Languages: ಕನ್ನಡ

|| ಶಂಕರ ಪಂಚ ರತ್ನ ಸ್ತೋತ್ರ || ಶಿವಾಂಶಂ ತ್ರಯೀಮಾರ್ಗಗಾಮಿಪ್ರಿಯಂ ತಂ ಕಲಿಘ್ನಂ ತಪೋರಾಶಿಯುಕ್ತಂ ಭವಂತಂ. ಪರಂ ಪುಣ್ಯಶೀಲಂ ಪವಿತ್ರೀಕೃತಾಂಗಂ ಭಜೇ ಶಂಕರಾಚಾರ್ಯಮಾಚಾರ್ಯರತ್ನಂ. ಕರೇ ದಂಡಮೇಕಂ ದಧಾನಂ ವಿಶುದ್ಧಂ ಸುರೈರ್ಬ್ರಹ್ಮವಿಷ್ಣ್ವಾದಿಭಿರ್ಧ್ಯಾನಗಮ್ಯಂ. ಸುಸೂಕ್ಷ್ಮಂ ವರಂ ವೇದತತ್ತ್ವಜ್ಞಮೀಶಂ ಭಜೇ ಶಂಕರಾಚಾರ್ಯಮಾಚಾರ್ಯರತ್ನಂ. ರವೀಂದ್ವಕ್ಷಿಣಂ ಸರ್ವಶಾಸ್ತ್ರಪ್ರವೀಣಂ ಸಮಂ ನಿರ್ಮಲಾಂಗಂ ಮಹಾವಾಕ್ಯವಿಜ್ಞಂ. ಗುರುಂ ತೋಟಕಾಚಾರ್ಯಸಂಪೂಜಿತಂ ತಂ ಭಜೇ ಶಂಕರಾಚಾರ್ಯಮಾಚಾರ್ಯರತ್ನಂ. ಚರಂ ಸಚ್ಚರಿತ್ರಂ ಸದಾ ಭದ್ರಚಿತ್ತಂ ಜಗತ್ಪೂಜ್ಯಪಾದಾಬ್ಜಮಜ್ಞಾನನಾಶಂ. ಜಗನ್ಮುಕ್ತಿದಾತಾರಮೇಕಂ ವಿಶಾಲಂ ಭಜೇ ಶಂಕರಾಚಾರ್ಯಮಾಚಾರ್ಯರತ್ನಂ. ಯತಿಶ್ರೇಷ್ಠಮೇಕಾಗ್ರಚಿತ್ತಂ ಮಹಾಂತಂ ಸುಶಾಂತಂ ಗುಣಾತೀತಮಾಕಾಶವಾಸಂ. ನಿರಾತಂಕಮಾದಿತ್ಯಭಾಸಂ ನಿತಾಂತಂ ಭಜೇ ಶಂಕರಾಚಾರ್ಯಮಾಚಾರ್ಯರತ್ನಂ. ಪಠೇತ್…

|| ಗುರು ಪುಷ್ಪಾಂಜಲಿ ಸ್ತೋತ್ರ || ಶಾಸ್ತ್ರಾಂಬುಧೇರ್ನಾವಮದಭ್ರಬುದ್ಧಿಂ ಸಚ್ಛಿಷ್ಯಹೃತ್ಸಾರಸತೀಕ್ಷ್ಣರಶ್ಮಿಂ. ಅಜ್ಞಾನವೃತ್ರಸ್ಯ ವಿಭಾವಸುಂ ತಂ ಮತ್ಪದ್ಯಪುಷ್ಪೈರ್ಗುರುಮರ್ಚಯಾಮಿ. ವಿದ್ಯಾರ್ಥಿಶಾರಂಗಬಲಾಹಕಾಖ್ಯಂ ಜಾಡ್ಯಾದ್ಯಹೀನಾಂ ಗರುಡಂ ಸುರೇಜ್ಯಂ. ಅಶಾಸ್ತ್ರವಿದ್ಯಾವನವಹ್ನಿರೂಪಂ ಮತ್ಪದ್ಯಪುಷ್ಪೈರ್ಗುರುಮರ್ಚಯಾಮಿ. ನ ಮೇಽಸ್ತಿ ವಿತ್ತಂ ನ ಚ ಮೇಽಸ್ತಿ ಶಕ್ತಿಃ ಕ್ರೇತುಂ ಪ್ರಸೂನಾನಿ ಗುರೋಃ ಕೃತೇ ಭೋಃ. ತಸ್ಮಾದ್ವರೇಣ್ಯಂ ಕರುಣಾಸಮುದ್ರಂ ಮತ್ಪದ್ಯಪುಷ್ಪೈರ್ಗುರುಮರ್ಚಯಾಮಿ. ಕೃತ್ವೋದ್ಭವೇ ಪೂರ್ವತನೇ ಮದೀಯೇ ಭೂಯಾಂಸಿ ಪಾಪಾನಿ ಪುನರ್ಭವೇಽಸ್ಮಿನ್. ಸಂಸಾರಪಾರಂಗತಮಾಶ್ರಿತೋಽಹಂ ಮತ್ಪದ್ಯಪುಷ್ಪೈರ್ಗುರುಮರ್ಚಯಾಮಿ. ಆಧಾರಭೂತಂ ಜಗತಃ ಸುಖಾನಾಂ ಪ್ರಜ್ಞಾಧನಂ ಸರ್ವವಿಭೂತಿಬೀಜಂ. ಪೀಡಾರ್ತಲಂಕಾಪತಿಜಾನಕೀಶಂ ಮತ್ಪದ್ಯಪುಷ್ಪೈರ್ಗುರುಮರ್ಚಯಾಮಿ. ವಿದ್ಯಾವಿಹೀನಾಃ ಕೃಪಯಾ ಹಿ ಯಸ್ಯ ವಾಚಸ್ಪತಿತ್ವಂ ಸುಲಭಂ ಲಭಂತೇ. ತಂ…

|| ಗುರುಪಾದುಕಾ ಸ್ತೋತ್ರ || ಜಗಜ್ಜನಿಸ್ತೇಮ- ಲಯಾಲಯಾಭ್ಯಾಮಗಣ್ಯ- ಪುಣ್ಯೋದಯಭಾವಿತಾಭ್ಯಾಂ. ತ್ರಯೀಶಿರೋಜಾತ- ನಿವೇದಿತಾಭ್ಯಾಂ ನಮೋ ನಮಃ ಶ್ರೀಗುರುಪಾದುಕಾಭ್ಯಂ. ವಿಪತ್ತಮಃಸ್ತೋಮ- ವಿಕರ್ತನಾಭ್ಯಾಂ ವಿಶಿಷ್ಟಸಂಪತ್ತಿ- ವಿವರ್ಧನಾಭ್ಯಾಂ. ನಮಜ್ಜನಾಶೇಷ- ವಿಶೇಷದಾಭ್ಯಾಂ ನಮೋ ನಮಃ ಶ್ರೀಗುರುಪಾದುಕಾಭ್ಯಾಂ. ಸಮಸ್ತದುಸ್ತರ್ಕ- ಕಲಂಕಪಂಕಾಪನೋದನ- ಪ್ರೌಢಜಲಾಶಯಾಭ್ಯಾಂ. ನಿರಾಶ್ರಯಾಭ್ಯಾಂ ನಿಖಿಲಾಶ್ರಯಾಭ್ಯಾಂ ನಮೋ ನಮಃ ಶ್ರೀಗುರುಪಾದುಕಾಭ್ಯಾಂ. ತಾಪತ್ರಯಾದಿತ್ಯ- ಕರಾರ್ದಿತಾನಾಂ ಛಾಯಾಮಯೀಭ್ಯಾಮತಿ- ಶೀತಲಾಭ್ಯಾಂ. ಆಪನ್ನಸಂರಕ್ಷಣ- ದೀಕ್ಷಿತಾಭ್ಯಾಂ ನಮೋ ನಮಃ ಶ್ರೀಗುರುಪಾದುಕಾಭ್ಯಾಂ. ಯತೋ ಗಿರೋಽಪ್ರಾಪ್ಯ ಧಿಯಾ ಸಮಸ್ತಾ ಹ್ರಿಯಾ ನಿವೃತ್ತಾಃ ಸಮಮೇವ ನಿತ್ಯಾಃ. ತಾಭ್ಯಾಮಜೇಶಾಚ್ಯುತ- ಭಾವಿತಾಭ್ಯಾಂ ನಮೋ ನಮಃ ಶ್ರೀಗುರುಪಾದುಕಾಭ್ಯಾಂ. ಯೇ ಪಾದುಕಾಪಂಚಕಮಾದರೇಣ ಪಠಂತಿ ನಿತ್ಯಂ…

|| ಬ್ರಹ್ಮವಿದ್ಯಾ ಪಂಚಕಂ || ನಿತ್ಯಾನಿತ್ಯವಿವೇಕತೋ ಹಿ ನಿತರಾಂ ನಿರ್ವೇದಮಾಪದ್ಯ ಸದ್- ವಿದ್ವಾನತ್ರ ಶಮಾದಿಷಟ್ಕಲಸಿತಃ ಸ್ಯಾನ್ಮುಕ್ತಿಕಾಮೋ ಭುವಿ. ಪಶ್ಚಾದ್ಬ್ರಹ್ಮವಿದುತ್ತಮಂ ಪ್ರಣತಿಸೇವಾದ್ಯೈಃ ಪ್ರಸನ್ನಂ ಗುರುಂ ಪೃಚ್ಛೇತ್ ಕೋಽಹಮಿದಂ ಕುತೋ ಜಗದಿತಿ ಸ್ವಾಮಿನ್! ವದ ತ್ವಂ ಪ್ರಭೋ. ತ್ವಂ ಹಿ ಬ್ರಹ್ಮ ನ ಚೇಂದ್ರಿಯಾಣಿ ನ ಮನೋ ಬುದ್ಧಿರ್ನ ಚಿತ್ತಂ ವಪುಃ ಪ್ರಾಣಾಹಂಕೃತಯೋಽನ್ಯದ- ಪ್ಯಸದವಿದ್ಯಾಕಲ್ಪಿತಂ ಸ್ವಾತ್ಮನಿ. ಸರ್ವಂ ದೃಶ್ಯತಯಾ ಜಡಂ ಜಗದಿದಂ ತ್ವತ್ತಃ ಪರಂ ನಾನ್ಯತೋ ಜಾತಂ ನ ಸ್ವತ ಏವ ಭಾತಿ ಮೃಗತೃಷ್ಣಾಭಂ ದರೀದೃಶ್ಯತಾಂ. ವ್ಯಪ್ತಂ ಯೇನ ಚರಾಚರಂ…

