Languages: മലയാളം

|| സ്കന്ദ സ്തോത്രം || ഷണ്മുഖം പാർവതീപുത്രം ക്രൗഞ്ചശൈലവിമർദനം. ദേവസേനാപതിം ദേവം സ്കന്ദം വന്ദേ ശിവാത്മജം. താരകാസുരഹന്താരം മയൂരാസനസംസ്ഥിതം. ശക്തിപാണിം ച ദേവേശം സ്കന്ദം വന്ദേ ശിവാത്മജം. വിശ്വേശ്വരപ്രിയം ദേവം വിശ്വേശ്വരതനൂദ്ഭവം. കാമുകം കാമദം കാന്തം സ്കന്ദം വന്ദേ ശിവാത്മജം. കുമാരം മുനിശാർദൂല- മാനസാനന്ദഗോചരം. വല്ലീകാന്തം ജഗദ്യോനിം സ്കന്ദം വന്ദേ ശിവാത്മജം. പ്രലയസ്ഥിതികർതാര- മാദികർതാരമീശ്വരം. ഭക്തപ്രിയം മദോന്മത്തം സ്കന്ദം വന്ദേ ശിവാത്മജം. വിശാഖം സർവഭൂതാനാം സ്വാമിനം കൃത്തികാസുതം. സദാബലം ജടാധാരം സ്കന്ദം വന്ദേ ശിവാത്മജം. സ്കന്ദഷട്കസ്തോത്രമിദം യഃ…

|| ഗുഹ അഷ്ടക സ്തോത്രം || ശാന്തം ശംഭുതനൂജം സത്യമനാധാരം ജഗദാധാരം ജ്ഞാതൃജ്ഞാനനിരന്തര- ലോകഗുണാതീതം ഗുരുണാതീതം. വല്ലീവത്സല- ഭൃംഗാരണ്യക- താരുണ്യം വരകാരുണ്യം സേനാസാരമുദാരം പ്രണമത ദേവേശം ഗുഹമാവേശം. വിഷ്ണുബ്രഹ്മസമർച്യം ഭക്തജനാദിത്യം വരുണാതിഥ്യം ഭാവാഭാവജഗത്ത്രയ- രൂപമഥാരൂപം ജിതസാരൂപം. നാനാഭുവനസമാധേയം വിനുതാധേയം വരരാധേയം കേയുരാംഗനിഷംഗം പ്രണമത ദേവേശം ഗുഹമാവേശം. സ്കന്ദം കുങ്കുമവർണം സ്പന്ദമുദാനന്ദം പരമാനന്ദം ജ്യോതിഃസ്തോമനിരന്തര- രമ്യമഹഃസാമ്യം മനസായാമ്യം. മായാശൃംഖല- ബന്ധവിഹീനമനാദീനം പരമാദീനം ശോകാപേതമുദാത്തം പ്രണമത ദേവേശം ഗുഹമാവേശം. വ്യാലവ്യാവൃതഭൂഷം ഭസ്മസമാലേപം ഭുവനാലേപം ജ്യോതിശ്ചക്രസമർപിത- കായമനാകായ- വ്യയമാകായം. ഭക്തത്രാണനശക്ത്യാ യുക്തമനുദ്യുക്തം…

|| സ്വാമിനാഥ സ്തോത്രം || ശ്രീസ്വാമിനാഥം സുരവൃന്ദവന്ദ്യം ഭൂലോകഭക്താൻ പരിപാലയന്തം. ശ്രീസഹ്യജാതീരനിവാസിനം തം വന്ദേ ഗുഹം തം ഗുരുരൂപിണം നഃ. ശ്രീസ്വാമിനാഥം ഭിഷജാം വരേണ്യം സൗന്ദര്യഗാംഭീര്യവിഭൂഷിതം തം. ഭക്താർതിവിദ്രാവണദീക്ഷിതം തം വന്ദേ ഗുഹം തം ഗുരുരൂപിണം നഃ. ശ്രീസ്വാമിനാഥം സുമനോജ്ഞബാലം ശ്രീപാർവതീജാനിഗുരുസ്വരൂപം. ശ്രീവീരഭദ്രാദിഗണൈഃ സമേതം വന്ദേ ഗുഹം തം ഗുരുരൂപിണം നഃ. ശ്രീസ്വാമിനാഥം സുരസൈന്യപാലം ശൂരാദിസർവാസുരസൂദകം തം. വിരിഞ്ചിവിഷ്ണ്വാദിസുസേവ്യമാനം വന്ദേ ഗുഹം തം ഗുരുരൂപിണം നഃ. ശ്രീസ്വാമിനാഥം ശുഭദം ശരണ്യം വന്ദാരുലോകസ്യ സുകല്പവൃക്ഷം. മന്ദാരകുന്ദോത്പലപുഷ്പഹാരം വന്ദേ ഗുഹം…

