|| Sankashta Nashana Vishnu Stotram ||
nārada uvāca |
punardaityān samāyātān dr̥ṣṭvā dēvāḥ savāsavāḥ |
bhayātprakampitāḥ sarvē viṣṇuṁ stōtuṁ pracakramuḥ || 1 ||
dēvā ūcuḥ |
namō matsyakūrmādinānāsvarūpaiḥ
sadā bhaktakāryōdyatāyārtihantrē |
vidhātrādi sargasthitidhvaṁsakartrē
gadāśaṅkhapadmārihastāya tē:’stu || 2 ||
ramāvallabhāyā:’surāṇāṁ nihantrē
bhujaṅgāriyānāya pītāmbarāya |
makhādikriyāpākakartrē vikartrē
śaraṇyāya tasmai natāḥ smō natāḥ smaḥ || 3 ||
namō daityasantāpitāmartyaduḥkhā-
-caladhvaṁsadambhōlayē viṣṇavē tē |
bhujaṅgēśatalpēśayānā:’rkacandra-
-dvinētrāya tasmai natāḥ smō natāḥ smaḥ || 4 ||
nārada uvāca |
saṅkaṣṭanāśanaṁ nāma stōtramētatpaṭhēnnaraḥ |
sa kadācinna saṅkaṣṭaiḥ pīḍyatē kr̥payā harēḥ || 5 ||
iti padmapurāṇē pr̥thunāradasaṁvādē saṅkaṣṭanāśana viṣṇu stōtram |
Found a Mistake or Error? Report it Now
