|| Sankatahara Chaturthi Puja Vidhanam ||
punaḥ saṅkalpam –
pūrvokta evaṃ guṇaviśeṣaṇa viśiṣṭāyāṃ śubhatithau mama sarvasaṅkaṭanivṛttidvārā sakalakāryasiddhyarthaṃ ___ māse kṛṣṇacaturthyāṃ śubhatithau śrīgaṇeśa devatā prītyarthaṃ yathā śakti saṅkaṭaharacaturthī pujāṃ kariṣye |
dhyānam –
ekadantaṃ mahākāyaṃ taptakāñcanasannibham |
lambodaraṃ viśālākṣaṃ vande’haṃ gaṇanāyakam ||
ākhupṛṣṭhasamāsīnaṃ cāmarairvījitaṃ gaṇaiḥ |
śeṣayajñopavītaṃ ca cintayāmi gajānanam ||
oṃ śrīvināyakāya namaḥ dhyāyāmi |
āvāhanam –
āgaccha deva deveśa saṅkaṭaṃ me nivāraya |
yāvatpūjā samāpyeta tāvattvaṃ sannidhau bhava ||
oṃ gajāsyāya namaḥ āvāhayāmi |
āsanam –
gaṇādhīśa namaste’stu sarvasiddhipradāyaka |
āsanaṃ gṛhyatāṃ deva saṅkaṭaṃ me nivāraya ||
oṃ vighnarājāya namaḥ āsanaṃ samarpayāmi |
pādyam –
umāputra namaste’stu namaste modakapriya |
pādyaṃ gṛhāṇa deveśa saṅkaṭaṃ me nivāraya ||
oṃ lambodarāya namaḥ pādyaṃ samarpayāmi |
arghyam –
lambodara namaste’stu ratnayuktaṃ phalānvitam |
arghyaṃ gṛhāṇa deveśa saṅkaṭaṃ me nivāraya ||
oṃ śaṅkarasūnave namaḥ arghyaṃ samarpayāmi |
ācamanīyam –
gaṅgādisarvatīrthebhyaḥ āhṛtaṃ jalamuttamam |
gṛhāṇācamanīyārthaṃ saṅkaṭaṃ me nivāraya ||
oṃ umāsutāya namaḥ ācamanīyaṃ samarpayāmi |
pañcāmṛta snānam –
payodadhighṛtaṃ caiva śarkarāmadhusamyutam |
pañcāmṛtaṃ gṛhāṇedaṃ saṅkaṭaṃ me nivāraya ||
oṃ vakratuṇḍāya namaḥ pañcāmṛtasnānaṃ samarpayāmi |
śuddhodaka snānam –
kaverajāsindhugaṅgā kṛṣṇāgododbhavairjalaiḥ |
snāpito’si mayā bhaktyā saṅkaṭaṃ me nivāraya ||
oṃ umāputrāya namaḥ śuddhodakasnānaṃ samarpayāmi |
vastram –
ibhavaktra namastubhyaṃ gṛhāṇa parameśvara |
vastrayugmaṃ gaṇādhyakṣa saṅkaṭaṃ me nivāraya ||
oṃ śūrpakarṇāya namaḥ vastrāṇi samarpayāmi |
upavītam –
vināyaka namastubhyaṃ namaḥ paraśudhāriṇe |
upavītaṃ gṛhāṇedaṃ saṅkaṭaṃ me nivāraya ||
oṃ kubjāya namaḥ yajñopavītaṃ samarpayāmi |
gandham –
īśaputra namastubhyaṃ namo mūṣikavāhana |
candanaṃ gṛhyatāṃ deva saṅkaṭaṃ me nivāraya ||
oṃ gaṇeśvarāya namaḥ gandhān dhārayāmi |
akṣatān –
ghṛtakuṅkuma samyuktāḥ taṇḍulāḥ sumanoharāḥ |
akṣatāste namastubhyaṃ saṅkaṭaṃ me nivāraya ||
oṃ vighnarājāya namaḥ akṣatān samarpayāmi |
puṣpam –
