శ్రీ రామానుజ స్తోత్రం PDF తెలుగు

శ్రీ రామానుజ స్తోత్రం తెలుగు Lyrics

|| శ్రీ రామానుజ స్తోత్రం ||

హే రామానుజ హే యతిక్షితిపతే హే భాష్యకార ప్రభో
హే లీలానరవిగ్రహానఘ విభో హే కాంతిమత్యాత్మజ .
హే శ్రీమన్ ప్రణతార్తినాశన కృపామాత్రప్రసన్నార్య భో
హే వేదాంతయుగప్రవర్తక పరం జానామి న త్వాం వినా ..

హే హారీతకులారవిందతరణే హే పుణ్యసంకీర్తన
బ్రహ్మధ్యానపర త్రిదండధర హే భూతిద్వయాధీశ్వర .
హే రంగేశనియోజక త్వరిత హే గీశ్శోకసంహారక
స్వామిన్ హే వరదాంబుదాయక పరం జానామి న త్వాం వినా ..

హే శ్రీభూతపురీశ లక్ష్మణమునే హే యాదవాపాదితా-
పార్థార్థద్రుమకృంతనోగ్రపరశో హే భక్తమందారక .
హే బ్రహ్మాసురమోచనక్షమ కృపాకూపార హే సజ్జన-
ప్రేష్ఠామోఘయతీంద్రదేశిక పరం జానామి న త్వాం వినా ..

హే పూణార్య కృపాప్తసద్ద్వయమనో మాలాధరానుగ్రహాత్
జ్ఞాతద్రావిడవేదతత్త్వ సుమతే మన్నాథపృథ్వీధర .
కాంచీపూర్ణవరేణ్యశిష్య భగవన్ హే కేశవస్యాత్మజ
శ్రీపద్మేశపదాబ్జషట్పదపరం జానామి న త్వాం వినా ..

హే గోపీజనముక్తిదానకర హే శాస్త్రార్థతత్త్వజ్ఞ హే
గోష్ఠీపూర్ణకృపాగృహీతవిలసన్మంత్రాధిపాహస్కర .
హేఽనంతేష్టఫలప్రదాయక గురో హే విఠ్ఠలేశార్చిత
హే బోధాయన సూత్రసన్మత పరం జానామి న త్వాం వినా ..

హే గోపాలక హే కృపాజలనిధే హే సింధుకన్యాపతే
హే కంసాంతక హే గజేంద్రకరుణాపారీణ హే మాధవ .
హే రామానుజ హే జగత్రయగురో హే పుండరీకాక్ష మాం
హే గోపీజననాథ పాలయ పరం జానామి న త్వాం వినా ..

హే రామ పురుషోత్తమ నరహరే నారాయణ కేశవ
గోవింద గరుడధ్వజ గుణనిధే దామోదర మాధవ .
హే కృష్ణ కమలాపతే యదుపతే సీతాపతే శ్రీపతే
హే వైకుంఠపతే చరాచరపతే లక్ష్మీపతే పాహి మాం ..

ఇతి శ్రీరామానుజస్తోత్రం సంపూర్ణం ..