ஶ்ரீ மஹாக³ணபதி ஷோட³ஶோபசார பூஜா PDF தமிழ்

|| ஶ்ரீ மஹாக³ணபதி ஷோட³ஶோபசார பூஜா ||

புந꞉ ஸங்கல்பம் –
பூர்வோக்த ஏவம் கு³ணவிஶேஷண விஶிஷ்டாயாம் ஶுப⁴திதௌ² ஶ்ரீமஹக³ணபதிமுத்³தி³ஶ்ய ஶ்ரீமஹாக³ணபதிப்ரீத்யர்த²ம் ஶ்ரீமந்முத்³க³ளபுராணே ஶ்ரீக்³ருத்ஸமத³ ப்ரோக்த ஶ்லோகவிதா⁴நேந யாவச்ச²க்தி த்⁴யாநாவஹநாதி³ ஷோட³ஶோபசார பூஜாம் கரிஷ்யே ॥

ப்ராணப்ரதிஷ்ட² –
ஓம் அஸு॑நீதே॒ புந॑ர॒ஸ்மாஸு॒ சக்ஷு॒:
புந॑: ப்ரா॒ணமி॒ஹ நோ᳚ தே⁴ஹி॒ போ⁴க³᳚ம் ।
ஜ்யோக்ப॑ஶ்யேம॒ ஸூர்ய॑மு॒ச்சர᳚ந்த॒
மநு॑மதே ம்ரு॒ட³யா᳚ ந꞉ ஸ்வ॒ஸ்தி ॥
அ॒ம்ருதம்॒ வை ப்ரா॒ணா அ॒ம்ருத॒மாப॑:
ப்ரா॒ணாநே॒வ ய॑தா²ஸ்தா²॒நமுப॑ஹ்வயதே ॥

ஆவாஹிதோ ப⁴வ ஸ்தா²பிதோ ப⁴வ ।
ஸுப்ரஸந்நோ ப⁴வ வரதோ³ ப⁴வ ।
அஸ்மின் பி³ம்பே³ ஸபரிவார ஸமேத ஶ்ரீமஹாக³ணபதி ஸ்வாமிநம் ஆவாஹயாமி ஸ்தா²பயாமி பூஜயாமி ॥

த்⁴யாநம் –
ஓம் க³॒ணாநாம்᳚ த்வா க³॒ணப॑திக்³ம் ஹவாமஹே
க॒விம் க॑வீ॒நாமு॑ப॒மஶ்ர॑வஸ்தமம் ।
ஜ்யே॒ஷ்ட²॒ராஜம்॒ ப்³ரஹ்ம॑ணாம் ப்³ரஹ்மணஸ்பத॒
ஆ ந॑: ஶ்ரு॒ண்வந்நூ॒திபி⁴॑: ஸீத³॒ ஸாத³॑நம் ॥
சதுர்பா³ஹும் த்ரிநேத்ரம் ச க³ஜாஸ்யம் ரக்தவர்ணகம் ।
பாஶாங்குஶாதி³ஸம்யுக்தம் மாயாயுக்தம் ப்ரசிந்தயேத் ॥
ஓம் ஶ்ரீமஹாக³ணபதயே நம꞉ த்⁴யாயாமி ।

ஆவாஹநம் –
ஆக³ச்ச² ப்³ரஹ்மணாம் நாத² ஸுரா(அ)ஸுரவரார்சித ।
ஸித்³தி⁴பு³த்³த்⁴யாதி³ஸம்யுக்த ப⁴க்திக்³ரஹணலாலஸ ॥
ஓம் ஶ்ரீமஹாக³ணபதயே நம꞉ ஆவஹயாமி ।

ஆஸநம் –
ரத்நஸிம்ஹாஸநம் ஸ்வாமின் க்³ருஹாண க³ணநாயக ।
தத்ரோபவிஶ்ய விக்⁴நேஶ ரக்ஷ ப⁴க்தாந்விஶேஷத꞉ ॥
ஓம் ஶ்ரீமஹாக³ணபதயே நம꞉ ஆஸநம் ஸமர்பயாமி ।

