ನವಗ್ರಹ ಶರಣಾಗತಿ ಸ್ತೋತ್ರ PDF ಕನ್ನಡ

ನವಗ್ರಹ ಶರಣಾಗತಿ ಸ್ತೋತ್ರ ಕನ್ನಡ Lyrics

|| ನವಗ್ರಹ ಶರಣಾಗತಿ ಸ್ತೋತ್ರ ||

ಸಹಸ್ರನಯನಃ ಸೂರ್ಯೋ ರವಿಃ ಖೇಚರನಾಯಕಃ|

ಸಪ್ತಾಶ್ವವಾಹನೋ ದೇವೋ ದಿನೇಶಃ ಶರಣಂ ಮಮ|

ತುಹಿನಾಂಶುಃ ಶಶಾಂಕಶ್ಚ ಶಿವಶೇಖರಮಂಡನಃ|

ಓಷಧೀಶಸ್ತಮೋಹರ್ತಾ ರಾಕೇಶಃ ಶರಣಂ ಮಮ|

ಮಹೋಗ್ರೋ ಮಹತಾಂ ವಂದ್ಯೋ ಮಹಾಭಯನಿವಾರಕಃ|

ಮಹೀಸೂನುರ್ಮಹಾತೇಜಾ ಮಂಗಲಃ ಶರಣಂ ಮಮ|

ಅಭೀಪ್ಸಿತಾರ್ಥದಃ ಶೂರಃ ಸೌಮ್ಯಃ ಸೌಮ್ಯಫಲಪ್ರದಃ|

ಪೀತವಸ್ತ್ರಧರಃ ಪುಣ್ಯಃ ಸೋಮಜಃ ಶರಣಂ ಮಮ|

ಧರ್ಮಸಂರಕ್ಷಕಃ ಶ್ರೇಷ್ಠಃ ಸುಧರ್ಮಾಧಿಪತಿರ್ದ್ವಿಜಃ|

ಸರ್ವಶಾಸ್ತ್ರವಿಪಶ್ಚಿಚ್ಚ ದೇವೇಜ್ಯಃ ಶರಣಂ ಮಮ|

ಸಮಸ್ತದೋಷವಿಚ್ಛೇದೀ ಕವಿಕರ್ಮವಿಶಾರದಃ|

ಸರ್ವಜ್ಞಃ ಕರುಣಾಸಿಂಧು- ರ್ದೈತ್ಯೇಜ್ಯಃ ಶರಣಂ ಮಮ|

ವಜ್ರಾಯುಧಧರಃ ಕಾಕವಾಹನೋ ವಾಂಛಿತಾರ್ಥದಃ|

ಕ್ರೂರದೃಷ್ಟಿರ್ಯಮಭ್ರಾತಾ ರವಿಜಃ ಶರಣಂ ಮಮ|

ಸೈಂಹಿಕೇಯೋಽರ್ದ್ಧಕಾಯಶ್ಚ ಸರ್ಪಾಕಾರಃ ಶುಭಂಕರಃ|

ತಮೋರೂಪೋ ವಿಶಾಲಾಕ್ಷ ಅಸುರಃ ಶರಣಂ ಮಮ|

ದಕ್ಷಿಣಾಭಿಮುಖಃ ಪ್ರೀತಃ ಶುಭೋ ಜೈಮಿನಿಗೋತ್ರಜಃ|

ಶತರೂಪಃ ಸದಾರಾಧ್ಯಃ ಸುಕೇತುಃ ಶರಣಂ ಮಮ