|| സുബ്രഹ്മണ്യ പഞ്ചക സ്തോത്രം || സർവാർതിഘ്നം കുക്കുടകേതും രമമാണം വഹ്ന്യുദ്ഭൂതം ഭക്തകൃപാലും ഗുഹമേകം. വല്ലീനാഥം ഷണ്മുഖമീശം ശിഖിവാഹം സുബ്രഹ്മണ്യം ദേവശരണ്യം സുരമീഡേ. സ്വർണാഭൂഷം ധൂർജടിപുത്രം മതിമന്തം മാർതാണ്ഡാഭം താരകശത്രും ജനഹൃദ്യം. സ്വച്ഛസ്വാന്തം നിഷ്കലരൂപം രഹിതാദിം സുബ്രഹ്മണ്യം ദേവശരണ്യം സുരമീഡേ. ഗൗരീപുത്രം ദേശികമേകം കലിശത്രും സർവാത്മാനം ശക്തികരം തം വരദാനം. സേനാധീശം ദ്വാദശനേത്രം ശിവസൂനും സുബ്രഹ്മണ്യം ദേവശരണ്യം സുരമീഡേ. മൗനാനന്ദം വൈഭവദാനം ജഗദാദിം തേജഃപുഞ്ജം സത്യമഹീധ്രസ്ഥിതദേവം. ആയുഷ്മന്തം രക്തപദാംഭോരുഹയുഗ്മം സുബ്രഹ്മണ്യം ദേവശരണ്യം സുരമീഡേ. നിർനാശം തം മോഹനരൂപം…

|| സുബ്രഹ്മണ്യ പഞ്ചരത്ന സ്തോത്രം || ശ്രുതിശതനുതരത്നം ശുദ്ധസത്ത്വൈകരത്നം യതിഹിതകരരത്നം യജ്ഞസംഭാവ്യരത്നം. ദിതിസുതരിപുരത്നം ദേവസേനേശരത്നം ജിതരതിപതിരത്നം ചിന്തയേത്സ്കന്ദരത്നം. സുരമുഖപതിരത്നം സൂക്ഷ്മബോധൈകരത്നം പരമസുഖദരത്നം പാർവതീസൂനുരത്നം. ശരവണഭവരത്നം ശത്രുസംഹാരരത്നം സ്മരഹരസുതരത്നം ചിന്തയേത്സ്കന്ദരത്നം. നിധിപതിഹിതരത്നം നിശ്ചിതാദ്വൈതരത്നം മധുരചരിതരത്നം മാനിതാംഘ്ര്യബ്ജരത്നം. വിധുശതനിഭരത്നം വിശ്വസന്ത്രാണരത്നം ബുധമുനിഗുരുരത്നം ചിന്തയേത്സ്കന്ദരത്നം. അഭയവരദരത്നം ചാപ്തസന്താനരത്നം ശുഭകരമുഖരത്നം ശൂരസംഹാരരത്നം. ഇഭമുഖയുതരത്നം സ്വീശശക്ത്യേകരത്നം ഹ്യുഭയഗതിദരത്നം ചിന്തയേത്സ്കന്ദരത്നം. സുജനസുലഭരത്നം സ്വർണവല്ലീശരത്നം ഭജനസുഖദരത്നം ഭാനുകോട്യാഭരത്നം. അജശിവഗുരുരത്നം ചാദ്ഭുതാകാരരത്നം ദ്വിജഗണനുതരത്നം ചിന്തയേത്സ്കന്ദരത്നം.

|| ഷണ്മുഖ അഷ്ടക സ്തോത്രം || ദേവസേനാനിനം ദിവ്യശൂലപാണിം സനാതനം| ശ്രീവല്ലീദേവസേനേശം ഷണ്മുഖം പ്രണമാമ്യഹം| കാർതികേയം മയൂരാധിരൂഢം കാരുണ്യവാരിധിം| ശ്രീവല്ലീദേവസേനേശം ഷണ്മുഖം പ്രണമാമ്യഹം| മഹാദേവതനൂജാതം പാർവതീപ്രിയവത്സലം| ശ്രീവല്ലീദേവസേനേശം ഷണ്മുഖം പ്രണമാമ്യഹം| ഗുഹം ഗീർവാണനാഥം ച ഗുണാതീതം ഗുണേശ്വരം| ശ്രീവല്ലീദേവസേനേശം ഷണ്മുഖം പ്രണമാമ്യഹം| ഷഡക്ഷരീപ്രിയം ശാന്തം സുബ്രഹ്മണ്യം സുപൂജിതം| ശ്രീവല്ലീദേവസേനേശം ഷണ്മുഖം പ്രണമാമ്യഹം| തേജോഗർഭം മഹാസേനം മഹാപുണ്യഫലപ്രദം| ശ്രീവല്ലീദേവസേനേശം ഷണ്മുഖം പ്രണമാമ്യഹം| സുവ്രതം സൂര്യസങ്കാശം സുരാരിഘ്നം സുരേശ്വരം| ശ്രീവല്ലീദേവസേനേശം ഷണ്മുഖം പ്രണമാമ്യഹം| കുക്കുടധ്വജമവ്യക്തം രാജവന്ദ്യം രണോത്സുകം| ശ്രീവല്ലീദേവസേനേശം ഷണ്മുഖം…

