शिव भक्ति कल्पलतिका स्तोत्र
|| शिव भक्ति कल्पलतिका स्तोत्र || श्रीकान्तपद्मजमुखैर्हृदि चिन्तनीयं श्रीमत्क्व शङ्कर भवच्चरणारविन्दम्। क्वाहं तदेतदुपसेवितुमीहमानो हा हन्त कस्य न भवाम्युपहासपात्रम्। अद्राक्षमङ्घ्रिकमलं न तवेति यन्मे दुःखं यदप्यनवमृश्य दुरात्मतां स्वाम्। पादाम्बुजं तव दिदृक्ष इतीदृगागः पातोऽनले प्रतिकृतिर्गिरिशैतयोर्मे। दौरात्म्यतो मम भवत्पददर्शनेच्छा मन्तुस्तथापि तव सा भजनात्मिकेति। स्यादीशितुर्मयि दयैव दयामकार्षी- रश्मादिभिः प्रहृतवत्सु न किं बिभो त्वम्। दुःखानलोदरनिपातनधूर्वदेष्वे- ष्वर्थाङ्गनासुतमुखेष्वनुराग आगाः। स्यात्ते रुषे तव दयालुतया…
