|| ശ്രീ രാമാനുജ സ്തോത്രം ||
ഹേ രാമാനുജ ഹേ യതിക്ഷിതിപതേ ഹേ ഭാഷ്യകാര പ്രഭോ
ഹേ ലീലാനരവിഗ്രഹാനഘ വിഭോ ഹേ കാന്തിമത്യാത്മജ .
ഹേ ശ്രീമൻ പ്രണതാർതിനാശന കൃപാമാത്രപ്രസന്നാര്യ ഭോ
ഹേ വേദാന്തയുഗപ്രവർതക പരം ജാനാമി ന ത്വാം വിനാ ..
ഹേ ഹാരീതകുലാരവിന്ദതരണേ ഹേ പുണ്യസങ്കീർതന
ബ്രഹ്മധ്യാനപര ത്രിദണ്ഡധര ഹേ ഭൂതിദ്വയാധീശ്വര .
ഹേ രംഗേശനിയോജക ത്വരിത ഹേ ഗീശ്ശോകസംഹാരക
സ്വാമിൻ ഹേ വരദാംബുദായക പരം ജാനാമി ന ത്വാം വിനാ ..
ഹേ ശ്രീഭൂതപുരീശ ലക്ഷ്മണമുനേ ഹേ യാദവാപാദിതാ-
പാർഥാർഥദ്രുമകൃന്തനോഗ്രപരശോ ഹേ ഭക്തമന്ദാരക .
ഹേ ബ്രഹ്മാസുരമോചനക്ഷമ കൃപാകൂപാര ഹേ സജ്ജന-
പ്രേഷ്ഠാമോഘയതീന്ദ്രദേശിക പരം ജാനാമി ന ത്വാം വിനാ ..
ഹേ പൂണാര്യ കൃപാപ്തസദ്ദ്വയമനോ മാലാധരാനുഗ്രഹാത്
ജ്ഞാതദ്രാവിഡവേദതത്ത്വ സുമതേ മന്നാഥപൃഥ്വീധര .
കാഞ്ചീപൂർണവരേണ്യശിഷ്യ ഭഗവൻ ഹേ കേശവസ്യാത്മജ
ശ്രീപദ്മേശപദാബ്ജഷട്പദപരം ജാനാമി ന ത്വാം വിനാ ..
ഹേ ഗോപീജനമുക്തിദാനകര ഹേ ശാസ്ത്രാർഥതത്ത്വജ്ഞ ഹേ
ഗോഷ്ഠീപൂർണകൃപാഗൃഹീതവിലസന്മന്ത്രാധിപാഹസ്കര .
ഹേഽനന്തേഷ്ടഫലപ്രദായക ഗുരോ ഹേ വിഠ്ഠലേശാർചിത
ഹേ ബോധായന സൂത്രസന്മത പരം ജാനാമി ന ത്വാം വിനാ ..
ഹേ ഗോപാലക ഹേ കൃപാജലനിധേ ഹേ സിന്ധുകന്യാപതേ
ഹേ കംസാന്തക ഹേ ഗജേന്ദ്രകരുണാപാരീണ ഹേ മാധവ .
ഹേ രാമാനുജ ഹേ ജഗത്രയഗുരോ ഹേ പുണ്ഡരീകാക്ഷ മാം
ഹേ ഗോപീജനനാഥ പാലയ പരം ജാനാമി ന ത്വാം വിനാ ..
ഹേ രാമ പുരുഷോത്തമ നരഹരേ നാരായണ കേശവ
ഗോവിന്ദ ഗരുഡധ്വജ ഗുണനിധേ ദാമോദര മാധവ .
ഹേ കൃഷ്ണ കമലാപതേ യദുപതേ സീതാപതേ ശ്രീപതേ
ഹേ വൈകുണ്ഠപതേ ചരാചരപതേ ലക്ഷ്മീപതേ പാഹി മാം ..
ഇതി ശ്രീരാമാനുജസ്തോത്രം സമ്പൂർണം ..
Found a Mistake or Error? Report it Now
