ಪೂಜಾವಿಧಾನಮ್ – ಪೂರ್ವಾಙ್ಗಮ್ (ವೈಷ್ಣವ ಪದ್ಧತಿಃ) PDF ಕನ್ನಡ

|| ಪೂಜಾವಿಧಾನಮ್ – ಪೂರ್ವಾಙ್ಗಮ್ (ವೈಷ್ಣವ ಪದ್ಧತಿಃ) ||

ಶ್ರೀ ಗುರುಭ್ಯೋ ನಮಃ ।
ಹರಿಃ ಓಮ್ ।

ಶುಚಿಃ –
ಅಪವಿತ್ರಃ ಪವಿತ್ರೋವಾ ಸರ್ವಾವಸ್ಥಾಂ ಗತೋಽಪಿ ವಾ ।
ಯಃ ಸ್ಮರೇತ್ ಪುಣ್ಡರೀಕಾಕ್ಷಂ ಸ ಬಾಹ್ಯಾಭ್ಯನ್ತರಃ ಶುಚಿಃ ॥

ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷ ॥

ಆಚಮ್ಯ –
ಓಂ ಅಚ್ಯುತಾಯ ನಮಃ ।
ಓಂ ಅನನ್ತಾಯ ನಮಃ ।
ಓಂ ಗೋವಿನ್ದಾಯ ನಮಃ ॥

ಓಂ ಕೇಶವಾಯ ನಮಃ ।
ಓಂ ನಾರಾಯಣಾಯ ನಮಃ ।
ಓಂ ಮಾಧವಾಯ ನಮಃ ।
ಓಂ ಗೋವಿನ್ದಾಯ ನಮಃ । ಓಂ ವಿಷ್ಣವೇ ನಮಃ ।
ಓಂ ಮಧುಸೂದನಾಯ ನಮಃ । ಓಂ ತ್ರಿವಿಕ್ರಮಾಯ ನಮಃ ।
ಓಂ ವಾಮನಾಯ ನಮಃ । ಓಂ ಶ್ರೀಧರಾಯ ನಮಃ ।
ಓಂ ಹೃಷೀಕೇಶಾಯ ನಮಃ । ಓಂ ಪದ್ಮನಾಭಾಯ ನಮಃ ।
ಓಂ ದಾಮೋದರಾಯ ನಮಃ ॥

ಪ್ರಾರ್ಥನ –
ಶುಕ್ಲಾಮ್ಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಮ್ ।
ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾನ್ತಯೇ ॥

ಯಸ್ಯ ದ್ವಿರದವಕ್ತ್ರಾದ್ಯಾಃ ಪಾರಿಷದ್ಯಾಃ ಪರಶ್ಶತಮ್ ।
ವಿಘ್ನಂ ನಿಘ್ನನ್ತಿ ಸತತಂ ವಿಷ್ವಕ್ಸೇನಂ ತಮಾಶ್ರಯೇ ॥

ತದೇವ ಲಗ್ನಂ ಸುದಿನಂ ತದೇವ ತಾರಾಬಲಂ ಚನ್ದ್ರಬಲಂ ತದೇವ ।
ವಿದ್ಯಾಬಲಂ ದೈವಬಲಂ ತದೇವ ಲಕ್ಷ್ಮೀಪತೇ ತೇಽಙ್ಘ್ರಿಯುಗಂ ಸ್ಮರಾಮಿ ॥

ಯತ್ರ ಯೋಗೇಶ್ವರಃ ಕೃಷ್ಣೋ ಯತ್ರ ಪಾರ್ಥೋ ಧನುರ್ಧರಃ ।
ತತ್ರ ಶ್ರೀರ್ವಿಜಯೋಭೂತಿರ್ಧೃವಾ ನೀತಿರ್ಮತಿರ್ಮಮ ॥

ಸ್ಮೃತೇ ಸಕಲಕಲ್ಯಾಣಭಾಜನಂ ಯತ್ರ ಜಾಯತೇ ।
ಪುರುಷಂ ತಮಜಂ ನಿತ್ಯಂ ವ್ರಜಾಮಿ ಶರಣಂ ಹರಿಮ್ ॥

ಸರ್ವದಾ ಸರ್ವಕಾರ್ಯೇಷು ನಾಸ್ತಿ ತೇಷಾಮಮಙ್ಗಲಮ್ ।
ಯೇಷಾಂ ಹೃದಿಸ್ಥೋ ಭಗವಾನ್ ಮಙ್ಗಲಾಯತನೋ ಹರಿಃ ॥

