Languages: ಕನ್ನಡ

 || ಶ್ರೀ ದತ್ತಾತ್ರೇಯ ಪಂಜರ ಸ್ತೋತ್ರಂ || ಅಸ್ಯ ಶ್ರೀದತ್ತಾತ್ರೇಯ ಪಂಜರ ಮಹಾಮಂತ್ರಸ್ಯ ಶಬರರೂಪ ಮಹಾರುದ್ರ ಋಷಿಃ, ಅನುಷ್ಟುಪ್ಛಂದಃ, ಶ್ರೀದತ್ತಾತ್ರೇಯೋ ದೇವತಾ, ಆಂ ಬೀಜಂ, ಹ್ರೀಂ ಶಕ್ತಿಃ, ಕ್ರೋಂ ಕೀಲಕಂ, ಶ್ರೀದತ್ತಾತ್ರೇಯ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ | ದ್ರಾಮಿತ್ಯಾದಿ ನ್ಯಾಸಃ ಕುರ್ಯಾತ್ || ಧ್ಯಾನಮ್ – ವ್ಯಾಖ್ಯಾಮುದ್ರಾಂ ಕರಸರಸಿಜೇ ದಕ್ಷಿಣೇಸಂದಧಾನೋ ಜಾನುನ್ಯಸ್ತಾಪರಕರಸರೋಜಾತ್ತವೇತ್ರೋನ್ನತಾಂಸಃ | ಧ್ಯಾನಾತ್ ಸುಖಪರವಶಾದರ್ಧಮಾಮೀಲಿತಾಕ್ಷೋ ದತ್ತಾತ್ರೇಯೋ ಭಸಿತ ಧವಲಃ ಪಾತು ನಃ ಕೃತ್ತಿವಾಸಾಃ || ಅಥ ಮಂತ್ರಃ – ಓಂ ನಮೋ ಭಗವತೇ ದತ್ತಾತ್ರೇಯಾಯ, ಮಹಾಗಂಭೀರಾಯ,…

|| ಶ್ರೀ ದತ್ತಾತ್ರೇಯ ದ್ವಾದಶನಾಮ ಸ್ತೋತ್ರಂ || ಅಸ್ಯ ಶ್ರೀದತ್ತಾತ್ರೇಯ ದ್ವಾದಶನಾಮ ಸ್ತೋತ್ರಮಂತ್ರಸ್ಯ ಪರಮಹಂಸ ಋಷಿಃ ಶ್ರೀದತ್ತಾತ್ರೇಯ ಪರಮಾತ್ಮಾ ದೇವತಾ ಅನುಷ್ಟುಪ್ಛಂದಃ ಸಕಲಕಾಮನಾಸಿದ್ಧ್ಯರ್ಥೇ ಜಪೇ ವಿನಿಯೋಗಃ | ಪ್ರಥಮಸ್ತು ಮಹಾಯೋಗೀ ದ್ವಿತೀಯಃ ಪ್ರಭುರೀಶ್ವರಃ | ತೃತೀಯಶ್ಚ ತ್ರಿಮೂರ್ತಿಶ್ಚ ಚತುರ್ಥೋ ಜ್ಞಾನಸಾಗರಃ || ೧ || ಪಂಚಮೋ ಜ್ಞಾನವಿಜ್ಞಾನಂ ಷಷ್ಠಸ್ಯಾತ್ ಸರ್ವಮಂಗಲಮ್ | ಸಪ್ತಮೋ ಪುಂಡರೀಕಾಕ್ಷೋ ಅಷ್ಟಮೋ ದೇವವಲ್ಲಭಃ || ೨ || ನವಮೋ ನಂದದೇವೇಶೋ ದಶಮೋ ನಂದದಾಯಕಃ | ಏಕಾದಶೋ ಮಹಾರುದ್ರೋ ದ್ವಾದಶೋ ಕರುಣಾಕರಃ || ೩…

|| ಶ್ರೀ ದತ್ತಾತ್ರೇಯಾಷ್ಟೋತ್ತರಶತನಾಮ ಸ್ತೋತ್ರಂ 2 || ಓಂಕಾರತತ್ತ್ವರೂಪಾಯ ದಿವ್ಯಜ್ಞಾನಾತ್ಮನೇ ನಮಃ | ನಭೋಽತೀತಮಹಾಧಾಮ್ನೇ ಐಂದ್ರ್ಯರ್ಧ್ಯಾ ಓಜಸೇ ನಮಃ || ೧ || ನಷ್ಟಮತ್ಸರಗಮ್ಯಾಯಾಽಽಗಮ್ಯಾಚಾರಾತ್ಮವರ್ತ್ಮನೇ | ಮೋಚಿತಾಮೇಧ್ಯಕೃತಯೇ ಹ್ರೀಂಬೀಜಶ್ರಾಣಿತಶ್ರಿತಃ || ೨ || ಮೋಹಾದಿವಿಭ್ರಮಾಂತಾಯ ಬಹುಕಾಯಧರಾಯ ಚ | ಭಕ್ತದುರ್ವೈಭವಚ್ಛೇತ್ರೇ ಕ್ಲೀಂಬೀಜವರಜಾಪಿನೇ || ೩ || ಭವಹೇತುವಿನಾಶಾಯ ರಾಜಚ್ಛೋಣಾಧರಾಯ ಚ | ಗತಿಪ್ರಕಂಪಿತಾಂಡಾಯ ಚಾರುವ್ಯಾಯತಬಾಹವೇ || ೪ || ಗತಗರ್ವಪ್ರಿಯಾಯಾಸ್ತು ಯಮಾದಿಯತಚೇತಸೇ | ವಶಿತಾಜಾತವಶ್ಯಾಯ ಮುಂಡಿನೇ ಅನಸೂಯವೇ || ೫ || ವದದ್ವರೇಣ್ಯವಾಗ್ಜಾಲಾವಿಸ್ಪಷ್ಟವಿವಿಧಾತ್ಮನೇ | ತಪೋಧನಪ್ರಸನ್ನಾಯೇಡಾಪತಿಸ್ತುತಕೀರ್ತಯೇ ||…

