सुनेत्राम्। अमृतमुखसमन्तां व्याप्तलोकां विधात्रीं सुमनसहृदिगम्यां भारतीं भावयामि। कृतकनकविभूषां नृत्यगानप्रियां तां शतगुणहिमरश्मी- रम्यमुख्याङ्गशोभाम्। सकलदुरितनाशां विश्वभावां विभावां सुमनसहृदिगम्यां भारतीं भावयामि। समरुचिफलदानां सिद्धिदात्रीं सुरेज्यां शमदमगुणयुक्तां शान्तिदां शान्तरूपाम्। अगणितगुणरूपां ज्ञानविद्यां बुधाद्यां सुमनसहृदिगम्यां भारतीं भावयामि। विकटविदितरूपां सत्यभूतां सुधांशां…

|| सरस्वती भुजंग स्तोत्र || सदा भावयेऽहं प्रसादेन यस्याः पुमांसो जडाः सन्ति लोकैकनाथे। सुधापूरनिष्यन्दिवाग्रीतयस्त्वां सरोजासनप्राणनाथे हृदन्ते। विशुद्धार्कशोभावलर्क्षं विराज- ज्जटामण्डलासक्तशीतांशुखण्डा। भजाम्यर्धदोषाकरोद्यल्ललाटं वपुस्ते समस्तेश्वरि श्रीकृपाब्धे। मृदुभ्रूलतानिर्जितानङ्गचापं द्युतिध्वस्तनीलारविन्दायताक्षम्। शरत्पद्मकिञ्जल्कसङ्काशनासं महामौक्तिकादर्शराजत्कपोलम्। प्रवालाभिरामाधरं चारुमन्द- स्मिताभावनिर्भर्त्सितेन्दुप्रकाशम्। स्फुरन्मल्लिकाकुड्मलोल्लासिदन्तं गलाभाविनिर्धूतशङ्खाभिरम्यम्। वरं चाभयं पुस्तकं चाक्षमालां दधद्भिश्चतुर्भिः करैरम्बुजाभैः। सहस्राक्षकुम्भीन्द्रकुम्भोपमान- स्तनद्वन्द्वमुक्ताघटाभ्यां विनम्रम्। स्फुरद्रोमराजिप्रभापूरदूरी- कृतश्यामचक्षुःश्रवःकान्तिभारम्। गभीरत्रिरेखाविराजत्पिचण्ड- द्युतिध्वस्तबोधिद्रुमस्निग्धशोभम्। लसत्सूक्ष्मशुक्लाम्बरोद्यन्नितम्बं महाकादलस्तम्बतुल्योरुकाण्डम्। सुवृत्तप्रकामाभिरामोरुपर्व- प्रभानिन्दितानङ्गसामुद्गकाभम्। उपासङ्गसङ्काशजङ्घं पदाग्र- प्रभाभर्त्सितोत्तुङ्गकूर्मप्रभावम्। पदाम्भोजसम्भाविताशोकसालं स्फुरच्चन्द्रिकाकुड्मलोद्यन्नखाभम्। नमस्ते…

|| प्रज्ञा संवर्द्धन सरस्वती स्तोत्र || या प्रज्ञा मोहरात्रिप्रबलरिपुचयध्वंसिनी मुक्तिदात्री सानन्दाशाविधात्री मधुमयरुचिरा पावनी पातु भव्या। सौजन्याम्भोजशोभा विलसतु विमला सर्वदा सर्वथाऽत्र साम्यस्निग्धा विशुद्धा भवतु च वसुधा पुण्यवार्ताविमुग्धा। या प्रज्ञा विश्वकाव्यामृतरसलहरीसारतत्त्वानुसन्धा सद्भावानन्दकन्दा ह्यभयविभवदा साम्यधर्मानुबद्धा। शुद्धाचारप्रदात्री निरुपमरुचिरा सत्यपूताऽनवद्या कल्याणं सन्ततं सा वितरतु विमला शान्तिदा वेदविद्या। या ज्ञानामृतमिष्टदं प्रददते या लोकरक्षाकरी । या चोदारसुशीलशान्तविमला या भक्तिसञ्चारिणी। या गोवृन्दनियन्त्रणातिकुशला सा…