பாத்³யம் –
ஸுவாஸிதாபி⁴ரத்³பி⁴ஶ்ச பாத³ப்ரக்ஷாலநம் ப்ரபோ⁴ ।
ஶீதோஷ்ணாம்ப⁴꞉ கரோமி தே க்³ருஹாண பாத்³யமுத்தமம் ॥
ஓம் ஶ்ரீமஹாக³ணபதயே நம꞉ பாத்³யம் ஸமர்பயாமி ।

அர்க்⁴யம் –
ரத்நப்ரவாளமுக்தாத்³யைரநர்க்⁴யை꞉ ஸம்ஸ்க்ருதம் ப்ரபோ⁴ ।
அர்க்⁴யம் க்³ருஹாண ஹேரம்ப³ த்³விரதா³நந தோஷகம் ॥
ஓம் ஶ்ரீமஹாக³ணபதயே நம꞉ அர்க்⁴யம் ஸமர்பயாமி ।

ஆசமநீயம் –
ஸர்வதீர்தா²ஹ்ருதம் தோயம் ஸுவாஸிதம் ஸுவஸ்துபி⁴꞉ ।
ஆசமநம் ச தேநைவ குருஷ்வ க³ணநாயக ॥
ஓம் ஶ்ரீமஹாக³ணபதயே நம꞉ ஆசமநீயம் ஸமர்பயாமி ।

மது⁴பர்கம் –
த³தி⁴மது⁴க்⁴ருதைர்யுக்தம் மது⁴பர்கம் க³ஜாநந ।
க்³ருஹாண பா⁴வஸம்யுக்தம் மயா த³த்தம் நமோ(அ)ஸ்து தே ॥
ஓம் ஶ்ரீமஹாக³ணபதயே நம꞉ மது⁴பர்கம் ஸமர்பயாமி ।

பஞ்சாம்ருத ஸ்நாநம் –
நாநாதீர்த²ஜலைர்டு⁴ண்டே⁴ ஸுகோ²ஷ்ணபா⁴வரூபகை꞉ ।
கமண்ட³லூத்³ப⁴வை꞉ ஸ்நாநம் மயா குரு ஸமர்பிதை꞉ ॥
ஓம் ஶ்ரீமஹாக³ணபதயே நம꞉ பஞ்சாம்ருதஸ்நாநம் ஸமர்பயாமி ।

ஸ்நாநம் –
க³ங்கா³தி³ ஸர்வதீர்தே²ப்⁴ய꞉ ஆஹ்ருதைரமலைர்ஜலை꞉ ।
ஸ்நாநம் குருஷ்வ ப⁴க³வாநுமாபுத்ர நமோ(அ)ஸ்துதே ॥
ஓம் ஶ்ரீமஹாக³ணபதயே நம꞉ ஶுத்³தோ⁴த³க ஸ்நாநம் ஸமர்பயாமி ।

( ஶ்ரீக³ணபத்யத²ர்வஶீர்ஷோபநிஷத் பஶ்யது ॥ )

வஸ்த்ரம் –
வஸ்த்ரயுக்³மம் க்³ருஹாண த்வமநர்க⁴ம் ரக்தவர்ணகம் ।
லோகலஜ்ஜாஹரம் சைவ விக்⁴நநாத² நமோ(அ)ஸ்து தே ॥
ஓம் ஶ்ரீமஹாக³ணபதயே நம꞉ வஸ்த்ரயுக்³மம் ஸமர்பயாமி ।

யஜ்ஞோபவீதம் –
உபவீதம் க³ணாத்⁴யக்ஷ க்³ருஹாண ச தத꞉ பரம் ।
த்ரைகு³ண்யமயரூபம் து ப்ரணவக்³ரந்தி²ப³ந்த⁴நம் ॥
ஓம் ஶ்ரீமஹாக³ணபதயே நம꞉ உபவீதம் ஸமர்பயாமி ।