ಆಪದಾಮಪಹರ್ತಾರಂ ದಾತಾರಂ ಸರ್ವಸಮ್ಪದಾಮ್ ।
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್ ॥

ನಮಸ್ಕಾರಮ್ –
ಓಂ ನಮ॒: ಸದ॑ಸೇ । ನಮ॒: ಸದ॑ಸ॒ಸ್ಪತ॑ಯೇ । ನಮ॒: ಸಖೀ॑ನಾಂ ಪುರೋ॒ಗಾಣಾಂ॒ ಚಕ್ಷು॑ಷೇ । ನಮೋ॑ ದಿ॒ವೇ । ನಮ॑: ಪೃಥಿ॒ವ್ಯೈ । ಸಪ್ರಥ ಸ॒ಭಾಂ ಮೇ॑ ಗೋಪಾಯ । ಯೇ ಚ॒ ಸಭ್ಯಾ᳚: ಸಭಾ॒ಸದ॑: । ತಾನಿ॑ನ್ದ್ರಿ॒ಯಾವ॑ತಃ ಕುರು । ಸರ್ವ॒ಮಾಯು॒ರುಪಾ॑ಸತಾಮ್ ॥

ಸರ್ವೇಭ್ಯಃ ಶ್ರೀವೈಷ್ಣವೇಭ್ಯೋ ನಮಃ ॥

ಪವಿತ್ರ ಧಾರಣಮ್ –
ಇ॒ದಂ ಬ್ರಹ್ಮ॑ ಪುನೀಮಹೇ । ಬ್ರಹ್ಮಾ ಪುನಾತು ।

ಆಸನಮ್ –
ಆಸನ ಮನ್ತ್ರಸ್ಯ ಪೃಥಿವ್ಯಾಃ, ಮೇರುಪೃಷ್ಠ ಋಷಿಃ, ಸುತಲಂ ಛನ್ದಃ, ಶ್ರೀಕೂರ್ಮೋ ದೇವತಾ, ಆಸನೇ ವಿನಿಯೋಗಃ ॥

ಅಂ ಅನನ್ತಾಸನಾಯ ನಮಃ । ರಂ ಕೂರ್ಮಾಸನಾಯ ನಮಃ ।
ವಿಂ ವಿಮಲಾಸನಾಯ ನಮಃ । ಪಂ ಪದ್ಮಾಸನಾಯ ನಮಃ ।

ಪ್ರಾಣಾಯಾಮಮ್ –
ಪ್ರಣವಸ್ಯ ಪರಬ್ರಹ್ಮ ಋಷಿಃ, ದೇವೀ ಗಾಯತ್ರೀ ಛನ್ದಃ, ಪರಮಾತ್ಮಾ ದೇವತಾ, ಪ್ರಾಣಾಯಾಮೇ ವಿನಿಯೋಗಃ ॥

ಓಂ ಭೂಃ । ಓಂ ಭುವ॑: । ಓಗ್ಂ ಸುವ॑: । ಓಂ ಮಹ॑: । ಓಂ ಜನ॑: । ಓಂ ತಪ॑: । ಓಗ್ಂ ಸತ್ಯಮ್ । ಓಂ ತತ್ಸ॑ವಿತು॒ರ್ವರೇ᳚ಣ್ಯಂ॒ ಭ॒ರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ ॥ ಓಮಾಪೋ॒ ಜ್ಯೋತೀ॒ ರಸೋ॒ಽಮೃತಂ॒ ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಮ್ ॥