|| ಶ್ರೀ ದತ್ತಾತ್ರೇಯ ಸಹಸ್ರನಾಮ ಸ್ತೋತ್ರಂ 2 || ಕದಾಚಿಚ್ಛಂಕರಾಚಾರ್ಯಶ್ಚಿಂತಯಿತ್ವಾ ದಿವಾಕರಮ್ | ಕಿಂ ಸಾಧಿತಂ ಮಯಾ ಲೋಕೇ ಪೂಜಯಾ ಸ್ತುತಿವಂದನೈಃ || ೧ || ಬಹುಕಾಲೇ ಗತೇ ತಸ್ಯ ದತ್ತಾತ್ರೇಯಾತ್ಮಕೋ ಮುನಿಃ | ಸ್ವಪ್ನೇ ಪ್ರದರ್ಶಯಾಮಾಸ ಸೂರ್ಯರೂಪಮನುತ್ತಮಮ್ || ೨ || ಉವಾಚ ಶಂಕರಂ ತತ್ರ ಪತದ್ರೂಪಮಧಾರಯತ್ | ಪ್ರಾಪ್ಯಸೇ ತ್ವಂ ಸರ್ವಸಿದ್ಧಿಕಾರಣಂ ಸ್ತೋತ್ರಮುತ್ತಮಮ್ || ೩ || ಉಪದೇಕ್ಷ್ಯೇ ದತ್ತನಾಮಸಹಸ್ರಂ ದೇವಪೂಜಿತಮ್ | ದಾತುಂ ವಕ್ತುಮಶಕ್ಯಂ ಚ ರಹಸ್ಯಂ ಮೋಕ್ಷದಾಯಕಮ್ || ೪ ||…

|| ಶ್ರೀ ದತ್ತಾತ್ರೇಯ ಪ್ರಾರ್ಥನಾ ಸ್ತೋತ್ರಂ || ಸಮಸ್ತದೋಷಶೋಷಣಂ ಸ್ವಭಕ್ತಚಿತ್ತತೋಷಣಂ ನಿಜಾಶ್ರಿತಪ್ರಪೋಷಣಂ ಯತೀಶ್ವರಾಗ್ರ್ಯಭೂಷಣಮ್ | ತ್ರಯೀಶಿರೋವಿಭೂಷಣಂ ಪ್ರದರ್ಶಿತಾರ್ಥದೂಷಣಂ ಭಜೇಽತ್ರಿಜಂ ಗತೈಷಣಂ ವಿಭುಂ ವಿಭೂತಿಭೂಷಣಮ್ || ೧ || ಸಮಸ್ತಲೋಕಕಾರಣಂ ಸಮಸ್ತಜೀವಧಾರಣಂ ಸಮಸ್ತದುಷ್ಟಮಾರಣಂ ಕುಬುದ್ಧಿಶಕ್ತಿಜಾರಣಮ್ | ಭಜದ್ಭಯಾದ್ರಿದಾರಣಂ ಭಜತ್ಕುಕರ್ಮವಾರಣಂ ಹರಿಂ ಸ್ವಭಕ್ತತಾರಣಂ ನಮಾಮಿ ಸಾಧುಚಾರಣಮ್ || ೨ || ನಮಾಮ್ಯಹಂ ಮುದಾಸ್ಪದಂ ನಿವಾರಿತಾಖಿಲಾಪದಂ ಸಮಸ್ತದುಃಖತಾಪದಂ ಮುನೀಂದ್ರವಂದ್ಯ ತೇ ಪದಮ್ | ಯದಂಚಿತಾಂತರಾ ಮದಂ ವಿಹಾಯ ನಿತ್ಯಸಮ್ಮದಂ ಪ್ರಯಾಂತಿ ನೈವ ತೇ ಭಿದಂ ಮುಹುರ್ಭಜಂತಿ ಚಾವಿದಮ್ || ೩ ||…

|| ಶ್ರೀ ದತ್ತ ಅಪರಾಧ ಕ್ಷಮಾಪಣ ಸ್ತೋತ್ರಂ || ದತ್ತಾತ್ರೇಯಂ ತ್ವಾಂ ನಮಾಮಿ ಪ್ರಸೀದ ತ್ವಂ ಸರ್ವಾತ್ಮಾ ಸರ್ವಕರ್ತಾ ನ ವೇದ | ಕೋಽಪ್ಯಂತಂ ತೇ ಸರ್ವದೇವಾಧಿದೇವ ಜ್ಞಾತಾಜ್ಞಾತಾನ್ಮೇಽಪರಾಧಾನ್ ಕ್ಷಮಸ್ವ || ೧ || ತ್ವದುದ್ಭವತ್ವಾತ್ತ್ವದಧೀನಧೀತ್ವಾ- -ತ್ತ್ವಮೇವ ಮೇ ವಂದ್ಯ ಉಪಾಸ್ಯ ಆತ್ಮನ್ | ಅಥಾಪಿ ಮೌಢ್ಯಾತ್ ಸ್ಮರಣಂ ನ ತೇ ಮೇ ಕೃತಂ ಕ್ಷಮಸ್ವ ಪ್ರಿಯಕೃನ್ಮಹಾತ್ಮನ್ || ೨ || ಭೋಗಾಪವರ್ಗಪ್ರದಮಾರ್ತಬಂಧುಂ ಕಾರುಣ್ಯಸಿಂಧುಂ ಪರಿಹಾಯ ಬಂಧುಮ್ | ಹಿತಾಯ ಚಾನ್ಯಂ ಪರಿಮಾರ್ಗಯಂತಿ ಹಾ ಮಾದೃಶೋ ನಷ್ಟದೃಶೋ…

