मृत्युञ्जयगर्भितस्तोत्रम्

|| मृत्युञ्जयगर्भितस्तोत्रम् ||

वाण्या ओङ्काररूपिण्या अन्त उक्तोऽस्य नान्यथा ।
सुरस्त्रिभुवनेशः स नस्सर्वान्तःस्थितोऽवतु ॥ १॥

देवो यं सर्व देवाद्यः सूरिरुन्मत्तवत्स्थितः ।
वाहो बलीवर्दकोऽस्य याचकस्येष्टदः स तु ॥ २॥

नन्दिस्कन्धाधिरूढोऽपि त्रिप्रमित्यतिगः स्वभूः ।
दशा यस्य न शम्भुं तं सन्तं वन्देऽखिलात्मकम् ॥ ३॥

सद्योजातोऽष्टमूर्तिः स भूतबन्दिस्तुतोऽजितः ।
रक्ष मन्मथहन्नाथ तोकधर्माणमद्य माम् ॥ ४॥

स्वतोऽहेतोजगद्धेतो दयानाथाम्बिकापते ।
तीव्रा सुहृत्त्रिविधहृत्तापान्मृत्योश्च मामव ॥ ५॥

कृतागसमपि त्राह्रत्रेर्मृत्योस्त्वं भिषक्तमः ।
तत्सन्धिं भिन्धि सर्वाकयोनेर्मुञ्चस्व मां शिवः ॥ ६॥

श्रीद पुष्टिद ते व्याप्तं दिक्षु क्षीरनिभं यशः ।
रुङ्मार्ष्टिकृद्रक्ष मां त्वं गङ्गा यन्मूर्ध्नि चर्क्षराट् ॥ ७॥

द्रष्ट वससि सर्वत्र बत मां ईक्षसे न किम् ।
स्तुतेर्धर्मेश शक्तिर्निरस्तमृत्यो न मेऽज ते ॥ ८॥

तिष्ठानन्दद चित्ते मे समन्तात्परिपालय ॥ ९॥

मन्त्राद्याक्षरसहित
ॐ त्रियम्बकं यजामहे सुगन्धिं पुष्टिवर्धनम् ।
उर्वारुकमिव बन्धनान्मृत्योर्मुक्षीय माऽमृतात् ॥

वाण्या ॐ काररूपिण्या अन्त उ क्तोऽस्य नान्यथा ।
सुरस् त्रि भुवनेशः स नस्स र्वा न्तः स्थितोऽवतु ॥ १॥

देवो यं सर्व देवाद्यः सूरि रु न्मत्तवत्स्थितः ।
वाहो ब्ल आईवर्दकोऽस्य याच क स्येष्टदः स तु ॥ २॥

नन्दिस् कं धाधिरूढोऽपि त्रिप्र मि त्यतिगः स्वभूः ।
दशा य स्य न शम्भुं तं सन्तं व न्देऽखिलात्मकम् ॥ ३॥

सद्यो जा तोऽष्टमूर्तिः स भूत बं दिस्तुतोऽजितः ।
रक्ष म न्मथहन्नाथ तोक ध र्माणमद्य माम् ॥ ४॥

स्वतोऽ हे तोजगद्धेतो दया ना थाम्बिकापते ।
तीव्रा सु हृत्त्रिविधहृत्तापा न्मृ त्योश्च मामव ॥ ५॥

कृता ग समपित्राह्रत्रेर्मृ त्यो स्त्वं भिषक्तमः ।
तत्सिन्धि भिन्धि सर्वाकयोने र्मु ञ्चस्व मां शिवः ॥ ६॥

श्रीद पु ष्टिद ते व्याप्तं दिक्षु क्षी रनिभं यशः ।
रुङ्मार् ष्टि कृद्रक्ष मां त्वं गङ्गा य न्मूर्ध्नि चर्क्षराट् ॥ ७॥

द्रष्ट व ससि सर्वत्र बत मां ईक्षसे न किम् ।
स्तुते र्ध र्मेश शक्तिर्निरस्त मृ त्यो न मेऽज ते ॥ ८॥

तिष्ठा नं दद चित्ते मे समं तात् परिपालय ॥ ९॥

इति श्रीवासुदेवानन्दसरस्वतीविरचितं
मृत्यञ्जयमन्त्रगर्भितस्तोत्रं सम्पूर्णम् ।

Found a Mistake or Error? Report it Now