|| ವೇದವ್ಯಾಸ ಅಷ್ಟಕ ಸ್ತೋತ್ರ || ಸುಜನೇ ಮತಿತೋ ವಿಲೋಪಿತೇ ನಿಖಿಲೇ ಗೌತಮಶಾಪತೋಮರೈಃ. ಕಮಲಾಸನಪೂರ್ವಕೈಸ್ಸ್ತತೋ ಮತಿದೋ ಮೇಸ್ತು ಸ ಬಾದರಾಯಣಃ. ವಿಮಲೋಽಪಿ ಪರಾಶರಾದಭೂದ್ಭುವಿ ಭಕ್ತಾಭಿಮತಾರ್ಥ ಸಿದ್ಧಯೇ. ವ್ಯಭಜದ್ ಬಹುಧಾ ಸದಾಗಮಾನ್ ಮತಿದೋ ಮೇಸ್ತು ಸ ಬಾದರಾಯಣಃ. ಸುತಪೋಮತಿಶಾಲಿಜೈಮಿನಿ- ಪ್ರಮುಖಾನೇಕವಿನೇಯಮಂಡಿತಃ. ಉರುಭಾರತಕೃನ್ಮಹಾಯಶಾ ಮತಿದೋ ಮೇಸ್ತು ಸ ಬಾದರಾಯಣಃ. ನಿಖಿಲಾಗಮನಿರ್ಣಯಾತ್ಮಕಂ ವಿಮಲಂ ಬ್ರಹ್ಮಸುಸೂತ್ರಮಾತನೋತ್. ಪರಿಹೃತ್ಯ ಮಹಾದುರಾಗಮಾನ್ ಮತಿದೋ ಮೇಸ್ತು ಸ ಬಾದರಾಯಣಃ. ಬದರೀತರುಮಂಡಿತಾಶ್ರಮೇ ಸುಖತೀರ್ಥೇಷ್ಟವಿನೇಯದೇಶಿಕಃ. ಉರುತದ್ಭಜನಪ್ರಸನ್ನಹೃನ್ಮತಿದೋ ಮೇಸ್ತು ಸ ಬಾದರಾಯಣಃ. ಅಜಿನಾಂಬರರೂಪಯಾ ಕ್ರಿಯಾಪರಿವೀತೋ ಮುನಿವೇಷಭೂಷಿತಃ. ಮುನಿಭಾವಿತಪಾದಪಂಕಜೋ ಮತಿದೋ ಮೇಸ್ತು ಸ…

|| ಶಂಕರಾಚಾರ್ಯ ಭುಜಂಗ ಸ್ತೋತ್ರ || ಕೃಪಾಸಾಗರಾಯಾಶುಕಾವ್ಯಪ್ರದಾಯ ಪ್ರಣಮ್ರಾಖಿಲಾಭೀಷ್ಟಸಂದಾಯಕಾಯ. ಯತೀಂದ್ರೈರುಪಾಸ್ಯಾಂಘ್ರಿಪಾಥೋರುಹಾಯ ಪ್ರಬೋಧಪ್ರದಾತ್ರೇ ನಮಃ ಶಂಕರಾಯ. ಚಿದಾನಂದರೂಪಾಯ ಚಿನ್ಮುದ್ರಿಕೋದ್ಯತ್ಕರಾಯೇಶಪರ್ಯಾಯರೂಪಾಯ ತುಭ್ಯಂ. ಮುದಾ ಗೀಯಮಾನಾಯ ವೇದೋತ್ತಮಾಂಗೈಃ ಶ್ರಿತಾನಂದದಾತ್ರೇ ನಮಃ ಶಂಕರಾಯ. ಜಟಾಜೂಟಮಧ್ಯೇ ಪುರಾ ಯಾ ಸುರಾಣಾಂ ಧುನೀ ಸಾದ್ಯ ಕರ್ಮಂದಿರೂಪಸ್ಯ ಶಂಭೋಃ. ಗಲೇ ಮಲ್ಲಿಕಾಮಾಲಿಕಾವ್ಯಾಜತಸ್ತೇ ವಿಭಾತೀತಿ ಮನ್ಯೇ ಗುರೋ ಕಿಂ ತಥೈವ. ನಖೇಂದುಪ್ರಭಾಧೂತನಮ್ರಾಲಿಹಾರ್ದಾಂಧಕಾರ- ವ್ರಜಾಯಾಬ್ಜಮಂದಸ್ಮಿತಾಯ. ಮಹಾಮೋಹಪಾಥೋನಿಧೇರ್ಬಾಡಬಾಯ ಪ್ರಶಾಂತಾಯ ಕುರ್ಮೋ ನಮಃ ಶಂಕರಾಯ. ಪ್ರಣಮ್ರಾಂತರಂಗಾಬ್ಜಬೋಧಪ್ರದಾತ್ರೇ ದಿವಾರಾತ್ರಮವ್ಯಾಹತೋಸ್ರಾಯ ಕಾಮಂ. ಕ್ಷಪೇಶಾಯ ಚಿತ್ರಾಯ ಲಕ್ಷ್ಮಕ್ಷಯಾಭ್ಯಾಂ ವಿಹೀನಾಯ ಕುರ್ಮೋ ನಮಃ ಶಂಕರಾಯ. ಪ್ರಣಮ್ರಾಸ್ಯಪಾಥೋಜಮೋದಪ್ರದಾತ್ರೇ ಸದಾಂತಸ್ತಮಸ್ತೋಮಸಂಹಾರಕರ್ತ್ರೇ. ರಜನ್ಯಾಮಪೀದ್ಧಪ್ರಕಾಶಾಯ…

|| ಶಂಕರಾಚಾರ್ಯ ಕರಾವಲಂಬ ಸ್ತೋತ್ರ || ಓಮಿತ್ಯಶೇಷವಿಬುಧಾಃ ಶಿರಸಾ ಯದಾಜ್ಞಾಂ ಸಂಬಿಭ್ರತೇ ಸುಮಮಯೀಮಿವ ನವ್ಯಮಾಲಾಂ. ಓಂಕಾರಜಾಪರತಲಭ್ಯಪದಾಬ್ಜ ಸ ತ್ವಂ ಶ್ರೀಶಂಕರಾರ್ಯ ಮಮ ದೇಹಿ ಕರಾವಲಂಬಂ| ನಮ್ರಾಲಿಹೃತ್ತಿಮಿರಚಂಡಮಯೂಖಮಾಲಿನ್ ಕಮ್ರಸ್ಮಿತಾಪಹೃತಕುಂದಸುಧಾಂಶುದರ್ಪ. ಸಮ್ರಾಟ ಯದೀಯದಯಯಾ ಪ್ರಭವೇದ್ದರಿದ್ರಃ ಶ್ರೀಶಂಕರಾರ್ಯ ಮಮ ದೇಹಿ ಕರಾವಲಂಬಂ| ಮಸ್ತೇ ದುರಕ್ಷರತತಿರ್ಲಿಖಿತಾ ವಿಧಾತ್ರಾ ಜಾಗರ್ತು ಸಾಧ್ವಸಲವೋಽಪಿ ನ ಮೇಽಸ್ತಿ ತಸ್ಯಾಃ. ಲುಂಪಾಮಿ ತೇ ಕರುಣಯಾ ಕರುಣಾಂಬುಧೇ ತಾಂ ಶ್ರೀಶಂಕರಾರ್ಯ ಮಮ ದೇಹಿ ಕರಾವಲಂಬಂ| ಶಂಪಾಲತಾಸದೃಶಭಾಸ್ವರದೇಹಯುಕ್ತ ಸಂಪಾದಯಾಮ್ಯಖಿಲಶಾಸ್ತ್ರಧಿಯಂ ಕದಾ ವಾ. ಶಂಕಾನಿವಾರಣಪಟೋ ನಮತಾಂ ನರಾಣಾಂ ಶ್ರೀಶಂಕರಾರ್ಯ ಮಮ ದೇಹಿ ಕರಾವಲಂಬಂ|…

|| ದಕ್ಷಿಣಾಮೂರ್ತ್ತಿ ದಶಕ ಸ್ತೋತ್ರ || ಪುನ್ನಾಗವಾರಿಜಾತಪ್ರಭೃತಿಸುಮಸ್ರಗ್ವಿಭೂಷಿತಗ್ರೀವ. ಪುರಗರ್ವಮರ್ದನಚಣಃ ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ. ಪೂಜಿತಪದಾಂಬುಜಾತಃ ಪುರುಷೋತ್ತಮದೇವರಾಜಪದ್ಮಭವೈಃ. ಪೂಗಪ್ರದಃ ಕಲಾನಾಂ ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ. ಹಾಲಾಹಲೋಜ್ಜ್ವಲಗಲಃ ಶೈಲಾದಿಪ್ರವರಗಣೈರ್ವೀತಃ. ಕಾಲಾಹಂಕೃತಿದಲನಃ ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ. ಕೈಲಾಸಶೈಲಾನಲಯೋ ಲೀಲಾಲೇಶೇನ ನಿರ್ಮಿತಾಜಾಂಡಃ. ಬಾಲಾಬ್ಜಕೃತಾವತಂಸಃ ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ. ಚೇಲಾಜಿತಕುಂದದುಗ್ಧೋ ಲೋಲಃ ಶೈಲಾಧಿರಾಜತನಯಾಯಾಂ. ಫಾಲವಿರಾಜದ್ವಹ್ನಿಃ ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ. ನ್ಯಗ್ರೋಧಮೂಲವಾಸೀ ನ್ಯಕ್ಕೃತಚಂದ್ರೋ ಮುಖಾಂಬುಜಾತೇನ. ಪುಣ್ಯೈಕಲಭ್ಯಚರಣಃ ಪುರತೋ ಮಮ ಭವತು ದಕ್ಷಿಣಾಮೂರ್ತಿಃ. ಮಂದಾರ ಆನತತತೇರ್ವೃಂದಾರಕವೃಂದವಂದಿತಪದಾಬ್ಜಃ. ವಂದಾರುಪೂರ್ಣಕರುಣಃ ಪುರತೋ ಮಮ…