|| ಶ್ರೀ ದತ್ತ ಸ್ತೋತ್ರಂ (ಚಿತ್ತಸ್ಥಿರೀಕರ) || ಅನಸೂಯಾತ್ರಿಸಂಭೂತ ದತ್ತಾತ್ರೇಯ ಮಹಾಮತೇ | ಸರ್ವದೇವಾಧಿದೇವ ತ್ವಂ ಮಮ ಚಿತ್ತಂ ಸ್ಥಿರೀಕುರು || ೧ || ಶರಣಾಗತದೀನಾರ್ತತಾರಕಾಖಿಲಕಾರಕ | ಸರ್ವಪಾಲಕ ದೇವ ತ್ವಂ ಮಮ ಚಿತ್ತಂ ಸ್ಥಿರೀಕುರು || ೨ || ಸರ್ವಮಂಗಳಮಾಂಗಳ್ಯ ಸರ್ವಾಧಿವ್ಯಾಧಿಭೇಷಜ | ಸರ್ವಸಂಕಟಹಾರಿಂಸ್ತ್ವಂ ಮಮ ಚಿತ್ತಂ ಸ್ಥಿರೀಕುರು || ೩ || ಸ್ಮರ್ತೃಗಾಮೀ ಸ್ವಭಕ್ತಾನಾಂ ಕಾಮದೋ ರಿಪುನಾಶನಃ | ಭುಕ್ತಿಮುಕ್ತಿಪ್ರದಃ ಸ ತ್ವಂ ಮಮ ಚಿತ್ತಂ ಸ್ಥಿರೀಕುರು || ೪ || ಸರ್ವಪಾಪಕ್ಷಯಕರಸ್ತಾಪದೈನ್ಯನಿವಾರಣಃ |…

|| ಶ್ರೀ ದತ್ತಾತ್ರೇಯ ಸ್ತೋತ್ರಂ (ಭೃಗು ಕೃತಂ) || ಬಾಲಾರ್ಕಪ್ರಭಮಿಂದ್ರನೀಲಜಟಿಲಂ ಭಸ್ಮಾಂಗರಾಗೋಜ್ಜ್ವಲಂ ಶಾಂತಂ ನಾದವಿಲೀನಚಿತ್ತಪವನಂ ಶಾರ್ದೂಲಚರ್ಮಾಂಬರಮ್ | ಬ್ರಹ್ಮಜ್ಞೈಃ ಸನಕಾದಿಭಿಃ ಪರಿವೃತಂ ಸಿದ್ಧೈಃ ಸಮಾರಾಧಿತಂ ಆತ್ರೇಯಂ ಸಮುಪಾಸ್ಮಹೇ ಹೃದಿ ಮುದಾ ಧ್ಯೇಯಂ ಸದಾ ಯೋಗಿಭಿಃ || ೧ || ದಿಗಂಬರಂ ಭಸ್ಮವಿಲೇಪಿತಾಂಗಂ ಚಕ್ರಂ ತ್ರಿಶೂಲಂ ಡಮರುಂ ಗದಾಂ ಚ | ಪದ್ಮಾಸನಸ್ಥಂ ಶಶಿಸೂರ್ಯನೇತ್ರಂ ದತ್ತಾತ್ರೇಯಂ ಧ್ಯೇಯಮಭೀಷ್ಟಸಿದ್ಧ್ಯೈ || ೨ || ಓಂ ನಮಃ ಶ್ರೀಗುರುಂ ದತ್ತಂ ದತ್ತದೇವಂ ಜಗದ್ಗುರುಮ್ | ನಿಷ್ಕಲಂ ನಿರ್ಗುಣಂ ವಂದೇ ದತ್ತಾತ್ರೇಯಂ ನಮಾಮ್ಯಹಮ್…

|| ಶ್ರೀ ಸರಸ್ವತಿ ಅಷ್ಟೋತ್ತರಶತನಾಮ ಸ್ತೋತ್ರಂ || ಸರಸ್ವತೀ ಮಹಾಭದ್ರಾ ಮಹಾಮಾಯಾ ವರಪ್ರದಾ | ಶ್ರೀಪ್ರದಾ ಪದ್ಮನಿಲಯಾ ಪದ್ಮಾಕ್ಷೀ ಪದ್ಮವಕ್ತ್ರಗಾ || ೧ || ಶಿವಾನುಜಾ ಪುಸ್ತಕಭೃತ್ ಜ್ಞಾನಮುದ್ರಾ ರಮಾ ಪರಾ | ಕಾಮರೂಪಾ ಮಹಾವಿದ್ಯಾ ಮಹಾಪಾತಕನಾಶಿನೀ || ೨ || ಮಹಾಶ್ರಯಾ ಮಾಲಿನೀ ಚ ಮಹಾಭೋಗಾ ಮಹಾಭುಜಾ | ಮಹಾಭಾಗಾ ಮಹೋತ್ಸಾಹಾ ದಿವ್ಯಾಂಗಾ ಸುರವಂದಿತಾ || ೩ || ಮಹಾಕಾಳೀ ಮಹಾಪಾಶಾ ಮಹಾಕಾರಾ ಮಹಾಂಕುಶಾ | ಪೀತಾ ಚ ವಿಮಲಾ ವಿಶ್ವಾ ವಿದ್ಯುನ್ಮಾಲಾ ಚ ವೈಷ್ಣವೀ…