|| കുമാര മംഗല സ്തോത്രം || യജ്ഞോപവീതീകൃതഭോഗിരാജോ ഗണാധിരാജോ ഗജരാജവക്ത്രഃ. സുരാധിരാജാർചിതപാദപദ്മഃ സദാ കുമാരായ ശുഭം കരോതു. വിധാതൃപദ്മാക്ഷമഹോക്ഷവാഹാഃ സരസ്വതീശ്രീഗിരിജാസമേതാഃ. ആയുഃ ശ്രിയം ഭൂമിമനന്തരൂപം ഭദ്രം കുമാരായ ശുഭം ദിശന്തു. മാസാശ്ച പക്ഷാശ്ച ദിനാനി താരാഃ രാശിശ്ച യോഗാഃ കരണാനി സമ്യക്. ഗ്രഹാശ്ച സർവേഽദിതിജാസ്സമസ്ഥാഃ ശ്രിയം കുമാരായ ശുഭം ദിശന്തു. ഋതുർവസന്തഃ സുരഭിഃ സുധാ ച വായുസ്തഥാ ദക്ഷിണനാമധേയഃ. പുഷ്പാണി ശശ്വത്സുരഭീണി കാമഃ ശ്രിയം കുമാരായ ശുഭം കരോതു. ഭാനുസ്ത്രിലോകീതിലകോഽമലാത്മാ കസ്തൂരികാലങ്കൃതവാമഭാഗഃ. പമ്പാസരശ്ചൈവ സ സാഗരശ്ച ശ്രിയം…

|| ഗുഹ മാനസ പൂജാ സ്തോത്രം || ഗുകാരോ ഹ്യാഖ്യാതി പ്രബലമനിവാര്യം കില തമോ ഹകാരോ ഹാനിം ച പ്രഥയതിതരാമേവ ജഗതി. അതോ മോഹാന്ധത്വം ശിഥിലയതി യന്നാമ ഗുഹ ഇത്യമും ദേവം ധ്യായാമ്യഭിലഷിതസന്ധാനനിപുണം. സമാശ്ലിഷ്ടം വല്ല്യാ സമുപഘടിതം ബാഹുവിടപൈഃ സ്വമൂലായാതാനാം സമുചിതഫലപ്രാപണചണം. സ്വസേവാനിഷ്ഠാനാം സതതമപി സൗഖ്യോപഗമകം സദാ ധ്യായാമ്യേനം കമപി തു ഗുഹാഖ്യം വിടപിനം. സുരാണാം സംഘാതൈസ്സമുപഗതൈഃ സാന്ദ്രകുതുകൈഃ സമാരാധ്യ സ്വാമിൻ ഭജ വിഹിതമാവാഹനമിദം. സമന്താത്സദ്രത്നൈഃ സമുപഹിതസോപാനസരണി- സ്ഫുരന്നാനാശോഭം രചിതമപി സിംഹാസനമിദം. ഹൃതം ഗംഗാതുംഗാദ്യഖിലതടിനീഭ്യോഽതിവിമലം സുതീർഥം പാദ്യാർഥം…

|| വേദസാര ശിവ സ്തോത്രം || പശൂനാം പതിം പാപനാശം പരേശം ഗജേന്ദ്രസ്യ കൃത്തിം വസാനം വരേണ്യം. ജടാജൂടമധ്യേ സ്ഫുരദ്ഗാംഗവാരിം മഹാദേവമേകം സ്മരാമി സ്മരാരിം. മഹേശം സുരേശം സുരാരാതിനാശം വിഭും വിശ്വനാഥം വിഭൂത്യംഗഭൂഷം. വിരൂപാക്ഷമിന്ദ്വർക- വഹ്നിത്രിനേത്രം സദാനന്ദമീഡേ പ്രഭും പഞ്ചവക്ത്രം. ഗിരീശം ഗണേശം ഗലേ നീലവർണം ഗവേന്ദ്രാധിരൂഢം ഗുണാതീതരൂപം. ഭവം ഭാസ്വരം ഭസ്മനാ ഭൂഷിതാംഗം ഭവാനീകലത്രം ഭജേ പഞ്ചവക്ത്രം. ശിവാകാന്ത ശംഭോ ശശാങ്കാർധമൗലേ മഹേശാന ശൂലിൻ ജടാജൂടധാരിൻ. ത്വമേകോ ജഗദ്വ്യാപകോ വിശ്വരൂപഃ പ്രസീദ പ്രസീദ പ്രഭോ പൂർണരൂപ….