|| ಮೃತ್ಯುಹರಣ ನಾರಾಯಣ ಸ್ತೋತ್ರ || ನಾರಾಯಣಂ ಸಹಸ್ರಾಕ್ಷಂ ಪದ್ಮನಾಭಂ ಪುರಾತನಂ. ಹೃಷೀಕೇಶಂ ಪ್ರಪನ್ನೋಽಸ್ಮಿ ಕಿಂ ಮೇ ಮೃತ್ಯುಃ ಕರಿಷ್ಯತಿ. ಗೋವಿಂದಂ ಪುಂಡರೀಕಾಕ್ಷ- ಮನಂತಮಜಮವ್ಯಯಂ. ಕೇಶವಂ ಚ ಪ್ರಪನ್ನೋಽಸ್ಮಿ ಕಿಂ ಮೇ ಮೃತ್ಯುಃ ಕರಿಷ್ಯತಿ. ವಾಸುದೇವಂ ಜಗದ್ಯೋನಿಂ ಭಾನುವರ್ಣಮತೀಂದ್ರಿಯಂ. ದಾಮೋದರಂ ಪ್ರಪನ್ನೋಽಸ್ಮಿ ಕಿಂ ಮೇ ಮೃತ್ಯುಃ ಕರಿಷ್ಯತಿ. ಶಂಖಚಕ್ರಧರಂ ದೇವಂ ಛತ್ರರೂಪಿಣಮವ್ಯಯಂ. ಅಧೋಕ್ಷಜಂ ಪ್ರಪನ್ನೋಽಸ್ಮಿ ಕಿಂ ಮೇ ಮೃತ್ಯುಃ ಕರಿಷ್ಯತಿ. ವಾರಾಹಂ ವಾಮನಂ ವಿಷ್ಣುಂ ನರಸಿಂಹಂ ಜನಾರ್ದನಂ. ಮಾಧವಂ ಚ ಪ್ರಪನ್ನೋಽಸ್ಮಿ ಕಿಂ ಮೇ ಮೃತ್ಯುಃ ಕರಿಷ್ಯತಿ….

|| ಹರಿ ಕಾರುಣ್ಯ ಸ್ತೋತ್ರ || ಯಾ ತ್ವರಾ ಜಲಸಂಚಾರೇ ಯಾ ತ್ವರಾ ವೇದರಕ್ಷಣೇ. ಮಯ್ಯಾರ್ತ್ತೇ ಕರುಣಾಮೂರ್ತೇ ಸಾ ತ್ವರಾ ಕ್ವ ಗತಾ ಹರೇ. ಯಾ ತ್ವರಾ ಮಂದರೋದ್ಧಾರೇ ಯಾ ತ್ವರಾಽಮೃತರಕ್ಷಣೇ. ಮಯ್ಯಾರ್ತ್ತೇ ಕರುಣಾಮೂರ್ತೇ ಸಾ ತ್ವರಾ ಕ್ವ ಗತಾ ಹರೇ. ಯಾ ತ್ವರಾ ಕ್ರೋಡವೇಷಸ್ಯ ವಿಧೃತೌ ಭೂಸಮೃದ್ಧೃತೌ. ಮಯ್ಯಾರ್ತ್ತೇ ಕರುಣಾಮೂರ್ತೇ ಸಾ ತ್ವರಾ ಕ್ವ ಗತಾ ಹರೇ. ಯಾ ತ್ವರಾ ಚಾಂದ್ರಮಾಲಾಯಾ ಧಾರಣೇ ಪೋಥರಕ್ಷಣೇ. ಮಯ್ಯಾರ್ತ್ತೇ ಕರುಣಾಮೂರ್ತೇ ಸಾ ತ್ವರಾ ಕ್ವ ಗತಾ ಹರೇ. ಯಾ…

|| ವಿಷ್ಣು ಷಟ್ಪದೀ ಸ್ತೋತ್ರ || ಅವಿನಯಮಪನಯ ವಿಷ್ಣೋ ದಮಯ ಮನಃ ಶಮಯ ವಿಷಯಮೃಗತೃಷ್ಣಾಂ. ಭೂತದಯಾಂ ವಿಸ್ತಾರಯ ತಾರಯ ಸಮಸಾರಸಾಗರತಃ. ದಿವ್ಯಧುನೀಮಕರಂದೇ ಪರಿಮಲಪರಿಭೋಗಸಚ್ಚಿದಾನಂದೇ. ಶ್ರೀಪತಿಪದಾರವಿಂದೇ ಭವಭಯಖೇದಚ್ಛಿದೇ ವಂದೇ. ಸತ್ಯಪಿ ಭೇದಾಪಗಮೇ ನಾಥ ತವಾಹಂ ನ ಮಾಮಕೀನಸ್ತ್ವಂ. ಸಾಮುದ್ರೋ ಹಿ ತರಂಗಃ ಕ್ವಚನ ಸಮುದ್ರೋ ನ ತಾರಂಗಃ. ಉದ್ಧೃತನಗ ನಗಭಿದನುಜ ದನುಜಕುಲಾಮಿತ್ರ ಮಿತ್ರಶಶಿದೃಷ್ಟೇ. ದೃಷ್ಟೇ ಭವತಿ ಪ್ರಭವತಿ ನ ಭವತಿ ಕಿಂ ಭವತಿರಸ್ಕಾರಃ. ಮತ್ಸ್ಯಾದಿಭಿರವತಾರೈ- ರವತಾರವತಾವತಾ ಸದಾ ವಸುಧಾಂ. ಪರಮೇಶ್ವರ ಪರಿಪಾಲ್ಯೋ ಭವತಾ ಭವತಾಪಭೀತೋಽಹಂ. ದಾಮೋದರ ಗುಣಮಂದಿರ ಸುಂದರವದನಾರವಿಂದ…

|| ಹರಿಪದಾಷ್ಟಕ ಸ್ತೋತ್ರ || ಭುಜಗತಲ್ಪಗತಂ ಘನಸುಂದರಂ ಗರುಡವಾಹನಮಂಬುಜಲೋಚನಂ. ನಲಿನಚಕ್ರಗದಾಧರಮವ್ಯಯಂ ಭಜತ ರೇ ಮನುಜಾಃ ಕಮಲಾಪತಿಂ. ಅಲಿಕುಲಾಸಿತಕೋಮಲಕುಂತಲಂ ವಿಮಲಪೀತದುಕೂಲಮನೋಹರಂ. ಜಲಧಿಜಾಶ್ರಿತವಾಮಕಲೇವರಂ ಭಜತ ರೇ ಮನುಜಾಃ ಕಮಲಾಪತಿಂ. ಕಿಮು ಜಪೈಶ್ಚ ತಪೋಭಿರುತಾಧ್ವರೈ- ರಪಿ ಕಿಮುತ್ತಮತೀರ್ಥನಿಷೇವಣೈಃ. ಕಿಮುತ ಶಾಸ್ತ್ರಕದಂಬವಿಲೋಕಣೈ- ರ್ಭಜತ ರೇ ಮನುಜಾಃ ಕಮಲಾಪತಿಂ. ಮನುಜದೇಹಮಿಮಂ ಭುವಿ ದುರ್ಲಭಂ ಸಮಧಿಗಮ್ಯ ಸುರೈರಪಿ ವಾಂಛಿತಂ. ವಿಷಯಲಂಪಟತಾಮವಹಾಯ ವೈ ಭಜತ ರೇ ಮನುಜಾಃ ಕಮಲಾಪತಿಂ. ನ ವನಿತಾ ನ ಸುತೋ ನ ಸಹೋದರೋ ನ ಹಿ ಪಿತಾ ಜನನೀ ನ ಚ ಬಾಂಧವಾಃ….

|| ಶೇಷಾದ್ರಿ ನಾಥ ಸ್ತೋತ್ರ || ಅರಿಂದಮಃ ಪಂಕಜನಾಭ ಉತ್ತಮೋ ಜಯಪ್ರದಃ ಶ್ರೀನಿರತೋ ಮಹಾಮನಾಃ. ನಾರಾಯಣೋ ಮಂತ್ರಮಹಾರ್ಣವಸ್ಥಿತಃ ಶೇಷಾದ್ರಿನಾಥಃ ಕುರುತಾಂ ಕೃಪಾಂ ಮಯಿ. ಮಾಯಾಸ್ವರೂಪೋ ಮಣಿಮುಖ್ಯಭೂಷಿತಃ ಸೃಷ್ಟಿಸ್ಥಿತಃ ಕ್ಷೇಮಕರಃ ಕೃಪಾಕರಃ. ಶುದ್ಧಃ ಸದಾ ಸತ್ತ್ವಗುಣೇನ ಪೂರಿತಃ ಶೇಷಾದ್ರಿನಾಥಃ ಕುರುತಾಂ ಕೃಪಾಂ ಮಯಿ. ಪ್ರದ್ಯುಮ್ನರೂಪಃ ಪ್ರಭುರವ್ಯಯೇಶ್ವರಃ ಸುವಿಕ್ರಮಃ ಶ್ರೇಷ್ಠಮತಿಃ ಸುರಪ್ರಿಯಃ. ದೈತ್ಯಾಂತಕೋ ದುಷ್ಟನೃಪಪ್ರಮರ್ದನಃ ಶೇಷಾದ್ರಿನಾಥಃ ಕುರುತಾಂ ಕೃಪಾಂ ಮಯಿ. ಸುದರ್ಶನಶ್ಚಕ್ರಗದಾಭುಜಃ ಪರಃ ಪೀತಾಂಬರಃ ಪೀನಮಹಾಭುಜಾಂತರಃ. ಮಹಾಹನುರ್ಮರ್ತ್ಯನಿತಾಂತರಕ್ಷಕಃ ಶೇಷಾದ್ರಿನಾಥಃ ಕುರುತಾಂ ಕೃಪಾಂ ಮಯಿ. ಬ್ರಹ್ಮಾರ್ಚಿತಃ ಪುಣ್ಯಪದೋ ವಿಚಕ್ಷಣಃ ಸ್ತಂಭೋದ್ಭವಃ ಶ್ರೀಪತಿರಚ್ಯುತೋ…

