Puja Vidhanam (Poorvangam – Vaishnava Paddhati) PDF English

|| Puja Vidhanam (Poorvangam – Vaishnava Paddhati) ||

śrī gurubhyo namaḥ |
hariḥ om |

śuciḥ –
apavitraḥ pavitrovā sarvāvasthāṃ gato’pi vā |
yaḥ smaret puṇḍarīkākṣaṃ sa bāhyābhyantaraḥ śuciḥ ||

puṇḍarīkākṣa puṇḍarīkākṣa puṇḍarīkākṣa ||

ācamya –
oṃ acyutāya namaḥ |
oṃ anantāya namaḥ |
oṃ govindāya namaḥ ||

oṃ keśavāya namaḥ |
oṃ nārāyaṇāya namaḥ |
oṃ mādhavāya namaḥ |
oṃ govindāya namaḥ | oṃ viṣṇave namaḥ |
oṃ madhusūdanāya namaḥ | oṃ trivikramāya namaḥ |
oṃ vāmanāya namaḥ | oṃ śrīdharāya namaḥ |
oṃ hṛṣīkeśāya namaḥ | oṃ padmanābhāya namaḥ |
oṃ dāmodarāya namaḥ ||

prārthana –
śuklāmbaradharaṃ viṣṇuṃ śaśivarṇaṃ caturbhujam |
prasannavadanaṃ dhyāyet sarvavighnopaśāntaye ||

yasya dviradavaktrādyāḥ pāriṣadyāḥ paraśśatam |
vighnaṃ nighnanti satataṃ viṣvaksenaṃ tamāśraye ||

tadeva lagnaṃ sudinaṃ tadeva tārābalaṃ candrabalaṃ tadeva |
vidyābalaṃ daivabalaṃ tadeva lakṣmīpate te’ṅghriyugaṃ smarāmi ||

yatra yogeśvaraḥ kṛṣṇo yatra pārtho dhanurdharaḥ |
tatra śrīrvijayobhūtirdhṛvā nītirmatirmama ||

smṛte sakalakalyāṇabhājanaṃ yatra jāyate |
puruṣaṃ tamajaṃ nityaṃ vrajāmi śaraṇaṃ harim ||

sarvadā sarvakāryeṣu nāsti teṣāmamaṅgalam |
yeṣāṃ hṛdistho bhagavān maṅgalāyatano hariḥ ||

āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||

namaskāram –
oṃ nama̱: sada̍se | nama̱: sada̍sa̱spata̍ye | nama̱: sakhī̍nāṃ puro̱gāṇā̱ṃ cakṣu̍ṣe | namo̍ di̱ve | nama̍: pṛthi̱vyai | sapratha sa̱bhāṃ me̍ gopāya | ye ca̱ sabhyā̎: sabhā̱sada̍: | tāni̍ndri̱yāva̍taḥ kuru | sarva̱māyu̱rupā̍satām ||

sarvebhyaḥ śrīvaiṣṇavebhyo namaḥ ||

pavitra dhāraṇam –
i̱daṃ brahma̍ punīmahe | brahmā punātu |

āsanam –
āsana mantrasya pṛthivyāḥ, merupṛṣṭha ṛṣiḥ, sutalaṃ chandaḥ, śrīkūrmo devatā, āsane viniyogaḥ ||

aṃ anantāsanāya namaḥ | raṃ kūrmāsanāya namaḥ |
viṃ vimalāsanāya namaḥ | paṃ padmāsanāya namaḥ |

prāṇāyāmam –
praṇavasya parabrahma ṛṣiḥ, devī gāyatrī chandaḥ, paramātmā devatā, prāṇāyāme viniyogaḥ ||

oṃ bhūḥ | oṃ bhuva̍: | ogṃ suva̍: | oṃ maha̍: | oṃ jana̍: | oṃ tapa̍: | ogṃ satyam | oṃ tatsa̍vitu̱rvare̎ṇya̱ṃ bha̱rgo̍ de̱vasya̍ dhīmahi | dhiyo̱ yo na̍: praco̱dayā̎t || omāpo̱ jyotī̱ raso̱’mṛta̱ṃ brahma̱ bhūrbhuva̱ssuva̱rom ||

saṅkalpam –
śrīgovinda govinda govinda | śrīmahāviṣṇorājñayā bhagavatkaiṅkaryarūpaṃ śubhābhyudayārthaṃ ca śubhe śobhane maṅgale muhūrte atra pṛthivyāṃ jambūdvīpe bharata varṣe bharatakhaṇḍe merordakṣiṇadigbhāge śrīraṅgasya ___ dikpradeśe ___, ___ nadyoḥ madhyadeśe maṅgalapradeśe samastadevatā bhagavadbhāgavatācārya sannidhau brahmaṇaḥ dvitīyaparārthe śrīśvetavarāhakalpe vaivasvata manvantare kaliyuge prathamapāde asmin vartamāna vyāvahārika cāndramānena prabhavādi ṣaṣṭi saṃvatsarāṇāṃ madhye śrī ___ nāma saṃvatsare ___ ayane ___ ṛtau ___ māse ___ pakṣe ___ tithau ___ vāsare ___ nakṣatre ___ yoge ___ karaṇe evaṃ guṇa viśeṣaṇa viśiṣṭāyāṃ asyāṃ śubhatithau śrīmān ___ gotrodbhavasya ___ nāmadheyasya (mama dharmapatnī śrīmataḥ ___ gotrasya ___ nāmadheyaḥ sametasya) mama/asmākaṃ sahakuṭumbasya kṣema sthairya dhairya vīrya vijaya abhaya āyuḥ ārogya aiśvara dhana dhānya gṛha bhū putrapautra abhivṛddhyarthaṃ, dharma artha kāma mokṣa caturvidha puruṣārtha phalasiddhyarthaṃ, ādhyātmika ādhidaivika ādhibhautika tāpatraya nivāraṇārthaṃ manovāñchāphalasiddhyarthaṃ śrī _____ uddiśya śrī _____ prītyarthaṃ sambhavadbhiḥ dravyaiḥ sambhavadbhiḥ upacāraiśca sambhavatā niyamena sambhavitā prakāreṇa yāvacchakti dhyāna āvāhanādi ṣoḍaśopacāra* pūjāṃ kariṣye ||

tadādau nirvighnena pūjā parisamāptyarthaṃ śrīviṣvaksena pūjāṃ kariṣye |