campakaṃ mallikāṃ dūrvāḥ puṣpajātīranekaśaḥ |
gṛhāṇa tvaṃ gaṇādhyakṣa saṅkaṭaṃ me nivāraya ||
oṃ vighnavināśine namaḥ puṣpaiḥ pūjayāmi |
puṣpa pūjā –
oṃ sumukhāya namaḥ |
oṃ ekadantāya namaḥ |
oṃ kapilāya namaḥ |
oṃ gajakarṇakāya namaḥ |
oṃ lambodarāya namaḥ |
oṃ vikaṭāya namaḥ |
oṃ vighnarājāya namaḥ |
oṃ vināyakāya namaḥ |
oṃ dhūmaketave namaḥ |
oṃ gaṇādhyakṣāya namaḥ |
oṃ phālacandrāya namaḥ |
oṃ gajānanāya namaḥ |
oṃ vakratuṇḍāya namaḥ |
oṃ śūrpakarṇāya namaḥ |
oṃ herambāya namaḥ |
oṃ skandapūrvajāya namaḥ |
ekaviṃśati dūrvāyugma pūjā –
gaṇādhipāya namaḥ dūrvāyugmaṃ samarpayāmi |
umāputrāya namaḥ dūrvāyugmaṃ samarpayāmi |
aghanāśanāya namaḥ dūrvāyugmaṃ samarpayāmi |
ekadantāya namaḥ dūrvāyugmaṃ samarpayāmi |
ibhavaktrāya namaḥ dūrvāyugmaṃ samarpayāmi |
mūṣikavāhanāya namaḥ dūrvāyugmaṃ samarpayāmi |
vināyakāya namaḥ dūrvāyugmaṃ samarpayāmi |
īśaputrāya namaḥ dūrvāyugmaṃ samarpayāmi |
sarvasiddhipradāya namaḥ dūrvāyugmaṃ samarpayāmi |
lambodarāya namaḥ dūrvāyugmaṃ samarpayāmi |
vakratuṇḍāya namaḥ dūrvāyugmaṃ samarpayāmi |
modakapriyāya namaḥ dūrvāyugmaṃ samarpayāmi |
vighnavidhvaṃsakartre namaḥ dūrvāyugmaṃ samarpayāmi |
viśvavandyāya namaḥ dūrvāyugmaṃ samarpayāmi |
amareśāya namaḥ dūrvāyugmaṃ samarpayāmi |
gajakarṇakāya namaḥ dūrvāyugmaṃ samarpayāmi |
nāgayajñopavītine namaḥ dūrvāyugmaṃ samarpayāmi |
phālacandrāya namaḥ dūrvāyugmaṃ samarpayāmi |
paraśudhāriṇe namaḥ dūrvāyugmaṃ samarpayāmi |
vighnādhipāya namaḥ dūrvāyugmaṃ samarpayāmi |
vidyāpradāya namaḥ dūrvāyugmaṃ samarpayāmi |
dhūpam –
lambodara mahākāya dhūmraketo suvāsitam |
dhūpaṃ gṛhāṇa deveśa saṅkaṭaṃ me nivāraya ||
oṃ vikaṭāya namaḥ dhūpaṃ āghrāpayāmi |
dīpam –
vighnāndhakāra saṃhāra kāraka tridaśādhipa |
dīpaṃ gṛhāṇa deveśa saṅkaṭaṃ me nivāraya ||
oṃ vāmanāya namaḥ dīpaṃ darśayāmi |
naivedyam –
modakāpūpalaḍḍuka pāyasaṃ śarkarānvitam |
pakvānnaṃ saghṛtaṃ deva naivedyaṃ pratigṛhyatām ||
oṃ sarvadevāya namaḥ amṛtopahāraṃ samarpayāmi |
phalam –
nārikela phalaṃ drākṣā rasālaṃ dāḍimaṃ śubham |
phalaṃ gṛhāṇa deveśa saṅkaṭaṃ me nivāraya ||
oṃ sarvārtināśine namaḥ phalaṃ samarpayāmi |
tāmbūlam –
kramukailālavaṅgāni nāgavallīdalāni ca |