|| ಹಯಾನನ ಪಂಚಕ ಸ್ತೋತ್ರ || ಉರುಕ್ರಮಮುದುತ್ತಮಂ ಹಯಮುಖಸ್ಯ ಶತ್ರುಂ ಚಿರಂ ಜಗತ್ಸ್ಥಿತಿಕರಂ ವಿಭುಂ ಸವಿತೃಮಂಡಲಸ್ಥಂ ಸುರಂ. ಭಯಾಪಹಮನಾಮಯಂ ವಿಕಸಿತಾಕ್ಷಮುಗ್ರೋತ್ತಮಂ ಹಯಾನನಮುಪಾಸ್ಮಹೇ ಮತಿಕರಂ ಜಗದ್ರಕ್ಷಕಂ. ಶ್ರುತಿತ್ರಯವಿದಾಂ ವರಂ ಭವಸಮುದ್ರನೌರೂಪಿಣಂ ಮುನೀಂದ್ರಮನಸಿ ಸ್ಥಿತಂ ಬಹುಭವಂ ಭವಿಷ್ಣುಂ ಪರಂ. ಸಹಸ್ರಶಿರಸಂ ಹರಿಂ ವಿಮಲಲೋಚನಂ ಸರ್ವದಂ ಹಯಾನನಮುಪಾಸ್ಮಹೇ ಮತಿಕರಂ ಜಗದ್ರಕ್ಷಕಂ. ಸುರೇಶ್ವರನತಂ ಪ್ರಭುಂ ನಿಜಜನಸ್ಯ ಮೋಕ್ಷಪ್ರದಂ ಕ್ಷಮಾಪ್ರದಮಥಾಽಽಶುಗಂ ಮಹಿತಪುಣ್ಯದೇಹಂ ದ್ವಿಜೈಃ. ಮಹಾಕವಿವಿವರ್ಣಿತಂ ಸುಭಗಮಾದಿರೂಪಂ ಕವಿಂ ಹಯಾನನಮುಪಾಸ್ಮಹೇ ಮತಿಕರಂ ಜಗದ್ರಕ್ಷಕಂ. ಕಮಂಡಲುಧರಂ ಮುರದ್ವಿಷಮನಂತ- ಮಾದ್ಯಚ್ಯುತಂ ಸುಕೋಮಲಜನಪ್ರಿಯಂ ಸುತಿಲಕಂ ಸುಧಾಸ್ಯಂದಿತಂ. ಪ್ರಕೃಷ್ಟಮಣಿಮಾಲಿಕಾಧರಮುರಂ ದಯಾಸಾಗರಂ ಹಯಾನನಮುಪಾಸ್ಮಹೇ…

|| ಕಲ್ಕಿ ಸ್ತೋತ್ರ || ಜಯ ಹರೇಽಮರಾಧೀಶಸೇವಿತಂ ತವ ಪದಾಂಬುಜಂ ಭೂರಿಭೂಷಣಂ. ಕುರು ಮಮಾಗ್ರತಃ ಸಾಧುಸತ್ಕೃತಂ ತ್ಯಜ ಮಹಾಮತೇ ಮೋಹಮಾತ್ಮನಃ. ತವ ವಪುರ್ಜಗದ್ರೂಪಸಂಪದಾ ವಿರಚಿತಂ ಸತಾಂ ಮಾನಸೇ ಸ್ಥಿತಂ. ರತಿಪತೇರ್ಮನೋ ಮೋಹದಾಯಕಂ ಕುರು ವಿಚೇಷ್ಟಿತಂ ಕಾಮಲಂಪಟಂ. ತವ ಯಶೋಜಗಚ್ಛೋಕನಾಶಕಂ ಮೃದುಕಥಾಮೃತಂ ಪ್ರೀತಿದಾಯಕಂ. ಸ್ಮಿತಸುಧೋಕ್ಷಿತಂ ಚಂದ್ರವನ್ಮುಖಂ ತವ ಕರೋತ್ಯಲಂ ಲೋಕಮಂಗಲಂ. ಮಮ ಪತಿಸ್ತ್ವಯಂ ಸರ್ವದುರ್ಜಯೋ ಯದಿ ತವಾಪ್ರಿಯಂ ಕರ್ಮಣಾಽಽಚರೇತ್. ಜಹಿ ತದಾತ್ಮನಃ ಶತ್ರುಮುದ್ಯತಂ ಕುರು ಕೃಪಾಂ ನ ಚೇದೀದೃಗೀಶ್ವರಃ. ಮಹದಹಂಯುತಂ ಪಂಚಮಾತ್ರಯಾ ಪ್ರಕೃತಿಜಾಯಯಾ ನಿರ್ಮಿತಂ ವಪುಃ. ತವ ನಿರೀಕ್ಷಣಾಲ್ಲೀಲಯಾ…

|| ಜಗನ್ನಾಥ ಪಂಚಕ ಸ್ತೋತ್ರ || ರಕ್ತಾಂಭೋರುಹದರ್ಪಭಂಜನ- ಮಹಾಸೌಂದರ್ಯನೇತ್ರದ್ವಯಂ ಮುಕ್ತಾಹಾರವಿಲಂಬಿಹೇಮಮುಕುಟಂ ರತ್ನೋಜ್ಜ್ವಲತ್ಕುಂಡಲಂ. ವರ್ಷಾಮೇಘಸಮಾನನೀಲವಪುಷಂ ಗ್ರೈವೇಯಹಾರಾನ್ವಿತಂ ಪಾರ್ಶ್ವೇ ಚಕ್ರಧರಂ ಪ್ರಸನ್ನವದನಂ ನೀಲಾದ್ರಿನಾಥಂ ಭಜೇ. ಫುಲ್ಲೇಂದೀವರಲೋಚನಂ ನವಘನಶ್ಯಾಮಾಭಿರಾಮಾಕೃತಿಂ ವಿಶ್ವೇಶಂ ಕಮಲಾವಿಲಾಸ- ವಿಲಸತ್ಪಾದಾರವಿಂದದ್ವಯಂ. ದೈತ್ಯಾರಿಂ ಸಕಲೇಂದುಮಂಡಿತಮುಖಂ ಚಕ್ರಾಬ್ಜಹಸ್ತದ್ವಯಂ ವಂದೇ ಶ್ರೀಪುರುಷೋತ್ತಮಂ ಪ್ರತಿದಿನಂ ಲಕ್ಷ್ಮೀನಿವಾಸಾಲಯಂ. ಉದ್ಯನ್ನೀರದನೀಲಸುಂದರತನುಂ ಪೂರ್ಣೇಂದುಬಿಂಬಾನನಂ ರಾಜೀವೋತ್ಪಲಪತ್ರನೇತ್ರಯುಗಲಂ ಕಾರುಣ್ಯವಾರಾನ್ನಿಧಿಂ. ಭಕ್ತಾನಾಂ ಸಕಲಾರ್ತಿನಾಶನಕರಂ ಚಿಂತಾರ್ಥಿಚಿಂತಾಮಣಿಂ ವಂದೇ ಶ್ರೀಪುರುಷೋತ್ತಮಂ ಪ್ರತಿದಿನಂ ನೀಲಾದ್ರಿಚೂಡಾಮಣಿಂ. ನೀಲಾದ್ರೌ ಶಂಖಮಧ್ಯೇ ಶತದಲಕಮಲೇ ರತ್ನಸಿಂಹಾಸನಸ್ಥಂ ಸರ್ವಾಲಂಕಾರಯುಕ್ತಂ ನವಘನರುಚಿರಂ ಸಂಯುತಂ ಚಾಗ್ರಜೇನ. ಭದ್ರಾಯಾ ವಾಮಭಾಗೇ ರಥಚರಣಯುತಂ ಬ್ರಹ್ಮರುದ್ರೇಂದ್ರವಂದ್ಯಂ ವೇದಾನಾಂ ಸಾರಮೀಶಂ ಸುಜನಪರಿವೃತಂ ಬ್ರಹ್ಮದಾರುಂ…

|| ವರದ ವಿಷ್ಣು ಸ್ತೋತ್ರ || ಜಗತ್ಸೃಷ್ಟಿಹೇತೋ ದ್ವಿಷದ್ಧೂಮಕೇತೋ ರಮಾಕಾಂತ ಸದ್ಭಕ್ತವಂದ್ಯ ಪ್ರಶಾಂತ| ತ್ವಮೇಕೋಽತಿಶಾಂತೋ ಜಗತ್ಪಾಸಿ ನೂನಂ ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ| ಭುವಃ ಪಾಲಕಃ ಸಿದ್ಧಿದಸ್ತ್ವಂ ಮುನೀನಾಂ ವಿಭೋ ಕಾರಣಾನಾಂ ಹಿ ಬೀಜಸ್ತ್ವಮೇಕಃ| ತ್ವಮಸ್ಯುತ್ತಮೈಃ ಪೂಜಿತೋ ಲೋಕನಾಥ ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ| ಅಹಂಕಾರಹೀನೋಽಸಿ ಭಾವೈರ್ವಿಹೀನ- ಸ್ತ್ವಮಾಕಾರಶೂನ್ಯೋಽಸಿ ನಿತ್ಯಸ್ವರೂಪಃ| ತ್ವಮತ್ಯಂತಶುದ್ಧೋಽಘಹೀನೋ ನಿತಾಂತಂ ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ| ವಿಪದ್ರಕ್ಷಕ ಶ್ರೀಶ ಕಾರುಣ್ಯಮೂರ್ತೇ ಜಗನ್ನಾಥ ಸರ್ವೇಶ ನಾನಾವತಾರ| ಅಹಂಚಾಲ್ಪಬುದ್ಧಿಸ್ತ್ವಮವ್ಯಕ್ತರೂಪಃ…

|| ಶ್ರೀಧರ ಪಂಚಕ ಸ್ತೋತ್ರ || ಕಾರುಣ್ಯಂ ಶರಣಾರ್ಥಿಷು ಪ್ರಜನಯನ್ ಕಾವ್ಯಾದಿಪುಷ್ಪಾರ್ಚಿತೋ ವೇದಾಂತೇಡಿವಿಗ್ರಹೋ ವಿಜಯದೋ ಭೂಮ್ಯೈಕಶೃಂಗೋದ್ಧರಃ. ನೇತ್ರೋನ್ಮೀಲಿತ- ಸರ್ವಲೋಕಜನಕಶ್ಚಿತ್ತೇ ನಿತಾಂತಂ ಸ್ಥಿತಃ ಕಲ್ಯಾಣಂ ವಿದಧಾತು ಲೋಕಭಗವಾನ್ ಕಾಮಪ್ರದಃ ಶ್ರೀಧರಃ. ಸಾಂಗಾಮ್ನಾಯಸುಪಾರಗೋ ವಿಭುರಜಃ ಪೀತಾಂಬರಃ ಸುಂದರಃ ಕಂಸಾರಾತಿರಧೋಕ್ಷಜಃ ಕಮಲದೃಗ್ಗೋಪಾಲಕೃಷ್ಣೋ ವರಃ. ಮೇಧಾವೀ ಕಮಲವ್ರತಃ ಸುರವರಃ ಸತ್ಯಾರ್ಥವಿಶ್ವಂಭರಃ ಕಲ್ಯಾಣಂ ವಿದಧಾತು ಲೋಕಭಗವಾನ್ ಕಾಮಪ್ರದಃ ಶ್ರೀಧರಃ. ಹಂಸಾರೂಢಜಗತ್ಪತಿಃ ಸುರನಿಧಿಃ ಸ್ವರ್ಣಾಂಗಭೂಷೋಜ್ಜವಲಃ ಸಿದ್ಧೋ ಭಕ್ತಪರಾಯಣೋ ದ್ವಿಜವಪುರ್ಗೋಸಂಚಯೈರಾವೃತಃ. ರಾಮೋ ದಾಶರಥಿರ್ದಯಾಕರಘನೋ ಗೋಪೀಮನಃಪೂರಿತೋ ಕಲ್ಯಾಣಂ ವಿದಧಾತು ಲೋಕಭಗವಾನ್ ಕಾಮಪ್ರದಃ ಶ್ರೀಧರಃ. ಹಸ್ತೀಂದ್ರಕ್ಷಯಮೋಕ್ಷದೋ ಜಲಧಿಜಾಕ್ರಾಂತಃ ಪ್ರತಾಪಾನ್ವಿತಃ ಕೃಷ್ಣಾಶ್ಚಂಚಲ-…

