Languages: ಕನ್ನಡ

|| ಸಪ್ತಮಾತೃಕಾ ಸ್ತೋತ್ರಂ || ಪ್ರಾರ್ಥನಾ | ಬ್ರಹ್ಮಾಣೀ ಕಮಲೇಂದುಸೌಮ್ಯವದನಾ ಮಾಹೇಶ್ವರೀ ಲೀಲಯಾ ಕೌಮಾರೀ ರಿಪುದರ್ಪನಾಶನಕರೀ ಚಕ್ರಾಯುಧಾ ವೈಷ್ಣವೀ | ವಾರಾಹೀ ಘನಘೋರಘರ್ಘರಮುಖೀ ಚೈಂದ್ರೀ ಚ ವಜ್ರಾಯುಧಾ ಚಾಮುಂಡಾ ಗಣನಾಥರುದ್ರಸಹಿತಾ ರಕ್ಷಂತು ನೋ ಮಾತರಃ || ಬ್ರಾಹ್ಮೀ – ಹಂಸಾರೂಢಾ ಪ್ರಕರ್ತವ್ಯಾ ಸಾಕ್ಷಸೂತ್ರಕಮಂಡಲುಃ | ಸ್ರುವಂ ಚ ಪುಸ್ತಕಂ ಧತ್ತೇ ಊರ್ಧ್ವಹಸ್ತದ್ವಯೇ ಶುಭಾ || ೧ || ಬ್ರಾಹ್ಮ್ಯೈ ನಮಃ | ಮಾಹೇಶ್ವರೀ – ಮಾಹೇಶ್ವರೀ ಪ್ರಕರ್ತವ್ಯಾ ವೃಷಭಾಸನಸಂಸ್ಥಿತಾ | ಕಪಾಲಶೂಲಖಟ್ವಾಂಗವರದಾ ಚ ಚತುರ್ಭುಜಾ || ೨…

|| ಶ್ರೀ ಶ್ರೇಯಸ್ಕರೀ ಸ್ತೋತ್ರಂ || ಶ್ರೇಯಸ್ಕರಿ ಶ್ರಮನಿವಾರಿಣಿ ಸಿದ್ಧವಿದ್ಯೇ ಸ್ವಾನಂದಪೂರ್ಣಹೃದಯೇ ಕರುಣಾತನೋ ಮೇ | ಚಿತ್ತೇ ವಸ ಪ್ರಿಯತಮೇನ ಶಿವೇನ ಸಾರ್ಧಂ ಮಾಂಗಳ್ಯಮಾತನು ಸದೈವ ಮುದೈವ ಮಾತಃ || ೧ || ಶ್ರೇಯಸ್ಕರಿ ಶ್ರಿತಜನೋದ್ಧರಣೈಕದಕ್ಷೇ ದಾಕ್ಷಾಯಣಿ ಕ್ಷಪಿತ ಪಾತಕತೂಲರಾಶೇ | ಶರ್ಮಣ್ಯಪಾದಯುಗಳೇ ಜಲಜಪ್ರಮೋದೇ ಮಿತ್ರೇತ್ರಯೀ ಪ್ರಸೃಮರೇ ರಮತಾಂ ಮನೋ ಮೇ || ೨ || ಶ್ರೇಯಸ್ಕರಿ ಪ್ರಣತಪಾಮರ ಪಾರದಾನ ಜ್ಞಾನ ಪ್ರದಾನಸರಣಿಶ್ರಿತ ಪಾದಪೀಠೇ | ಶ್ರೇಯಾಂಸಿ ಸಂತಿ ನಿಖಿಲಾನಿ ಸುಮಂಗಳಾನಿ ತತ್ರೈವ ಮೇ ವಸತು ಮಾನಸರಾಜಹಂಸಃ…

|| ಶ್ರೀ ವಿಶಾಲಾಕ್ಷೀ ಸ್ತೋತ್ರಂ (ವ್ಯಾಸ ಕೃತಂ) || ವ್ಯಾಸ ಉವಾಚ | ವಿಶಾಲಾಕ್ಷಿ ನಮಸ್ತುಭ್ಯಂ ಪರಬ್ರಹ್ಮಾತ್ಮಿಕೇ ಶಿವೇ | ತ್ವಮೇವ ಮಾತಾ ಸರ್ವೇಷಾಂ ಬ್ರಹ್ಮಾದೀನಾಂ ದಿವೌಕಸಾಮ್ || ೧ || ಇಚ್ಛಾಶಕ್ತಿಃ ಕ್ರಿಯಾಶಕ್ತಿರ್ಜ್ಞಾನಶಕ್ತಿಸ್ತ್ವಮೇವ ಹಿ | ಋಜ್ವೀ ಕುಂಡಲಿನೀ ಸುಕ್ಷ್ಮಾ ಯೋಗಸಿದ್ಧಿಪ್ರದಾಯಿನೀ || ೨ || ಸ್ವಾಹಾ ಸ್ವಧಾ ಮಹಾವಿದ್ಯಾ ಮೇಧಾ ಲಕ್ಷ್ಮೀಃ ಸರಸ್ವತೀ | ಸತೀ ದಾಕ್ಷಾಯಣೀ ವಿದ್ಯಾ ಸರ್ವಶಕ್ತಿಮಯೀ ಶಿವಾ || ೩ || ಅಪರ್ಣಾ ಚೈಕಪರ್ಣಾ ಚ ತಥಾ ಚೈಕೈಕಪಾಟಲಾ |…

|| ಶ್ರೀ ವಾಸವೀ ಸ್ತೋತ್ರಂ || ಕೈಲಾಸಾಚಲಸನ್ನಿಭೇ ಗಿರಿಪುರೇ ಸೌವರ್ಣಶೃಂಗೇ ಮಹ- ಸ್ತಂಭೋದ್ಯನ್ ಮಣಿಮಂಟಪೇ ಸುರುಚಿರ ಪ್ರಾಂತೇ ಚ ಸಿಂಹಾಸನೇ | ಆಸೀನಂ ಸಕಲಾಽಮರಾರ್ಚಿತಪದಾಂ ಭಕ್ತಾರ್ತಿ ವಿಧ್ವಂಸಿನೀಂ ವಂದೇ ವಾಸವಿ ಕನ್ಯಾಕಂ ಸ್ಮಿತಮುಖೀಂ ಸರ್ವಾರ್ಥದಾಮಂಬಿಕಾಂ || ೧ || ನಮಸ್ತೇ ವಾಸವೀ ದೇವೀ ನಮಸ್ತೇ ವಿಶ್ವಪಾವನಿ | ನಮಸ್ತೇ ವ್ರತಸಂಬದ್ಧಾ ಕೌಮಾತ್ರೇ ತೇ ನಮೋ ನಮಃ || ೨ || ನಮಸ್ತೇ ಭಯಸಂಹಾರೀ ನಮಸ್ತೇ ಭವನಾಶಿನಿ | ನಮಸ್ತೇ ಭಾಗ್ಯದಾ ದೇವೀ ವಾಸವೀ ತೇ ನಮೋ ನಮಃ…