|| बालांबिका स्तोत्र || वेलातिलङ्घ्यकरुणे विबुधेन्द्रवन्द्ये लीलाविनिर्मित- चराचरहृन्निवासे। मालाकिरीट- मणिकुण्डल मण्डिताङ्गे बालाम्बिके मयि निधेहि कृपाकटाक्षम्। कञ्जासनादिमणि- मञ्जुकिरीटकोटि- प्रत्युप्तरत्नरुचि- रञ्जितपादपद्मे। मञ्जीरमञ्जुल- विनिर्जितहंसनादे बालाम्बिके मयि निधेहि कृपाकटाक्षम्। प्रालेयभानुकलि- काकलितातिरम्ये पादाग्रजावलि- विनिर्जितमौक्तिकाभे। प्राणेश्वरि प्रमथलोकपतेः प्रगल्भे बालाम्बिके मयि निधेहि कृपाकटाक्षम्। जङ्घादिभिर्विजित- चित्तजतूणिभागे रम्भादिमार्दव- करीन्द्रकरोरुयुग्मे। शम्पाशताधिक- समुज्वलचेललीले बालाम्बिके मयि निधेहि कृपाकटाक्षम्। माणिक्यमौक्तिक- विनिर्मितमेखलाढ्ये मायाविलग्न- विलसन्मणिपट्टबन्धे। लोलम्बराजि- विलसन्नवरोमजाले बालाम्बिके मयि निधेहि…

 || सौन्दर्य लहरी || शिवः शक्त्या युक्तो यदि भवति शक्तः प्रभवितुं न चेदेवं देवो न खलु कुशलः स्पन्दितुमपि। अतस्त्वामाराध्यां हरिहरविरिञ्चादिभिरपि प्रणन्तुं स्तोतुं वा कथमकृतपुण्यः प्रभवति। तनीयांसं पांसुं तव चरणपङ्केरुहभवं विरिञ्चिः सञ्चिन्वन् विरचयति लोकानविकलम्। वहत्येनं शौरिः कथमपि सहस्रेण शिरसां हरः संक्षुद्यैनं भजति भसितोद्धूलनविधिम्। अविद्यानामन्तस्तिमिरमिहिरद्वीपनगरी जडानां चैतन्यस्तबकमकरन्दस्रुतिझरी। दरिद्राणां चिन्तामणिगुणनिका जन्मजलधौ निमग्नानां दंष्ट्रा मुररिपुवराहस्य भवति। त्वदन्यः पाणिभ्यामभयवरदो दैवतगण-…

|| यमुना अष्टक स्तोत्र || मुरारिकायकालिमाललामवारिधारिणी तृणीकृतत्रिविष्टपा त्रिलोकशोकहारिणी। मनोनुकूलकूलकुञ्जपुञ्जधूतदुर्मदा धुनोतु नो मनोमलं कलिन्दनन्दिनी सदा। मलापहारिवारिपूरिभूरिमण्डितामृता भृशं प्रवातकप्रपञ्चनातिपण्डितानिशा। सुनन्दनन्दिनाङ्गसङ्गरागरञ्जिता हिता धुनोतु नो मनोमलं कलिन्दनन्दिनी सदा। लसत्तरङ्गसङ्गधूतभूतजातपातका नवीनमाधुरीधुरीणभक्तिजातचातका। तटान्तवासदासहंससंवृताह्निकामदा धुनोतु नो मनोमलं कलिन्दनन्दिनी सदा। विहाररासखेदभेदधीरतीरमारुता गता गिरामगोचरे यदीयनीरचारुता। प्रवाहसाहचर्यपूतमेदिनीनदीनदा धुनोतु नो मनोमलं कलिन्दनन्दिनी सदा। तरङ्गसङ्गसैकतान्तरातितं सदासिता शरन्निशाकरांशुमञ्जुमञ्जरी सभाजिता। भवार्चनाप्रचारुणाम्बुनाधुना विशारदा धुनोतु नो मनोमलं कलिन्दनन्दिनी सदा। जलान्तकेलिकारिचारुराधिकाङ्गरागिणी स्वभर्त्तुरन्यदुर्लभाङ्गताङ्गताम्शभागिनी।…

|| सप्त नदी पापनाशन स्तोत्र || सर्वतीर्थमयी स्वर्गे सुरासुरविवन्दिता। पापं हरतु मे गङ्गा पुण्या स्वर्गापवर्गदा। कलिन्दशैलजा सिद्धिबुद्धिशक्तिप्रदायिनी। यमुना हरतात् पापं सर्वदा सर्वमङ्गला। सर्वार्तिनाशिनी नित्यम् आयुरारोग्यवर्धिनी। गोदावरी च हरतात् पाप्मानं मे शिवप्रदा। वरप्रदायिनी तीर्थमुख्या सम्पत्प्रवर्धिनी। सरस्वती च हरतु पापं मे शाश्वती सदा। पीयूषधारया नित्यम् आर्तिनाशनतत्परा। नर्मदा हरतात् पापं पुण्यकर्मफलप्रदा। भुवनत्रयकल्याणकारिणी चित्तरञ्जिनी। सिन्धुर्हरतु पाप्मानं मम क्षिप्रं शिवाऽऽवहा।…