|| ಹರಿ ನಾಮಾವಲಿ ಸ್ತೋತ್ರ || ಗೋವಿಂದಂ ಗೋಕುಲಾನಂದಂ ಗೋಪಾಲಂ ಗೋಪಿವಲ್ಲಭಂ. ಗೋವರ್ಧನೋದ್ಧರಂ ಧೀರಂ ತಂ ವಂದೇ ಗೋಮತೀಪ್ರಿಯಂ. ನಾರಾಯಣಂ ನಿರಾಕಾರಂ ನರವೀರಂ ನರೋತ್ತಮಂ. ನೃಸಿಂಹಂ ನಾಗನಾಥಂ ಚ ತಂ ವಂದೇ ನರಕಾಂತಕಂ. ಪೀತಾಂಬರಂ ಪದ್ಮನಾಭಂ ಪದ್ಮಾಕ್ಷಂ ಪುರುಷೋತ್ತಮಂ. ಪವಿತ್ರಂ ಪರಮಾನಂದಂ ತಂ ವಂದೇ ಪರಮೇಶ್ವರಂ. ರಾಘವಂ ರಾಮಚಂದ್ರಂ ಚ ರಾವಣಾರಿಂ ರಮಾಪತಿಂ. ರಾಜೀವಲೋಚನಂ ರಾಮಂ ತಂ ವಂದೇ ರಘುನಂದನಂ. ವಾಮನಂ ವಿಶ್ವರೂಪಂ ಚ ವಾಸುದೇವಂ ಚ ವಿಠ್ಠಲಂ. ವಿಶ್ವೇಶ್ವರಂ ವಿಭುಂ ವ್ಯಾಸಂ ತಂ ವಂದೇ ವೇದವಲ್ಲಭಂ….

|| ವೇಂಕಟೇಶ ವಿಭಕ್ತಿ ಸ್ತೋತ್ರ || ಶ್ರೀವೇಂಕಟಾದ್ರಿಧಾಮಾ ಭೂಮಾ ಭೂಮಾಪ್ರಿಯಃ ಕೃಪಾಸೀಮಾ. ನಿರವಧಿಕನಿತ್ಯಮಹಿಮಾ ಭವತು ಜಯೀ ಪ್ರಣತದರ್ಶಿತಪ್ರೇಮಾ. ಜಯ ಜನತಾ ವಿಮಲೀಕೃತಿಸಫಲೀಕೃತಸಕಲಮಂಗಲಾಕಾರ. ವಿಜಯೀ ಭವ ವಿಜಯೀ ಭವ ವಿಜಯೀ ಭವ ವೇಂಕಟಾಚಲಾಧೀಶ. ಕನೀಯಮಂದಹಸಿತಂ ಕಂಚನ ಕಂದರ್ಪಕೋಟಿಲಾವಣ್ಯಂ. ಪಶ್ಯೇಯಮಂಜನಾದ್ರೌ ಪುಂಸಾಂ ಪೂರ್ವತನಪುಣ್ಯಪರಿಪಾಕಂ. ಮರತಕಮೇಚಕರುಚಿನಾ ಮದನಾಜ್ಞಾಗಂಧಿಮಧ್ಯಹೃದಯೇನ. ವೃಷಶೈಲಮೌಲಿಸುಹೃದಾ ಮಹಸಾ ಕೇನಾಪಿ ವಾಸಿತಂ ಜ್ಞೇಯಂ. ಪತ್ಯೈ ನಮೋ ವೃಷಾದ್ರೇಃ ಕರಯುಗಪರಿಕರ್ಮಶಂಖಚಕ್ರಾಯ. ಇತರಕರಕಮಲಯುಗಲೀದರ್ಶಿತಕಟಿಬಂಧದಾನಮುದ್ರಾಯ. ಸಾಮ್ರಾಜ್ಯಪಿಶುನಮಕುಟೀಸುಘಟಲಲಾಟಾತ್ ಸುಮಂಗಲಾ ಪಾಂಗಾತ್. ಸ್ಮಿತರುಚಿಫುಲ್ಲಕಪೋಲಾದಪರೋ ನ ಪರೋಽಸ್ತಿ ವೇಂಕಟಾದ್ರೀಶಾತ್. ಸರ್ವಾಭರಣವಿಭೂಷಿತದಿವ್ಯಾವಯವಸ್ಯ ವೇಂಕಟಾದ್ರಿಪತೇಃ. ಪಲ್ಲವಪುಷ್ಪವಿಭೂಷಿತಕಲ್ಪತರೋಶ್ಚಾಪಿ ಕಾ ಭಿದಾ ದೃಷ್ಟಾ. ಲಕ್ಷ್ಮೀಲಲಿತಪದಾಂಬುಜಲಾಕ್ಷಾರಸರಂಜಿತಾಯತೋರಸ್ಕೇ….

|| ವೇಂಕಟೇಶ ದ್ವಾದಶ ನಾಮ ಸ್ತೋತ್ರ || ಅಸ್ಯ ಶ್ರೀವೇಂಕಟೇಶದ್ವಾದಶನಾಮಸ್ತೋತ್ರಮಹಾಮಂತ್ರಸ್ಯ. ಬ್ರಹ್ಮಾ-ಋಷಿಃ. ಅನುಷ್ಟುಪ್-ಛಂದಃ ಶ್ರೀವೇಂಕಟೇಶ್ವರೋ ದೇವತಾ. ಇಷ್ಟಾರ್ಥೇ ವಿನಿಯೋಗಃ. ನಾರಾಯಣೋ ಜಗನ್ನಾಥೋ ವಾರಿಜಾಸನವಂದಿತಃ. ಸ್ವಾಮಿಪುಷ್ಕರಿಣೀವಾಸೀ ಶನ್ಙ್ಖಚಕ್ರಗದಾಧರಃ. ಪೀತಾಂಬರಧರೋ ದೇವೋ ಗರುಡಾಸನಶೋಭಿತಃ. ಕಂದರ್ಪಕೋಟಿಲಾವಣ್ಯಃ ಕಮಲಾಯತಲೋಚನಃ. ಇಂದಿರಾಪತಿಗೋವಿಂದಃ ಚಂದ್ರಸೂರ್ಯಪ್ರಭಾಕರಃ. ವಿಶ್ವಾತ್ಮಾ ವಿಶ್ವಲೋಕೇಶೋ ಜಯಶ್ರೀವೇಂಕಟೇಶ್ವರಃ. ಏತದ್ದ್ವಾದಶನಾಮಾನಿ ತ್ರಿಸಂಧ್ಯಂ ಯಃ ಪಠೇನ್ನರಃ. ದಾರಿದ್ರ್ಯದುಃಖನಿರ್ಮುಕ್ತೋ ಧನಧಾನ್ಯಸಮೃದ್ಧಿಮಾನ್. ಜನವಶ್ಯಂ ರಾಜವಶ್ಯ ಸರ್ವಕಾಮಾರ್ಥಸಿದ್ಧಿದಂ. ದಿವ್ಯತೇಜಃ ಸಮಾಪ್ನೋತಿ ದೀರ್ಘಮಾಯುಶ್ಚ ವಿಂದತಿ. ಗ್ರಹರೋಗಾದಿನಾಶಂ ಚ ಕಾಮಿತಾರ್ಥಫಲಪ್ರದಂ. ಇಹ ಜನ್ಮನಿ ಸೌಖ್ಯಂ ಚ ವಿಷ್ಣುಸಾಯುಜ್ಯಮಾಪ್ನುಯಾತ್.

|| ನವಗ್ರಹ ಸ್ತೋತ್ರ || ಜಪಾಕುಸುಮಸಂಕಾಶಂ ಕಾಶ್ಯಪೇಯಂ ಮಹಾದ್ಯುತಿಂ . ತಮೋಽರಿಂ ಸರ್ವಪಾಪಘ್ನಂ ಪ್ರಣತೋಽಸ್ಮಿ ದಿವಾಕರಂ .. ದಧಿಶಂಖತುಷಾರಾಭಂ ಕ್ಷೀರೋದಾರ್ಣವಸಂಭವಂ . ನಮಾಮಿ ಶಶಿನಂ ಸೋಮಂ ಶಂಭೋರ್ಮುಕುಟಭೂಷಣಂ .. ಧರಣೀಗರ್ಭಸಂಭೂತಂ ವಿದ್ಯುತ್ಕಾಂತಿಸಮಪ್ರಭಂ . ಕುಮಾರಂ ಶಕ್ತಿಹಸ್ತಂ ತಂ ಮಂಗಲಂ ಪ್ರಣಮಾಮ್ಯಹಂ .. ಪ್ರಿಯಂಗುಕಲಿಕಾಶ್ಯಾಮಂ ರೂಪೇಣಾಪ್ರತಿಮಂ ಬುಧಂ . ಸೌಮ್ಯಂ ಸೌಮ್ಯಗುಣೋಪೇತಂ ತಂ ಬುಧಂ ಪ್ರಣಮಾಮ್ಯಹಂ .. ದೇವಾನಾಂಚ ಋಷೀಣಾಂಚ ಗುರುಂ ಕಾಂಚನಸನ್ನಿಭಂ . ಬುದ್ಧಿಭೂತಂ ತ್ರಿಲೋಕೇಶಂ ತಂ ನಮಾಮಿ ಬೃಹಸ್ಪತಿಂ .. ಹಿಮಕುಂದಮೃಣಾಲಾಭಂ ದೈತ್ಯಾನಾಂ ಪರಮಂ ಗುರುಂ…