|| ಶ್ರೀ ರೇಣುಕಾ ಅಷ್ಟೋತ್ತರಶತನಾಮ ಸ್ತೋತ್ರಂ || ಧ್ಯಾನಮ್ | ಧ್ಯಾಯೇನ್ನಿತ್ಯಮಪೂರ್ವವೇಷಲಲಿತಾಂ ಕಂದರ್ಪಲಾವಣ್ಯದಾಂ ದೇವೀಂ ದೇವಗಣೈರುಪಾಸ್ಯಚರಣಾಂ ಕಾರುಣ್ಯರತ್ನಾಕರಾಮ್ | ಲೀಲಾವಿಗ್ರಹಿಣೀಂ ವಿರಾಜಿತಭುಜಾಂ ಸಚ್ಚಂದ್ರಹಾಸಾದಿಭಿ- -ರ್ಭಕ್ತಾನಂದವಿಧಾಯಿನೀಂ ಪ್ರಮುದಿತಾಂ ನಿತ್ಯೋತ್ಸವಾಂ ರೇಣುಕಾಮ್ || ಸ್ತೋತ್ರಮ್ | ಜಗದಂಬಾ ಜಗದ್ವಂದ್ಯಾ ಮಹಾಶಕ್ತಿರ್ಮಹೇಶ್ವರೀ | ಮಹಾದೇವೀ ಮಹಾಕಾಲೀ ಮಹಾಲಕ್ಷ್ಮೀಃ ಸರಸ್ವತೀ || ಮಹಾವೀರಾ ಮಹಾರಾತ್ರಿಃ ಕಾಲರಾತ್ರಿಶ್ಚ ಕಾಲಿಕಾ | ಸಿದ್ಧವಿದ್ಯಾ ರಾಮಮಾತಾ ಶಿವಾ ಶಾಂತಾ ಋಷಿಪ್ರಿಯಾ || ನಾರಾಯಣೀ ಜಗನ್ಮಾತಾ ಜಗದ್ಬೀಜಾ ಜಗತ್ಪ್ರಭಾ | ಚಂದ್ರಿಕಾ ಚಂದ್ರಚೂಡಾ ಚ ಚಂದ್ರಾಯುಧಧರಾ ಶುಭಾ ||…

|| ಶ್ರೀ ರೇಣುಕಾ ಸ್ತೋತ್ರಂ || ಶ್ರೀಪರಶುರಾಮ ಉವಾಚ | ಓಂ ನಮಃ ಪರಮಾನಂದೇ ಸರ್ವದೇವಮಯೀ ಶುಭೇ | ಅಕಾರಾದಿಕ್ಷಕಾರಾಂತಂ ಮಾತೃಕಾಮಂತ್ರಮಾಲಿನೀ || ೧ || ಏಕವೀರೇ ಏಕರೂಪೇ ಮಹಾರೂಪೇ ಅರೂಪಿಣೀ | ಅವ್ಯಕ್ತೇ ವ್ಯಕ್ತಿಮಾಪನ್ನೇ ಗುಣಾತೀತೇ ಗುಣಾತ್ಮಿಕೇ || ೨ || ಕಮಲೇ ಕಮಲಾಭಾಸೇ ಹೃತ್ಸತ್ಪ್ರಕ್ತರ್ಣಿಕಾಲಯೇ | ನಾಭಿಚಕ್ರಸ್ಥಿತೇ ದೇವಿ ಕುಂಡಲೀ ತಂತುರೂಪಿಣೀ || ೩ || ವೀರಮಾತಾ ವೀರವಂದ್ಯಾ ಯೋಗಿನೀ ಸಮರಪ್ರಿಯೇ | ವೇದಮಾತಾ ವೇದಗರ್ಭೇ ವಿಶ್ವಗರ್ಭೇ ನಮೋಽಸ್ತು ತೇ || ೪ ||…

|| ಶ್ರೀ ಮಂಗಳ ಚಂಡಿಕಾ ಸ್ತೋತ್ರಂ || ಧ್ಯಾನಮ್ | ದೇವೀಂ ಷೋಡಶವರ್ಷೀಯಾಂ ರಮ್ಯಾಂ ಸುಸ್ಥಿರಯೌವನಾಮ್ | ಸರ್ವರೂಪಗುಣಾಢ್ಯಾಂ ಚ ಕೋಮಲಾಂಗೀಂ ಮನೋಹರಾಮ್ || ೧ || ಶ್ವೇತಚಂಪಕವರ್ಣಾಭಾಂ ಚಂದ್ರಕೋಟಿಸಮಪ್ರಭಾಮ್ | ವಹ್ನಿಶುದ್ಧಾಂಶುಕಾಧಾನಾಂ ರತ್ನಭೂಷಣಭೂಷಿತಾಮ್ || ೨ || ಬಿಭ್ರತೀಂ ಕಬರೀಭಾರಂ ಮಲ್ಲಿಕಾಮಾಲ್ಯಭೂಷಿತಮ್ | ಬಿಂಬೋಷ್ಠೀಂ ಸುದತೀಂ ಶುದ್ಧಾಂ ಶರತ್ಪದ್ಮನಿಭಾನನಾಮ್ || ೩ || ಈಷದ್ಧಾಸ್ಯಪ್ರಸನ್ನಾಸ್ಯಾಂ ಸುನೀಲೋತ್ಪಲಲೋಚನಾಮ್ | ಜಗದ್ಧಾತ್ರೀಂ ಚ ದಾತ್ರೀಂ ಚ ಸರ್ವೇಭ್ಯಃ ಸರ್ವಸಂಪದಾಮ್ || ೪ || ಸಂಸಾರಸಾಗರೇ ಘೋರೇ ಪೋತರುಪಾಂ ವರಾಂ…

|| ಶ್ರೀ ಮೂಕಾಂಬಿಕಾ ಸ್ತೋತ್ರಂ || ಮೂಲಾಂಭೋರುಹಮಧ್ಯಕೋಣವಿಲಸದ್ಬಂಧೂಕರಾಗೋಜ್ಜ್ವಲಾಂ ಜ್ವಾಲಾಜಾಲಜಿತೇಂದುಕಾಂತಿಲಹರೀಮಾನಂದಸಂದಾಯಿನೀಂ | ಏಲಾಲಲಿತನೀಲಕುಂತಲಧರಾಂ ನೀಲೋತ್ಪಲಾಭಾಂಶುಕಾಂ ಕೋಲೂರಾದ್ರಿನಿವಾಸಿನೀಂ ಭಗವತೀಂ ಧ್ಯಾಯಾಮಿ ಮೂಕಾಂಬಿಕಾಂ || ೧ || ಬಾಲಾದಿತ್ಯನಿಭಾನನಾಂ ತ್ರಿನಯನಾಂ ಬಾಲೇಂದುನಾ ಭೂಷಿತಾಂ ನೀಲಾಕಾರಸುಕೇಶಿನೀಂ ಸುಲಲಿತಾಂ ನಿತ್ಯಾನ್ನದಾನಪ್ರಿಯಾಂ | ಶಂಖಂ ಚಕ್ರ ವರಾಭಯಾಂ ಚ ದಧತೀಂ ಸಾರಸ್ವತಾರ್ಥಪ್ರದಾಂ ತಾಂ ಬಾಲಾಂ ತ್ರಿಪುರಾಂ ಶಿವೇನಸಹಿತಾಂ ಧ್ಯಾಯಾಮಿ ಮೂಕಾಂಬಿಕಾಂ || ೨ || ಮಧ್ಯಾಹ್ನಾರ್ಕಸಹಸ್ರಕೋಟಿಸದೃಶಾಂ ಮಾಯಾಂಧಕಾರಚ್ಛಿದಾಂ ಮಧ್ಯಾಂತಾದಿವಿವರ್ಜಿತಾಂ ಮದಕರೀಂ ಮಾರೇಣ ಸಂಸೇವಿತಾಂ | ಶೂಲಂಪಾಶಕಪಾಲಪುಸ್ತಕಧರಾಂ ಶುದ್ಧಾರ್ಥವಿಜ್ಞಾನದಾಂ ತಾಂ ಬಾಲಾಂ ತ್ರಿಪುರಾಂ ಶಿವೇನಸಹಿತಾಂ ಧ್ಯಾಯಾಮಿ ಮೂಕಾಂಬಿಕಾಂ…

