|| ಶ್ರೀ ಗರುಡ ದ್ವಾದಶನಾಮ ಸ್ತೋತ್ರಂ ||
ಸುಪರ್ಣಂ ವೈನತೇಯಂ ಚ ನಾಗಾರಿಂ ನಾಗಭೀಷಣಮ್ |
ಜಿತಾನ್ತಕಂ ವಿಷಾರಿಂ ಚ ಅಜಿತಂ ವಿಶ್ವರೂಪಿಣಮ್ || ೧
ಗರುತ್ಮನ್ತಂ ಖಗಶ್ರೇಷ್ಠಂ ತಾರ್ಕ್ಷ್ಯಂ ಕಶ್ಯಪನಂದನಮ್ |
ದ್ವಾದಶೈತಾನಿ ನಾಮಾನಿ ಗರುಡಸ್ಯ ಮಹಾತ್ಮನಃ || ೨
ಯಃ ಪಠೇತ್ ಪ್ರಾತರುತ್ಥಾಯ ಸ್ನಾನೇ ವಾ ಶಯನೇಽಪಿ ವಾ |
ವಿಷಂ ನಾಕ್ರಾಮತೇ ತಸ್ಯ ನ ಚ ಹಿಂಸಂತಿ ಹಿಂಸಕಾಃ || ೩
ಸಂಗ್ರಾಮೇ ವ್ಯವಹಾರೇ ಚ ವಿಜಯಸ್ತಸ್ಯ ಜಾಯತೇ |
ಬಂಧನಾನ್ಮುಕ್ತಿಮಾಪ್ನೋತಿ ಯಾತ್ರಾಯಾಂ ಸಿದ್ಧಿರೇವ ಚ || ೪
ಇತಿ ಶ್ರೀ ಗರುಡ ದ್ವಾದಶನಾಮ ಸ್ತೋತ್ರಮ್ ||
Found a Mistake or Error? Report it Now