|| ಶ್ರೀ ಸರಸ್ವತೀ ಸ್ತೋತ್ರಂ (ಅಗಸ್ತ್ಯ ಕೃತಂ) || ಯಾ ಕುಂದೇಂದು ತುಷಾರಹಾರಧವಳಾ ಯಾ ಶುಭ್ರವಸ್ತ್ರಾವೃತಾ ಯಾ ವೀಣಾವರದಂಡಮಂಡಿತಕರಾ ಯಾ ಶ್ವೇತಪದ್ಮಾಸನಾ | ಯಾ ಬ್ರಹ್ಮಾಚ್ಯುತಶಂಕರಪ್ರಭೃತಿಭಿರ್ದೇವೈಸ್ಸದಾ ಪೂಜಿತಾ ಸಾ ಮಾಂ ಪಾತು ಸರಸ್ವತೀ ಭಗವತೀ ನಿಶ್ಶೇಷಜಾಡ್ಯಾಪಹಾ || ೧ || ದೋರ್ಭಿರ್ಯುಕ್ತಾ ಚತುರ್ಭಿಃ ಸ್ಫಟಿಕಮಣಿನಿಭೈರಕ್ಷಮಾಲಾಂದಧಾನಾ ಹಸ್ತೇನೈಕೇನ ಪದ್ಮಂ ಸಿತಮಪಿ ಚ ಶುಕಂ ಪುಸ್ತಕಂ ಚಾಪರೇಣ | ಭಾಸಾ ಕುಂದೇಂದುಶಂಖಸ್ಫಟಿಕಮಣಿನಿಭಾ ಭಾಸಮಾನಾಽಸಮಾನಾ ಸಾ ಮೇ ವಾಗ್ದೇವತೇಯಂ ನಿವಸತು ವದನೇ ಸರ್ವದಾ ಸುಪ್ರಸನ್ನಾ || ೨ || ಸುರಾಸುರೈಸ್ಸೇವಿತಪಾದಪಂಕಜಾ ಕರೇ…

 || ಶ್ರೀ ಸರಸ್ವತೀ ಸ್ತೋತ್ರಂ || ಓಂ ಅಸ್ಯ ಶ್ರೀಸರಸ್ವತೀಸ್ತೋತ್ರಮಂತ್ರಸ್ಯ | ಬ್ರಹ್ಮಾ ಋಷಿಃ | ಗಾಯತ್ರೀ ಛಂದಃ | ಶ್ರೀಸರಸ್ವತೀ ದೇವತಾ | ಧರ್ಮಾರ್ಥಕಾಮಮೋಕ್ಷಾರ್ಥೇ ಜಪೇ ವಿನಿಯೋಗಃ | ಆರೂಢಾ ಶ್ವೇತಹಂಸೇ ಭ್ರಮತಿ ಚ ಗಗನೇ ದಕ್ಷಿಣೇ ಚಾಕ್ಷಸೂತ್ರಂ ವಾಮೇ ಹಸ್ತೇ ಚ ದಿವ್ಯಾಂಬರಕನಕಮಯಂ ಪುಸ್ತಕಂ ಜ್ಞಾನಗಮ್ಯಾ | ಸಾ ವೀಣಾಂ ವಾದಯಂತೀ ಸ್ವಕರಕರಜಪೈಃ ಶಾಸ್ತ್ರವಿಜ್ಞಾನಶಬ್ದೈಃ ಕ್ರೀಡಂತೀ ದಿವ್ಯರೂಪಾ ಕರಕಮಲಧರಾ ಭಾರತೀ ಸುಪ್ರಸನ್ನಾ || ೧ || ಶ್ವೇತಪದ್ಮಾಸನಾ ದೇವೀ ಶ್ವೇತಗಂಧಾನುಲೇಪನಾ | ಅರ್ಚಿತಾ ಮುನಿಭಿಃ…

|| ಶ್ರೀ ಸರಸ್ವತೀ ದ್ವಾದಶನಾಮ ಸ್ತೋತ್ರಂ || ಸರಸ್ವತೀ ತ್ವಯಂ ದೃಷ್ಟ್ಯಾ ವೀಣಾಪುಸ್ತಕಧಾರಿಣೀ | ಹಂಸವಾಹ ಸಮಾಯುಕ್ತಾ ವಿದ್ಯಾದಾನಕರೀ ಮಮ || ೧ || ಪ್ರಥಮಂ ಭಾರತೀ ನಾಮಾ ದ್ವಿತೀಯಂ ಚ ಸರಸ್ವತೀ | ತೃತೀಯಂ ಶಾರದಾದೇವೀ ಚತುರ್ಥಂ ಹಂಸವಾಹನಾ || ೨ || ಪಂಚಮಂ ಜಗತೀಖ್ಯಾತಂ ಷಷ್ಠಂ ವಾಗೀಶ್ವರೀ ತಥಾ | ಕೌಮಾರೀ ಸಪ್ತಮಂ ಪ್ರೋಕ್ತಮಷ್ಟಮಂ ಬ್ರಹ್ಮಚಾರಿಣೀ || ೩ || ನವಮಂ ಬುದ್ಧಿಧಾತ್ರೀ ಚ ದಶಮಂ ವರದಾಯಿನೀ | ಏಕಾದಶಂ ಕ್ಷುದ್ರಘಂಟಾ ದ್ವಾದಶಂ ಭುವನೇಶ್ವರೀ…

|| ಶ್ರೀ ಸರಸ್ವತೀ ಸ್ತೋತ್ರಂ (ಯಾಜ್ಞ್ಯವಲ್ಕ್ಯ ಕೃತಂ) || ನಾರಾಯಣ ಉವಾಚ | ವಾಗ್ದೇವತಾಯಾಃ ಸ್ತವನಂ ಶ್ರೂಯತಾಂ ಸರ್ವಕಾಮದಮ್ | ಮಹಾಮುನಿರ್ಯಾಜ್ಞವಲ್ಕ್ಯೋ ಯೇನ ತುಷ್ಟಾವ ತಾಂ ಪುರಾ || ೧ || ಗುರುಶಾಪಾಚ್ಚ ಸ ಮುನಿರ್ಹತವಿದ್ಯೋ ಬಭೂವ ಹ | ತದಾ ಜಗಾಮ ದುಃಖಾರ್ತೋ ರವಿಸ್ಥಾನಂ ಚ ಪುಣ್ಯದಮ್ || ೨ || ಸಂಪ್ರಾಪ್ಯತಪಸಾ ಸೂರ್ಯಂ ಕೋಣಾರ್ಕೇ ದೃಷ್ಟಿಗೋಚರೇ | ತುಷ್ಟಾವ ಸೂರ್ಯಂ ಶೋಕೇನ ರುರೋದ ಚ ಪುನಃ ಪುನಃ || ೩ || ಸೂರ್ಯಸ್ತಂ ಪಾಠಯಾಮಾಸ…