|| ಶನೈಶ್ಚರ ಸ್ತೋತ್ರ || ಅಥ ದಶರಥಕೃತಂ ಶನೈಶ್ಚರಸ್ತೋತ್ರಂ. ನಮಃ ಕೃಷ್ಣಾಯ ನೀಲಾಯ ಶಿತಿಕಂಠನಿಭಾಯ ಚ. ನಮಃ ಕಾಲಾಗ್ನಿರೂಪಾಯ ಕೃತಾಂತಾಯ ಚ ವೈ ನಮಃ. ನಮೋ ನಿರ್ಮಾಂಸದೇಹಾಯ ದೀರ್ಘಶ್ಮಶ್ರುಜಟಾಯ ಚ. ನಮೋ ವಿಶಾಲನೇತ್ರಾಯ ಶುಷ್ಕೋದರ ಭಯಾಕೃತೇ. ನಮಃ ಪುಷ್ಕಲಗಾತ್ರಾಯ ಸ್ಥೂಲರೋಮ್ಣೇಽಥ ವೈ ನಮಃ. ನಮೋ ದೀರ್ಘಾಯ ಶುಷ್ಕಾಯ ಕಾಲದಂಷ್ಟ್ರ ನಮೋಽಸ್ತು ತೇ. ನಮಸ್ತೇ ಕೋಟರಾಕ್ಷಾಯ ದುರ್ನಿರೀಕ್ಷ್ಯಾಯ ವೈ ನಮಃ. ನಮೋ ಘೋರಾಯ ರೌದ್ರಾಯ ಭೀಷಣಾಯ ಕಪಾಲಿನೇ. ನಮಸ್ತೇ ಸರ್ವಭಕ್ಷಾಯ ವಲೀಮುಖ ನಮೋಽಸ್ತು ತೇ. ಸೂರ್ಯಪುತ್ರ ನಮಸ್ತೇಽಸ್ತು ಭಾಸ್ಕರೇ…

|| ನವಗ್ರಹ ಪೀಡಾಹರ ಸ್ತೋತ್ರ || ಗ್ರಹಾಣಾಮಾದಿರಾದಿತ್ಯೋ ಲೋಕರಕ್ಷಣಕಾರಕಃ. ವಿಷಣಸ್ಥಾನಸಂಭೂತಾಂ ಪೀಡಾಂ ಹರತು ಮೇ ರವಿಃ. ರೋಹಿಣೀಶಃ ಸುಧಾಮೂರ್ತಿಃ ಸುಧಾಗಾತ್ರಃ ಸುಧಾಶನಃ. ವಿಷಣಸ್ಥಾನಸಂಭೂತಾಂ ಪೀಡಾಂ ಹರತು ಮೇ ವಿಧುಃ. ಭೂಮಿಪುತ್ರೋ ಮಹಾತೇಜಾ ಜಗತಾಂ ಭಯಕೃತ್ ಸದಾ. ವೃಷ್ಟಿಕೃದ್ಧೃಷ್ಟಿಹರ್ತಾ ಚ ಪೀಡಾಂ ಹರತು ಮೇ ಕುಜಃ. ಉತ್ಪಾತರೂಪೋ ಜಗತಾಂ ಚಂದ್ರಪುತ್ರೋ ಮಹಾದ್ಯುತಿಃ. ಸೂರ್ಯಪ್ರಿಯಕರೋ ವಿದ್ವಾನ್ ಪೀಡಾಂ ಹರತು ಮೇ ಬುಧಃ. ದೇವಮಂತ್ರೀ ವಿಶಾಲಾಕ್ಷಃ ಸದಾ ಲೋಕಹಿತೇ ರತಃ. ಅನೇಕಶಿಷ್ಯಸಂಪೂರ್ಣಃ ಪೀಡಾಂ ಹರತು ಮೇ ಗುರುಃ. ದೈತ್ಯಮಂತ್ರೀ ಗುರುಸ್ತೇಷಾಂ ಪ್ರಾಣದಶ್ಚ…

|| ನವಗ್ರಹ ಭುಜಂಗ ಸ್ತೋತ್ರ || ದಿನೇಶಂ ಸುರಂ ದಿವ್ಯಸಪ್ತಾಶ್ವವಂತಂ ಸಹಸ್ರಾಂಶುಮರ್ಕಂ ತಪಂತಂ ಭಗಂ ತಂ. ರವಿಂ ಭಾಸ್ಕರಂ ದ್ವಾದಶಾತ್ಮಾನಮಾರ್ಯಂ ತ್ರಿಲೋಕಪ್ರದೀಪಂ ಗ್ರಹೇಶಂ ನಮಾಮಿ. ನಿಶೇಶಂ ವಿಧುಂ ಸೋಮಮಬ್ಜಂ ಮೃಗಾಂಕಂ ಹಿಮಾಂಶುಂ ಸುಧಾಂಶುಂ ಶುಭಂ ದಿವ್ಯರೂಪಂ. ದಶಾಶ್ವಂ ಶಿವಶ್ರೇಷ್ಠಭಾಲೇ ಸ್ಥಿತಂ ತಂ ಸುಶಾಂತಂ ನು ನಕ್ಷತ್ರನಾಥಂ ನಮಾಮಿ. ಕುಜಂ ರಕ್ತಮಾಲ್ಯಾಂಬರೈರ್ಭೂಷಿತಂ ತಂ ವಯಃಸ್ಥಂ ಭರದ್ವಾಜಗೋತ್ರೋದ್ಭವಂ ವೈ. ಗದಾವಂತಮಶ್ವಾಷ್ಟಕೈಃ ಸಂಭ್ರಮಂತಂ ನಮಾಮೀಶಮಂಗಾರಕಂ ಭೂಮಿಜಾತಂ. ಬುಧಂ ಸಿಂಹಗಂ ಪೀತವಸ್ತ್ರಂ ಧರಂತಂ ವಿಭುಂ ಚಾತ್ರಿಗೋತ್ರೋದ್ಭವಂ ಚಂದ್ರಜಾತಂ. ರಜೋರೂಪಮೀಡ್ಯಂ ಪುರಾಣಪ್ರವೃತ್ತಂ ಶಿವಂ ಸೌಮ್ಯಮೀಶಂ…

|| ನವಗ್ರಹ ಶರಣಾಗತಿ ಸ್ತೋತ್ರ || ಸಹಸ್ರನಯನಃ ಸೂರ್ಯೋ ರವಿಃ ಖೇಚರನಾಯಕಃ| ಸಪ್ತಾಶ್ವವಾಹನೋ ದೇವೋ ದಿನೇಶಃ ಶರಣಂ ಮಮ| ತುಹಿನಾಂಶುಃ ಶಶಾಂಕಶ್ಚ ಶಿವಶೇಖರಮಂಡನಃ| ಓಷಧೀಶಸ್ತಮೋಹರ್ತಾ ರಾಕೇಶಃ ಶರಣಂ ಮಮ| ಮಹೋಗ್ರೋ ಮಹತಾಂ ವಂದ್ಯೋ ಮಹಾಭಯನಿವಾರಕಃ| ಮಹೀಸೂನುರ್ಮಹಾತೇಜಾ ಮಂಗಲಃ ಶರಣಂ ಮಮ| ಅಭೀಪ್ಸಿತಾರ್ಥದಃ ಶೂರಃ ಸೌಮ್ಯಃ ಸೌಮ್ಯಫಲಪ್ರದಃ| ಪೀತವಸ್ತ್ರಧರಃ ಪುಣ್ಯಃ ಸೋಮಜಃ ಶರಣಂ ಮಮ| ಧರ್ಮಸಂರಕ್ಷಕಃ ಶ್ರೇಷ್ಠಃ ಸುಧರ್ಮಾಧಿಪತಿರ್ದ್ವಿಜಃ| ಸರ್ವಶಾಸ್ತ್ರವಿಪಶ್ಚಿಚ್ಚ ದೇವೇಜ್ಯಃ ಶರಣಂ ಮಮ| ಸಮಸ್ತದೋಷವಿಚ್ಛೇದೀ ಕವಿಕರ್ಮವಿಶಾರದಃ| ಸರ್ವಜ್ಞಃ ಕರುಣಾಸಿಂಧು- ರ್ದೈತ್ಯೇಜ್ಯಃ ಶರಣಂ ಮಮ| ವಜ್ರಾಯುಧಧರಃ ಕಾಕವಾಹನೋ ವಾಂಛಿತಾರ್ಥದಃ|…

|| ನವಗ್ರಹ ಧ್ಯಾನ ಸ್ತೋತ್ರ || ಪ್ರತ್ಯಕ್ಷದೇವಂ ವಿಶದಂ ಸಹಸ್ರಮರೀಚಿಭಿಃ ಶೋಭಿತಭೂಮಿದೇಶಂ. ಸಪ್ತಾಶ್ವಗಂ ಸದ್ಧ್ವಜಹಸ್ತಮಾದ್ಯಂ ದೇವಂ ಭಜೇಽಹಂ ಮಿಹಿರಂ ಹೃದಬ್ಜೇ. ಶಂಖಪ್ರಭಮೇಣಪ್ರಿಯಂ ಶಶಾಂಕಮೀಶಾನಮೌಲಿ- ಸ್ಥಿತಮೀಡ್ಯವೃತ್ತಂ. ತಮೀಪತಿಂ ನೀರಜಯುಗ್ಮಹಸ್ತಂ ಧ್ಯಾಯೇ ಹೃದಬ್ಜೇ ಶಶಿನಂ ಗ್ರಹೇಶಂ. ಪ್ರತಪ್ತಗಾಂಗೇಯನಿಭಂ ಗ್ರಹೇಶಂ ಸಿಂಹಾಸನಸ್ಥಂ ಕಮಲಾಸಿಹಸ್ತಂ. ಸುರಾಸುರೈಃ ಪೂಜಿತಪಾದಪದ್ಮಂ ಭೌಮಂ ದಯಾಲುಂ ಹೃದಯೇ ಸ್ಮರಾಮಿ. ಸೋಮಾತ್ಮಜಂ ಹಂಸಗತಂ ದ್ವಿಬಾಹುಂ ಶಂಖೇಂದುರೂಪಂ ಹ್ಯಸಿಪಾಶಹಸ್ತಂ. ದಯಾನಿಧಿಂ ಭೂಷಣಭೂಷಿತಾಂಗಂ ಬುಧಂ ಸ್ಮರೇ ಮಾನಸಪಂಕಜೇಽಹಂ. ತೇಜೋಮಯಂ ಶಕ್ತಿತ್ರಿಶೂಲಹಸ್ತಂ ಸುರೇಂದ್ರಜ್ಯೇಷ್ಠೈಃ ಸ್ತುತಪಾದಪದ್ಮಂ. ಮೇಧಾನಿಧಿಂ ಹಸ್ತಿಗತಂ ದ್ವಿಬಾಹುಂ ಗುರುಂ ಸ್ಮರೇ ಮಾನಸಪಂಕಜೇಽಹಂ. ಸಂತಪ್ತಕಾಂಚನನಿಭಂ…