|| രസേശ്വര പഞ്ചാക്ഷര സ്തോത്രം || രമ്യായ രാകാപതിശേഖരായ രാജീവനേത്രായ രവിപ്രഭായ. രാമേശവര്യായ സുബുദ്ധിദായ നമോഽസ്തു രേഫായ രസേശ്വരായ. സോമായ ഗംഗാതടസംഗതായ ശിവാജിരാജേന വിവന്ദിതായ. ദീപാദ്യലങ്കാരകൃതിപ്രിയായ നമഃ സകാരായ രസേശ്വരായ. ജലേന ദുഗ്ധേന ച ചന്ദനേന ദധ്നാ ഫലാനാം സുരസാമൃതൈശ്ച. സദാഽഭിഷിക്തായ ശിവപ്രദായ നമോ വകാരായ രസേശ്വരായ. ഭക്തൈസ്തു ഭക്ത്യാ പരിസേവിതായ ഭക്തസ്യ ദുഃഖസ്യ വിശോധകായ. ഭക്താഭിലാഷാപരിദായകായ നമോഽസ്തു രേഫായ രസേശ്വരായ. നാഗേന കണ്ഠേ പരിഭൂഷിതായ രാഗേന രോഗാദിവിനാശകായ. യാഗാദികാര്യേഷു വരപ്രദായ നമോ യകാരായ രസേശ്വരായ. പഠേദിദം…

|| ദാരിദ്ര്യ ദഹന ശിവ സ്തോത്രം || വിശ്വേശ്വരായ നരകാർണവതാരണായ കർണാമൃതായ ശശിശേഖരഭൂഷണായ. കർപൂരകുന്ദധവലായ ജടാധരായ ദാരിദ്ര്യദുഃഖദഹനായ നമഃ ശിവായ. ഗൗരീപ്രിയായ രജനീശകലാധരായ കാലാന്തകായ ഭുജഗാധിപകങ്കണായ. ഗംഗാധരായ ഗജരാജവിമർദനായ ദാരിദ്ര്യദുഃഖദഹനായ നമഃ ശിവായ. ഭക്തിപ്രിയായ ഭവരോഗഭയാപഹായ ഹ്യുഗ്രായ ദുർഗഭവസാഗരതാരണായ. ജ്യോതിർമയായ പുനരുദ്ഭവവാരണായ ദാരിദ്ര്യദുഃഖദഹനായ നമഃ ശിവായ. ചർമംബരായ ശവഭസ്മവിലേപനായ ഭാലേക്ഷണായ മണികുണ്ഡലമണ്ഡിതായ. മഞ്ജീരപാദയുഗലായ ജടാധരായ ദാരിദ്ര്യദുഃഖദഹനായ നമഃ ശിവായ. പഞ്ചാനനായ ഫണിരാജവിഭൂഷണായ ഹേമാംശുകായ ഭുവനത്രയമണ്ഡനായ. ആനന്ദഭൂമിവരദായ തമോഹരായ ദാരിദ്ര്യദുഃഖദഹനായ നമഃ ശിവായ. ഭാനുപ്രിയായ ദുരിതാർണവതാരണായ കാലാന്തകായ കമലാസനപൂജിതായ….

|| ശിവ അപരാധ ക്ഷമാപണ സ്തോത്രം || ആദൗ കർമപ്രസംഗാത് കലയതി കലുഷം മാതൃകുക്ഷൗ സ്ഥിതം മാം വിണ്മൂത്രാമേധ്യമധ്യേ ക്വഥയതി നിതരാം ജാഠരോ ജാതവേദാഃ. യദ്യദ്വൈ തത്ര ദുഃഖം വ്യഥയതി നിതരാം ശക്യതേ കേന വക്തും ക്ഷന്തവ്യോ മേഽപരാധഃ ശിവ ശിവ ശിവ ഭോ ശ്രീമഹാദേവ ശംഭോ. ബാല്യേ ദുഃഖാതിരേകാന്മല- ലുലിതവപുഃ സ്തന്യപാനേ പിപാസാ നോ ശക്തശ്ചേന്ദ്രിയേഭ്യോ ഭവമലജനിതാഃ ജന്തവോ മാം തുദന്തി. നാനാരോഗാദി- ദുഃഖാദ്രുദിതപരവശഃ ശങ്കരം ന സ്മരാമി ക്ഷന്തവ്യോ മേഽപരാധഃ ശിവ ശിവ ശിവ…