tāmbūlaṃ gṛhyatāṃ deva saṅkaṭaṃ me nivāraya ||
oṃ vighnahartre namaḥ tāmbūlaṃ samarpayāmi |
nīrājanam –
karpūrānalasamyuktaṃ aśeṣāghaughanāśanam |
nīrājanaṃ gṛhāṇeśa saṅkaṭānmāṃ vimocaya ||
oṃ śrīvināyakāya namaḥ karpūranīrājanaṃ samarpayāmi |
puṣpāñjaliḥ –
campakāśokavakula pārijāta bhavaiḥ sumaiḥ |
puṣpāñjaliṃ gṛhāṇemaṃ saṅkaṭānmāṃ vimocaya ||
oṃ devottamāya namaḥ suvarṇapuṣpaṃ samarpayāmi |
namaskāram –
tvameva viśvaṃ sṛjasībhavaktra
tvameva viśvaṃ paripāsi deva |
tvameva viśvaṃ harase’khileśa
tvameva viśvātmaka āvibhāsi ||
namāmi devaṃ gaṇanāthamīśaṃ
vighneśvaraṃ vighnavināśadakṣam |
bhaktārtihaṃ bhaktavimokṣadakṣaṃ
vidyāpradaṃ vedanidānamādyam ||
ye tvāmasampūjya gaṇeśa nūnaṃ
vāñchanti mūḍhāḥ vihitārthasiddhim |
ta eva naṣṭā niyataṃ hi loke
jñāto mayā te sakalaḥ prabhāvaḥ ||
oṃ dhūmrāya namaḥ prārthanā namaskārān samarpayāmi |
arghyam –
tithīnāmuttame devi gaṇeśapriyavallabhe |
saṅkaṭaṃ hara me devi gṛhāṇārghyaṃ namo’stu te ||
caturthītithidevatāyai namaḥ idamarghyam | (iti saptavāraṃ)
lambodara namastubhyaṃ satataṃ modakapriya |
saṅkaṭaṃ hara me deva gṛhāṇārghyaṃ namo’stu te ||
saṅkaṭahara vighneśāya namaḥ idamarghyam | (iti saptavāraṃ)
kṣīrodārṇava sambhūta atrigotrasamudbhava |
gṛhāṇārghyaṃ mayā dattaṃ rohiṇīsahitaḥ śaśin ||
candrāya namaḥ idamarghyam | (iti saptavāraṃ)
kṣamāprārthana –
yasya smṛtyā ca nāmoktyā tapaḥ pūjā kriyādiṣu |
nyūnaṃ sampūrṇatāṃ yāti sadyo vande gajānanam ||
mantrahīnaṃ kriyāhīnaṃ bhaktihīnaṃ gaṇādhipa |
yatpūjitaṃ mayā deva paripūrṇaṃ tadastu te ||
samarpaṇam –
anayā dhyāna āvāhanādi ṣoḍaśopacāra pūjayā bhagavān sarvātmikaḥ śrī gaṇeśaḥ suprīto suprasanno varado bhavantu | idaṃ saṅkaṭaharacaturthī pūjā gaṇeśārpaṇamastu |
tīrthaprasāda svīkaraṇa –
akālamṛtyuharaṇaṃ sarvavyādhinivāraṇam |
samastapāpakṣayakaraṃ śrī mahāgaṇādhipati pādodakaṃ pāvanaṃ śubham ||
śrī mahāgaṇapati prasādaṃ śirasā gṛhṇāmi ||
udvāsanam –
gaccha sattvamumāputra mamānugrahakāraṇāt |
pūjito’si mayā bhaktyā gaccha svasthānakaṃ prabho ||
gaṇapataye namaḥ yathāsthānaṃ udvāsayāmi |
śobhanārthe kṣemāya punarāgamanāya ca |
oṃ śāntiḥ śāntiḥ śāntiḥ |
Found a Mistake or Error? Report it Now
