നർമദാ കവചം PDF മലയാളം

നർമദാ കവചം മലയാളം Lyrics

|| നർമദാ കവചം ||

ഓം ലോകസാക്ഷി ജഗന്നാഥ സംസാരാർണവതാരണം .
നർമദാകവചം ബ്രൂഹി സർവസിദ്ധികരം സദാ ..

ശ്രീശിവ ഉവാച –
സാധു തേ പ്രഭുതായൈ ത്വാം ത്രിഷു ലോകേഷു ദുർലഭം .
നർമദാകവചം ദേവി ! സർവരക്ഷാകരം പരം ..

നർമദാകവചസ്യാസ്യ മഹേശസ്തു ഋഷിസ്മൃതഃ .
ഛന്ദോ വിരാട് സുവിജ്ഞേയോ വിനിയോഗശ്ചതുർവിധേ ..

ഓം അസ്യ ശ്രീനർമദാകവചസ്യ മഹേശ്വര-ഋഷിഃ .
വിരാട്-ഛന്ദഃ . നർമദാ ദേവതാ . ഹ്രാഁ ബീജം .
നമഃ ശക്തിഃ . നർമദായൈ കീലകം .
മോക്ഷാർഥേ ജപേ വിനിയോഗഃ ..

അഥ കരന്യാസഃ –
ഓം ഹ്രാം അംഗുഷ്ഠാഭ്യാം നമഃ .
ഓം ഹ്രീം തർജനീഭ്യാം നമഃ .
ഓം ഹ്രൂം മധ്യമാഭ്യാം നമഃ .
ഓം ഹ്രൈം അനാമികാഭ്യാം നമഃ .
ഓം ഹ്രൗം കനിഷ്ഠികാഭ്യാം നമഃ .
ഓം ഹ്രഃ കരതലകരപൃഷ്ഠാഭ്യാം നമഃ ..

അഥ ഹൃദയാദിന്യാസഃ –
ഓം ഹ്രാം ഹൃദയായ നമഃ .
ഓം ഹ്രീം ശിരസേ സ്വാഹാ .
ഓം ഹ്രൂം ശിഖായൈ വഷട് .
ഓം ഹ്രൈം കവചായ ഹും .
ഓം ഹ്രൗം നേത്രത്രയായ വൗഷട് .
ഓം ഹ്രഃ അസ്ത്രായ ഫട .
ഓം ഭൂർഭുവസ്സ്വരോമിതി ദിഗ്ബന്ധഃ ..

അഥ ധ്യാനം –
ഓം നർമദായൈ നമഃ പ്രാതർനർമദായൈ നമോ നിശി .
നമസ്തേ നർമദ ദേവി ത്രാഹി മാം ഭവസാഗരാത് ..

ആദൗ ബ്രഹ്മാണ്ഡഖണ്ഡേ ത്രിഭുവനവിവരേ കല്പദാ സാ കുമാരീ
മധ്യാഹ്നേ ശുദ്ധരേവാ വഹതി സുരനദീ വേദകണ്ഠോപകണ്ഠൈഃ .
ശ്രീകണ്ഠേ കന്യാരൂപാ ലലിതശിവജടാശങ്കരീ ബ്രഹ്മശാന്തിഃ
സാ ദേവീ വേദഗംഗാ ഋഷികുലതരിണീ നർമദാ മാം പുനാതു ..

ഇതി ധ്യാത്വാഽഷ്ടോത്തരശതവാരം മൂലമന്ത്രം ജപേത് .
ഓം ഹ്രാം ഹ്രീം ഹ്രൂഁ ഹ്രൈം ഹ്രൗം ഹ്രഃ നർമദായൈ നമഃ ഇതി മന്ത്രഃ .
അഥ നർമദാഗായത്രീ –
ഓം രുദ്രദേഹായൈ വിദ്മഹേ മേകലകന്യകായൈ ധീമഹി .
തന്നോ രേവാ പ്രചോദയാത് ..

ഓം നർമദായ നമഃ സാഹം .
ഇതി മന്ത്രഃ . ഓം ഹ്രീം ശ്രീം നർമദായൈ സ്വാഹാ ..

അഥ കവചം –
ഓം പൂർവേ തു നർമദാ പാതു ആഗ്നേയാം ഗിരികന്യകാ .
ദക്ഷിണേ ചന്ദ്രതനയാ നൈരൃത്യാം മേകലാത്മജാ ..

രേവാ തു പശ്ചിമേ പാതു വായവ്യേ ഹരവല്ലഭാ .
ഉത്തരേ മേരുതനയാ ഈശാന്യേ ചതുരംഗിണീ ..

ഊർധ്വം സോമോദ്ഭവാ പാതു അധോ ഗിരിവരാത്മജാ .
ഗിരിജാ പാതു മേ ശിരസി മസ്തകേ ശൈലവാസിനീ ..

ഊർധ്വഗാ നാസികാം പാതു ഭൃകുടീ ജലവാഹിനീ .
കർണയോഃ കാമദാ പാതു കപാലേ ചാമരേശ്വരീ ..