|| ಶ್ರೀ ಮೀನಾಕ್ಷೀ ಸ್ತೋತ್ರಂ || ಶ್ರೀವಿದ್ಯೇ ಶಿವವಾಮಭಾಗನಿಲಯೇ ಶ್ರೀರಾಜರಾಜಾರ್ಚಿತೇ ಶ್ರೀನಾಥಾದಿಗುರುಸ್ವರೂಪವಿಭವೇ ಚಿಂತಾಮಣೀಪೀಠಿಕೇ | ಶ್ರೀವಾಣೀಗಿರಿಜಾನುತಾಂಘ್ರಿಕಮಲೇ ಶ್ರೀಶಾಂಭವಿ ಶ್ರೀಶಿವೇ ಮಧ್ಯಾಹ್ನೇ ಮಲಯಧ್ವಜಾಧಿಪಸುತೇ ಮಾಂ ಪಾಹಿ ಮೀನಾಂಬಿಕೇ || ೧ || ಚಕ್ರಸ್ಥೇಽಚಪಲೇ ಚರಾಚರಜಗನ್ನಾಥೇ ಜಗತ್ಪೂಜಿತೇ ಆರ್ತಾಲೀವರದೇ ನತಾಭಯಕರೇ ವಕ್ಷೋಜಭಾರಾನ್ವಿತೇ | ವಿದ್ಯೇ ವೇದಕಲಾಪಮೌಳಿವಿದಿತೇ ವಿದ್ಯುಲ್ಲತಾವಿಗ್ರಹೇ ಮಾತಃ ಪೂರ್ಣಸುಧಾರಸಾರ್ದ್ರಹೃದಯೇ ಮಾಂ ಪಾಹಿ ಮೀನಾಂಬಿಕೇ || ೨ || ಕೋಟೀರಾಂಗದರತ್ನಕುಂಡಲಧರೇ ಕೋದಂಡಬಾಣಾಂಚಿತೇ ಕೋಕಾಕಾರಕುಚದ್ವಯೋಪರಿಲಸತ್ಪ್ರಾಲಂಬಹಾರಾಂಚಿತೇ | ಶಿಂಜನ್ನೂಪುರಪಾದಸಾರಸಮಣೀಶ್ರೀಪಾದುಕಾಲಂಕೃತೇ ಮದ್ದಾರಿದ್ರ್ಯಭುಜಂಗಗಾರುಡಖಗೇ ಮಾಂ ಪಾಹಿ ಮೀನಾಂಬಿಕೇ || ೩ || ಬ್ರಹ್ಮೇಶಾಚ್ಯುತಗೀಯಮಾನಚರಿತೇ ಪ್ರೇತಾಸನಾಂತಸ್ಥಿತೇ ಪಾಶೋದಂಕುಶಚಾಪಬಾಣಕಲಿತೇ…

|| ಮಾತೃಕಾವರ್ಣ ಸ್ತೋತ್ರಂ || ಗಣೇಶ ಗ್ರಹ ನಕ್ಷತ್ರ ಯೋಗಿನೀ ರಾಶಿ ರೂಪಿಣೀಮ್ | ದೇವೀಂ ಮಂತ್ರಮಯೀಂ ನೌಮಿ ಮಾತೃಕಾಪೀಠ ರೂಪಿಣೀಮ್ || ೧ || ಪ್ರಣಮಾಮಿ ಮಹಾದೇವೀಂ ಮಾತೃಕಾಂ ಪರಮೇಶ್ವರೀಮ್ | ಕಾಲಹಲ್ಲೋಹಲೋಲ್ಲೋಲ ಕಲನಾಶಮಕಾರಿಣೀಮ್ || ೨ || ಯದಕ್ಷರೈಕಮಾತ್ರೇಽಪಿ ಸಂಸಿದ್ಧೇ ಸ್ಪರ್ಧತೇ ನರಃ | ರವಿತಾರ್ಕ್ಷ್ಯೇಂದು ಕಂದರ್ಪ ಶಂಕರಾನಲ ವಿಷ್ಣುಭಿಃ || ೩ || ಯದಕ್ಷರ ಶಶಿಜ್ಯೋತ್ಸ್ನಾಮಂಡಿತಂ ಭುವನತ್ರಯಮ್ | ವಂದೇ ಸರ್ವೇಶ್ವರೀಂ ದೇವೀಂ ಮಹಾಶ್ರೀಸಿದ್ಧಮಾತೃಕಾಮ್ || ೪ || ಯದಕ್ಷರ ಮಹಾಸೂತ್ರ ಪ್ರೋತಮೇತಜ್ಜಗತ್ರಯಮ್…

|| ಶ್ರೀ ಭವಾನೀ ಭುಜಂಗ ಸ್ತುತಿಃ || ಷಡಾಧಾರಪಂಕೇರುಹಾಂತರ್ವಿರಾಜ- -ತ್ಸುಷುಮ್ನಾಂತರಾಲೇಽತಿತೇಜೋಲ್ಲಸಂತೀಮ್ | ಸುಧಾಮಂಡಲಂ ದ್ರಾವಯಂತೀಂ ಪಿಬಂತೀಂ ಸುಧಾಮೂರ್ತಿಮೀಡೇ ಚಿದಾನಂದರೂಪಾಮ್ || ೧ || ಜ್ವಲತ್ಕೋಟಿಬಾಲಾರ್ಕಭಾಸಾರುಣಾಂಗೀಂ ಸುಲಾವಣ್ಯಶೃಂಗಾರಶೋಭಾಭಿರಾಮಾಮ್ | ಮಹಾಪದ್ಮಕಿಂಜಲ್ಕಮಧ್ಯೇ ವಿರಾಜ- -ತ್ತ್ರಿಕೋಣೇ ನಿಷಣ್ಣಾಂ ಭಜೇ ಶ್ರೀಭವಾನೀಮ್ || ೨ || ಕ್ವಣತ್ಕಿಂಕಿಣೀನೂಪುರೋದ್ಭಾಸಿರತ್ನ- -ಪ್ರಭಾಲೀಢಲಾಕ್ಷಾರ್ದ್ರಪಾದಾಬ್ಜಯುಗ್ಮಮ್ | ಅಜೇಶಾಚ್ಯುತಾದ್ಯೈಃ ಸುರೈಃ ಸೇವ್ಯಮಾನಂ ಮಹಾದೇವಿ ಮನ್ಮೂರ್ಧ್ನಿ ತೇ ಭಾವಯಾಮಿ || ೩ || ಸುಶೋಣಾಂಬರಾಬದ್ಧನೀವೀವಿರಾಜ- -ನ್ಮಹಾರತ್ನಕಾಂಚೀಕಲಾಪಂ ನಿತಂಬಮ್ | ಸ್ಫುರದ್ದಕ್ಷಿಣಾವರ್ತನಾಭಿಂ ಚ ತಿಸ್ರೋ ವಲೀರಂಬ ತೇ ರೋಮರಾಜಿಂ ಭಜೇಽಹಮ್ || ೪…