|| ಶನಿ ಪಂಚಕ ಸ್ತೋತ್ರ || ಸರ್ವಾಧಿದುಃಖಹರಣಂ ಹ್ಯಪರಾಜಿತಂ ತಂ ಮುಖ್ಯಾಮರೇಂದ್ರಮಹಿತಂ ವರಮದ್ವಿತೀಯಂ. ಅಕ್ಷೋಭ್ಯಮುತ್ತಮಸುರಂ ವರದಾನಮಾರ್ಕಿಂ ವಂದೇ ಶನೈಶ್ಚರಮಹಂ ನವಖೇಟಶಸ್ತಂ. ಆಕರ್ಣಪೂರ್ಣಧನುಷಂ ಗ್ರಹಮುಖ್ಯಪುತ್ರಂ ಸನ್ಮರ್ತ್ಯಮೋಕ್ಷಫಲದಂ ಸುಕುಲೋದ್ಭವಂ ತಂ. ಆತ್ಮಪ್ರಿಯಂಕರಮ- ಪಾರಚಿರಪ್ರಕಾಶಂ ವಂದೇ ಶನೈಶ್ಚರಮಹಂ ನವಖೇಟಶಸ್ತಂ. ಅಕ್ಷಯ್ಯಪುಣ್ಯಫಲದಂ ಕರುಣಾಕಟಾಕ್ಷಂ ಚಾಯುಷ್ಕರಂ ಸುರವರಂ ತಿಲಭಕ್ಷ್ಯಹೃದ್ಯಂ. ದುಷ್ಟಾಟವೀಹುತಭುಜಂ ಗ್ರಹಮಪ್ರಮೇಯಂ ವಂದೇ ಶನೈಶ್ಚರಮಹಂ ನವಖೇಟಶಸ್ತಂ. ಋಗ್ರೂಪಿಣಂ ಭವಭಯಾಽಪಹಘೋರರೂಪಂ ಚೋಚ್ಚಸ್ಥಸತ್ಫಲಕರಂ ಘಟನಕ್ರನಾಥಂ. ಆಪನ್ನಿವಾರಕಮಸತ್ಯರಿಪುಂ ಬಲಾಢ್ಯಂ ವಂದೇ ಶನೈಶ್ಚರಮಹಂ ನವಖೇಟಶಸ್ತಂ. ಏನೌಘನಾಶನಮನಾರ್ತಿಕರಂ ಪವಿತ್ರಂ ನೀಲಾಂಬರಂ ಸುನಯನಂ ಕರುಣಾನಿಧಿಂ ತಂ. ಏಶ್ವರ್ಯಕಾರ್ಯಕರಣಂ ಚ ವಿಶಾಲಚಿತ್ತಂ ವಂದೇ ಶನೈಶ್ಚರಮಹಂ…

|| ನಕ್ಷತ್ರ ಶಾಂತಿಕರ ಸ್ತೋತ್ರ || ಕೃತ್ತಿಕಾ ಪರಮಾ ದೇವೀ ರೋಹಿಣೀ ರುಚಿರಾನನಾ. ಶ್ರೀಮಾನ್ ಮೃಗಶಿರಾ ಭದ್ರಾ ಆರ್ದ್ರಾ ಚ ಪರಮೋಜ್ಜ್ವಲಾ. ಪುನರ್ವಸುಸ್ತಥಾ ಪುಷ್ಯ ಆಶ್ಲೇಷಾಽಥ ಮಹಾಬಲಾ. ನಕ್ಷತ್ರಮಾತರೋ ಹ್ಯೇತಾಃ ಪ್ರಭಾಮಾಲಾವಿಭೂಷಿತಾಃ. ಮಹಾದೇವಾಽರ್ಚನೇ ಶಕ್ತಾ ಮಹಾದೇವಾಽನುಭಾವಿತಃ. ಪೂರ್ವಭಾಗೇ ಸ್ಥಿತಾ ಹ್ಯೇತಾಃ ಶಾಂತಿಂ ಕುರ್ವಂತು ಮೇ ಸದಾ. ಮಘಾ ಸರ್ವಗುಣೋಪೇತಾ ಪೂರ್ವಾ ಚೈವ ತು ಫಾಲ್ಗುನೀ. ಉತ್ತರಾ ಫಾಲ್ಗುನೀ ಶ್ರೇಷ್ಠಾ ಹಸ್ತಾ ಚಿತ್ರಾ ತಥೋತ್ತಮಾ. ಸ್ವಾತೀ ವಿಶಾಖಾ ವರದಾ ದಕ್ಷಿಣಸ್ಥಾನಸಂಸ್ಥಿತಾಃ. ಅರ್ಚಯಂತಿ ಸದಾಕಾಲಂ ದೇವಂ ತ್ರಿಭುವನೇಶ್ವರಂ. ನಕ್ಷತ್ರಮಾರೋ ಹ್ಯೇತಾಸ್ತೇಜಸಾಪರಿಭೂಷಿತಾಃ….

|| ನವಗ್ರಹ ನಮಸ್ಕಾರ ಸ್ತೋತ್ರ || ಜ್ಯೋತಿರ್ಮಂಡಲಮಧ್ಯಗಂ ಗದಹರಂ ಲೋಕೈಕಭಾಸ್ವನ್ಮಣಿಂ ಮೇಷೋಚ್ಚಂ ಪ್ರಣತಿಪ್ರಿಯಂ ದ್ವಿಜನುತಂ ಛಾಯಪತಿಂ ವೃಷ್ಟಿದಂ. ಕರ್ಮಪ್ರೇರಕಮಭ್ರಗಂ ಶನಿರಿಪುಂ ಪ್ರತ್ಯಕ್ಷದೇವಂ ರವಿಂ ಬ್ರಹ್ಮೇಶಾನಹರಿಸ್ವರೂಪಮನಘಂ ಸಿಂಹೇಶಸೂರ್ಯಂ ಭಜೇ. ಚಂದ್ರಂ ಶಂಕರಭೂಷಣಂ ಮೃಗಧರಂ ಜೈವಾತೃಕಂ ರಂಜಕಂ ಪದ್ಮಾಸೋದರಮೋಷಧೀಶಮಮೃತಂ ಶ್ರೀರೋಹಿಣೀನಾಯಕಂ. ಶುಭ್ರಾಶ್ವಂ ಕ್ಷಯವೃದ್ಧಿಶೀಲಮುಡುಪಂ ಸದ್ಬುದ್ಧಿಚಿತ್ತಪ್ರದಂ ಶರ್ವಾಣೀಪ್ರಿಯಮಂದಿರಂ ಬುಧನುತಂ ತಂ ಕರ್ಕಟೇಶಂ ಭಜೇ. ಭೌಮಂ ಶಕ್ತಿಧರಂ ತ್ರಿಕೋಣನಿಲಯಂ ರಕ್ತಾಂಗಮಂಗಾರಕಂ ಭೂದಂ ಮಂಗಲವಾಸರಂ ಗ್ರಹವರಂ ಶ್ರೀವೈದ್ಯನಾಥಾರ್ಚಕಂ. ಕ್ರೂರಂ ಷಣ್ಮುಖದೈವತಂ ಮೃಗಗೃಹೋಚ್ಚಂ ರಕ್ತಧಾತ್ವೀಶ್ವರಂ ನಿತ್ಯಂ ವೃಶ್ಚಿಕಮೇಷರಾಶಿಪತಿಮರ್ಕೇಂದುಪ್ರಿಯಂ ಭಾವಯೇ. ಸೌಮ್ಯಂ ಸಿಂಹರಥಂ ಬುಧಂ ಕುಜರಿಪುಂ ಶ್ರೀಚಂದ್ರತಾರಾಸುತಂ…

|| ಸೋಮ ಸ್ತೋತ್ರ || ಶ್ವೇತಾಂಬರೋಜ್ಜ್ವಲತನುಂ ಸಿತಮಾಲ್ಯಗಂಧಂ ಶ್ವೇತಾಶ್ವಯುಕ್ತರಥಗಂ ಸುರಸೇವಿತಾಂಘ್ರಿಂ. ದೋರ್ಭ್ಯಾಂ ಧೃತಾಭಯಗದಂ ವರದಂ ಸುಧಾಂಶುಂ ಶ್ರೀವತ್ಸಮೌಕ್ತಿಕಧರಂ ಪ್ರಣಮಾಮಿ ಚಂದ್ರಂ. ಆಗ್ನೇಯಭಾಗೇ ಸರಥೋ ದಶಾಶ್ವಶ್ಚಾತ್ರೇಯಜೋ ಯಾಮುನದೇಶಜಶ್ಚ. ಪ್ರತ್ಯಙ್ಮುಖಸ್ಥಶ್ಚತುರಶ್ರಪೀಠೇ ಗದಾಧರೋ ನೋಽವತು ರೋಹಿಣೀಶಃ. ಚಂದ್ರಂ ನಮಾಮಿ ವರದಂ ಶಂಕರಸ್ಯ ವಿಭೂಷಣಂ. ಕಲಾನಿಧಿಂ ಕಾಂತರೂಪಂ ಕೇಯೂರಮಕುಟೋಜ್ಜ್ವಲಂ. ವರದಂ ವಂದ್ಯಚರಣಂ ವಾಸುದೇವಸ್ಯ ಲೋಚನಂ. ವಸುಧಾಹ್ಲಾದನಕರಂ ವಿಧುಂ ತಂ ಪ್ರಣಮಾಮ್ಯಹಂ. ಶ್ವೇತಮಾಲ್ಯಾಂಬರಧರಂ ಶ್ವೇತಗಂಧಾನುಲೇಪನಂ. ಶ್ವೇತಛತ್ರೋಲ್ಲಸನ್ಮೌಲಿಂ ಶಶಿನಂ ಪ್ರಣಮಾಮ್ಯಹಂ. ಸರ್ವಂ ಜಗಜ್ಜೀವಯಸಿ ಸುಧಾರಸಮಯೈಃ ಕರೈಃ. ಸೋಮ ದೇಹಿ ಮಮಾರೋಗ್ಯಂ ಸುಧಾಪೂರಿತಮಂಡಲಂ. ರಾಜಾ ತ್ವಂ ಬ್ರಾಹ್ಮಣಾನಾಂ…

