ಶ್ರೀ ಹರಿಹರಪುತ್ರಾಷ್ಟಕಂ PDF ಕನ್ನಡ

ಶ್ರೀ ಹರಿಹರಪುತ್ರಾಷ್ಟಕಂ ಕನ್ನಡ Lyrics

|| ಶ್ರೀ ಹರಿಹರಪುತ್ರಾಷ್ಟಕಂ ||

ಹರಿಕಲಭತುರಂಗತುಂಗವಾಹನಂ
ಹರಿಮಣಿಮೋಹನಹಾರಚಾರುದೇಹಮ್ |
ಹರಿದಧೀಪನತಂ ಗಿರೀಂದ್ರಗೇಹಂ
ಹರಿಹರಪುತ್ರಮುದಾರಮಾಶ್ರಯಾಮಿ || ೧ ||

ನಿರುಪಮ ಪರಮಾತ್ಮನಿತ್ಯಬೋಧಂ
ಗುರುವರಮದ್ಭುತಮಾದಿಭೂತನಾಥಮ್ |
ಸುರುಚಿರತರದಿವ್ಯನೃತ್ತಗೀತಂ
ಹರಿಹರಪುತ್ರಮುದಾರಮಾಶ್ರಯಾಮಿ || ೨ ||

ಅಗಣಿತಫಲದಾನಲೋಲಶೀಲಂ
ನಗನಿಲಯಂ ನಿಗಮಾಗಮಾದಿಮೂಲಮ್ |
ಅಖಿಲಭುವನಪಾಲಕಂ ವಿಶಾಲಂ
ಹರಿಹರಪುತ್ರಮುದಾರಮಾಶ್ರಯಾಮಿ || ೩ ||

ಘನರಸಕಲಭಾಭಿರಮ್ಯಗಾತ್ರಂ
ಕನಕಕರೋಜ್ವಲ ಕಮನೀಯವೇತ್ರಮ್ |
ಅನಘಸನಕತಾಪಸೈಕಮಿತ್ರಂ
ಹರಿಹರಪುತ್ರಮುದಾರಮಾಶ್ರಯಾಮಿ || ೪ ||

ಸುಕೃತಸುಮನಸಾಂ ಸತಾಂ ಶರಣ್ಯಂ
ಸಕೃದುಪಸೇವಕಸಾಧುಲೋಕವರ್ಣ್ಯಮ್ |
ಸಕಲಭುವನಪಾಲಕಂ ವರೇಣ್ಯಂ
ಹರಿಹರಪುತ್ರಮುದಾರಮಾಶ್ರಯಾಮಿ || ೫ ||

ವಿಜಯಕರ ವಿಭೂತಿವೇತ್ರಹಸ್ತಂ
ವಿಜಯಕರಂ ವಿವಿಧಾಯುಧ ಪ್ರಶಸ್ತಮ್ |
ವಿಜಿತ ಮನಸಿಜಂ ಚರಾಚರಸ್ಥಂ
ಹರಿಹರಪುತ್ರಮುದಾರಮಾಶ್ರಯೇಽಹಮ್ || ೬ ||

ಸಕಲವಿಷಯಮಹಾರುಜಾಪಹಾರಂ
ಜಗದುದಯಸ್ಥಿತಿನಾಶಹೇತುಭೂತಮ್ |
ಅಗನಗಮೃಗಯಾಮಹಾವಿನೋದಂ
ಹರಿಹರಪುತ್ರಮುದಾರಮಾಶ್ರಯೇಽಹಮ್ || ೭ ||

ತ್ರಿಭುವನಶರಣಂ ದಯಾಪಯೋಧಿಂ
ಪ್ರಭುಮಮರಾಭರಣಂ ರಿಪುಪ್ರಮಾಥಿಮ್ |
ಅಭಯವರಕರೋಜ್ಜ್ವಲತ್ಸಮಾಧಿಂ
ಹರಿಹರಪುತ್ರಮುದಾರಮಾಶ್ರಯೇಽಹಮ್ || ೮ ||

ಜಯ ಜಯ ಮಣಿಕಂಠ ವೇತ್ರದಂಡ
ಜಯ ಕರುಣಾಕರ ಪೂರ್ಣಚಂದ್ರತುಂಡ |
ಜಯ ಜಯ ಜಗದೀಶ ಶಾಸಿತಾಂಡ
ಜಯ ರಿಪುಖಂಡವಖಂಡ ಚಾರುಖಂಡ || ೯ ||

ಇತಿ ಶ್ರೀ ಹರಿಹರಪುತ್ರಾಷ್ಟಕಮ್ |