|| सप्त नदी पुण्यपद्म स्तोत्र || सुरेश्वरार्यपूजितां महानदीषु चोत्तमां द्युलोकतः समागतां गिरीशमस्तकस्थिताम्| वधोद्यतादिकल्मषप्रणाशिनीं हितप्रदां विकाशिकापदे स्थितां विकासदामहं भजे| प्रदेशमुत्तरं च पूरुवंशदेशसंस्पृशां त्रिवेणिसङ्गमिश्रितां सहस्ररश्मिनन्दिनीम्| विचेतनप्रपापनाशकारिणीं यमानुजां नमामि तां सुशान्तिदां कलिन्दशैलजां वराम्| त्रिनेत्रदेवसन्निधौ सुगामिनीं सुधामयीं महत्प्रकीर्णनाशिनीं सुशोभकर्मवर्द्धिनीम्| पराशरात्मजस्तुतां नृसिंहधर्मदेशगां चतुर्मुखाद्रिसम्भवां सुगोदिकामहं भजे| विपञ्चकौलिकां शुभां सुजैमिनीयसेवितां सु-ऋग्गृचासुवर्णितां सदा शुभप्रदायिनीम्| वरां च वैदिकीं नदीं दृशद्वतीसमीपगां नमामि तां सरस्वतीं पयोनिधिस्वरूपिकाम्|…

|| सरस्वती नदी स्तोत्र || वाग्वादिनी पापहरासि भेदचोद्यादिकं मद्धर दिव्यमूर्ते। सुशर्मदे वन्द्यपदेऽस्तुवित्तादयाचतेऽहो मयि पुण्यपुण्यकीर्ते। देव्यै नमः कालजितेऽस्तु मात्रेऽयि सर्वभाऽस्यखिलार्थदे त्वम्। वासोऽत्र ते नः स्थितये शिवाया त्रीशस्य पूर्णस्य कलासि सा त्वम्। नन्दप्रदे सत्यसुतेऽभवा या सूक्ष्मां धियं सम्प्रति मे विधेहि। दयस्व सारस्वजलाधिसेवि- नृलोकपेरम्मयि सन्निधेहि। सत्यं सरस्वत्यसि मोक्षसद्म तारिण्यसि स्वस्य जनस्य भर्म। रम्यं हि ते तीरमिदं शिवाहे नाङ्गीकरोतीह…

|| कावेरी स्तोत्र || कथं सह्यजन्ये सुरामे सजन्ये प्रसन्ने वदान्या भवेयुर्वदान्ये। सपापस्य मन्ये गतिञ्चाम्ब मान्ये कवेरस्य धन्ये कवेरस्य कन्ये। कृपाम्बोधिसङ्गे कृपार्द्रान्तरङ्गे जलाक्रान्तरङ्गे जवोद्योतरङ्गे। नभश्चुम्बिवन्येभ- सम्पद्विमान्ये नमस्ते वदान्ये कवेरस्य कन्ये। समा ते न लोके नदी ह्यत्र लोके हताशेषशोके लसत्तट्यशोके। पिबन्तोऽम्बु ते के रमन्ते न नाके नमस्ते वदान्ये कवेरस्य कन्ये। महापापिलोकानपि स्नानमात्रान् महापुण्यकृद्भिर्महत्कृत्यसद्भिः। करोष्यम्ब सर्वान् सुराणां समानान्…

|| गोदावरी स्तोत्र || या स्नानमात्राय नराय गोदा गोदानपुण्याधिदृशिः कुगोदा। गोदासरैदा भुवि सौभगोदा गोदावरी साऽवतु नः सुगोदा। या गौपवस्तेर्मुनिना हृताऽत्र या गौतमेन प्रथिता ततोऽत्र। या गौतमीत्यर्थनराश्वगोदा गोदावरी साऽवतु नः सुगोदा। विनिर्गता त्र्यम्बकमस्तकाद्या स्नातुं समायान्ति यतोऽपि काद्या। काऽऽद्याधुनी दृक्सततप्रमोदा गोदावरी साऽवतु नः सुगोदा। गङ्गोद्गतिं राति मृताय रेवा तपःफलं दानफलं तथैव। वरं कुरुक्षेत्रमपि त्रयं या गोदावरी साऽवतु…