ಸಙ್ಕಲ್ಪಮ್ –
ಶ್ರೀಗೋವಿನ್ದ ಗೋವಿನ್ದ ಗೋವಿನ್ದ । ಶ್ರೀಮಹಾವಿಷ್ಣೋರಾಜ್ಞಯಾ ಭಗವತ್ಕೈಙ್ಕರ್ಯರೂಪಂ ಶುಭಾಭ್ಯುದಯಾರ್ಥಂ ಚ ಶುಭೇ ಶೋಭನೇ ಮಙ್ಗಲೇ ಮುಹೂರ್ತೇ ಅತ್ರ ಪೃಥಿವ್ಯಾಂ ಜಮ್ಬೂದ್ವೀಪೇ ಭರತ ವರ್ಷೇ ಭರತಖಣ್ಡೇ ಮೇರೋರ್ದಕ್ಷಿಣದಿಗ್ಭಾಗೇ ಶ್ರೀರಙ್ಗಸ್ಯ ___ ದಿಕ್ಪ್ರದೇಶೇ ___, ___ ನದ್ಯೋಃ ಮಧ್ಯದೇಶೇ ಮಙ್ಗಲಪ್ರದೇಶೇ ಸಮಸ್ತದೇವತಾ ಭಗವದ್ಭಾಗವತಾಚಾರ್ಯ ಸನ್ನಿಧೌ ಬ್ರಹ್ಮಣಃ ದ್ವಿತೀಯಪರಾರ್ಥೇ ಶ್ರೀಶ್ವೇತವರಾಹಕಲ್ಪೇ ವೈವಸ್ವತ ಮನ್ವನ್ತರೇ ಕಲಿಯುಗೇ ಪ್ರಥಮಪಾದೇ ಅಸ್ಮಿನ್ ವರ್ತಮಾನ ವ್ಯಾವಹಾರಿಕ ಚಾನ್ದ್ರಮಾನೇನ ಪ್ರಭವಾದಿ ಷಷ್ಟಿ ಸಂವತ್ಸರಾಣಾಂ ಮಧ್ಯೇ ಶ್ರೀ ___ ನಾಮ ಸಂವತ್ಸರೇ ___ ಅಯನೇ ___ ಋತೌ ___ ಮಾಸೇ ___ ಪಕ್ಷೇ ___ ತಿಥೌ ___ ವಾಸರೇ ___ ನಕ್ಷತ್ರೇ ___ ಯೋಗೇ ___ ಕರಣೇ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಅಸ್ಯಾಂ ಶುಭತಿಥೌ ಶ್ರೀಮಾನ್ ___ ಗೋತ್ರೋದ್ಭವಸ್ಯ ___ ನಾಮಧೇಯಸ್ಯ (ಮಮ ಧರ್ಮಪತ್ನೀ ಶ್ರೀಮತಃ ___ ಗೋತ್ರಸ್ಯ ___ ನಾಮಧೇಯಃ ಸಮೇತಸ್ಯ) ಮಮ/ಅಸ್ಮಾಕಂ ಸಹಕುಟುಮ್ಬಸ್ಯ ಕ್ಷೇಮ ಸ್ಥೈರ್ಯ ಧೈರ್ಯ ವೀರ್ಯ ವಿಜಯ ಅಭಯ ಆಯುಃ ಆರೋಗ್ಯ ಐಶ್ವರ ಧನ ಧಾನ್ಯ ಗೃಹ ಭೂ ಪುತ್ರಪೌತ್ರ ಅಭಿವೃದ್ಧ್ಯರ್ಥಂ, ಧರ್ಮ ಅರ್ಥ ಕಾಮ ಮೋಕ್ಷ ಚತುರ್ವಿಧ ಪುರುಷಾರ್ಥ ಫಲಸಿದ್ಧ್ಯರ್ಥಂ, ಆಧ್ಯಾತ್ಮಿಕ ಆಧಿದೈವಿಕ ಆಧಿಭೌತಿಕ ತಾಪತ್ರಯ ನಿವಾರಣಾರ್ಥಂ ಮನೋವಾಞ್ಛಾಫಲಸಿದ್ಧ್ಯರ್ಥಂ ಶ್ರೀ _____ ಉದ್ದಿಶ್ಯ ಶ್ರೀ _____ ಪ್ರೀತ್ಯರ್ಥಂ ಸಮ್ಭವದ್ಭಿಃ ದ್ರವ್ಯೈಃ ಸಮ್ಭವದ್ಭಿಃ ಉಪಚಾರೈಶ್ಚ ಸಮ್ಭವತಾ ನಿಯಮೇನ ಸಮ್ಭವಿತಾ ಪ್ರಕಾರೇಣ ಯಾವಚ್ಛಕ್ತಿ ಧ್ಯಾನ ಆವಾಹನಾದಿ ಷೋಡಶೋಪಚಾರ* ಪೂಜಾಂ ಕರಿಷ್ಯೇ ॥

ತದಾದೌ ನಿರ್ವಿಘ್ನೇನ ಪೂಜಾ ಪರಿಸಮಾಪ್ತ್ಯರ್ಥಂ ಶ್ರೀವಿಷ್ವಕ್ಸೇನ ಪೂಜಾಂ ಕರಿಷ್ಯೇ ।