|| শ্রী রামানুজ স্তোত্রম্ ||
হে রামানুজ হে যতিক্ষিতিপতে হে ভাষ্যকার প্রভো
হে লীলানরবিগ্রহানঘ বিভো হে কান্তিমত্যাত্মজ ।
হে শ্রীমন্ প্রণতার্তিনাশন কৃপামাত্রপ্রসন্নার্য ভো
হে বেদান্তয়ুগপ্রবর্তক পরং জানামি ন ত্বাং বিনা ॥
হে হারীতকুলারবিন্দতরণে হে পুণ্যসঙ্কীর্তন
ব্রহ্মধ্যানপর ত্রিদণ্ডধর হে ভূতিদ্বয়াধীশ্বর ।
হে রঙ্গেশনিয়োজক ত্বরিত হে গীশ্শোকসংহারক
স্বামিন্ হে বরদাম্বুদায়ক পরং জানামি ন ত্বাং বিনা ॥
হে শ্রীভূতপুরীশ লক্ষ্মণমুনে হে যাদবাপাদিতা-
পার্থার্থদ্রুমকৃন্তনোগ্রপরশো হে ভক্তমন্দারক ।
হে ব্রহ্মাসুরমোচনক্ষম কৃপাকূপার হে সজ্জন-
প্রেষ্ঠামোঘয়তীন্দ্রদেশিক পরং জানামি ন ত্বাং বিনা ॥
হে পূণার্য কৃপাপ্তসদ্দ্বয়মনো মালাধরানুগ্রহাৎ
জ্ঞাতদ্রাবিডবেদতত্ত্ব সুমতে মন্নাথপৃথ্বীধর ।
কাঞ্চীপূর্ণবরেণ্যশিষ্য ভগবন্ হে কেশবস্যাত্মজ
শ্রীপদ্মেশপদাব্জষট্পদপরং জানামি ন ত্বাং বিনা ॥
হে গোপীজনমুক্তিদানকর হে শাস্ত্রার্থতত্ত্বজ্ঞ হে
গোষ্ঠীপূর্ণকৃপাগৃহীতবিলসন্মন্ত্রাধিপাহস্কর ।
হেঽনন্তেষ্টফলপ্রদায়ক গুরো হে বিঠ্ঠলেশার্চিত
হে বোধায়ন সূত্রসন্মত পরং জানামি ন ত্বাং বিনা ॥
হে গোপালক হে কৃপাজলনিধে হে সিন্ধুকন্যাপতে
হে কংসান্তক হে গজেন্দ্রকরুণাপারীণ হে মাধব ।
হে রামানুজ হে জগত্রয়গুরো হে পুণ্ডরীকাক্ষ মাং
হে গোপীজননাথ পালয় পরং জানামি ন ত্বাং বিনা ॥
হে রাম পুরুষোত্তম নরহরে নারায়ণ কেশব
গোবিন্দ গরুডধ্বজ গুণনিধে দামোদর মাধব ।
হে কৃষ্ণ কমলাপতে যদুপতে সীতাপতে শ্রীপতে
হে বৈকুণ্ঠপতে চরাচরপতে লক্ষ্মীপতে পাহি মাম্ ॥
ইতি শ্রীরামানুজস্তোত্রং সম্পূর্ণম্ ॥
Found a Mistake or Error? Report it Now
