നവഗ്രഹ കവചമ് PDF മലയാളം

നവഗ്രഹ കവചമ് മലയാളം Lyrics

|| നവഗ്രഹ കവചമ് ||

ശിരോ മേ പാതു മാര്താംഡോ കപാലം രോഹിണീപതിഃ ।
മുഖമംഗാരകഃ പാതു കംഠശ്ച ശശിനംദനഃ ॥ 1 ॥

ബുദ്ധിം ജീവഃ സദാ പാതു ഹൃദയം ഭൃഗുനംദനഃ ।
ജഠരം ച ശനിഃ പാതു ജിഹ്വാം മേ ദിതിനംദനഃ ॥ 2 ॥

പാദൌ കേതുഃ സദാ പാതു വാരാഃ സര്വാംഗമേവ ച ।
തിഥയോഽഷ്ടൌ ദിശഃ പാംതു നക്ഷത്രാണി വപുഃ സദാ ॥ 3 ॥

അംസൌ രാശിഃ സദാ പാതു യോഗാശ്ച സ്ഥൈര്യമേവ ച ।
ഗുഹ്യം ലിംഗം സദാ പാംതു സര്വേ ഗ്രഹാഃ ശുഭപ്രദാഃ ॥ 4 ॥

അണിമാദീനി സര്വാണി ലഭതേ യഃ പഠേദ് ധൃവമ് ।
ഏതാം രക്ഷാം പഠേദ് യസ്തു ഭക്ത്യാ സ പ്രയതഃ സുധീഃ ॥ 5 ॥

സ ചിരായുഃ സുഖീ പുത്രീ രണേ ച വിജയീ ഭവേത് ।
അപുത്രോ ലഭതേ പുത്രം ധനാര്ഥീ ധനമാപ്നുയാത് ॥ 6 ॥

ദാരാര്ഥീ ലഭതേ ഭാര്യാം സുരൂപാം സുമനോഹരാമ് ।
രോഗീ രോഗാത്പ്രമുച്യേത ബദ്ധോ മുച്യേത ബംധനാത് ॥ 7 ॥

ജലേ സ്ഥലേ ചാംതരിക്ഷേ കാരാഗാരേ വിശേഷതഃ ।
യഃ കരേ ധാരയേന്നിത്യം ഭയം തസ്യ ന വിദ്യതേ ॥ 8 ॥

ബ്രഹ്മഹത്യാ സുരാപാനം സ്തേയം ഗുര്വംഗനാഗമഃ ।
സര്വപാപൈഃ പ്രമുച്യേത കവചസ്യ ച ധാരണാത് ॥ 9 ॥

നാരീ വാമഭുജേ ധൃത്വാ സുഖൈശ്വര്യസമന്വിതാ ।
കാകവംധ്യാ ജന്മവംധ്യാ മൃതവത്സാ ച യാ ഭവേത് ।
ബഹ്വപത്യാ ജീവവത്സാ കവചസ്യ പ്രസാദതഃ ॥ 10 ॥