|| ಶ್ರೀ ಸರಸ್ವತೀ ಸಹಸ್ರನಾಮ ಸ್ತೋತ್ರಮ್ || ಧ್ಯಾನಂ | ಶ್ರೀಮಚ್ಚಂದನಚರ್ಚಿತೋಜ್ಜ್ವಲವಪುಃ ಶುಕ್ಲಾಂಬರಾ ಮಲ್ಲಿಕಾ- ಮಾಲಾಲಾಲಿತ ಕುಂತಲಾ ಪ್ರವಿಲಸನ್ಮುಕ್ತಾವಲೀಶೋಭನಾ | ಸರ್ವಜ್ಞಾನನಿಧಾನಪುಸ್ತಕಧರಾ ರುದ್ರಾಕ್ಷಮಾಲಾಂಕಿತಾ ವಾಗ್ದೇವೀ ವದನಾಂಬುಜೇ ವಸತು ಮೇ ತ್ರೈಲೋಕ್ಯಮಾತಾ ಶುಭಾ || ಶ್ರೀ ನಾರದ ಉವಾಚ – ಭಗವನ್ಪರಮೇಶಾನ ಸರ್ವಲೋಕೈಕನಾಯಕ | ಕಥಂ ಸರಸ್ವತೀ ಸಾಕ್ಷಾತ್ಪ್ರಸನ್ನಾ ಪರಮೇಷ್ಠಿನಃ || ೨ || ಕಥಂ ದೇವ್ಯಾ ಮಹಾವಾಣ್ಯಾಸ್ಸತತ್ಪ್ರಾಪ ಸುದುರ್ಲಭಮ್ | ಏತನ್ಮೇ ವದ ತತ್ತ್ವೇನ ಮಹಾಯೋಗೀಶ್ವರ ಪ್ರಭೋ || ೩ || ಶ್ರೀ ಸನತ್ಕುಮಾರ ಉವಾಚ –…

|| ಶ್ರೀ ಭಾಸ್ಕರ ಸಪ್ತಕಂ (ಸಪ್ತಸಪ್ತಿಸಪ್ತಕಂ) || ಧ್ವಾಂತದಂತಿಕೇಸರೀ ಹಿರಣ್ಯಕಾಂತಿಭಾಸುರಃ ಕೋಟಿರಶ್ಮಿಭೂಷಿತಸ್ತಮೋಹರೋಽಮಿತದ್ಯುತಿಃ | ವಾಸರೇಶ್ವರೋ ದಿವಾಕರಃ ಪ್ರಭಾಕರಃ ಖಗೋ ಭಾಸ್ಕರಃ ಸದೈವ ಪಾತು ಮಾಂ ವಿಭಾವಸೂ ರವಿಃ || ೧ || ಯಕ್ಷಸಿದ್ಧಕಿನ್ನರಾದಿದೇವಯೋನಿಸೇವಿತಂ ತಾಪಸೈರೃಷೀಶ್ವರೈಶ್ಚ ನಿತ್ಯಮೇವ ವಂದಿತಮ್ | ತಪ್ತಕಾಂಚನಾಭಮರ್ಕಮಾದಿದೈವತಂ ರವಿಂ ವಿಶ್ವಚಕ್ಷುಷಂ ನಮಾಮಿ ಸಾದರಂ ಮಹಾದ್ಯುತಿಮ್ || ೨ || ಭಾನುನಾ ವಸುಂಧರಾ ಪುರೈವ ನಿರ್ಮಿತಾ ತಥಾ ಭಾಸ್ಕರೇಣ ತೇಜಸಾ ಸದೈವ ಪಾಲಿತಾ ಮಹೀ | ಭೂರ್ವಿಲೀನತಾಂ ಪ್ರಯಾತಿ ಕಾಶ್ಯಪೇಯವರ್ಚಸಾ ತಂ ರವಿ ಭಜಾಮ್ಯಹಂ ಸದೈವ…

|| ಶ್ರೀ ಸೂರ್ಯ ಸ್ತವರಾಜ ಸ್ತೋತ್ರಂ || ಬ್ರಹ್ಮೋವಾಚ | ಸ್ತವನಂ ಸಾಮವೇದೋಕ್ತಂ ಸೂರ್ಯಸ್ಯ ವ್ಯಾಧಿಮೋಚನಮ್ | ಸರ್ವಪಾಪಹರಂ ಸಾರಂ ಧನಾರೋಗ್ಯಕರಂ ಪರಮ್ || ೧ || ತಂ ಬ್ರಹ್ಮ ಪರಮಂ ಧಾಮ ಜ್ಯೋತೀರೂಪಂ ಸನಾತನಮ್ | ತ್ವಾಮಹಂ ಸ್ತೋತುಮಿಚ್ಛಾಮಿ ಭಕ್ತಾನುಗ್ರಹಕಾರಕಮ್ || ೨ || ತ್ರೈಲೋಕ್ಯಲೋಚನಂ ಲೋಕನಾಥಂ ಪಾಪವಿಮೋಚನಮ್ | ತಪಸಾಂ ಫಲದಾತಾರಂ ದುಃಖದಂ ಪಾಪಿನಾಂ ಸದಾ || ೩ || ಕರ್ಮಾನುರೂಪಫಲದಂ ಕರ್ಮಬೀಜಂ ದಯಾನಿಧಿಮ್ | ಕರ್ಮರೂಪಂ ಕ್ರಿಯಾರೂಪಮರೂಪಂ ಕರ್ಮಬೀಜಕಮ್ || ೪ ||…

