|| ஸங்கஷ்டநாஶந விஷ்ணு ஸ்தோத்ரம் ||
நாரத³ உவாச ।
புநர்தை³த்யாந் ஸமாயாதாந் த்³ருஷ்ட்வா தே³வா꞉ ஸவாஸவா꞉ ।
ப⁴யாத்ப்ரகம்பிதா꞉ ஸர்வே விஷ்ணும் ஸ்தோதும் ப்ரசக்ரமு꞉ ॥ 1 ॥
தே³வா ஊசு꞉ ।
நமோ மத்ஸ்யகூர்மாதி³நாநாஸ்வரூபை꞉
ஸதா³ ப⁴க்தகார்யோத்³யதாயார்திஹந்த்ரே ।
விதா⁴த்ராதி³ ஸர்க³ஸ்தி²தித்⁴வம்ஸகர்த்ரே
க³தா³ஶங்க²பத்³மாரிஹஸ்தாய தே(அ)ஸ்து ॥ 2 ॥
ரமாவள்லபா⁴யா(அ)ஸுராணாம் நிஹந்த்ரே
பு⁴ஜங்கா³ரியாநாய பீதாம்ப³ராய ।
மகா²தி³க்ரியாபாககர்த்ரே விகர்த்ரே
ஶரண்யாய தஸ்மை நதா꞉ ஸ்மோ நதா꞉ ஸ்ம꞉ ॥ 3 ॥
நமோ தை³த்யஸந்தாபிதாமர்த்யது³꞉கா²-
-சலத்⁴வம்ஸத³ம்போ⁴லயே விஷ்ணவே தே ।
பு⁴ஜங்கே³ஶதல்பேஶயாநா(அ)ர்கசந்த்³ர-
-த்³விநேத்ராய தஸ்மை நதா꞉ ஸ்மோ நதா꞉ ஸ்ம꞉ ॥ 4 ॥
நாரத³ உவாச ।
ஸங்கஷ்டநாஶநம் நாம ஸ்தோத்ரமேதத்படே²ந்நர꞉ ।
ஸ கதா³சிந்ந ஸங்கஷ்டை꞉ பீட்³யதே க்ருபயா ஹரே꞉ ॥ 5 ॥
இதி பத்³மபுராணே ப்ருது²நாரத³ஸம்வாதே³ ஸங்கஷ்டநாஶந விஷ்ணு ஸ்தோத்ரம் ।
Found a Mistake or Error? Report it Now