|| ഭയഹാരക ശിവ സ്തോത്രം || വ്യോമകേശം കാലകാലം വ്യാലമാലം പരാത്പരം| ദേവദേവം പ്രപന്നോഽസ്മി കഥം മേ ജായതേ ഭയം| ശൂലഹസ്തം കൃപാപൂർണം വ്യാഘ്രചർമാംബരം ശിവം| വൃഷാരൂഢം പ്രപന്നോഽസ്മി കഥം മേ ജായതേ ഭയം| അഷ്ടമൂർതിം മഹാദേവം വിശ്വനാഥം ജടാധരം| പാർവതീശം പ്രപന്നോഽസ്മി കഥം മേ ജായതേ ഭയം| സുരാസുരൈശ്ച യക്ഷശ്ച സിദ്ധൈശ്ചാഽപി വിവന്ദിതം| മൃത്യുഞ്ജയം പ്രപന്നോഽസ്മി കഥം മേ ജായതേ ഭയം| നന്ദീശമക്ഷരം ദേവം ശരണാഗതവത്സലം| ചന്ദ്രമൗലിം പ്രപന്നോഽസ്മി കഥം മേ ജായതേ ഭയം| ലോഹിതാക്ഷം…

|| സുന്ദരേശ്വര സ്തോത്രം  || ശ്രീപാണ്ഡ്യവംശമഹിതം ശിവരാജരാജം ഭക്തൈകചിത്തരജനം കരുണാപ്രപൂർണം. മീനേംഗിതാക്ഷിസഹിതം ശിവസുന്ദരേശം ഹാലാസ്യനാഥമമരം ശരണം പ്രപദ്യേ. ആഹ്ലാദദാനവിഭവം ഭവഭൂതിയുക്തം ത്രൈലോക്യകർമവിഹിതം വിഹിതാർഥദാനം. മീനേംഗിതാക്ഷിസഹിതം ശിവസുന്ദരേശം ഹാലാസ്യനാഥമമരം ശരണം പ്രപദ്യേ. അംഭോജസംഭവഗുരും വിഭവം ച ശംഭും ഭൂതേശഖണ്ഡപരശും വരദം സ്വയംഭും. മീനേംഗിതാക്ഷിസഹിതം ശിവസുന്ദരേശം ഹാലാസ്യനാഥമമരം ശരണം പ്രപദ്യേ. കൃത്യാജസർപശമനം നിഖിലാർച്യലിംഗം ധർമാവബോധനപരം സുരമവ്യയാംഗം. മീനേംഗിതാക്ഷിസഹിതം ശിവസുന്ദരേശം ഹാലാസ്യനാഥമമരം ശരണം പ്രപദ്യേ. സാരംഗധാരണകരം വിഷയാതിഗൂഢം ദേവേന്ദ്രവന്ദ്യമജരം വൃഷഭാധിരൂഢം. മീനേംഗിതാക്ഷിസഹിതം ശിവസുന്ദരേശം ഹാലാസ്യനാഥമമരം ശരണം പ്രപദ്യേ.

|| താണ്ഡവേശ്വര സ്തോത്രം || വൃഥാ കിം സംസാരേ ഭ്രമഥ മനുജാ ദുഃഖബഹുലേ പദാംഭോജം ദുഃഖപ്രശമനമരം സംശ്രയത മേ. ഇതീശാനഃ സർവാൻപരമകരുണാ- നീരധിരഹോ പദാബ്ജം ഹ്യുദ്ധൃത്യാംബുജനിഭ- കരേണോപദിശതി. സംസാരാനലതാപതപ്ത- ഹൃദയാഃ സർവേ ജവാന്മത്പദം സേവധ്വം മനുജാ ഭയം ഭവതു മാ യുഷ്മാകമിത്യദ്രിശഃ. ഹസ്തേഽഗ്നിം ദധദേഷ ഭീതിഹരണം ഹസ്തം ച പാദാംബുജം ഹ്യുദ്ധൃത്യോപദിശത്യഹോ കരസരോജാതേന കാരുണ്യധിഃ. താണ്ഡവേശ്വര താണ്ഡവേശ്വര താണ്ഡവേശ്വര പാഹി മാം. താണ്ഡവേശ്വര താണ്ഡവേശ്വര താണ്ഡവേശ്വര രക്ഷ മാം. ഗാണ്ഡിവേശ്വര പാണ്ഡവാർചിത പങ്കജാഭപദദ്വയം ചണ്ഡമുണ്ഡവിനാശിനീ- ഹൃതവാമഭാഗമനീശ്വരം. ദണ്ഡപാണികപാലഭൈരവ-…