|| त्रिवेणी स्तोत्र || मुक्तामयालङ्कृतमुद्रवेणी भक्ताभयत्राणसुबद्धवेणी। मत्तालिगुञ्जन्मकरन्दवेणी श्रीमत्प्रयागे जयति त्रिवेणी। लोकत्रयैश्वर्यनिदानवेणी तापत्रयोच्चाटनबद्धवेणी। धर्माऽर्थकामाकलनैकवेणी श्रीमत्प्रयागे जयति त्रिवेणी। मुक्ताङ्गनामोहन-सिद्धवेणी भक्तान्तरानन्द-सुबोधवेणी। वृत्त्यन्तरोद्वेगविवेकवेणी श्रीमत्प्रयागे जयति त्रिवेणी। दुग्धोदधिस्फूर्जसुभद्रवेणी नीलाभ्रशोभाललिता च वेणी। स्वर्णप्रभाभासुरमध्यवेणी श्रीमत्प्रयागे जयति त्रिवेणी। विश्वेश्वरोत्तुङ्गकपर्दिवेणी विरिञ्चिविष्णुप्रणतैकवेणी। त्रयीपुराणा सुरसार्धवेणी श्रीमत्प्रयागे जयति त्रिवेणी। माङ्गल्यसम्पत्तिसमृद्धवेणी मात्रान्तरन्यस्तनिदानवेणी। परम्परापातकहारिवेणी श्रीमत्प्रयागे जयति त्रिवेणी। निमज्जदुन्मज्जमनुष्यवेणी त्रयोदयोभाग्यविवेकवेणी। विमुक्तजन्माविभवैकवेणी श्रीमत्प्रयागे जयति त्रिवेणी। सौन्दर्यवेणी सुरसार्धवेणी माधुर्यवेणी महनीयवेणी। रत्नैकवेणी रमणीयवेणी…

|| तुङ्गभद्रा स्तोत्र || तुङ्गा तुङ्गतरङ्गवेगसुभगा गङ्गासमा निम्नगा रोगान्ताऽवतु सह्यसंज्ञितनगाज्जातापि पूर्वाब्धिगा। रागाद्यान्तरदोषहृद्वरभगा वागादिमार्गातिगा योगादीष्टसुसिद्धिदा हतभगा स्वङ्गा सुवेगापगा। स्वसा कृष्णावेणीसरित उत वेणीवसुमणी- प्रभापूतक्षोणीचकितवरवाणीसुसरणिः। अशेषाघश्रेणीहृदखिलमनोध्वान्ततरणिर्दृढा स्वर्निश्रेणिर्जयति धरणीवस्त्ररमण दृढं बध्वा क्षिप्ता भवजलनिधौ भद्रविधुता भ्रमच्चित्तास्त्रस्ता उपगत सुपोता अपि गताः। अधोधस्तान्भ्रान्तान्परमकृपया वीक्ष्य तरणिः स्वयं तुङ्गा गङ्गाभवदशुभभङ्गापहरणी। वर्धा सधर्मा मिलितात्र पूर्वतो भद्रा कुमुद्वत्यपि वारुणीतः। तन्मध्यदेशेऽखिलपापहारिणी व्यालोकि तुङ्गाऽखिलतापहारिणी। भद्रया राजते कीत्र्या या…

|| सरयु स्तोत्र || तेऽन्तः सत्त्वमुदञ्चयन्ति रचयन्त्यानन्दसान्द्रोदयं दौर्भाग्यं दलयन्ति निश्चलपदः सम्भुञ्जते सम्पदः। शय्योत्थायमदभ्रभक्तिभरितश्रद्धाविशुद्धाशया मातः पातकपातकर्त्रि सरयु‌ त्वां ये भजन्त्यादरात्। किं नागेशशिरोवतंसितशशिज्योत्स्नाछटा सञ्चिता किं वा व्याधिशमाय भूमिवलयं पीयूषधाराऽऽगता। उत्फुल्लामलपुण्डरीकपटलीसौन्दर्य सर्वंकषा मातस्तावकवारिपूरसरणिः स्नानाय मे जायताम्। अश्रान्तं तव सन्निधौ निवसतः कूलेषु विश्राम्यतः पानीयं पिबतः क्रियां कलयतस्तत्त्वं परं ध्यायतः। उद्यत्प्रेमतरङ्गम्भगुरदृशा वीचिच्छटां पश्यतो दीनत्राणपरे ममेदमयतां वासिष्ठि शिष्टं वयः। गङ्गा तिष्यविचालिता…