ஆப⁴ரணம் –
நாநாபூ⁴ஷணகாநி த்வமங்கே³ஷு விவிதே⁴ஷு ச ।
பா⁴ஸுரஸ்வர்ணரத்நைஶ்ச நிர்மிதாநி க்³ருஹாண போ⁴ ॥
ஓம் ஶ்ரீமஹாக³ணபதயே நம꞉ ஆப⁴ரணாநி ஸமர்பயாமி ।

க³ந்த⁴ம் –
அஷ்டக³ந்த⁴ஸமாயுக்தம் க³ந்த⁴ம் ரக்தம் க³ஜாநந ।
த்³வாத³ஶாங்கே³ஷு தே டு⁴ண்டே⁴ லேபயாமி ஸுசித்ரவத் ॥
ஓம் ஶ்ரீமஹாக³ணபதயே நம꞉ க³ந்தா⁴ன் ஸமர்பயாமி ।

அக்ஷதான் –
ரக்தசந்த³நஸம்யுக்தாநத²வா குங்குமைர்யுதான் ।
அக்ஷதாந்விக்⁴நராஜ த்வம் க்³ருஹாண பா²லமண்ட³லே ॥
ஓம் ஶ்ரீமஹாக³ணபதயே நம꞉ அக்ஷதான் ஸமர்பயாமி ।

புஷ்பம் –
சம்பகாதி³ஸுவ்ருக்ஷேப்⁴ய꞉ ஸம்பூ⁴தாநி க³ஜாநந ।
புஷ்பாணி ஶமீமந்தா³ரதூ³ர்வாதீ³நி க்³ருஹாண ச ॥
ஓம் ஶ்ரீமஹாக³ணபதயே நம꞉ நாநாவித⁴ பரிமள புஷ்பாணி ஸமர்பயாமி ।

ஷோட³ஶநாம பூஜா –
ஓம் ஸுமுகா²ய நம꞉ । ஓம் ஏகத³ந்தாய நம꞉ ।
ஓம் கபிலாயநம꞉ । ஓம் க³ஜகர்ணிகாய நம꞉ ।
ஓம் லம்போ³த³ராயநம꞉ । ஓம் விகடாய நம꞉ ।
ஓம் விக்⁴நராஜாய நம꞉ । ஓம் க³ணாதி⁴பாயநம꞉ ।
ஓம் தூ⁴மகேதவே நம꞉ । ஓம் க³ணாத்⁴யக்ஷாய நம꞉ ।
ஓம் பா²லசந்த்³ராய நம꞉ । ஓம் க³ஜாநநாய நம꞉ ।
ஓம் வக்ரதுண்டா³ய நம꞉ । ஓம் ஶூர்பகர்ணாய நம꞉ ।
ஓம் ஹேரம்பா³ய நம꞉ । ஓம் ஸ்கந்த³பூர்வஜாய நம꞉ ।
ஓம் ஸர்வஸித்³தி⁴ப்ரதா³ய நம꞉ ।

அஷ்டோத்தரஶதநாமாவளீ –

ஶ்ரீ க³ணேஶ அஷ்டோத்தரஶதநாமாவளீ பஶ்யது ।

தூ⁴பம் –
த³ஶாங்க³ம் கு³க்³கு³ளும் தூ⁴பம் ஸர்வஸௌரப⁴காரகம் ।
க்³ருஹாண த்வம் மயா த³த்தம் விநாயக மஹோத³ர ॥
ஓம் ஶ்ரீமஹாக³ணபதயே நம꞉ தூ⁴பமாக்⁴ராபயாமி ।