|| അഘോര രുദ്ര അഷ്ടക സ്തോത്രം || കാലാഭ്രോത്പലകാല- ഗാത്രമനലജ്വാലോർധ്വ- കേശോജ്ജ്വലം ദംഷ്ട്രാദ്യസ്ഫുടദോഷ്ഠ- ബിംബമനലജ്വാലോഗ്ര- നേത്രത്രയം. രക്താകോരക- രക്തമാല്യരുചിരം രക്താനുലേപപ്രിയം വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം. ജംഘാലംബിതകിങ്കിണീ- മണിഗണപ്രാലംബി- മാലാഞ്ചിതം ദക്ഷാന്ത്രം ഡമരും പിശാചമനിശം ശൂലം ച മൂലം കരൈഃ. ഘണ്ടാഖേടക- പാലശൂലകയുതം വാമസ്ഥിതേ ബിഭ്രതം വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം. നാഗേന്ദ്രാവൃതമൂർധ്നിജ- സ്ഥിതഗലശ്രീഹസ്ത- പാദാംബുജം ശ്രീമദ്ദോഃകടികുക്ഷി- പാർശ്വമഭിതോ നാഗോപവീതാവൃതം. ലൂതാവൃശ്ചിക- രാജരാജിതമഹാ- ഹാരാങ്കിതോരഃസ്സ്ഥലം വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം. ധൃത്വാ പാശുപതാസ്ത്രനാമ കൃപയാ യത്കുണ്ഡലി പ്രാണിനാം പാശാന്യേ ക്ഷുരികാസ്ത്രപാശ- ദലിതഗ്രന്ഥിം…

|| ചന്ദ്രമൗലി ദശക സ്തോത്രം || സദാ മുദാ മദീയകേ മനഃസരോരുഹാന്തരേ വിഹാരിണേഽഘസഞ്ചയം വിദാരിണേ ചിദാത്മനേ. നിരസ്തതോയ- തോയമുങ്നികായ- കായശോഭിനേ നമഃ ശിവായ സാംബശങ്കരായ ചന്ദ്രമൗലയേ. നമോ നമോഽഷ്ടമൂർതയേ നമോ നമാനകീർതയേ നമോ നമോ മഹാത്മനേ നമഃ ശുഭപ്രദായിനേ. നമോ ദയാർദ്രചേതസേ നമോഽസ്തു കൃത്തിവാസസേ നമഃ ശിവായ സാംബശങ്കരായ ചന്ദ്രമൗലയേ. പിതാമഹാദ്യവേദ്യക- സ്വഭാവകേവലായ തേ സമസ്തദേവവാസവാദി- പൂജിതാംഘ്രിശോഭിനേ. ഭവായ ശക്രരത്നസദ്ഗല- പ്രഭായ ശൂലിനേ നമഃ ശിവായ സാംബശങ്കരായ ചന്ദ്രമൗലയേ. ശിവോഽഹമസ്മി ഭാവയേ ശിവം ശിവേന രക്ഷിതഃ ശിവസ്യ…

|| ദ്വാദശ ജ്യോതിർലിംഗ ഭുജംഗ സ്തോത്രം || സുശാന്തം നിതാന്തം ഗുണാതീതരൂപം ശരണ്യം പ്രഭും സർവലോകാധിനാഥം| ഉമാജാനിമവ്യക്തരൂപം സ്വയംഭും ഭജേ സോമനാഥം ച സൗരാഷ്ട്രദേശേ| സുരാണാം വരേണ്യം സദാചാരമൂലം പശൂനാമധീശം സുകോദണ്ഡഹസ്തം| ശിവം പാർവതീശം സുരാരാധ്യമൂർതിം ഭജേ വിശ്വനാഥം ച കാശീപ്രദേശേ| സ്വഭക്തൈകവന്ദ്യം സുരം സൗമ്യരൂപം വിശാലം മഹാസർപമാലം സുശീലം| സുഖാധാരഭൂതം വിഭും ഭൂതനാഥം മഹാകാലദേവം ഭജേഽവന്തികായാം| അചിന്ത്യം ലലാടാക്ഷമക്ഷോഭ്യരൂപം സുരം ജാഹ്നവീധാരിണം നീലകണ്ഠം| ജഗത്കാരണം മന്ത്രരൂപം ത്രിനേത്രം ഭജേ ത്ര്യംബകേശം സദാ പഞ്ചവട്യാം ഭവം സിദ്ധിദാതാരമർകപ്രഭാവം…