|| ಸಪ್ತ ಸಪ್ತಿ ಸಪ್ತಕ ಸ್ತೋತ್ರ || ಧ್ವಾಂತದಂತಿಕೇಸರೀ ಹಿರಣ್ಯಕಾಂತಿಭಾಸುರಃ ಕೋಟಿರಶ್ಮಿಭೂಷಿತಸ್ತಮೋಹರೋಽಮಿತದ್ಯುತಿಃ. ವಾಸರೇಶ್ವರೋ ದಿವಾಕರಃ ಪ್ರಭಾಕರಃ ಖಗೋ ಭಾಸ್ಕರಃ ಸದೈವ ಪಾತು ಮಾಂ ವಿಭಾವಸೂ ರವಿಃ. ಯಕ್ಷಸಿದ್ಧಕಿನ್ನರಾದಿದೇವಯೋನಿಸೇವಿತಂ ತಾಪಸೈರ್ಮುನೀಶ್ವರೈಶ್ಚ ನಿತ್ಯಮೇವ ವಂದಿತಂ. ತಪ್ತಕಾಂಚನಾಭಮರ್ಕಮಾದಿದೈವತಂ ರವಿಂ ವಿಶ್ವಚಕ್ಷುಷಂ ನಮಾಮಿ ಸಾದರಂ ಮಹಾದ್ಯುತಿಂ. ಭಾನುನಾ ವಸುಂಧರಾ ಪುರೈವ ನಿಮಿತಾ ತಥಾ ಭಾಸ್ಕರೇಣ ತೇಜಸಾ ಸದೈವ ಪಾಲಿತಾ ಮಹೀ. ಭೂರ್ವಿಲೀನತಾಂ ಪ್ರಯಾತಿ ಕಾಶ್ಯಪೇಯವರ್ಚಸಾ ತಂ ರವಿ ಭಜಾಮ್ಯಹಂ ಸದೈವ ಭಕ್ತಿಚೇತಸಾ. ಅಂಶುಮಾಲಿನೇ ತಥಾ ಚ ಸಪ್ತ-ಸಪ್ತಯೇ ನಮೋ ಬುದ್ಧಿದಾಯಕಾಯ ಶಕ್ತಿದಾಯಕಾಯ ತೇ…

|| ನವಗ್ರಹ ಸುಪ್ರಭಾತ ಸ್ತೋತ್ರ || ಪೂರ್ವಾಪರಾದ್ರಿಸಂಚಾರ ಚರಾಚರವಿಕಾಸಕ. ಉತ್ತಿಷ್ಠ ಲೋಕಕಲ್ಯಾಣ ಸೂರ್ಯನಾರಾಯಣ ಪ್ರಭೋ. ಸಪ್ತಾಶ್ವರಶ್ಮಿರಥ ಸಂತತಲೋಕಚಾರ ಶ್ರೀದ್ವಾದಶಾತ್ಮಕಮನೀಯತ್ರಿಮೂರ್ತಿರೂಪ. ಸಂಧ್ಯಾತ್ರಯಾರ್ಚಿತ ವರೇಣ್ಯ ದಿವಾಕರೇಶಾ ಶ್ರೀಸೂರ್ಯದೇವ ಭಗವನ್ ಕುರು ಸುಪ್ರಭಾತಂ. ಅಜ್ಞಾನಗಾಹತಮಸಃ ಪಟಲಂ ವಿದಾರ್ಯ ಜ್ಞಾನಾತಪೇನ ಪರಿಪೋಷಯಸೀಹ ಲೋಕಂ. ಆರೋಗ್ಯಭಾಗ್ಯಮತಿ ಸಂಪ್ರದದಾಸಿ ಭಾನೋ ಶ್ರೀಸೂರ್ಯದೇವ ಭಗವನ್ ಕುರು ಸುಪ್ರಭಾತಂ. ಶ್ರೀಸೂರ್ಯದೇವ ಭಗವನ್ ಕುರು ಸುಪ್ರಭಾತಂ. ಛಾಯಾಪತೇ ಸಕಲಮಾನವಕರ್ಮಸಾಕ್ಷಿನ್ ಸಿಂಹಾಖ್ಯರಾಶ್ಯಧಿಪ ಪಾಪವಿನಾಶಕಾರಿನ್. ಪೀಡೋಪಶಾಂತಿಕರ ಪಾವನ ಕಾಂಚನಾಭ ಶ್ರೀಸೂರ್ಯದೇವ ಭಗವನ್ ಕುರು ಸುಪ್ರಭಾತಂ. ಸರ್ವಲೋಕಸಮುಲ್ಹಾಸ ಶಂಕರಪ್ರಿಯಭೂಷಣಾ. ಉತ್ತಿಷ್ಠ ರೋಹಿಣೀಕಾಂತ ಚಂದ್ರದೇವ ನಮೋಽಸ್ತುತೇ….

|| ಸೀತಾ ರಾಮ ಸ್ತೋತ್ರ || ಅಯೋಧ್ಯಾಪುರನೇತಾರಂ ಮಿಥಿಲಾಪುರನಾಯಿಕಾಂ. ರಾಘವಾಣಾಮಲಂಕಾರಂ ವೈದೇಹಾನಾಮಲಂಕ್ರಿಯಾಂ. ರಘೂಣಾಂ ಕುಲದೀಪಂ ಚ ನಿಮೀನಾಂ ಕುಲದೀಪಿಕಾಂ. ಸೂರ್ಯವಂಶಸಮುದ್ಭೂತಂ ಸೋಮವಂಶಸಮುದ್ಭವಾಂ. ಪುತ್ರಂ ದಶರಥಸ್ಯಾದ್ಯಂ ಪುತ್ರೀಂ ಜನಕಭೂಪತೇಃ. ವಸಿಷ್ಠಾನುಮತಾಚಾರಂ ಶತಾನಂದಮತಾನುಗಾಂ. ಕೌಸಲ್ಯಾಗರ್ಭಸಂಭೂತಂ ವೇದಿಗರ್ಭೋದಿತಾಂ ಸ್ವಯಂ. ಪುಂಡರೀಕವಿಶಾಲಾಕ್ಷಂ ಸ್ಫುರದಿಂದೀವರೇಕ್ಷಣಾಂ. ಚಂದ್ರಕಾಂತಾನನಾಂಭೋಜಂ ಚಂದ್ರಬಿಂಬೋಪಮಾನನಾಂ. ಮತ್ತಮಾತಂಗಗಮನಂ ಮತ್ತಹಂಸವಧೂಗತಾಂ. ಚಂದನಾರ್ದ್ರಭುಜಾಮಧ್ಯಂ ಕುಂಕುಮಾರ್ದ್ರಕುಚಸ್ಥಲೀಂ. ಚಾಪಾಲಂಕೃತಹಸ್ತಾಬ್ಜಂ ಪದ್ಮಾಲಂಕೃತಪಾಣಿಕಾಂ. ಶರಣಾಗತಗೋಪ್ತಾರಂ ಪ್ರಣಿಪಾದಪ್ರಸಾದಿಕಾಂ. ಕಾಲಮೇಘನಿಭಂ ರಾಮಂ ಕಾರ್ತಸ್ವರಸಮಪ್ರಭಾಂ. ದಿವ್ಯಸಿಂಹಾಸನಾಸೀನಂ ದಿವ್ಯಸ್ರಗ್ವಸ್ತ್ರಭೂಷಣಾಂ. ಅನುಕ್ಷಣಂ ಕಟಾಕ್ಷಾಭ್ಯಾ- ಮನ್ಯೋನ್ಯೇಕ್ಷಣಕಾಂಕ್ಷಿಣೌ. ಅನ್ಯೋನ್ಯಸದೃಶಾಕಾರೌ ತ್ರೈಲೋಕ್ಯಗೃಹದಂಪತೀ. ಇಮೌ ಯುವಾಂ ಪ್ರಣಮ್ಯಾಹಂ ಭಜಾಮ್ಯದ್ಯ ಕೃತಾರ್ಥತಾಂ. ಅನೇನ ಸ್ತೌತಿ ಯಃ…

|| ರಾಜಾರಾಮ ದಶಕ ಸ್ತೋತ್ರ || ಮಹಾವೀರಂ ಶೂರಂ ಹನೂಮಚ್ಚಿತ್ತೇಶಂ. ದೃಢಪ್ರಜ್ಞಂ ಧೀರಂ ಭಜೇ ನಿತ್ಯಂ ರಾಮಂ. ಜನಾನಂದೇ ರಮ್ಯಂ ನಿತಾಂತಂ ರಾಜೇಂದ್ರಂ. ಜಿತಾಮಿತ್ರಂ ವೀರಂ ಭಜೇ ನಿತ್ಯಂ ರಾಮಂ. ವಿಶಾಲಾಕ್ಷಂ ಶ್ರೀಶಂ ಧನುರ್ಹಸ್ತಂ ಧುರ್ಯಂ. ಮಹೋರಸ್ಕಂ ಧನ್ಯಂ ಭಜೇ ನಿತ್ಯಂ ರಾಮಂ. ಮಹಾಮಾಯಂ ಮುಖ್ಯಂ ಭವಿಷ್ಣುಂ ಭೋಕ್ತಾರಂ. ಕೃಪಾಲುಂ ಕಾಕುತ್ಸ್ಥಂ ಭಜೇ ನಿತ್ಯಂ ರಾಮಂ. ಗುಣಶ್ರೇಷ್ಠಂ ಕಲ್ಪ್ಯಂ ಪ್ರಭೂತಂ ದುರ್ಜ್ಞೇಯಂ. ಘನಶ್ಯಾಮಂ ಪೂರ್ಣಂ ಭಜೇ ನಿತ್ಯಂ ರಾಮಂ. ಅನಾದಿಂ ಸಂಸೇವ್ಯಂ ಸದಾನಂದಂ ಸೌಮ್ಯಂ. ನಿರಾಧಾರಂ ದಕ್ಷಂ…