ಮುರಾರಿ ಸ್ತುತಿ PDF ಕನ್ನಡ

ಮುರಾರಿ ಸ್ತುತಿ ಕನ್ನಡ Lyrics

|| ಮುರಾರಿ ಸ್ತುತಿ ||

ಇಂದೀವರಾಖಿಲ- ಸಮಾನವಿಶಾಲನೇತ್ರೋ
ಹೇಮಾದ್ರಿಶೀರ್ಷಮುಕುಟಃ ಕಲಿತೈಕದೇವಃ.

ಆಲೇಪಿತಾಮಲ- ಮನೋಭವಚಂದನಾಂಗೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.

ಸತ್ಯಪ್ರಿಯಃ ಸುರವರಃ ಕವಿತಾಪ್ರವೀಣಃ
ಶಕ್ರಾದಿವಂದಿತಸುರಃ ಕಮನೀಯಕಾಂತಿಃ.

ಪುಣ್ಯಾಕೃತಿಃ ಸುವಸುದೇವಸುತಃ ಕಲಿಘ್ನೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.

ನಾನಾಪ್ರಕಾರಕೃತ- ಭೂಷಣಕಂಠದೇಶೋ
ಲಕ್ಷ್ಮೀಪತಿರ್ಜನ- ಮನೋಹರದಾನಶೀಲಃ.

ಯಜ್ಞಸ್ವರೂಪಪರಮಾಕ್ಷರ- ವಿಗ್ರಹಾಖ್ಯೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.

ಭೀಷ್ಮಸ್ತುತೋ ಭವಭಯಾಪಹಕಾರ್ಯಕರ್ತಾ
ಪ್ರಹ್ಲಾದಭಕ್ತವರದಃ ಸುಲಭೋಽಪ್ರಮೇಯಃ.

ಸದ್ವಿಪ್ರಭೂಮನುಜ- ವಂದ್ಯರಮಾಕಲತ್ರೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.

ನಾರಾಯಣೋ ಮಧುರಿಪುರ್ಜನಚಿತ್ತಸಂಸ್ಥಃ
ಸರ್ವಾತ್ಮಗೋಚರಬುಧೋ ಜಗದೇಕನಾಥಃ.

ತೃಪ್ತಿಪ್ರದಸ್ತರುಣ- ಮೂರ್ತಿರುದಾರಚಿತ್ತೋ
ಭೂತಿಂ ಕರೋತು ಮಮ ಭೂಮಿಭವೋ ಮುರಾರಿಃ.