|| ചിദംബരേശ സ്തോത്രം || ബ്രഹ്മമുഖാമരവന്ദിതലിംഗം ജന്മജരാമരണാന്തകലിംഗം. കർമനിവാരണകൗശലലിംഗം തന്മൃദു പാതു ചിദംബരലിംഗം. കല്പകമൂലപ്രതിഷ്ഠിതലിംഗം ദർപകനാശയുധിഷ്ഠിരലിംഗം. കുപ്രകൃതിപ്രകരാന്തകലിംഗം തന്മൃദു പാതു ചിദംബരലിംഗം. സ്കന്ദഗണേശ്വരകല്പിതലിംഗം കിന്നരചാരണഗായകലിംഗം. പന്നഗഭൂഷണപാവനലിംഗം തന്മൃദു പാതു ചിദംബരലിംഗം. സാംബസദാശിവശങ്കരലിംഗം കാമ്യവരപ്രദകോമലലിംഗം. സാമ്യവിഹീനസുമാനസലിംഗം തന്മൃദു പാതു ചിദംബരലിംഗം. കലിമലകാനനപാവകലിംഗം സലിലതരംഗവിഭൂഷണലിംഗം. പലിതപതംഗപ്രദീപകലിംഗം തന്മൃദു പാതു ചിദംബരലിംഗം. അഷ്ടതനുപ്രതിഭാസുരലിംഗം വിഷ്ടപനാഥവികസ്വരലിംഗം. ശിഷ്ടജനാവനശീലിതലിംഗം തന്മൃദു പാതു ചിദംബരലിംഗം. അന്തകമർദനബന്ധുരലിംഗം കൃന്തിതകാമകലേബരലിംഗം. ജന്തുഹൃദിസ്ഥിതജീവകലിംഗം തന്മൃദു പാതു ചിദംബരലിംഗം. പുഷ്ടധിയഃസു ചിദംബരലിംഗം ദൃഷ്ടമിദം മനസാനുപഠന്തി. അഷ്ടകമേതദവാങ്മനസീയം ഹ്യഷ്ടതനും പ്രതി യാന്തി നരാസ്തേ.

|| അർധനാരീശ്വര നമസ്കാര സ്തോത്രം || ശ്രീകണ്ഠം പരമോദാരം സദാരാധ്യാം ഹിമാദ്രിജാം| നമസ്യാമ്യർധനാരീശം പാർവതീമംബികാം തഥാ| ശൂലിനം ഭൈരവം രുദ്രം ശൂലിനീം വരദാം ഭവാം| നമസ്യാമ്യർധനാരീശം പാർവതീമംബികാം തഥാ| വ്യാഘ്രചർമാംബരം ദേവം രക്തവസ്ത്രാം സുരോത്തമാം| നമസ്യാമ്യർധനാരീശം പാർവതീമംബികാം തഥാ| ബലീവർദാസനാരൂഢം സിംഹോപരി സമാശ്രിതാം| നമസ്യാമ്യർധനാരീശം പാർവതീമംബികാം തഥാ| കാശീക്ഷേത്രനിവാസം ച ശക്തിപീഠനിവാസിനീം| നമസ്യാമ്യർധനാരീശം പാർവതീമംബികാം തഥാ| പിതരം സർവലോകാനാം ഗജാസ്യസ്കന്ദമാതരം| നമസ്യാമ്യർധനാരീശം പാർവതീമംബികാം തഥാ| കോടിസൂര്യസമാഭാസം കോടിചന്ദ്രസമച്ഛവിം| നമസ്യാമ്യർധനാരീശം പാർവതീമംബികാം തഥാ| യമാന്തകം യശോവന്തം വിശാലാക്ഷീം വരാനനാം|…

|| മാർഗബന്ധു സ്തോത്രം || ശംഭോ മഹാദേവ ദേവ| ശിവ ശംഭോ മഹാദേവ ദേവേശ ശംഭോ| ശംഭോ മഹാദേവ ദേവ| ഭാലാവനമ്രത്കിരീടം, ഭാലനേത്രാർചിഷാ ദഗ്ധപഞ്ചേഷുകീടം| ശൂലാഹതാരാതികൂടം, ശുദ്ധമർധേന്ദുചൂഡം ഭജേ മാർഗബന്ധും. ശംഭോ മഹാദേവ ദേവ| ശിവ ശംഭോ മഹാദേവ ദേവേശ ശംഭോ| ശംഭോ മഹാദേവ ദേവ| അംഗേ വിരാജദ്ഭുജംഗം, അഭ്രഗംഗാതരംഗാഭിരാമോത്തമാംഗം. ഓങ്കാരവാടീകുരംഗം, സിദ്ധസംസേവിതാംഘ്രിം ഭജേ മാർഗബന്ധും. ശംഭോ മഹാദേവ ദേവ| ശിവ ശംഭോ മഹാദേവ ദേവേശ ശംഭോ| ശംഭോ മഹാദേവ ദേവ| നിത്യം ചിദാനന്ദരൂപം, നിഹ്നുതാശേഷലോകേശവൈരിപ്രതാപം ….