|| ಶ್ರೀ ದಾಕ್ಷಾಯಣೀ ಸ್ತೋತ್ರಂ || ಗಂಭೀರಾವರ್ತನಾಭೀ ಮೃಗಮದತಿಲಕಾ ವಾಮಬಿಂಬಾಧರೋಷ್ಟೀ ಶ್ರೀಕಾಂತಾಕಾಂಚಿದಾಮ್ನಾ ಪರಿವೃತ ಜಘನಾ ಕೋಕಿಲಾಲಾಪವಾಣಿ | ಕೌಮಾರೀ ಕಂಬುಕಂಠೀ ಪ್ರಹಸಿತವದನಾ ಧೂರ್ಜಟೀಪ್ರಾಣಕಾಂತಾ ರಂಭೋರೂ ಸಿಂಹಮಧ್ಯಾ ಹಿಮಗಿರಿತನಯಾ ಶಾಂಭವೀ ನಃ ಪುನಾತು || ೧ || ದದ್ಯಾತ್ಕಲ್ಮಷಹಾರಿಣೀ ಶಿವತನೂ ಪಾಶಾಂಕುಶಾಲಂಕೃತಾ ಶರ್ವಾಣೀ ಶಶಿಸೂರ್ಯವಹ್ನಿನಯನಾ ಕುಂದಾಗ್ರದಂತೋಜ್ಜ್ವಲಾ | ಕಾರುಣ್ಯಾಮೃತಪೂರ್ಣವಾಗ್ವಿಲಸಿತಾ ಮತ್ತೇಭಕುಂಭಸ್ತನೀ ಲೋಲಾಕ್ಷೀ ಭವಬಂಧಮೋಕ್ಷಣಕರೀ ಸ್ವ ಶ್ರೇಯಸಂ ಸಂತತಮ್ || ೨ || ಮಧ್ಯೇ ಸುಧಾಬ್ಧಿ ಮಣಿಮಂಟಪರತ್ನ ವೇದ್ಯಾಂ ಸಿಂಹಾಸನೋಪರಿಗತಾಂ ಪರಿಪೀತವರ್ಣಾಮ್ | ಪೀತಾಂಬರಾಭರಣಮಾಲ್ಯವಿಚಿತ್ರಗಾತ್ರೀಂ ದೇವೀಂ ಭಜಾಮಿ ನಿತರಾಂ ನುತವೇದಜಿಹ್ವಾಮ್…

|| ಶ್ರೀ ತುಲಜಾ ಭವಾನೀ ಸ್ತೋತ್ರಂ || ನಮೋಽಸ್ತು ತೇ ಮಹಾದೇವಿ ಶಿವೇ ಕಲ್ಯಾಣಿ ಶಾಂಭವಿ | ಪ್ರಸೀದ ವೇದವಿನುತೇ ಜಗದಂಬ ನಮೋಽಸ್ತು ತೇ || ೧ || ಜಗತಾಮಾದಿಭೂತಾ ತ್ವಂ ಜಗತ್ತ್ವಂ ಜಗದಾಶ್ರಯಾ | ಏಕಾಽಪ್ಯನೇಕರೂಪಾಸಿ ಜಗದಂಬ ನಮೋಽಸ್ತು ತೇ || ೨ || ಸೃಷ್ಟಿಸ್ಥಿತಿವಿನಾಶಾನಾಂ ಹೇತುಭೂತೇ ಮುನಿಸ್ತುತೇ | ಪ್ರಸೀದ ದೇವವಿನುತೇ ಜಗದಂಬ ನಮೋಽಸ್ತು ತೇ || ೩ || ಸರ್ವೇಶ್ವರಿ ನಮಸ್ತುಭ್ಯಂ ಸರ್ವಸೌಭಾಗ್ಯದಾಯಿನಿ | ಸರ್ವಶಕ್ತಿಯುತೇಽನಂತೇ ಜಗದಂಬ ನಮೋಽಸ್ತು ತೇ || ೪…

|| ಚತುಃಷಷ್ಟಿ ಯೋಗಿನೀ ನಾಮ ಸ್ತೋತ್ರಂ 1 || ಗಜಾಸ್ಯಾ ಸಿಂಹವಕ್ತ್ರಾ ಚ ಗೃಧ್ರಾಸ್ಯಾ ಕಾಕತುಂಡಿಕಾ | ಉಷ್ಟ್ರಾಸ್ಯಾಽಶ್ವಖರಗ್ರೀವಾ ವಾರಾಹಾಸ್ಯಾ ಶಿವಾನನಾ || ೧ || ಉಲೂಕಾಕ್ಷೀ ಘೋರರವಾ ಮಾಯೂರೀ ಶರಭಾನನಾ | ಕೋಟರಾಕ್ಷೀ ಚಾಷ್ಟವಕ್ತ್ರಾ ಕುಬ್ಜಾ ಚ ವಿಕಟಾನನಾ || ೨ || ಶುಷ್ಕೋದರೀ ಲಲಜ್ಜಿಹ್ವಾ ಶ್ವದಂಷ್ಟ್ರಾ ವಾನರಾನನಾ | ಋಕ್ಷಾಕ್ಷೀ ಕೇಕರಾಕ್ಷೀ ಚ ಬೃಹತ್ತುಂಡಾ ಸುರಾಪ್ರಿಯಾ || ೩ || ಕಪಾಲಹಸ್ತಾ ರಕ್ತಾಕ್ಷೀ ಶುಕೀ ಶ್ಯೇನೀ ಕಪೋತಿಕಾ | ಪಾಶಹಸ್ತಾ ದಂಡಹಸ್ತಾ ಪ್ರಚಂಡಾ ಚಂಡವಿಕ್ರಮಾ…

|| ಶ್ರೀ ಮಂಗಳಗೌರೀ ಸ್ತೋತ್ರಂ || ದೇವಿ ತ್ವದೀಯಚರಣಾಂಬುಜರೇಣು ಗೌರೀಂ ಭಾಲಸ್ಥಲೀಂ ವಹತಿ ಯಃ ಪ್ರಣತಿಪ್ರವೀಣಃ | ಜನ್ಮಾಂತರೇಽಪಿ ರಜನೀಕರಚಾರುಲೇಖಾ ತಾಂ ಗೌರಯತ್ಯತಿತರಾಂ ಕಿಲ ತಸ್ಯ ಪುಂಸಃ || ೧ || ಶ್ರೀಮಂಗಳೇ ಸಕಲಮಂಗಳಜನ್ಮಭೂಮೇ ಶ್ರೀಮಂಗಳೇ ಸಕಲಕಲ್ಮಷತೂಲವಹ್ನೇ | ಶ್ರೀಮಂಗಳೇ ಸಕಲದಾನವದರ್ಪಹಂತ್ರಿ ಶ್ರೀಮಂಗಳೇಽಖಿಲಮಿದಂ ಪರಿಪಾಹಿ ವಿಶ್ವಮ್ || ೨ || ವಿಶ್ವೇಶ್ವರಿ ತ್ವಮಸಿ ವಿಶ್ವಜನಸ್ಯ ಕರ್ತ್ರೀ ತ್ವಂ ಪಾಲಯಿತ್ರ್ಯಸಿ ತಥಾ ಪ್ರಳಯೇಽಪಿ ಹಂತ್ರೀ | ತ್ವನ್ನಾಮಕೀರ್ತನಸಮುಲ್ಲಸದಚ್ಛಪುಣ್ಯಾ ಸ್ರೋತಸ್ವಿನೀ ಹರತಿ ಪಾತಕಕೂಲವೃಕ್ಷಾನ್ || ೩ || ಮಾತರ್ಭವಾನಿ ಭವತೀ…