നേത്രേ മന്ദാകിനീ രക്ഷേത് പവിത്രാ ചാധരോഷ്ടകേ .
ദശനാൻ കേശവീ രക്ഷേത് ജിഹ്വാം മേ വാഗ്വിലാസിനീ ..

ചിബൂകേ പങ്കജാക്ഷീ ച ഘണ്ടികാ ധനവർധിനീ .
പുത്രദാ ബാഹുമൂലേ ച ഈശ്വരീ ബാഹുയുഗ്മകേ ..

അംഗുലീഃ കാമദാ പാതു ചോദരേ ജഗദംബികാ .
ഹൃദയം ച മഹാലക്ഷ്മീ കടിതടേ വരാശ്രമാ ..

മോഹിനീ ജംഘയോഃ പാതു ജഠരേ ച ഉരഃസ്ഥലേ .
സഹജാ പാദയോഃ പാതു മന്ദലാ പാദപൃഷ്ഠകേ ..

ധാരാധരീ ധനം രക്ഷേത് പശൂൻ മേ ഭുവനേശ്വരീ .
ബുദ്ധി മേ മദനാ പാതു മനസ്വിനീ മനോ മമ ..

അഭർണേ അംബികാ പാതു വസ്തിം മേ ജഗദീശ്ചരീ .
വാചാം മേ കൗതകീ രക്ഷേത് കൗമാരീ ച കുമാരകേ ..

ജലേ ശ്രീയന്ത്രണേ പാതു മന്ത്രണേ മനമോഹിനീ .
തന്ത്രണേ കുരുഗർഭാം ച മോഹനേ മദനാവലീ ..

സ്തംഭേ വൈ സ്തംഭിനീ രക്ഷേദ്വിസൃഷ്ടാ സൃഷ്ടിഗാമിനീ .
ശ്രേഷ്ഠാ ചൗരേ സദാ രക്ഷേത് വിദ്വേഷേ വൃഷ്ടിധാരിണീ ..

രാജദ്വാരേ മഹാമായാ മോഹിനീ ശത്രുസംഗമേ .
ക്ഷോഭണീ പാതു സംഗ്രാമേ ഉദ്ഭടേ ഭടമർദിനീ ..

മോഹിനീ മദനേ പാതു ക്രീഡായാം ച വിലാസിനീ .
ശയനേ പാതു ബിംബോഷ്ഠീ നിദ്രായാം ജഗവന്ദിതാ ..

പൂജായാം സതതം രക്ഷേത് ബലാവദ് ബ്രഹ്മചാരിണീ .
വിദ്യായാം ശാരദാ പാതു വാർതായാം ച കുലേശ്വരീ ..

ശ്രിയം മേ ശ്രീധരീ പാതു ദിശായാം വിദിശാ തഥാ .
സർവദാ സർവഭാവേന രക്ഷേദ്വൈ പരമേശ്വരീ ..

ഇതീദം കവചം ഗുഹ്യം കസ്യചിന്ന പ്രകാശിതം .
സമ്പ്രത്യേവ മയാ പ്രോക്തം നർമദാകവചം യദി ..

യേ പഠന്തി മഹാപ്രാജ്ഞാസ്ത്രികാലം നർമദാതടേ .
തേ ലഭന്തേ പരം സ്ഥാനം യത് സുരൈരപി ദുർലഭം ..

ഗുഹ്യാദ് ഗുഹ്യതരം ദേവി രേവായാഃ കവചം ശുഭം .
ധനദം മോക്ഷദം ജ്ഞാനം സബുദ്ധിമചലാം ശ്രിയം ..

മഹാപുണ്യാത്മകാ ലോകേ ഭവന്തി കവചാത്മകേ .
ഏകാദശ്യാം നിരാഹാരോ ബ്രതസ്ഥോ നർമദാതടേ ..

സായാഹ്നേ യോഗസിദ്ധിഃ സ്യാത് മനഃ സൃഷ്ടാർധരാത്രകേ .
സപ്താവൃത്തിം പഠേദ്വിദാൻ ജ്ഞാനോദയം സമാലഭേത് ..

ഭൗമാർകേ രവിവാരേ തു അർധരാത്രേ ചതുഷ്പഥേ .
സപ്താവൃത്തിം പഠേദ് ദേവി സ ലഭേദ് ബലകാമകം ..

പ്രഭാതേ ജ്ഞാനസമ്പത്തി മധ്യാഹ്നേ ശത്രുസങ്കടേ .
ശതാവൃത്തിവിശേഷേണ മാസമേകം ച ലഭ്യതേ ..

ശത്രുഭീതേ രാജഭംഗേ അശ്വത്ഥേ നർമദാതടേ .
സഹസ്ത്രാവൃത്തിപാഠേന സംസ്ഥിതിർവൈ ഭവിഷ്യതി ..

നാന്യാ ദേവി നാന്യാ ദേവി നാന്യാ ദേവി മഹീതലേ .
ന നർമദാസമാ പുണ്യാ വസുധായാം വരാനനേ ..

യം യം വാഞ്ഛയതി കാമം യഃ പഠേത് കവചം ശുഭം .
തം തം പ്രാപ്നോതി വൈ സർവം നർമദായാഃ പ്രസാദതഃ ..