தீ³பம் –
நாநாஜாதிப⁴வம் தீ³பம் க்³ருஹாண க³ணநாயக ।
அஜ்ஞாநமலஜம் தீ³பம் ஹரந்தம் ஜ்யோதிரூபகம் ॥
ஓம் ஶ்ரீமஹாக³ணபதயே நம꞉ தீ³பம் த³ர்ஶயாமி ।

நைவேத்³யம் –
சதுர்விதா⁴ந்நஸம்பந்நம் மது⁴ரம் லட்³டு³காதி³கம் ।
நைவேத்³யம் தே மயா த³த்தம் போ⁴ஜநம் குரு விக்⁴நப ॥
ஓம் ஶ்ரீமஹாக³ணபதயே நம꞉ நைவேத்³யம் ஸமர்பயாமி ।

ஓம் பூ⁴ர்பு⁴வ॒ஸ்ஸுவ॑: । தத்ஸ॑வி॒துர்வரே᳚ண்யம்॒ ப⁴ர்கோ³॑ தே³॒வஸ்ய॑ தீ⁴மஹி ।
தி⁴யோ॒ யோ ந॑: ப்ரசோ॒த³யா᳚த் ॥

ஸத்யம் த்வா ருதேந பரிஷிஞ்சாமி ।
(ஸாயங்காலே – ருதம் த்வா ஸத்யேந பரிஷிஞ்சாமி)
அம்ருதமஸ்து । அ॒ம்ரு॒தோ॒ப॒ஸ்தர॑ணமஸி ।
ஓம் ப்ரா॒ணாய॒ ஸ்வாஹா᳚ । ஓம் அ॒பா॒நாய॒ ஸ்வாஹா᳚ ।
ஓம் வ்யா॒நாய॒ ஸ்வாஹா᳚ । ஓம் உ॒தா³॒நாய॒ ஸ்வாஹா᳚ ।
ஓம் ஸ॒மா॒நாய॒ ஸ்வாஹா᳚ ।
மத்⁴யே மத்⁴யே பாநீயம் ஸமர்பயாமி ।
அ॒ம்ரு॒தா॒பி॒தா⁴॒நம॑ஸி । உத்தராபோஶநம் ஸமர்பயாமி ।
ஹஸ்தௌ ப்ரக்ஷாலயாமி । பாதௌ³ ப்ரக்ஷாலயாமி ।
ஶுத்³தா⁴சமநீயம் ஸமர்பயாமி ।

தாம்பூ³லம் –
அஷ்டாங்க³ம் தே³வ தாம்பூ³லம் க்³ருஹாண முக²வாஸநம் ।
அஸக்ருத்³விக்⁴நராஜ த்வம் மயா த³த்தம் விஶேஷத꞉ ॥
ஓம் ஶ்ரீமஹாக³ணபதயே நம꞉ தாம்பூ³லம் ஸமர்பயாமி ।

நீராஜநம் –
நாநாதீ³பஸமாயுக்தம் நீராஜநம் க³ஜாநந ।
க்³ருஹாண பா⁴வஸம்யுக்தம் ஸர்வாஜ்ஞாநவிநாஶந ॥
ஓம் ஶ்ரீமஹாக³ணபதயே நம꞉ நீராஜநம் ஸமர்பயாமி ।

மந்த்ரபுஷ்பம் –
ஓம் க³॒ணாநாம்᳚ த்வா க³॒ணப॑திம் ஹவாமஹே
க॒விம் க॑வீ॒நாமு॑ப॒மஶ்ர॑வஸ்தமம் ।
ஜ்யே॒ஷ்ட²॒ராஜம்॒ ப்³ரஹ்ம॑ணாம் ப்³ரஹ்மணஸ்பத॒
ஆ ந॑: ஶ்ரு॒ண்வந்நூ॒திபி⁴॑ஸ்ஸீத³॒ ஸாத³॑நம் ॥
சதுர்வேத³ப⁴வைர்மந்த்ரைர்கா³ணபத்யைர்க³ஜாநந ।
மந்த்ரிதாநி க்³ருஹாண த்வம் புஷ்பபத்ராணி விக்⁴நப ॥
ஓம் ஶ்ரீமஹாக³ணபதயே நம꞉ மந்த்ரபுஷ்பம் ஸமர்பயாமி ।