|| ಶ್ರೀ ಗೋದಾಷ್ಟೋತ್ತರಶತನಾಮ ಸ್ತೋತ್ರಂ || ಧ್ಯಾನಮ್ | ಶತಮಖಮಣಿ ನೀಲಾ ಚಾರುಕಲ್ಹಾರಹಸ್ತಾ ಸ್ತನಭರನಮಿತಾಂಗೀ ಸಾಂದ್ರವಾತ್ಸಲ್ಯಸಿಂಧುಃ | ಅಲಕವಿನಿಹಿತಾಭಿಃ ಸ್ರಗ್ಭಿರಾಕೃಷ್ಟನಾಥಾ ವಿಲಸತು ಹೃದಿ ಗೋದಾ ವಿಷ್ಣುಚಿತ್ತಾತ್ಮಜಾ ನಃ || ಅಥ ಸ್ತೋತ್ರಮ್ | ಶ್ರೀರಂಗನಾಯಕೀ ಗೋದಾ ವಿಷ್ಣುಚಿತ್ತಾತ್ಮಜಾ ಸತೀ | ಗೋಪೀವೇಷಧರಾ ದೇವೀ ಭೂಸುತಾ ಭೋಗಶಾಲಿನೀ || ೧ || ತುಲಸೀಕಾನನೋದ್ಭೂತಾ ಶ್ರೀಧನ್ವಿಪುರವಾಸಿನೀ | ಭಟ್ಟನಾಥಪ್ರಿಯಕರೀ ಶ್ರೀಕೃಷ್ಣಹಿತಭೋಗಿನೀ || ೨ || ಆಮುಕ್ತಮಾಲ್ಯದಾ ಬಾಲಾ ರಂಗನಾಥಪ್ರಿಯಾ ಪರಾ | ವಿಶ್ವಂಭರಾ ಕಲಾಲಾಪಾ ಯತಿರಾಜಸಹೋದರೀ || ೩ ||…

|| ಶ್ರೀ ಗರ್ಭರಕ್ಷಾಂಬಿಕಾ ಸ್ತೋತ್ರಂ || ವಾಪೀತಟೇ ವಾಮಭಾಗೇ ವಾಮದೇವಸ್ಯ ದೇವಸ್ಯ ದೇವಿ ಸ್ಥಿತಾ ತ್ವಮ್ | ಮಾನ್ಯಾ ವರೇಣ್ಯಾ ವದಾನ್ಯಾ ಪಾಹಿ ಗರ್ಭಸ್ಥಜಂತೂನ್ ತಥಾ ಭಕ್ತಲೋಕಾನ್ || ೧ || ಶ್ರೀಮಾಧವೀ ಕಾನನಸ್ಥೇ ಗರ್ಭರಕ್ಷಾಂಬಿಕೇ ಪಾಹಿ ಭಕ್ತಾಂ ಸ್ತುವಂತೀಮ್ || ಶ್ರೀಗರ್ಭರಕ್ಷಾಪುರೇ ಯಾ ದಿವ್ಯಸೌಂದರ್ಯಯುಕ್ತಾ ಸುಮಾಂಗಳ್ಯಗಾತ್ರೀ | ಧಾತ್ರೀ ಜನಿತ್ರೀ ಜನಾನಾಂ ದಿವ್ಯರೂಪಾಂ ದಯಾರ್ದ್ರಾಂ ಮನೋಜ್ಞಾಂ ಭಜೇ ತ್ವಾಮ್ || ೨ || ಶ್ರೀಮಾಧವೀ ಕಾನನಸ್ಥೇ ಗರ್ಭರಕ್ಷಾಂಬಿಕೇ ಪಾಹಿ ಭಕ್ತಾಂ ಸ್ತುವಂತೀಮ್ || ಆಷಾಢಮಾಸೇ ಸುಪುಣ್ಯೇ…

|| ಶ್ರೀ ಕುಬ್ಜಿಕಾ ವರ್ಣನ ಸ್ತೋತ್ರಂ || ನೀಲೋತ್ಪಲದಳಶ್ಯಾಮಾ ಷಡ್ವಕ್ತ್ರಾ ಷಟ್ಪ್ರಕಾಶಕಾ | ಚಿಚ್ಛಕ್ತಿರಷ್ಟಾದಶಾಖ್ಯಾ ಬಾಹುದ್ವಾದಶಸಂಯುತಾ || ೧ || ಸಿಂಹಾಸನಸುಖಾಸೀನಾ ಪ್ರೇತಪದ್ಮೋಪರಿಸ್ಥಿತಾ | ಕುಲಕೋಟಿಸಹಸ್ರಾಖ್ಯಾ ಕರ್ಕೋಟೋ ಮೇಖಲಾಸ್ಥಿತಃ || ೨ || ತಕ್ಷಕೇಣೋಪರಿಷ್ಟಾಚ್ಚ ಗಲೇ ಹಾರಶ್ಚ ವಾಸುಕಿಃ | ಕುಲಿಕಃ ಕರ್ಣಯೋರ್ಯಸ್ಯಾಃ ಕೂರ್ಮಃ ಕುಂಡಲಮಂಡಲಃ || ೩ || ಭ್ರುವೋಃ ಪದ್ಮೋ ಮಹಾಪದ್ಮೋ ವಾಮೇ ನಾಗಃ ಕಪಾಲಕಃ | ಅಕ್ಷಸೂತ್ರಂ ಚ ಖಟ್ವಾಂಗಂ ಶಂಖಂ ಪುಸ್ತಂ ಚ ದಕ್ಷಿಣೇ || ೪ || ತ್ರಿಶೂಲಂ ದರ್ಪಣಂ…

|| ಶ್ರೀ ಕಾಮಾಕ್ಷೀ ಸ್ತೋತ್ರಂ 1 || ಕಲ್ಪಾನೋಕಹಪುಷ್ಪಜಾಲವಿಲಸನ್ನೀಲಾಲಕಾಂ ಮಾತೃಕಾಂ ಕಾಂತಾಂ ಕಂಜದಳೇಕ್ಷಣಾಂ ಕಲಿಮಲಪ್ರಧ್ವಂಸಿನೀಂ ಕಾಳಿಕಾಮ್ | ಕಾಂಚೀನೂಪುರಹಾರದಾಮಸುಭಗಾಂ ಕಾಂಚೀಪುರೀನಾಯಿಕಾಂ ಕಾಮಾಕ್ಷೀಂ ಕರಿಕುಂಭಸನ್ನಿಭಕುಚಾಂ ವಂದೇ ಮಹೇಶಪ್ರಿಯಾಮ್ || ೧ || ಕಾಶಾಭಾಂ ಶುಕಭಾಸುರಾಂ ಪ್ರವಿಲಸತ್ಕೋಶಾತಕೀ ಸನ್ನಿಭಾಂ ಚಂದ್ರಾರ್ಕಾನಲಲೋಚನಾಂ ಸುರುಚಿರಾಲಂಕಾರಭೂಷೋಜ್ಜ್ವಲಾಮ್ | ಬ್ರಹ್ಮಶ್ರೀಪತಿವಾಸವಾದಿಮುನಿಭಿಃ ಸಂಸೇವಿತಾಂಘ್ರಿದ್ವಯಾಂ ಕಾಮಾಕ್ಷೀಂ ಗಜರಾಜಮಂದಗಮನಾಂ ವಂದೇ ಮಹೇಶಪ್ರಿಯಾಮ್ || ೨ || ಐಂ ಕ್ಲೀಂ ಸೌರಿತಿ ಯಾಂ ವದಂತಿ ಮುನಯಸ್ತತ್ತ್ವಾರ್ಥರೂಪಾಂ ಪರಾಂ ವಾಚಾಮಾದಿಮಕಾರಣಂ ಹೃದಿ ಸದಾ ಧ್ಯಾಯಂತಿ ಯಾಂ ಯೋಗಿನಃ | ಬಾಲಾಂ ಫಾಲವಿಲೋಚನಾಂ ನವಜಪಾವರ್ಣಾಂ…

