ଶ୍ରୀ ରାମାନୁଜ ସ୍ତୋତ୍ରମ୍

|| ଶ୍ରୀ ରାମାନୁଜ ସ୍ତୋତ୍ରମ୍ ||

ହେ ରାମାନୁଜ ହେ ଯତିକ୍ଷିତିପତେ ହେ ଭାଷ୍ୟକାର ପ୍ରଭୋ
ହେ ଲୀଲାନରବିଗ୍ରହାନଘ ବିଭୋ ହେ କାନ୍ତିମତ୍ୟାତ୍ମଜ ।
ହେ ଶ୍ରୀମନ୍ ପ୍ରଣତାର୍ତିନାଶନ କୃପାମାତ୍ରପ୍ରସନ୍ନାର୍ୟ ଭୋ
ହେ ବେଦାନ୍ତୟୁଗପ୍ରବର୍ତକ ପରଂ ଜାନାମି ନ ତ୍ୱାଂ ବିନା ॥

ହେ ହାରୀତକୁଲାରବିନ୍ଦତରଣେ ହେ ପୁଣ୍ୟସଙ୍କୀର୍ତନ
ବ୍ରହ୍ମଧ୍ୟାନପର ତ୍ରିଦଣ୍ଡଧର ହେ ଭୂତିଦ୍ୱୟାଧୀଶ୍ୱର ।
ହେ ରଙ୍ଗେଶନିୟୋଜକ ତ୍ୱରିତ ହେ ଗୀଶ୍ଶୋକସଂହାରକ
ସ୍ୱାମିନ୍ ହେ ବରଦାମ୍ବୁଦାୟକ ପରଂ ଜାନାମି ନ ତ୍ୱାଂ ବିନା ॥

ହେ ଶ୍ରୀଭୂତପୁରୀଶ ଲକ୍ଷ୍ମଣମୁନେ ହେ ଯାଦବାପାଦିତା-
ପାର୍ଥାର୍ଥଦ୍ରୁମକୃନ୍ତନୋଗ୍ରପରଶୋ ହେ ଭକ୍ତମନ୍ଦାରକ ।
ହେ ବ୍ରହ୍ମାସୁରମୋଚନକ୍ଷମ କୃପାକୂପାର ହେ ସଜ୍ଜନ-
ପ୍ରେଷ୍ଠାମୋଘୟତୀନ୍ଦ୍ରଦେଶିକ ପରଂ ଜାନାମି ନ ତ୍ୱାଂ ବିନା ॥

ହେ ପୂଣାର୍ୟ କୃପାପ୍ତସଦ୍ଦ୍ୱୟମନୋ ମାଲାଧରାନୁଗ୍ରହାତ୍
ଜ୍ଞାତଦ୍ରାବିଡବେଦତତ୍ତ୍ୱ ସୁମତେ ମନ୍ନାଥପୃଥ୍ୱୀଧର ।
କାଞ୍ଚୀପୂର୍ଣବରେଣ୍ୟଶିଷ୍ୟ ଭଗବନ୍ ହେ କେଶବସ୍ୟାତ୍ମଜ
ଶ୍ରୀପଦ୍ମେଶପଦାବ୍ଜଷଟ୍ପଦପରଂ ଜାନାମି ନ ତ୍ୱାଂ ବିନା ॥

ହେ ଗୋପୀଜନମୁକ୍ତିଦାନକର ହେ ଶାସ୍ତ୍ରାର୍ଥତତ୍ତ୍ୱଜ୍ଞ ହେ
ଗୋଷ୍ଠୀପୂର୍ଣକୃପାଗୃହୀତବିଲସନ୍ମନ୍ତ୍ରାଧିପାହସ୍କର ।
ହେଽନନ୍ତେଷ୍ଟଫଲପ୍ରଦାୟକ ଗୁରୋ ହେ ବିଠ୍ଠଲେଶାର୍ଚିତ
ହେ ବୋଧାୟନ ସୂତ୍ରସନ୍ମତ ପରଂ ଜାନାମି ନ ତ୍ୱାଂ ବିନା ॥

ହେ ଗୋପାଲକ ହେ କୃପାଜଲନିଧେ ହେ ସିନ୍ଧୁକନ୍ୟାପତେ
ହେ କଂସାନ୍ତକ ହେ ଗଜେନ୍ଦ୍ରକରୁଣାପାରୀଣ ହେ ମାଧବ ।
ହେ ରାମାନୁଜ ହେ ଜଗତ୍ରୟଗୁରୋ ହେ ପୁଣ୍ଡରୀକାକ୍ଷ ମାଂ
ହେ ଗୋପୀଜନନାଥ ପାଲୟ ପରଂ ଜାନାମି ନ ତ୍ୱାଂ ବିନା ॥

ହେ ରାମ ପୁରୁଷୋତ୍ତମ ନରହରେ ନାରାୟଣ କେଶବ
ଗୋବିନ୍ଦ ଗରୁଡଧ୍ୱଜ ଗୁଣନିଧେ ଦାମୋଦର ମାଧବ ।
ହେ କୃଷ୍ଣ କମଲାପତେ ଯଦୁପତେ ସୀତାପତେ ଶ୍ରୀପତେ
ହେ ବୈକୁଣ୍ଠପତେ ଚରାଚରପତେ ଲକ୍ଷ୍ମୀପତେ ପାହି ମାମ୍ ॥

ଇତି ଶ୍ରୀରାମାନୁଜସ୍ତୋତ୍ରଂ ସମ୍ପୂର୍ଣମ୍ ॥

Found a Mistake or Error? Report it Now