|| ताम्रपर्णी स्तोत्र || या पूर्ववाहिन्यपि मग्ननॄणामपूर्ववाहिन्यघनाशनेऽत्र। भ्रूमापहाऽस्माकमपि भ्रमाड्या सा ताम्रपर्णी दुरितं धुनोतु। माधुर्यनैर्मल्यगुणानुषङ्गात् नैजेन तोयेन समं विधत्ते। वाणीं धियं या श्रितमानवानां सा ताम्रपर्णी दुरितं धुनोतु। या सप्तजन्मार्जितपाप- सङ्घनिबर्हणायैव नृणां नु सप्त। क्रोशान् वहन्ती समगात्पयोधिं सा ताम्रपर्णी दुरितं धुनोतु। कुल्यानकुल्यानपि या मनुष्यान् कुल्या स्वरूपेण बिभर्ति पापम्। निवार्य चैषामपवर्ग दात्री सा ताम्रपर्णी दुरितं धुनोतु। श्री पापनाशेश्वर…

|| कृष्णवेणी स्तोत्र || स्वैनोवृन्दापहृदिह मुदा वारिताशेषखेदा शीघ्रं मन्दानपि खलु सदा याऽनुगृह्णात्यभेदा। कृष्णावेणी सरिदभयदा सच्चिदानन्दकन्दा पूर्णानन्दामृतसुपददा पातु सा नो यशोदा। स्वर्निश्रेणिर्या वराभीतिपाणिः पापश्रेणीहारिणी या पुराणी। कृष्णावेणी सिन्धुरव्यात्कमूर्तिः सा हृद्वाणीसृत्यतीताऽच्छकीर्तिः। कृष्णासिन्धो दुर्गतानाथबन्धो मां पङ्काधोराशु कारुण्यसिन्धो। उद्धृत्याधो यान्तमन्त्रास्तबन्धो मायासिन्धोस्तारय त्रातसाधो। स्मारं स्मारं तेऽम्ब माहात्म्यमिष्टं जल्पं जल्पं ते यशो नष्टकष्टम्। भ्रामं भ्रामं ते तटे वर्त आर्ये मज्जं मज्जं…

|| गंगा मंगल स्तोत्र || नमस्तुभ्यं वरे गङ्गे मोक्षसौमङ्गलावहे। प्रसीद मे नमो मातर्वस मे सह सर्वदा। गङ्गा भागीरथी माता गोमुखी सत्सुदर्शिनी। भगीरथतपःपूर्णा गिरीशशीर्षवाहिनी। गगनावतरा गङ्गा गम्भीरस्वरघोषिणी। गतितालसुगाप्लावा गमनाद्भुतगालया। गङ्गा हिमापगा दिव्या गमनारम्भगोमुखी। गङ्गोत्तरी तपस्तीर्था गभीरदरिवाहिनी। गङ्गाहरिशिलारूपा गहनान्तरघर्घरा। गमनोत्तरकाशी च गतिनिम्नसुसङ्गमा। गङ्गाभागीरथीयुक्तागम्भीरालकनन्दभा। गङ्गा देवप्रयागा मा गभीरार्चितराघवा। गतनिम्नहृषीकेशा गङ्गाहरिपदोदका। गङ्गागतहरिद्वारा गगनागसमागता। गतिप्रयागसुक्षेत्रा गङ्गार्कतनयायुता। गतमानवपापा च गङ्गा काशीपुरागता।…

|| यमुना अमृत लहरी स्तोत्र || मातः पातकपातकारिणि तव प्रातः प्रयातस्तटं यः कालिन्दि महेन्द्रनीलपटलस्निग्धां तनुं वीक्षते। तस्यारोहति किं न धन्यजनुषः स्वान्तं नितान्तोल्लस- न्नीलाम्भोधरवृन्दवन्दितरुचिर्देवो रमावल्लभः। नित्यं पातकभङ्गमङ्गलजुषां श्रीकण्ठकण्ठत्विषां तोयानां यमुने तव स्तवविधौ को याति वाचालताम्। येषु द्राग्विनिमज्ज्य सज्जतितरां रम्भाकराम्भोरुह- स्फूर्जच्चामरवीजितामरपदं जेतुं वराको नरः। दानान्धीकृतगन्धसिन्धुरघटागण्डप्रणालीमिल- द्भृङ्गालीमुखरीकृताय नृपतिद्वाराय बद्धोऽञ्जलिः। त्वत्कूले फलमूलशालिनि मम श्लाघ्यामुरीकुर्वतो वृत्तिं हन्त मुनेः प्रयान्तु यमुने…