|| ஶ்ரீ ஸௌலப்⁴யசூடா³மணி ஸ்தோத்ரம் ||
ப்³ரஹ்மோவாச ।
சக்ராம்போ⁴ஜே ஸமாஸீநம் சக்ராத்³யாயுத⁴தா⁴ரிணம் ।
சக்ரரூபம் மஹாவிஷ்ணும் சக்ரமந்த்ரேண சிந்தயேத் ॥ 1 ॥
ஸர்வாவயவஸம்பூர்ணம் ப⁴யஸ்யாபி ப⁴யங்கரம் ।
உக்³ரம் த்ரிநேத்ரம் கேஶாக்³நிம் ஜ்வாலாமாலாஸமாகுலம் ॥ 2 ॥
அப்ரமேயமநிர்தே³ஶ்யம் ப்³ரஹ்மாண்ட³வ்யாப்தவிக்³ரஹம் ।
அஷ்டாயுத⁴பரீவாரம் அஷ்டாபத³ஸமத்³யுதிம் ॥ 3 ॥
அஷ்டாரசக்ரமத்யுக்³ரம் ஸம்வர்தாக்³நிஸமப்ரப⁴ம் ।
த³க்ஷிணைர்பா³ஹுபி⁴ஶ்சக்ரமுஸலாங்குஶபத்ரிண꞉ ॥ 4 ॥
த³தா⁴நம் வாமத꞉ ஶங்க²சாபபாஶக³தா³த⁴ரம் ।
ரக்தாம்ப³ரத⁴ரம் தே³வம் ரக்தமால்யோபஶோபி⁴தம் ॥ 5 ॥
ரக்தசந்த³நலிப்தாங்க³ம் ரக்தவர்ணமிவாம்பு³த³ம் ।
ஶ்ரீவத்ஸகௌஸ்துபோ⁴ரஸ்கம் தீ³ப்தகுண்ட³லதா⁴ரிணம் ॥ 6 ॥
ஹாரகேயூரகடகஶ்ருங்க²லாத்³யைரளங்க்ருதம் ।
து³ஷ்டநிக்³ரஹகர்தாரம் ஶிஷ்டாநுக்³ரஹகாரிணம் ॥ 7 ॥
ஏவம் ஸௌத³ர்ஶநம் நித்யம் புருஷம் ஹ்ருதி³ பா⁴வயேத் ।
ஸௌலப்⁴யசூடா³மண்யாக்²யம் மயா ப⁴க்த்யா ஸமீரிதம் ॥ 8 ॥
சூடா³யுக்தம் த்ரிஸந்த்⁴யாயாம் ய꞉ படே²த் ஸ்தோத்ரமுத்தமம் ।
ப⁴யம் ச ந ப⁴வேத்தஸ்ய து³ரிதம் ச கதா³சந ॥ 9 ॥
ஜலே வா(அ)பி ஸ்த²லே வா(அ)பி சோரது³꞉க²மஹாபதி³ ।
ஸங்க்³ராமே ராஜஸம்மர்தே³ ஶத்ருபி⁴꞉ பரிபீடி³தே ॥ 10 ॥
ப³ந்த⁴நே நிக³ளே வா(அ)பி ஸங்கடே(அ)பி மஹாப⁴யே ।
ய꞉ படே²த் பரயா ப⁴க்த்யா ஸ்தோத்ரமேதஜ்ஜிதேந்த்³ரிய꞉ ।
ஸர்வத்ர ச ஸுகீ² பூ⁴த்வா ஸர்வான் காமாநவாப்நுயாத் ॥ 11 ॥
இதி ஶ்ரீ ஸௌலப்⁴யசூடா³மணி ஸ்தோத்ரம் ।
Found a Mistake or Error? Report it Now