|| ಶ್ರೀ ಮಾರ್ತಾಂಡ ಸ್ತೋತ್ರಂ || ಗಾಢಾಂಧಕಾರಹರಣಾಯ ಜಗದ್ಧಿತಾಯ ಜ್ಯೋತಿರ್ಮಯಾಯ ಪರಮೇಶ್ವರಲೋಚನಾಯ | ಮಂದೇಹದೈತ್ಯಭುಜಗರ್ವವಿಭಂಜನಾಯ ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ || ೧ || ಛಾಯಾಪ್ರಿಯಾಯ ಮಣಿಕುಂಡಲಮಂಡಿತಾಯ ಸುರೋತ್ತಮಾಯ ಸರಸೀರುಹಬಾಂಧವಾಯ | ಸೌವರ್ಣರತ್ನಮಕುಟಾಯ ವಿಕರ್ತನಾಯ ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ || ೨ || ಸಂಜ್ಞಾವಧೂಹೃದಯಪಂಕಜಷಟ್ಪದಾಯ ಗೌರೀಶಪಂಕಜಭವಾಚ್ಯುತವಿಗ್ರಹಾಯ | ಲೋಕೇಕ್ಷಣಾಯ ತಪನಾಯ ದಿವಾಕರಾಯ ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ || ೩ || ಸಪ್ತಾಶ್ವಬದ್ಧಶಕಟಾಯ ಗ್ರಹಾಧಿಪಾಯ ರಕ್ತಾಂಬರಾಯ ಶರಣಾಗತವತ್ಸಲಾಯ | ಜಾಂಬೂನದಾಂಬುಜಕರಾಯ ದಿನೇಶ್ವರಾಯ ಸೂರ್ಯಾಯ ತೀವ್ರಕಿರಣಾಯ ನಮೋ…

|| ಶ್ರೀ ರವಿ ಸ್ತೋತ್ರಂ (ಸಾಂಬಪುರಾಣೇ) || ತ್ವಂ ದೇವ ಋಷಿಕರ್ತಾ ಚ ಪ್ರಕೃತಿಃ ಪುರುಷಃ ಪ್ರಭುಃ | ಛಾಯಾ ಸಂಜ್ಞಾ ಪ್ರತಿಷ್ಠಾಪಿ ನಿರಾಲಂಬೋ ನಿರಾಶ್ರಯಃ || ೧ || ಆಶ್ರಯಃ ಸರ್ವಭೂತಾನಾಂ ನಮಸ್ತೇಽಸ್ತು ಸದಾ ಮಮ | ತ್ವಂ ದೇವ ಸರ್ವತಶ್ಚಕ್ಷುಃ ಸರ್ವತಃ ಸರ್ವದಾ ಗತಿಃ || ೨ || ಸರ್ವದಃ ಸರ್ವದಾ ಸರ್ವಃ ಸರ್ವಸೇವ್ಯಸ್ತ್ವಮಾರ್ತಿಹಾ | ತ್ವಂ ದೇವ ಧ್ಯಾನಿನಾಂ ಧ್ಯಾನಂ ಯೋಗಿನಾಂ ಯೋಗ ಉತ್ತಮಃ || ೩ || ತ್ವಂ ಭಾಷಾಫಲದಃ ಸರ್ವಃ…

|| ಶ್ರೀ ಆದಿತ್ಯ ಸ್ತೋತ್ರಂ 2 (ಭವಿಷ್ಯಪುರಾಣೇ) || ನವಗ್ರಹಾಣಾಂ ಸರ್ವೇಷಾಂ ಸೂರ್ಯಾದೀನಾಂ ಪೃಥಕ್ ಪೃಥಕ್ | ಪೀಡಾ ಚ ದುಸ್ಸಹಾ ರಾಜನ್ ಜಾಯತೇ ಸತತಂ ನೃಣಾಮ್ || ೧ || ಪೀಡಾನಾಶಾಯ ರಾಜೇಂದ್ರ ನಾಮಾನಿ ಶೃಣು ಭಾಸ್ವತಃ | ಸೂರ್ಯಾದೀನಾಂ ಚ ಸರ್ವೇಷಾಂ ಪೀಡಾ ನಶ್ಯತಿ ಶೃಣ್ವತಃ || ೨ || ಆದಿತ್ಯಃ ಸವಿತಾ ಸೂರ್ಯಃ ಪೂಷಾರ್ಕಃ ಶೀಘ್ರಗೋ ರವಿಃ | ಭಗಸ್ತ್ವಷ್ಟಾಽರ್ಯಮಾ ಹಂಸೋ ಹೇಲಿಸ್ತೇಜೋನಿಧಿರ್ಹರಿಃ || ೩ || ದಿನನಾಥೋ ದಿನಕರಃ ಸಪ್ತಸಪ್ತಿಃ ಪ್ರಭಾಕರಃ…