|| വീരഭദ്ര ഭുജംഗ സ്തോത്രം || ഗുണാദോഷഭദ്രം സദാ വീരഭദ്രം മുദാ ഭദ്രകാല്യാ സമാശ്ലിഷ്ടമുഗ്രം. സ്വഭക്തേഷു ഭദ്രം തദന്യേഷ്വഭദ്രം കൃപാംഭോധിമുദ്രം ഭജേ വീരഭദ്രം. മഹാദേവമീശം സ്വദീക്ഷാഗതാശം വിബോധ്യാശുദക്ഷം നിയന്തും സമക്ഷേ. പ്രമാർഷ്ടും ച ദാക്ഷായണീദൈന്യഭാവം ശിവാംഗാംബുജാതം ഭജേ വീരഭദ്രം. സദസ്യാനുദസ്യാശു സൂര്യേന്ദുബിംബേ കരാംഘ്രിപ്രപാതൈരദന്താസിതാംഗേ. കൃതം ശാരദായാ ഹൃതം നാസഭൂഷം പ്രകൃഷ്ടപ്രഭാവം ഭജേ വീരഭദ്രം. സതന്ദ്രം മഹേന്ദ്രം വിധായാശു രോഷാത് കൃശാനും നികൃത്താഗ്രജിഹ്വം പ്രധാവ്യ. കൃഷ്ണവർണം ബലാദ്ഭാസഭാനം പ്രചണ്ഡാട്ടഹാസം ഭജേ വീരഭദ്രം. തഥാന്യാൻ ദിഗീശാൻ സുരാനുഗ്രദൃഷ്ട്യാ ഋഷീനല്പബുദ്ധീൻ ധരാദേവവൃന്ദാൻ….

|| അരുണാചലേശ്വര സ്തോത്രം || കാശ്യാം മുക്തിർമരണാദരുണാഖ്യസ്യാചലസ്യ തു സ്മരണാത്. അരുണാചലേശസഞ്ജ്ഞം തേജോലിംഗം സ്മരേത്തദാമരണാത്. ദ്വിധേഹ സംഭൂയ ധുനീ പിനാകിനീ ദ്വിധേവ രൗദ്രീ ഹി തനുഃ പിനാകിനീ. ദ്വിധാ തനോരുത്തരതോഽപി ചൈകോ യസ്യാഃ പ്രവാഹഃ പ്രവവാഹ ലോകഃ. പ്രാവോത്തരാ തത്ര പിനാകിനീ യാ സ്വതീരഗാൻ സംവസഥാൻപുനാനീ. അസ്യാഃ പരോ ദക്ഷിണതഃ പ്രവാഹോ നാനാനദീയുക് പ്രവവാഹ സേയം. ലോകസ്തുതാ യാമ്യപിനാകിനീതി സ്വയം ഹി യാ സാഗരമാവിവേശ. മനാക് സാധനാർതിം വിനാ പാപഹന്ത്രീ പുനാനാപി നാനാജനാദ്യാധിഹന്ത്രീ. അനായാസതോ യാ പിനാക്യാപ്തിദാത്രീ…

|| നടേശ ഭുജംഗ സ്തോത്രം || ലോകാനാഹൂയ സർവാൻ ഡമരുകനിനദൈർഘോരസംസാരമഗ്നാൻ ദത്വാഽഭീതിം ദയാലുഃ പ്രണതഭയഹരം കുഞ്ചിതം വാമപാദം. ഉദ്ധൃത്യേദം വിമുക്തേരയനമിതി കരാദ്ദർശയൻ പ്രത്യയാർഥം ബിഭ്രദ്വഹ്നിം സഭായാം കലയതി നടനം യഃ സ പായാന്നടേശഃ. ദിഗീശാദിവന്ദ്യം ഗിരീശാനചാപം മുരാരാതിബാണം പുരത്രാസഹാസം. കരീന്ദ്രാദിചർമാംബരം വേദവേദ്യം മഹേശം സഭേശം ഭജേഽഹം നടേശം. സമസ്തൈശ്ച ഭൂതൈസ്സദാ നമ്യമാദ്യം സമസ്തൈകബന്ധും മനോദൂരമേകം. അപസ്മാരനിഘ്നം പരം നിർവികാരം മഹേശം സഭേശം ഭജേഽഹം നടേശം. ദയാലും വരേണ്യം രമാനാഥവന്ദ്യം മഹാനന്ദഭൂതം സദാനന്ദനൃത്തം. സഭാമധ്യവാസം ചിദാകാശരൂപം മഹേശം സഭേശം…