|| ಶ್ರೀ ಕಾಮಾಖ್ಯಾ ಸ್ತೋತ್ರಂ || ಜಯ ಕಾಮೇಶಿ ಚಾಮುಂಡೇ ಜಯ ಭೂತಾಪಹಾರಿಣಿ | ಜಯ ಸರ್ವಗತೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ || ೧ || ವಿಶ್ವಮೂರ್ತೇ ಶುಭೇ ಶುದ್ಧೇ ವಿರೂಪಾಕ್ಷಿ ತ್ರಿಲೋಚನೇ | ಭೀಮರೂಪೇ ಶಿವೇ ವಿದ್ಯೇ ಕಾಮೇಶ್ವರಿ ನಮೋಽಸ್ತು ತೇ || ೨ || ಮಾಲಾಜಯೇ ಜಯೇ ಜಂಭೇ ಭೂತಾಕ್ಷಿ ಕ್ಷುಭಿತೇಽಕ್ಷಯೇ | ಮಹಾಮಾಯೇ ಮಹೇಶಾನಿ ಕಾಮೇಶ್ವರಿ ನಮೋಽಸ್ತು ತೇ || ೩ || ಭೀಮಾಕ್ಷಿ ಭೀಷಣೇ ದೇವಿ ಸರ್ವಭೂತಕ್ಷಯಂಕರಿ | ಕಾಲಿ…

|| ಶ್ರೀ ಅಂಬಾ ಭುಜಂಗ ಪಂಚರತ್ನ ಸ್ತೋತ್ರಂ || ವಧೂರೋಜಗೋತ್ರೋಧರಾಗ್ರೇ ಚರಂತಂ ಲುಠಂತಂ ಪ್ಲವಂತಂ ನಟಂ ತಪತಂತಮ್ ಪದಂ ತೇ ಭಜಂತಂ ಮನೋಮರ್ಕಟಂತಂ ಕಟಾಕ್ಷಾಳಿಪಾಶೈಸ್ಸುಬದ್ಧಂ ಕುರು ತ್ವಮ್ || ೧ || ಗಜಾಸ್ಯಷ್ಷಡಾಸ್ಯೋ ಯಥಾ ತೇ ತಥಾಹಂ ಕುತೋ ಮಾಂ ನ ಪಶ್ಯಸ್ಯಹೋ ಕಿಂ ಬ್ರವೀಮಿ ಸದಾ ನೇತ್ರಯುಗ್ಮಸ್ಯ ತೇ ಕಾರ್ಯಮಸ್ತಿ ತೃತೀಯೇನ ನೇತ್ರೇಣ ವಾ ಪಶ್ಯ ಮಾಂ ತ್ವಮ್ || ೨ || ತ್ವಯೀತ್ಥಂ ಕೃತಂ ಚೇತ್ತವ ಸ್ವಾಂತಮಂಬ ಪ್ರಶೀತಂ ಪ್ರಶೀತಂ ಪ್ರಶೀತಂ ಕಿಮಾಸೀತ್ ಇತೋಽನ್ಯತ್ಕಿಮಾಸ್ತೇ…

|| ಶ್ರೀ ಅಂಬಾ ಪಂಚರತ್ನ ಸ್ತೋತ್ರಂ || ಅಂಬಾಶಂಬರವೈರಿತಾತಭಗಿನೀ ಶ್ರೀಚಂದ್ರಬಿಂಬಾನನಾ ಬಿಂಬೋಷ್ಠೀ ಸ್ಮಿತಭಾಷಿಣೀ ಶುಭಕರೀ ಕಾದಂಬವಾಟ್ಯಾಶ್ರಿತಾ | ಹ್ರೀಂಕಾರಾಕ್ಷರಮಂತ್ರಮಧ್ಯಸುಭಗಾ ಶ್ರೋಣೀನಿತಂಬಾಂಕಿತಾ ಮಾಮಂಬಾಪುರವಾಸಿನೀ ಭಗವತೀ ಹೇರಂಬಮಾತಾವತು || ೧ || ಕಲ್ಯಾಣೀ ಕಮನೀಯಸುಂದರವಪುಃ ಕಾತ್ಯಾಯನೀ ಕಾಲಿಕಾ ಕಾಲಾ ಶ್ಯಾಮಲಮೇಚಕದ್ಯುತಿಮತೀ ಕಾದಿತ್ರಿಪಂಚಾಕ್ಷರೀ | ಕಾಮಾಕ್ಷೀ ಕರುಣಾನಿಧಿಃ ಕಲಿಮಲಾರಣ್ಯಾತಿದಾವಾನಲಾ ಮಾಮಂಬಾಪುರವಾಸಿನೀ ಭಗವತೀ ಹೇರಂಬಮಾತಾವತು || ೨ || ಕಾಂಚೀಕಂಕಣಹಾರಕುಂಡಲವತೀ ಕೋಟೀಕಿರೀಟಾನ್ವಿತಾ ಕಂದರ್ಪದ್ಯುತಿಕೋಟಿಕೋಟಿಸದನಾ ಪೀಯೂಷಕುಂಭಸ್ತನಾ | ಕೌಸುಂಭಾರುಣಕಾಂಚನಾಂಬರವೃತಾ ಕೈಲಾಸವಾಸಪ್ರಿಯಾ ಮಾಮಂಬಾಪುರವಾಸಿನೀ ಭಗವತೀ ಹೇರಂಬಮಾತಾವತು || ೩ || ಯಾ ಸಾ ಶುಂಭನಿಶುಂಭದೈತ್ಯಶಮನೀ ಯಾ…

|| ಶ್ರೀ ಇಂದ್ರಾಕ್ಷೀ ಸ್ತೋತ್ರಂ || ನಾರದ ಉವಾಚ | ಇಂದ್ರಾಕ್ಷೀಸ್ತೋತ್ರಮಾಖ್ಯಾಹಿ ನಾರಾಯಣ ಗುಣಾರ್ಣವ | ಪಾರ್ವತ್ಯೈ ಶಿವಸಂಪ್ರೋಕ್ತಂ ಪರಂ ಕೌತೂಹಲಂ ಹಿ ಮೇ || ನಾರಾಯಣ ಉವಾಚ | ಇಂದ್ರಾಕ್ಷೀ ಸ್ತೋತ್ರ ಮಂತ್ರಸ್ಯ ಮಾಹಾತ್ಮ್ಯಂ ಕೇನ ವೋಚ್ಯತೇ | ಇಂದ್ರೇಣಾದೌ ಕೃತಂ ಸ್ತೋತ್ರಂ ಸರ್ವಾಪದ್ವಿನಿವಾರಣಮ್ || ತದೇವಾಹಂ ಬ್ರವೀಮ್ಯದ್ಯ ಪೃಚ್ಛತಸ್ತವ ನಾರದ | ಅಸ್ಯ ಶ್ರೀ ಇಂದ್ರಾಕ್ಷೀಸ್ತೋತ್ರಮಹಾಮಂತ್ರಸ್ಯ, ಶಚೀಪುರಂದರ ಋಷಿಃ, ಅನುಷ್ಟುಪ್ಛಂದಃ, ಇಂದ್ರಾಕ್ಷೀ ದುರ್ಗಾ ದೇವತಾ, ಲಕ್ಷ್ಮೀರ್ಬೀಜಂ, ಭುವನೇಶ್ವರೀ ಶಕ್ತಿಃ, ಭವಾನೀ ಕೀಲಕಂ, ಮಮ ಇಂದ್ರಾಕ್ಷೀ…