|| ಶ್ರೀ ಸೂರ್ಯ ಸ್ತೋತ್ರಂ 2 (ದೇವ ಕೃತಂ) || ದೇವಾ ಊಚುಃ | ನಮಸ್ತೇ ಋಕ್ಸ್ವರೂಪಾಯ ಸಾಮರೂಪಾಯ ತೇ ನಮಃ | ಯಜುಃ ಸ್ವರೂಪರೂಪಾಯ ಸಾಮ್ನಾಂ ಧಾಮವತೇ ನಮಃ || ೧ || ಜ್ಞಾನೈಕಧಾಮಭೂತಾಯ ನಿರ್ಧೂತತಮಸೇ ನಮಃ | ಶುದ್ಧಜ್ಯೋತಿಃ ಸ್ವರೂಪಾಯ ವಿಶುದ್ಧಾಯಾಮಲಾತ್ಮನೇ || ೨ || ಚಕ್ರಿಣೇ ಶಂಖಿನೇ ಧಾಮ್ನೇ ಶಾರ್ಙ್ಗಿಣೇ ಪದ್ಮಿನೇ ನಮಃ | ವರಿಷ್ಠಾಯ ವರೇಣ್ಯಾಯ ಪರಸ್ಮೈ ಪರಮಾತ್ಮನೇ || ೩ || ನಮೋಽಖಿಲಜಗದ್ವ್ಯಾಪಿಸ್ವರೂಪಾಯಾತ್ಮಮೂರ್ತಯೇ | ಸರ್ವಕಾರಣಭೂತಾಯ ನಿಷ್ಠಾಯೈ ಜ್ಞಾನಚೇತಸಾಮ್ ||…

|| ಶ್ರೀ ಸೂರ್ಯಾಷ್ಟೋತ್ತರಶತನಾಮ ಸ್ತೋತ್ರಂ 2 || ಸೂರ್ಯೋಽರ್ಯಮಾ ಭಗಸ್ತ್ವಷ್ಟಾ ಪೂಷಾರ್ಕಃ ಸವಿತಾ ರವಿಃ | ಗಭಸ್ತಿಮಾನಜಃ ಕಾಲೋ ಮೃತ್ಯುರ್ಧಾತಾ ಪ್ರಭಾಕರಃ || ೧ || ಪೃಥಿವ್ಯಾಪಶ್ಚ ತೇಜಶ್ಚ ಖಂ ವಾಯುಶ್ಚ ಪರಾಯಣಃ | ಸೋಮೋ ಬೃಹಸ್ಪತಿಃ ಶುಕ್ರೋ ಬುಧೋಽಂಗಾರಕ ಏವ ಚ || ೨ || ಇಂದ್ರೋ ವಿವಸ್ವಾನ್ ದೀಪ್ತಾಂಶುಃ ಶುಚಿಃ ಶೌರಿಃ ಶನೈಶ್ಚರಃ | ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ ಸ್ಕಂದೋ ವೈಶ್ರವಣೋ ಯಮಃ || ೩ || ವೈದ್ಯುತೋ ಜಾಠರಶ್ಚಾಗ್ನಿರೈಂಧನಸ್ತೇಜಸಾಂ ಪತಿಃ | ಧರ್ಮಧ್ವಜೋ…

|| ಶ್ರೀ ಸೂರ್ಯಾರ್ಯಾ ಸ್ತೋತ್ರಂ (ಯಾಜ್ಞವಲ್ಕ್ಯ ಕೃತಂ) || ಶುಕತುಂಡಚ್ಛವಿಸವಿತುಶ್ಚಂಡರುಚೇಃ ಪುಂಡರೀಕವನಬಂಧೋಃ | ಮಂಡಲಮುದಿತಂ ವಂದೇ ಕುಂಡಲಮಾಖಂಡಲಾಶಾಯಾಃ || ೧ || ಯಸ್ಯೋದಯಾಸ್ತಸಮಯೇ ಸುರಮುಕುಟನಿಘೃಷ್ಟಚರಣಕಮಲೋಽಪಿ | ಕುರುತೇಂಜಲಿಂ ತ್ರಿನೇತ್ರಃ ಸ ಜಯತಿ ಧಾಮ್ನಾಂ ನಿಧಿಃ ಸೂರ್ಯಃ || ೨ || ಉದಯಾಚಲತಿಲಕಾಯ ಪ್ರಣತೋಽಸ್ಮಿ ವಿವಸ್ವತೇ ಗ್ರಹೇಶಾಯ | ಅಂಬರಚೂಡಾಮಣಯೇ ದಿಗ್ವನಿತಾಕರ್ಣಪೂರಾಯ || ೩ || ಜಯತಿ ಜನಾನಂದಕರಃ ಕರನಿಕರನಿರಸ್ತತಿಮಿರಸಂಘಾತಃ | ಲೋಕಾಲೋಕಾಲೋಕಃ ಕಮಲಾರುಣಮಂಡಲಃ ಸೂರ್ಯಃ || ೪ || ಪ್ರತಿಬೋಧಿತಕಮಲವನಃ ಕೃತಘಟನಶ್ಚಕ್ರವಾಕಮಿಥುನಾನಾಮ್ | ದರ್ಶಿತಸಮಸ್ತಭುವನಃ ಪರಹಿತನಿರತೋ ರವಿಃ…

|| ಶ್ರೀ ಸೂರ್ಯ ನಾಮವರ್ಣನ ಸ್ತೋತ್ರಂ (ಭವಿಷ್ಯಪುರಾಣೇ) || ಬ್ರಹ್ಮೋವಾಚ | ನಾಮಭಿಃ ಸಂಸ್ತುತೋ ದೇವೋ ಯೈರರ್ಕಃ ಪರಿತುಷ್ಯತಿ | ತಾನಿ ತೇ ಕೀರ್ತಯಾಮ್ಯೇಷ ಯಥಾವದನುಪೂರ್ವಶಃ || ೧ || ನಮಃ ಸೂರ್ಯಾಯ ನಿತ್ಯಾಯ ರವಯೇ ಕಾರ್ಯಭಾನವೇ | ಭಾಸ್ಕರಾಯ ಮತಂಗಾಯ ಮಾರ್ತಂಡಾಯ ವಿವಸ್ವತೇ || ೨ || ಆದಿತ್ಯಾಯಾದಿದೇವಾಯ ನಮಸ್ತೇ ರಶ್ಮಿಮಾಲಿನೇ | ದಿವಾಕರಾಯ ದೀಪ್ತಾಯ ಅಗ್ನಯೇ ಮಿಹಿರಾಯ ಚ || ೩ || ಪ್ರಭಾಕರಾಯ ಮಿತ್ರಾಯ ನಮಸ್ತೇಽದಿತಿಸಂಭವ | ನಮೋ ಗೋಪತಯೇ ನಿತ್ಯಂ ದಿಶಾಂ…

