શ્રી મીનાક્ષ્યષ્ટકમ્ PDF ગુજરાતી

શ્રી મીનાક્ષ્યષ્ટકમ્ ગુજરાતી Lyrics

|| શ્રી મીનાક્ષ્યષ્ટકમ્ ||

માધુર્યે મહિમે મહાગિરિસુતે મલ્લાદિ સંહારિણિ
મૂલાધારકૃતે મહામરકતે શોભે મહાસુન્દરિ .
માતઙ્ગિ મહિમે મહાસુરવધે મન્ત્રોત્તમે માધવિ
મીનાક્ષિ મધુરામ્બિકે મહિમયે માં પાહિ મીનામ્બિકે ..

નાનારત્નવિભૂષણે નવગણે શોભે મહાસુન્તરિ
નિત્યાનન્દવરે નિરૂપણગુણે નિમ્નોન્નતે પઙ્કજે .
નાટ્યે નાટકવેષધારિણિ શિવે નાદે કાલનર્તકિ(?)
મીનાક્ષિ મધુરામ્બિકે મહિમયે માં પાહિ મીનામ્બિકે ..

કામક્રોધનિવારણે કરુણાલયે કાત્યાયનિ સન્મતે
કારુણ્યાકૃતિકે કિરાતવરદે કં ગં ક બીજાઙ્કુરે .
કામાર્થં તવ સિદ્ધિહેતુકમિદં ભક્ત્યા ભવત્સન્નિધૌ
મીનાક્ષિ મધુરામ્બિકે મહિમયે માં પાહિ મીનામ્બિકે ..

ષટ્ચક્રાન્તગતે ષડાનનવરે ષડ્બીજરક્ષાઙ્કુરે
ષોડાધારકલે ષડક્ષરિ શિવે ક્ષોણી મહાક્ષીયતે .
ક્ષન્તવ્યં જનનિ ક્ષમા રમ શિવે ક્ષીરાબ્ધિ મધ્યાન્તરે
મીનાક્ષિ મધુરામ્બિકે મહિમયે માં પાહિ મીનામ્બિકે ..

વામે નીલદલાક્ષિ પુષ્પરસિકે બાલે મહાકુઙ્કુમે
અન્યે પાણિવરાબ્જભક્તજનનિ નિત્યં પરશ્રેયસિ .
બાલે બન્ધુવરાઙ્ગિણિ બહુવિધે ભૂચક્રસઞ્ચારિણિ
મીનાક્ષિ મધુરામ્બિકે મહિમયે માં પાહિ મીનામ્બિકે ..

રાગસ્તોત્રવિચારવેદવિભવે રમ્યે રતોલ્લાસિનિ
રાજીવેક્ષણિ રાજ રાઙ્ગણરણે રાજાધિરાજેશ્વરિ .
રાજ્ઞિ રાજસસત્ત્વતામસગુણે રાધે રમાસોદરિ
મીનાક્ષિ મધુરામ્બિકે મહિમયે માં પાહિ મીનામ્બિકે ..

સારાસ્યે સરસીરુહસ્ય જનનિ સામ્રાજ્યદાનેક્ષણિ
સામ્યાસામ્ય ચાષ્ટકલાસુખવને સાન્દીપનીસેવિતે .
સત્યાનન્દસુધે ચ સુન્દરફલે સ્વાધિષ્ઠચક્રાન્તરે
મીનાક્ષિ મધુરામ્બિકે મહિમયે માં પાહિ મીનામ્બિકે ..

કર્પૂરારુણકુઙ્કુમાર્ચિતપદે ક્ષીરાબ્ધિશોભે શિવે
ગાયત્રિ કરુણાકટાક્ષવિનુતે કન્દર્પકાન્તિપ્રદે .
કલ્યાણાષ્ટસુરાર્ચિતે સુકવિતે કારુણ્યવારાન્નિધે
મીનાક્ષિ મધુરામ્બિકે મહિમયે માં પાહિ મીનામ્બિકે ..

ઇતિ રાજપૂજિત શ્રીકુલન્તયાનન્દ(બાલાનન્દ)સ્વામિના વિરચિતં શ્રીમીનાક્ષ્યષ્ટકં સમ્પૂર્ણમ્ .