ப்ரத³க்ஷிணம் –
ஏகவிம்ஶதிஸங்க்²யம் வா த்ரிஸங்க்²யம் வா க³ஜாநந ।
ப்ராத³க்ஷிண்யம் க்³ருஹாண த்வம் ப்³ரஹ்மன் ப்³ரஹ்மேஶபா⁴வந ॥
ஓம் ஶ்ரீமஹாக³ணபதயே நம꞉ ப்ரத³க்ஷிண நமஸ்காரான் ஸமர்பயாமி ।

ஸாஷ்டாங்க³நமஸ்கார꞉ –
ஸாஷ்டாங்கா³ம் ப்ரணதிம் நாத² ஏகவிம்ஶதிஸம்மிதாம் ।
ஹேரம்ப³ ஸர்வபூஜ்ய த்வம் க்³ருஹாண து மயா க்ருதம் ॥
ஓம் ஶ்ரீமஹாக³ணபதயே நம꞉ ஸாஷ்டாங்க³ நமஸ்காரான் ஸமர்பயாமி ।

நமஸ்காரம் –
விக்⁴நேஶ்வராய வரதா³ய க³ணேஶ்வராய ।
ஸர்வேஶ்வராய ஶுப⁴தா³ய ஸுரேஶ்வராய ॥
வித்³யாத⁴ராய விகடாய ச வாமநாய ।
ப⁴க்திப்ரஸந்ந வரதா³ய நமோ நமோ(அ)ஸ்து ॥

க்ஷமாப்ரார்த²ந –
அபராதா⁴நஸங்க்²யாதான் க்ஷமஸ்வ க³ணநாயக ।
ப⁴க்தம் குரு ச மாம் டு⁴ண்டே⁴ தவ பாத³ப்ரியம் ஸதா³ ॥

ஸமர்பணம் –
ஜாக்³ரத்ஸ்வப்நஸுஷுப்திபி⁴ர்தே³ஹவாங்மநஸை꞉ க்ருதம் ।
ஸாம்ஸர்கி³கேண யத்கர்ம க³ணேஶாய ஸமர்பயே ॥

அநயா த்⁴யாந ஆவாஹநாதி³ ஷோட³ஶோபசார பூஜயா ப⁴க³வான் ஸர்வாத்மிக꞉ ஶ்ரீ மஹாக³ணாதி⁴பதி
ஸுப்ரீதோ ஸுப்ரஸந்நோ வரதோ³ ப⁴வந்து ॥

தீர்த²ஸ்வீகரண –
பா³ஹ்யம் நாநாவித⁴ம் பாபம் மஹோக்³ரம் தல்லயம் வ்ரஜேத் ।
க³ணேஶபாத³தீர்த²ஸ்ய மஸ்தகே தா⁴ரணாத்கில ॥
ஶ்ரீ மஹாக³ணாதி⁴பதி பாதோ³த³க தீர்த²ம் க்³ருஹ்ணாமி ।

ப்ரஸாத³ஸ்வீகரண –
ததோச்சி²ஷ்டம் து நைவேத்³யம் க³ணேஶஸ்ய பு⁴நஜ்ம்யஹம் ।
பு⁴க்திமுக்திப்ரத³ம் பூர்ணம் நாநாபாபநிக்ருந்தநம் ॥
ஶ்ரீ மஹாக³ணாதி⁴பதி ப்ரஸாத³ம் ஶிரஸா க்³ருஹ்ணாமி ।

ஓம் ஶாந்தி꞉ ஶாந்தி꞉ ஶாந்தி꞉ ॥