|| ಅಷ್ಟಾದಶ ಶಕ್ತಿಪೀಠ ಸ್ತೋತ್ರಂ || ಲಂಕಾಯಾಂ ಶಾಂಕರೀದೇವೀ ಕಾಮಾಕ್ಷೀ ಕಾಂಚಿಕಾಪುರೇ | ಪ್ರದ್ಯುಮ್ನೇ ಶೃಂಖಳಾದೇವೀ ಚಾಮುಂಡೀ ಕ್ರೌಂಚಪಟ್ಟಣೇ || ೧ || ಅಲಂಪುರೇ ಜೋಗುಲಾಂಬಾ ಶ್ರೀಶೈಲೇ ಭ್ರಮರಾಂಬಿಕಾ | ಕೊಲ್ಹಾಪುರೇ ಮಹಾಲಕ್ಷ್ಮೀ ಮುಹುರ್ಯೇ ಏಕವೀರಿಕಾ || ೨ || [ಮಾಹುರ್ಯೇ] ಉಜ್ಜಯಿನ್ಯಾಂ ಮಹಾಕಾಳೀ ಪೀಠಿಕ್ಯಾಂ ಪುರುಹೂತಿಕಾ | ಓಢ್ಯಾಯಾಂ ಗಿರಿಜಾದೇವೀ ಮಾಣಿಕ್ಯಾ ದಕ್ಷವಾಟಕೇ || ೩ || ಹರಿಕ್ಷೇತ್ರೇ ಕಾಮರೂಪಾ ಪ್ರಯಾಗೇ ಮಾಧವೇಶ್ವರೀ | ಜ್ವಾಲಾಯಾಂ ವೈಷ್ಣವೀದೇವೀ ಗಯಾ ಮಾಂಗಳ್ಯಗೌರಿಕಾ || ೪ || ವಾರಾಣಸ್ಯಾಂ…

|| ಅಭಿರಾಮಿ ಸ್ತೋತ್ರಂ || ನಮಸ್ತೇ ಲಲಿತೇ ದೇವಿ ಶ್ರೀಮತ್ಸಿಂಹಾಸನೇಶ್ವರಿ | ಭಕ್ತಾನಾಮಿಷ್ಟದೇ ಮಾತಃ ಅಭಿರಾಮಿ ನಮೋಽಸ್ತು ತೇ || ೧ || ಚಂದ್ರೋದಯಂ ಕೃತವತೀ ತಾಟಂಕೇನ ಮಹೇಶ್ವರಿ | ಆಯುರ್ದೇಹಿ ಜಗನ್ಮಾತಃ ಅಭಿರಾಮಿ ನಮೋಽಸ್ತು ತೇ || ೨ || ಸುಧಾಘಟೇಶಶ್ರೀಕಾಂತೇ ಶರಣಾಗತವತ್ಸಲೇ | ಆರೋಗ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ || ೩ || ಕಳ್ಯಾಣಿ ಮಂಗಳಂ ದೇಹಿ ಜಗನ್ಮಂಗಳಕಾರಿಣಿ | ಐಶ್ವರ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ…

|| ಬಿಲ್ವಾಷ್ಟೋತ್ತರಶತನಾಮ ಸ್ತೋತ್ರಂ || ತ್ರಿದಳಂ ತ್ರಿಗುಣಾಕಾರಂ ತ್ರಿನೇತ್ರಂ ಚ ತ್ರಿಯಾಯುಧಮ್ | ತ್ರಿಜನ್ಮ ಪಾಪಸಂಹಾರಂ ಏಕಬಿಲ್ವಂ ಶಿವಾರ್ಪಣಮ್ || ೧ || ತ್ರಿಶಾಖೈಃ ಬಿಲ್ವಪತ್ರೈಶ್ಚ ಅಚ್ಛಿದ್ರೈಃ ಕೋಮಲೈಃ ಶುಭೈಃ | ತವ ಪೂಜಾಂ ಕರಿಷ್ಯಾಮಿ ಏಕಬಿಲ್ವಂ ಶಿವಾರ್ಪಣಮ್ || ೨ || ಸರ್ವತ್ರೈಲೋಕ್ಯಕರ್ತಾರಂ ಸರ್ವತ್ರೈಲೋಕ್ಯಪಾಲನಮ್ | ಸರ್ವತ್ರೈಲೋಕ್ಯಹರ್ತಾರಂ ಏಕಬಿಲ್ವಂ ಶಿವಾರ್ಪಣಮ್ || ೩ || ನಾಗಾಧಿರಾಜವಲಯಂ ನಾಗಹಾರೇಣ ಭೂಷಿತಮ್ | ನಾಗಕುಂಡಲಸಂಯುಕ್ತಂ ಏಕಬಿಲ್ವಂ ಶಿವಾರ್ಪಣಮ್ || ೪ || ಅಕ್ಷಮಾಲಾಧರಂ ರುದ್ರಂ ಪಾರ್ವತೀಪ್ರಿಯವಲ್ಲಭಮ್ | ಚಂದ್ರಶೇಖರಮೀಶಾನಂ…

|| ಅರ್ಧನಾರೀಶ್ವರಾಷ್ಟೋತ್ತರಶತನಾಮ ಸ್ತೋತ್ರಂ || ಚಾಮುಂಡಿಕಾಂಬಾ ಶ್ರೀಕಂಠಃ ಪಾರ್ವತೀ ಪರಮೇಶ್ವರಃ | ಮಹಾರಾಜ್ಞೀ ಮಹಾದೇವಃ ಸದಾರಾಧ್ಯಾ ಸದಾಶಿವಃ || ೧ || ಶಿವಾರ್ಧಾಂಗೀ ಶಿವಾರ್ಧಾಂಗೋ ಭೈರವೀ ಕಾಲಭೈರವಃ | ಶಕ್ತಿತ್ರಿತಯರೂಪಾಢ್ಯಾ ಮೂರ್ತಿತ್ರಿತಯರೂಪವಾನ್ || ೨ || ಕಾಮಕೋಟಿಸುಪೀಠಸ್ಥಾ ಕಾಶೀಕ್ಷೇತ್ರಸಮಾಶ್ರಯಃ | ದಾಕ್ಷಾಯಣೀ ದಕ್ಷವೈರಿ ಶೂಲಿನೀ ಶೂಲಧಾರಕಃ || ೩ || ಹ್ರೀಂಕಾರಪಂಜರಶುಕೀ ಹರಿಶಂಕರರೂಪವಾನ್ | ಶ್ರೀಮದ್ಗಣೇಶಜನನೀ ಷಡಾನನಸುಜನ್ಮಭೂಃ || ೪ || ಪಂಚಪ್ರೇತಾಸನಾರೂಢಾ ಪಂಚಬ್ರಹ್ಮಸ್ವರೂಪಭೃತ್ | ಚಂಡಮುಂಡಶಿರಶ್ಛೇತ್ರೀ ಜಲಂಧರಶಿರೋಹರಃ || ೫ || ಸಿಂಹವಾಹಾ ವೃಷಾರೂಢಃ ಶ್ಯಾಮಾಭಾ…

|| ಶ್ರೀ ಶಿವ ಸ್ತೋತ್ರಂ (ಹಿಮಾಲಯ ಕೃತಂ) || ಹಿಮಾಲಯ ಉವಾಚ | ತ್ವಂ ಬ್ರಹ್ಮಾ ಸೃಷ್ಟಿಕರ್ತಾ ಚ ತ್ವಂ ವಿಷ್ಣುಃ ಪರಿಪಾಲಕಃ | ತ್ವಂ ಶಿವಃ ಶಿವದೋಽನಂತಃ ಸರ್ವಸಂಹಾರಕಾರಕಃ || ೧ || ತ್ವಮೀಶ್ವರೋ ಗುಣಾತೀತೋ ಜ್ಯೋತೀರೂಪಃ ಸನಾತನಃ | ಪ್ರಕೃತಃ ಪ್ರಕೃತೀಶಶ್ಚ ಪ್ರಾಕೃತಃ ಪ್ರಕೃತೇಃ ಪರಃ || ೨ || ನಾನಾರೂಪವಿಧಾತಾ ತ್ವಂ ಭಕ್ತಾನಾಂ ಧ್ಯಾನಹೇತವೇ | ಯೇಷು ರೂಪೇಷು ಯತ್ಪ್ರೀತಿಸ್ತತ್ತದ್ರೂಪಂ ಬಿಭರ್ಷಿ ಚ || ೩ || ಸೂರ್ಯಸ್ತ್ವಂ ಸೃಷ್ಟಿಜನಕ ಆಧಾರಃ ಸರ್ವತೇಜಸಾಮ್…

