शनिदेवाची आरती PDF मराठी

शनिदेवाची आरती मराठी Lyrics

|| शनिदेवाची आरती ||

जय जय श्रीशनिदेवा ।
पद्मकर शिरी ठेवा ॥
आरती ओवाळीतो ।
मनोभावे करुनी सेवा ॥

जय जय श्रीशनिदेवा..

सूर्यसुता शनिमूर्ती ।
तुझी अगाध कीर्ती ॥
एकमुखे काय वर्ण ।
शेषा न चले स्फूर्ती ॥

जय जय श्रीशनिदेवा…

नवग्रहामाजी श्रेष्ठ ।
पराक्रम थोर तूझा ॥
ज्यावरी तू कृपाकरिसी ।
होय रंकाचा राजा ॥

जय जय श्रीशनिदेवा..

विक्रमासारिखा हो ।
शककर्ता पुण्यराशी ॥
गर्व धरिता शिक्षा केली ।
बहु छळियेले त्यासी ॥

जय जय श्रीशनिदेवा..

शंकराच्या वरदाने ।
गर्व रावणे केला |
साडेसाती येता त्यासी ।
समूळ नाशासी नेला ॥

जय जय श्रीशनिदेवा..

प्रत्यक्ष गुरुनाथा ।
चमत्कार दावियेला ॥
नेऊनी शूळापाशी ।
पुन्हा सन्मान केला ॥

जय जय श्रीशनिदेवा..

ऐसे गुण किती गाऊ ।
धणी न पुरे गाता ॥
कृपा करी दीनावरी ।
महाराजा समर्था ॥

जय जय श्रीशनिदेवा..

दोन्ही कर जोडोनीया ।
रुक्मा लीन सदा पायी ॥
प्रसाद हाचि मार्गे ।
उदयकाळ सौख्य दावी ॥