|| ಶ್ರೀ ಸೂರ್ಯ ಪ್ರಾತಃ ಸ್ಮರಣ ಸ್ತೋತ್ರಂ || ಪ್ರಾತಃ ಸ್ಮರಾಮಿ ಖಲು ತತ್ಸವಿತುರ್ವರೇಣ್ಯಂ ರೂಪಂ ಹಿ ಮಂಡಲಮೃಚೋಽಥ ತನುರ್ಯಜೂಂಷಿ | ಸಾಮಾನಿ ಯಸ್ಯ ಕಿರಣಾಃ ಪ್ರಭವಾದಿಹೇತುಂ ಬ್ರಹ್ಮಾಹರಾತ್ಮಕಮಲಕ್ಷ್ಯಮಚಿಂತ್ಯರೂಪಮ್ || ೧ || ಪ್ರಾತರ್ನಮಾಮಿ ತರಣಿಂ ತನುವಾಙ್ಮನೋಭಿ- -ರ್ಬ್ರಹ್ಮೇಂದ್ರಪೂರ್ವಕಸುರೈರ್ನತಮರ್ಚಿತಂ ಚ | ವೃಷ್ಟಿಪ್ರಮೋಚನವಿನಿಗ್ರಹಹೇತುಭೂತಂ ತ್ರೈಲೋಕ್ಯಪಾಲನಪರಂ ತ್ರಿಗುಣಾತ್ಮಕಂ ಚ || ೨ || ಪ್ರಾತರ್ಭಜಾಮಿ ಸವಿತಾರಮನಂತಶಕ್ತಿಂ ಪಾಪೌಘಶತ್ರುಭಯರೋಗಹರಂ ಪರಂ ಚ | ತಂ ಸರ್ವಲೋಕಕಲನಾತ್ಮಕಕಾಲಮೂರ್ತಿಂ ಗೋಕಂಠಬಂಧನವಿಮೋಚನಮಾದಿದೇವಮ್ || ೩ || ಶ್ಲೋಕತ್ರಯಮಿದಂ ಭಾನೋಃ ಪ್ರಾತಃ ಪ್ರಾತಃ ಪಠೇತ್ತು ಯಃ…

|| ಶ್ರೀ ದುರ್ಗಾ ಸ್ತೋತ್ರಂ (ಪರಶುರಾಮ ಕೃತಂ) || ಪರಶುರಾಮ ಉವಾಚ | ಶ್ರೀಕೃಷ್ಣಸ್ಯ ಚ ಗೋಲೋಕೇ ಪರಿಪೂರ್ಣತಮಸ್ಯ ಚ | ಆವಿರ್ಭೂತಾ ವಿಗ್ರಹತಃ ಪುರಾ ಸೃಷ್ಟ್ಯುನ್ಮುಖಸ್ಯ ಚ || ೧ || ಸೂರ್ಯಕೋಟಿಪ್ರಭಾಯುಕ್ತಾ ವಸ್ತ್ರಾಲಂಕಾರಭೂಷಿತಾ | ವಹ್ನಿಶುದ್ಧಾಂಶುಕಾಧಾನಾ ಸಸ್ಮಿತಾ ಸುಮನೋಹರಾ || ೨ || ನವಯೌವನಸಂಪನ್ನಾ ಸಿಂದೂರಾರುಣ್ಯಶೋಭಿತಾ | ಲಲಿತಂ ಕಬರೀಭಾರಂ ಮಾಲತೀಮಾಲ್ಯಮಂಡಿತಮ್ || ೩ || ಅಹೋಽನಿರ್ವಚನೀಯಾ ತ್ವಂ ಚಾರುಮೂರ್ತಿಂ ಚ ಬಿಭ್ರತೀ | ಮೋಕ್ಷಪ್ರದಾ ಮುಮುಕ್ಷೂಣಾಂ ಮಹಾವಿಷ್ಣುರ್ವಿಧಿಃ ಸ್ವಯಮ್ || ೪ ||…

|| ಶ್ರೀ ಪದ್ಮಾವತೀ ಸ್ತೋತಂ || ವಿಷ್ಣುಪತ್ನಿ ಜಗನ್ಮಾತಃ ವಿಷ್ಣುವಕ್ಷಃಸ್ಥಲಸ್ಥಿತೇ | ಪದ್ಮಾಸನೇ ಪದ್ಮಹಸ್ತೇ ಪದ್ಮಾವತಿ ನಮೋಽಸ್ತು ತೇ || ೧ || ವೇಂಕಟೇಶಪ್ರಿಯೇ ಪೂಜ್ಯೇ ಕ್ಷೀರಾಬ್ಧಿತನಯೇ ಶುಭೇ | ಪದ್ಮೇ ರಮೇ ಲೋಕಮಾತಃ ಪದ್ಮಾವತಿ ನಮೋಽಸ್ತು ತೇ || ೨ || ಕಳ್ಯಾಣೀ ಕಮಲೇ ಕಾಂತೇ ಕಳ್ಯಾಣಪುರನಾಯಿಕೇ | ಕಾರುಣ್ಯಕಲ್ಪಲತಿಕೇ ಪದ್ಮಾವತಿ ನಮೋಽಸ್ತು ತೇ || ೩ || ಸಹಸ್ರದಳಪದ್ಮಸ್ಥೇ ಕೋಟಿಚಂದ್ರನಿಭಾನನೇ | ಪದ್ಮಪತ್ರವಿಶಾಲಾಕ್ಷಿ ಪದ್ಮಾವತಿ ನಮೋಽಸ್ತು ತೇ || ೪ || ಸರ್ವಜ್ಞೇ ಸರ್ವವರದೇ…