|| ಶ್ರೀ ಶಿವ ಸ್ತೋತ್ರಂ (ವರುಣ ಕೃತಂ) || ಕಳ್ಯಾಣಶೈಲಪರಿಕಲ್ಪಿತಕಾರ್ಮುಕಾಯ ಮೌರ್ವೀಕೃತಾಖಿಲಮಹೋರಗನಾಯಕಾಯ | ಪೃಥ್ವೀರಧಾಯ ಕಮಲಾಪತಿಸಾಯಕಾಯ ಹಾಲಾಸ್ಯಮಧ್ಯನಿಲಯಾಯ ನಮಶ್ಶಿವಾಯ || ೧ || ಭಕ್ತಾರ್ತಿಭಂಜನ ಪರಾಯ ಪರಾತ್ಪರಾಯ ಕಾಲಾಭ್ರಕಾಂತಿ ಗರಳಾಂಕಿತಕಂಧರಾಯ | ಭೂತೇಶ್ವರಾಯ ಭುವನತ್ರಯಕಾರಣಾಯ ಹಾಲಾಸ್ಯಮಧ್ಯನಿಲಯಾಯ ನಮಶ್ಶಿವಾಯ || ೨ || ಭೂದಾರಮೂರ್ತಿ ಪರಿಮೃಗ್ಯ ಪದಾಂಬುಜಾಯ ಹಂಸಾಬ್ಜಸಂಭವಸುದೂರ ಸುಮಸ್ತಕಾಯ | ಜ್ಯೋತಿರ್ಮಯ ಸ್ಫುರಿತದಿವ್ಯವಪುರ್ಧರಾಯ ಹಾಲಾಸ್ಯಮಧ್ಯನಿಲಯಾಯ ನಮಶ್ಶಿವಾಯ || ೩ || ಕಾದಂಬಕಾನನನಿವಾಸ ಕುತೂಹಲಾಯ ಕಾಂತಾರ್ಧಭಾಗ ಕಮನೀಯಕಳೇಬರಾಯ | ಕಾಲಾಂತಕಾಯ ಕರುಣಾಮೃತಸಾಗರಾಯ ಹಾಲಾಸ್ಯಮಧ್ಯನಿಲಯಾಯ ನಮಶ್ಶಿವಾಯ || ೪ ||…

|| ಶ್ರೀ ಶಿವ ಸ್ತೋತ್ರಂ (ರತಿದೇವಿ ಕೃತಂ) || ನಮಶ್ಶಿವಾಯಾಸ್ತು ನಿರಾಮಯಾಯ ನಮಶ್ಶಿವಾಯಾಸ್ತು ಮನೋಮಯಾಯ | ನಮಶ್ಶಿವಾಯಾಸ್ತು ಸುರಾರ್ಚಿತಾಯ ತುಭ್ಯಂ ಸದಾ ಭಕ್ತಕೃಪಾವರಾಯ || ೧ || ನಮೋ ಭವಾಯಾಸ್ತು ಭವೋದ್ಭವಾಯ ನಮೋಽಸ್ತು ತೇ ಧ್ವಸ್ತಮನೋಭವಾಯ | ನಮೋಽಸ್ತು ತೇ ಗೂಢಮಹಾವ್ರತಾಯ ನಮಸ್ಸ್ವಮಾಯಾಗಹನಾಶ್ರಯಾಯ || ೨ || ನಮೋಽಸ್ತು ಶರ್ವಾಯ ನಮಶ್ಶಿವಾಯ ನಮೋಽಸ್ತು ಸಿದ್ಧಾಯ ಪುರಾಂತಕಾಯ | ನಮೋಽಸ್ತು ಕಾಲಾಯ ನಮಃ ಕಲಾಯ ನಮೋಽಸ್ತು ತೇ ಜ್ಞಾನವರಪ್ರದಾಯ || ೩ || ನಮೋಽಸ್ತು ತೇ ಕಾಲಕಲಾತಿಗಾಯ ನಮೋ…

|| ಶ್ರೀ ಶಿವ ಸ್ತೋತ್ರಂ (ದೇವದಾನವ ಕೃತಂ) || ದೇವದಾನವಾ ಊಚುಃ | ನಮಸ್ತುಭ್ಯಂ ವಿರೂಪಾಕ್ಷ ಸರ್ವತೋಽನಂತಚಕ್ಷುಷೇ | ನಮಃ ಪಿನಾಕಹಸ್ತಾಯ ವಜ್ರಹಸ್ತಾಯ ಧನ್ವಿನೇ || ೧ || ನಮಸ್ತ್ರಿಶೂಲಹಸ್ತಾಯ ದಂಡಹಸ್ತಾಯ ಧೂರ್ಜಟೇ | ನಮಸ್ತ್ರೈಲೋಕ್ಯನಾಥಾಯ ಭೂತಗ್ರಾಮಶರೀರಿಣೇ || ೨ || ನಮಃ ಸುರಾರಿಹಂತ್ರೇ ಚ ಸೋಮಾಗ್ನ್ಯರ್ಕಾಗ್ರ್ಯಚಕ್ಷುಷೇ | ಬ್ರಹ್ಮಣೇ ಚೈವ ರುದ್ರಾಯ ನಮಸ್ತೇ ವಿಷ್ಣುರೂಪಿಣೇ || ೩ || ಬ್ರಹ್ಮಣೇ ವೇದರೂಪಾಯ ನಮಸ್ತೇ ದೇವರೂಪಿಣೇ | ಸಾಂಖ್ಯಯೋಗಾಯ ಭೂತಾನಾಂ ನಮಸ್ತೇ ಶಂಭವಾಯ ತೇ || ೪…

|| ಶ್ರೀ ಶಿವ ಸ್ತೋತ್ರಂ (ದೇವ ಕೃತಂ) || ದೇವಾ ಊಚುಃ | ನಮೋ ದೇವಾದಿದೇವಾಯ ತ್ರಿನೇತ್ರಾಯ ಮಹಾತ್ಮನೇ | ರಕ್ತಪಿಂಗಳನೇತ್ರಾಯ ಜಟಾಮಕುಟಧಾರಿಣೇ || ೧ || ಭೂತವೇತಾಳಜುಷ್ಟಾಯ ಮಹಾಭೋಗೋಪವೀತಿನೇ | ಭೀಮಾಟ್ಟಹಾಸವಕ್ತ್ರಾಯ ಕಪರ್ದಿ ಸ್ಥಾಣವೇ ನಮಃ || ೨ || ಪೂಷದಂತವಿನಾಶಾಯ ಭಗನೇತ್ರಹನೇ ನಮಃ | ಭವಿಷ್ಯದ್ವೃಷಚಿಹ್ನಾಯ ಮಹಾಭೂತಪತೇ ನಮಃ || ೩ || ಭವಿಷ್ಯತ್ತ್ರಿಪುರಾಂತಾಯ ತಥಾಂಧಕವಿನಾಶಿನೇ | ಕೈಲಾಸವರವಾಸಾಯ ಕರಿಕೃತ್ತಿನಿವಾಸಿನೇ || ೪ || ವಿಕರಾಳೋರ್ಧ್ವಕೇಶಾಯ ಭೈರವಾಯ ನಮೋ ನಮಃ | ಅಗ್ನಿಜ್ವಾಲಾಕರಾಳಾಯ ಶಶಿಮೌಳಿಕೃತೇ…